Video
2-min walk from Exit B1, Exhibition Centre Station
continue reading
Telephone
25827731
Good For
Special Occasion Dining
Opening Hours
Today
View Opening Hours
Mon - Sun
View Opening Hours
*Restaurant is open while exhibitions being held
Above information is for reference only. Please check details with the restaurant.
每年逛書展總會遇上"書展大食堂"迫爆人的情況,今年也不例外,所以今次就試左呢間馳名已久的會展自助餐其實這家自助餐的食物款式蠻多的,由於圖片有限制數量既關係今次只Post一些最有特色的東西,其他文字記述先介紹下呢款最有特色既自選車仔麵,他們首先會給你一個碟子去夾麵,麵條既份量全部由你自己決定,之後會有個大廚問你要咩餸同幫你碌麵,碌好後再由你選擇要什麼湯底,加好後就大功告成了。味道方面由於每個人加既野都唔一樣所以會各有不同,我自己整果碗味道還挺OK的小食方面最好食的有呢款雞串,雖然覺得個茨汁有D濃,但雞肉咬下去彈牙可口,比出面的雞串好食一點點。其他的小食仲有春卷,魚蛋,芝士腸等等,喜歡小食的可以留番個肚每款都試一試甜品方面有提供相當"矜貴"的Haggen-Dazs雪糕,而且有三款可以選擇,頓時覺得這邊性價比超高的除左雪糕外,仲有Cup Cake,楊枝金露同西米露可以選擇。特別推薦一下這裡的Cup Cake,除了賣相精美之外,食落去覺得十分鬆軟可口,但又不太油膩,成間餐廳既甜品我覺得最正就係呢杯精美的Cup Cake至於飲品方面就略為遜色了,只有一款雜果賓治,味道不錯,而且完全冇加酒精,小孩子也可以安心飲用最後冷盤小食方面這家店有蕎麥麵,冷烏冬,綠茶麵三款,配上冷麵汁後食落都覺得幾好味彈牙總結一下,其實呢次係因為會展三樓的"大食堂"冇位,等左幾年今年唔想再等,機緣巧合下才試了這家自助餐。感覺這$198(連加一)性價比超高的,一來唔洗係上面等成半粒鍾位,二來D野又真係幾好食,款式又多,下年書展一定再來光顧
continue reading
又到聖誕, 又到聖誕, 想同家人食火雞+聖誕大餐, 做過資料搜集, 普通西餐廳食SET DINNER都好貴, 真係同BUFFET差唔多價錢, 搵左好多間BUFFET, 論景論食物論價錢, 發現維港咖啡閣真係好抵~~~~每人6XX 仲包聖誕禮物.一早黎LEE度買左COUPONS 聖誕日(25號) 同屋企黎, 因為早一個月訂既關係, 仲有Window seats 添~~~perfect!!!!食物方面都好豐富同有水準~~凍盤有廿幾款: 長腳蟹, 龍蝦仔, 藍青口, 螺, 蝦, 各式凍肉, 多國沙律, 巴馬火腿配蜜瓜等 凍盤其實水準同款式無咩特別, 不過都算新鮮~~~~~熱盤有廿幾三十款: 即切火雞, 即切牛扒, 煙肉焗蠔, 泰式煮青口, 羊架, 鐵板大蝦等不嬲覺得火雞都係"鞋"同唔好食, 都係因為應節所以想食, 但係呢度既火雞肉竟然好滑, 配埋過甜甜地既燒汁, 味道好特別, 好好味, 食完一片, 第二ROUND再ENCORE~~~~~即切牛扒都唔錯, 7成熟, 配埋甜甜地的燒汁, 剛剛好~~~鐵板大蝦燒得剛剛好, 不過份量好似配給咁, 一盤拎出黎, 一陣風便俾人攞灑, 隔左好耐先REFILL, REFILL 左幾次, 就已經無再出了~~~~記得會景那邊鐵板大蝦同鵝肝係不停出, 食到你唔食,但係呢度就配給咁, 真係一分錢一分貨, 平D既BUFFET係無咁多好野食架啦!!!而且煙肉焗蠔就焗得太乾, 很難吃甜品方面都有好多款, 還有朱古力噴泉同HD雪糕, 真係食多幾杯都抵返灑~~~總括: 聖誕節加埋一每位$650 就可以有境又好味, 維港咖啡閣係首選!!!推介X10000000
continue reading
七一回歸日，約好了來自美國的表弟去看維港煙花。一星期前在電話預約了貿發局的Port Cafe 自助餐。是要先用信用卡付清費用。成人每位580元。要加一。付了款後才有電話通知要在場地付餐飲每位38元。要加一。真係識做生意。表弟們拿了很多海鮮及生排。我只拿了日本美食。美食有日本，中菜及西菜。大約有三十款美食。甜品是放在玻璃廚櫃中。確保美食新鮮。牛排及羊排多汁。日本魚生及飯團只有數款。我想貿發局餐廳不是酒店。所以不可跟酒店相比。食客可看維港的日落及入夜美景。IFC 及 ICC 清楚可見。還能看見渡輪。龍蝦只有手脂尾般大小。美食又不多。平日是收入380元。因是可以在金紫薇廣場VIP專用區看維港煙花。所以580元一位算着數。自助餐是在下午六時半至十時正。中間有段時間是有專人傳訊。叫食客下樓觀賞煙花。我們一同拿了 哈根打斯雪糕看煙花。還有強大的音樂播放。比起洲際酒店$980一位。以算超值。半小時的精彩煙花，在專用區不多人的情況下，非常好看。貿發局的服務非常好。上來時吃甜品。食品服務是其次，主要是Port Cafe 是一個非常合適的地方邊吃自助餐，邊看煙花。值得推介給各位在十一，七一及年初二來訂枱。自選推介：椰子海鮮湯
continue reading
當時行exhibition行到累了,我地都知道行完1個hall,就會上1層電梯,就會到達維港咖啡閣 Port Cafe,一於入去食返餐tea buffet,順便坐下休息一下~先排隊,排左8min左右,輪到我地,要即時付款才可以入座!!熱盤方面實在有太多饅頭,中式包點...我相信廚房一定想客人食多d包點,咁就好快飽晒的心態....... 我就無乜興趣.....洋蔥腸真係好多油.......肉醬長通粉 口感很不錯~重茄膏味,炒飯口感一般,麻麻地~顏色又唔sharp 揀返D西蘭花食..但係成盤都係齋 西蘭花....真係好單調....... 硬身返少少更好~燒賣 食落口成口都係粉....too bad!! 越式春卷 望落去都知道太多油,無夾!! 眼見1盤以為係雞串的東東.. 點知食落口似係螺肉的仿製品 我夾左1件吉烈_____ ,裡面又唔係肉,又係成啖經油炸過的粉糰...... 迷你芥末熱狗 暖暖的麵包~真好吃~中間是一般質素的脆皮腸沙律區平時食buffet緊係得一個沙律區o既姐,今次仲要搞笑到左右兩側也是沙律....揀左d菠蘿,紅椒,黃椒,粟米粒,沙律菜~吞拿魚麥包三文治爆多餡,味道不錯磨菇沙律醬3文治 呢款幾特別,很愛吃菇~岩晒我火腿沙律醬 麥包3文治 留而我偏愛吃3文治~甜品區雀巢雪糕共4款口味~我揀左芒果,草莓味, 雪得夠冰凍的~再加上涼粉,這樣吃很特別,顏色又很奪目~零舍開胃!!一口焗蘋果酥, 再配上煉奶~很不錯~至於迷你雲石芝士凍餅 唔夠凍..有少少融化的感覺...
continue reading
朋友話要行書展，佢仲search到書展期間呢度會有個平價自助價$108.00加龍鳳檸樂$12.00加埋一$132.00，咁咪晨早(10:00am)入會場睇咗一陣書之後就去咗呢度食 lunch buffet，呢度個 lunch buffet 時間係11:30am - 3:00pm，真係夠哂長時間。以呢個價錢當然唔可以要求咁多啦！魚生、壽司欠奉，什菜沙律的選擇都算充足，但估唔到會有天婦羅炸蝦，幾好味，可惜只出咗兩次，之後就變咗炸魚柳，不過就腥腥哋。至於熱葷大約有豬肉腸、豬柳、咖喱、鰻魚炒飯同芝士煙肉長通粉等比較普通的自助餐食物，個人喜好關係，覺得個長通粉好好味，但就幾漏，所以食咗一碟之後就已經飽咗一半。另一喜好食品就係甜品喇！咁會展的甜品當然唔錯啦！全部細細件，可以每樣都試到，唔駛攞完又食唔哂，一向對朱古力蛋糕興趣麻麻，怕太甜，但呢度整得濃味得嚟甜味又可接受，又一好味之選，呢度有四款雪糕，雖然都係普通貨式同味道，都係嗰句，呢個價錢，算係咁啦！另一款特別的甜品就係朱古力豆腐花，不過就冇乜朱古力味，不過不失。期間發生小插曲，本來與友人坐近窗邊可望海景位置，百幾蚊仲有埋個無敵海景仲想點，點知有隻雀仔入咗嚟飛唔返出去，不停响我哋個位附近飛來飛去，為免影響進餐心情，所以我哋惟有搬番去入面啲位，可惜。
continue reading