香港郵意 (Closed)

從裝修格局，好能夠帶出-香港郵意。環境佈局都不錯，以木系為主題裝修，在不同位置添features wall。餐廳沒限時用餐，主係要求客人自己捧餐&捧走餐具。吸引唔少客人光臨。食物算中規中矩，latte沖調是不錯，order All day breakfast，有沙律配黑醋，炒蛋，車厘茄，腸等等，分量充足，但煙肉煎太燶，冇食，so far其他都ok。客人間距離太接近，個人覺得cafe需要有少少距離，令客人可以relax & 同友人暢所欲言都唔會覺得有人在偷聽。同埋托盤size細，唔夠位擺餐碟。

今晚約友人來這間cafe，因為這裡近她的公司，而且離尖沙咀港鐵不遠。Cafe在首都廣場二樓，只要撘兩條扶手電梯就能到達，不難找。Cafe以自助形式經營，我們在收銀拿餐牌和付費，然後拿提示鐘回坐，自助形式不收加一，價錢公道。我倆每人叫了一杯飲品及意粉分享。黑松露汁雜箘意粉(Truffle mushroom spaghetti)意粉軟硬度適中，黑松露白汁與雜箘很配合。芝士和洋蔥提升左味道，不錯。龍蝦肉蕃茄醬意粉 (Lobster spaghetti with tomato sauce)蕃茄醬微酸帶甜，加上芝士粉，味道突出，有驚喜。龍蝦肉彈牙九咬口，與意粉一起吃時，增加了口感。百利甜酒朱古力 (Baileys chocolate)甜酒味朱古力很少見，感覺中和了朱古力的飽滯感，食飽飽先飲都無問題。鮮奶香芋(Taco latte)有簡約拉花，鮮奶與香芋味平衡得不錯，香芋磨得很細膩，沒有破壞鮮奶的幼滑。飲品和甜品選擇多。如果下次肚子有quota，一定會試試甜品。

首先要講下呢度既環境！成個環境都好日本既感覺 空位十分足夠 坐得好舒服 仲有塌塌米添！ 最啱同朋友係度傾計嘆咖啡！郵意希望promote 本地既postcrossing 文化 所以餐廳有好多空間擺賣postcard 同埋精品 食完可以去行下逛下！餐廳採用左自助形式 先係counter 拎左個餐牌埋位慢慢睇 然後出去counter 叫野食 食物方面, 我地叫左 Egg benedict ($128)隻蛋做到流心 塊ham 亦都好香不太咸 夾埋一齊食都幾夾！美中不足係份量比較細 大食既未必夠飽黑松露汁雜菌意粉（$68）上面好大份既松露醬 亦都幾香 意粉整體味道較淡 反而松露醬既味道會突出左 雲尼拿楓糖雪糕窩夫呢個甜品係是日推介（y) 未食已經聞到香味 窩夫上面有忌廉 再切一份雲尼拿雪糕 真係冰火享受！基本上唔落糖漿都夠味總括黎講, 味道不錯, 環境俾高分！適合自己一個或者幾位朋友飲下野食下野傾下計

同朋友黎尖沙咀食野，諗唔到食乜好.. 於是黎左呢間野~之前參加過D手作市集都係係呢到舉辦...呢間Cafe特別之處就係佢不限時咁比你任坐... 不過食完就要自己執枱感覺同坐foodcourt差唔多XD由於都唔係太肚餓的關係，叫左小小野食咋1. 水牛芝士巴拿馬火腿蕃茄醬薄餅賣相就唔多講啦，始終唔似其他Cafe或者餐廳，但份量都好大份，又多蕃茄醬，食落酸酸地..不過味道係無乜特別ge...2. 班尼迪克蛋食落味道不過不失，不過佢有勁多沙律配菜，食落會覺得自己食得好健康咁整體黎講係真係普普通通，無乜特別，比較一讚Ge係佢地不限時任食任傾，如果搵唔到地方吹水，呢個係一個幾好GE聚腳點..另外佢地係Self-service ga, 換這之自己落左單後，拎野要自己拎，食完亦都要自己執野，雖然話呢個無乜太大問題，但當日我地去落單果陣，個Cashier ge 哥哥唔知係太攰定點，好黑面，語氣都好麻麻，明明叫左杯熱咖啡，最後比左杯凍咖啡我..見佢個樣咁西面，都廢是叫佢換了...老實說，咁嘅價錢咁嘅食物質素，仲要冇服務，我未必會試第二次了

與朋友在尖沙咀閒逛，想找一家可以慢慢坐下聊天的食肆，原來都不容易，到處都限時限刻，或是門口排了一條長長人龍。路過首都廣場，突然發現開了一家叫香港郵意餐廳，以明信片為題材，即管試一試！一到場便被開揚的環境吸引，雖然原本商場設計是一個劏場，但店子將大部分鋪位打通，並放了木製檯櫈，有一些位置更放了墊褥給客人席地而坐，感覺十分舒適休閒，甚有日式食店風味店子以自助形式運作，無論取餐，收回餐盤都是自助，但現場所見所有客人都十分自律，所以環境很清潔點了一客卡邦尼意粉（$58），不像一般比較creamy的carbonara, 意粉加了蒜蓉煮，所以十分香口及乾身，感覺更易入口更清新朋友點了一客黑松露汁什菌意粉（$68），黑松露醬甚多，味道不俗，意粉亦煮得剛好，不錯再加了一份香腸派對（$138），分量極大，足足有6款腸，十分超值！美中不足是其中一位女店員不太有禮貌，無論點菜或是問東西都是黑面及不出聲，如果能改善一下就很好了。總括來說是十分推介的！

約咗朋友星期日食個lunch吹下水，上左間樓上嘅餐廳，開頭對樓上餐廳都冇乜expectations，點知環境原來都真係好靚。我哋入到去有好多人係入邊睇吓書玩下 board game攞個電腦出嚟做下野，感覺上好寫意好舒服。我同兩位朋友叫咗一個沙律一個all day breakfast 同埋 Egg Benedict 整體食物質素都非常唔錯，沙律上面嘅帶子都大大粒，另外我哋All day breakfast 揀左全素，成個餐都非常健康有好多菜!咖啡方面我都非常滿意，我同朋友每人叫咗一杯Flat white, 奶味香濃，咖啡味都好出！另外兩位朋友叫左 smoothie 我試咗一啖都覺得非常唔錯感覺非常健康！

平時喺尖沙咀食嘢一直都覺得嘢食好貴而且好多遊客但係今次，去咗呢個比較隱蔽嘅商場地理位置其實係好方便。商場入邊好多野都好平仲隱藏左一間好靚嘅咖啡店，一入到去入邊有啲甜品櫃同埋個場地好大，覺得呢度非常適合包場。餐廳選用左自助模式，所以自己出去買嘢食另外食完野都要自己放返出去。我哋叫咗個全日早餐，其實真係幾底入邊嘅材料好多有腸，炒蛋，炒菇，煙肉，牛角包，沙律菜，仲有車厘茄。分量超大，蛋炒得好香而我覺得有驚喜嘅係佢嘅車厘茄好好食，仲有佢嘅腸仔煙肉都好好味。另外叫咗個薄餅，佢驚外皮好脆，用咗非常薄嘅餅底所以食落去口感真係好正配埋啲芝士，煙肉份量都好多仲會有啲酸瓜同埋青瓜，最緊要佢嘅芝士味好香瀧成件事都好滿足另外見到佢夜晚仲有甜品放題下次真係要試吓。

之前已經去過銅鑼灣間郵意，覺得野食都唔錯今次係尖沙咀行過唔知食乜好，見到附近又有郵意 一於黎試下！一上到去⋯⋯嘩！好大間呀成個商場差不多2樓全層都係屬於郵意裝修簡單別緻 空間感好大周圍都擺放唔同款式既名信片 好有特式😳而且呢到比教特別，係採用自助服務形式所以用餐時候較有私人空間，岩哂幾個朋友坐低食下野傾下計，好realx~野食方面都好多選擇，最後我地食左個Benedict Egg同埋白酒辣蒜蛤蜊意粉份bendict egg同沙律好大盆呀！沙律好fresh好好食，蕃茄仔仲係串茄，鮮甜又juicy😋白酒辣蒜蛤蜊意粉都好惹味，有淡淡既白酒同蒜頭香味，蜆肉都幾鮮甜🤤飲品就叫左香芋牛奶同黑糖牛奶🥛我比較鐘意香芋味 味道唔太甜又有好香既芋頭味而且飲品都好大杯 好抵飲😆今次太飽冇試到呢到既甜品，下次一定再黎試下😆

今晚約了姐妹聊天談心，方便大家所以選了尖沙咀的樓上咖啡室。晚上7時多到達，牆壁皆展示了不同國家的明信片，也有出售香港特色的明信片呢！由於我有收集明信片的習慣，所以看到不同特色的明信片，實在歡喜若狂呢！餐廳每位最低消費一杯飲品。採用自助形式，顧客自己前往櫃檯落單，用餐後自行收拾，所以沒有加一服務費。座位也十分靈活，有席地而坐的榻榻米，也有多人座椅，不過不少座位已經被預訂了。有沙律、意粉和甜品供應。晚上9時開始還有甜品放題，每位只要$88元，很便宜呢！⭐️牛油果香草包配乳酪沙律$68最特別是沙律配乳酪，口感清新特別。麵包烘得香脆，配上牛油果，感覺很健康呢！⭐️短笛拿鐵$38小小一杯，但喝起來咖啡味道濃郁，喜歡喝咖啡的可以試一試。⭐️香草汁菠菜雜菌意粉$58配料有菠菜、雜菌和芝士碎。意粉稍微乾了一點，如果改用菠菜汁相信味道更佳。⭐️素全日早餐$98有炒蛋、牛角包、薯蓉和小茄子等。牛角包外脆內軟，酥酥軟軟的，入口綿密。炒蛋很滑，薯蓉軟滑香綿。

香港人多咁逼，度度都係大型商場同店舖，搞到放假都唔知去邊好。我都係想星期日靜靜地搵個舒服既地方同朋友傾下計啫😶好彩上網見到呢間香港郵意，除左環境舒服之外，有好多明信片賣，最重要仲係不限時任坐👍👍唔限時既餐廳已經買少見少，仲要d食物飲品質素都唔錯😊餐廳環境好大，可以自行選擇座位。今日仲有摺紙工作坊。首先揀好座位，然後order食物，侍應會俾部機仔通知食物ready我再出去counter攞。Egg benedict ($128)落單前侍應話製作時間需要半個鐘，但係仍然無阻我食egg benedict既決心😂同朋友傾下計不知不覺好快就有得食了。流心蛋好正，一篤蛋汁流曬出黎🥚配上煙三文魚同煙肉，經典既配搭都已經好好味。碟上有一半都係沙律茶同蕃茄仔🥗一半主食一半蔬菜好健康。All day breakfast ($88)豐富既全日餐有腸仔，炒蛋，煙肉，牛角包，蘑菇同沙律。腸仔juicy有汁😋牛角包面頭少脆唔會擺得太耐lum曬，而且又唔太油膩。有機檸檬薑茶 ($58)一大壺既檸檬薑茶，份量可以兩個人share。淡淡既薑味好適合秋天飲，除左暖胃仲可以令喉嚨舒服d。有少少美中不足既係，茶壺只有一個好疏既

尖沙咀有好多野已經試過，但又唔想食太貴，所以就揀左依間cafe,地方有D偏，不過地方勝在夠大，環境尚算寧靜舒適，約朋友傾計又唔想俾人趕，依到係個好選擇。 食物主要都係Pasta,pizza,salad. 叫左一個龍蝦番茄意粉，好多蒜片係入面，番茄醬亦唔會好酸，份量算ok. 另外叫左個煙三文魚火箭菜pizza,三文魚份量好多，個批都大，不過批邊略嫌有D硬，番茄醬唔算好酸，可能我中意食番笳醬所以我覺得piazza 唔錯👍🏻

今日放學想搵個地方同同學Hea住做下功課順便食埋飯，於是就搵左呢間自助式嘅餐廳呢度嘅最低消費係每人一杯飲品，不過其實全部野都唔貴，所以我哋每人都叫咗一個意粉同埋一杯野飲呢個係朋友叫既白酒辣蒜蛤蜊義大利粉，辣味唔算好重，反而係有啲酸酸地嘅味道，都幾特別我就普普通通叫咗個卡邦尼意粉，佢哋用嘅係扁意粉，同埋個粉係比較硬身，我幾鍾意。之後就到兩杯野飲，趣脆奶冰同埋lemonade soda，唔算係特別驚喜，但個味道都不過不失一路食緊嘅同時，我哋就一路上下網hea下，因為佢冇限住我哋坐幾耐，所以成個感覺好free食完之後，要自己收拾番啲野👻

最近放大假，晚晚出去放鬆飲飲食食😋😋🤤🤤今晚就去左尖沙咀的香港郵意😳個名好特別，原來係一間可以唔限時既cafe環境舒服，我見有好多人帶埋電腦相約傾公事或功課，又有幾個朋友玩下撲克牌咁，好輕鬆自在最重要呢間cafe係自助式，落完order自己拎餐，食完野自己收野咁就ok，唔會有人阻礙👍🏽👍🏽同埋個裝修好令人舒服同埋好有特色！因為我好中意個環境，所以就講多少少啦好啦講返野食先個餐牌好特別👍🏽👍🏽今日特別叫左素食，第一樣叫左黑松露汁雜菌意粉裡面好幾款唔同既菇，有芝士，香草，黑松露都好香，好足料既意粉仲叫左個素全日早餐，沙律菜配黑醋汁，其他都好正常既味道，牛角包都好鬆軟，幾好！甜品叫左雲呢拿楓糖雪糕窩夫，窩夫配粟米脆脆，加上朱古力醬同楓糖，味道好夾👍🏽一杯小清新，其實係lemonade soda，就普通既檸檬梳打仲有呢杯叫你啊你啊，其實係蘋果雪梨，清清地唔太甜最後埋單$340～

呢間來過幾次，今日終於「的」起心肝寫一寫。一間以 post card 為主題的 cafe 。置身其中，令人feel 到濃厚的台灣風味，但位置其實係尖咀咋，唔使飛去台灣都享受到。佔地都幾大架，幾千呎一定有。自己揀個心水靚位，每人minimum order 一杯飲品，咁就可以無限時任坐任 hea 。勝在夠多位，全日任坐，温書又得，傾 project 亦可以；仲四圍都有得叉電，夠曬體貼。講完環境，到食物了。去到果時係 tea time ，除左飲品，仲試左佢D cake 。伊甸園 （蘋果芒果乳酪冰）$58飲得出用了新鮮蔬果打出來的，除了濃濃的乳酪味，仲有絲絲蘋果蓉。唔太甜，夠凍夠大杯，好 “come” 飲。Mars （玫瑰、荔枝、紅桑子）$58試左佢的火星甜品，皆因外表真係幾吸引人，十足十一個星球一樣。其實外層的波波係 dark chocolate ， 𥚃面係 raspberry 荔枝 mousse ， 加上小粒棉花糖， 外層仲灑滿玫瑰花瓣同粒粒朱古力隕石。bb 大讚打開果一刻好有神秘感喎！其實除左火星，佢仲有其他太陽系的 cake 或馬卡龍可以選擇，每種都有唔同味道配搭架，有興趣可以自己 e

之前係網上有睇到人介紹cafe，依間cafe好文青feel，身為cafe控嘅我點可以唔同朋友嚟打翻個卡呢。依到係不設服務㗎，雖然不設服務但佢地員工都好好禮貌，我地淨係食完收翻乾淨就可以啦。環境舒服又闊落。龍蝦肉蕃茄意粉 食落酸酸地好開胃，意粉煮得適中有咬口，龍蝦肉算彈牙肉質唔霉，但略嫌蕃茄醬有啲少。煙三文魚火箭菜pizza，依個薄餅好好食 因為佢派底夠薄身，煙三文魚唔算好油膩亦都幾香煙熏味，加上火箭菜令整體嘅配搭食落好新鮮 好特別。依杯係曖昧 姐係士多啤梨藍莓乳酪冰，冰打得幾幼細 無大冰粒，飲落莓味濃郁 酸酸甜甜，味道唔假 完全無藥水味，鍾意莓類嘅人唔可以錯過。