香港郵意 (Closed)

平時係尖沙咀食飯好多時都食得較急，首先因爲尖沙咀人流多，我又成日同朋友食啲大路野，好多時都會有用餐限時，或者其實係自己都唔好意思坐咁奈😂😂😂 搞到次次都會變左去飲番杯傾計🙈 難得係openrice search到話呢間任坐唔嬲，所以就提議同朋友黎食晚餐了！呢道有啲係tatami 有啲係木枱，我地係perfer坐木枱多啲，雖然tatami有Home feel, 但我地兩個都著裙😣餐廳係自助形式嘅，點餐後拎住個牌，佢震就取餐個種。自己執餐具，食完就分翻類放好啲用過嘅杯，盤個啲。帶子蘆荀海膽汁意粉 ($128)帶子都幾大粒(有微微燒過)，海膽汁唔算好濃，味道較淡，都算幾多蘆筍，適合食野較淡嘅朋友。黑松露汁什菌意粉 ($68)對我而言，呢個性價比比上一個高。價錢比較平，意粉係乾身啲個隻唔係creamy個啲~Baileys 朱古力奶味較重，唔會好重酒味，適合較鐘意飲重奶味嘅朋友！整體而言，食物質素係正常，但我覺得食環境同地點贏哂，又方便係正尖沙咀！下次夜小小黎試埋個$88任食甜品！！

尖沙咀-香港郵意 ：all day breakfast(hk$88), carbonara ($58), 心太軟配雪糕（$68）,小確幸 （$48）如果要在尖沙咀hea幾粒鐘，睇書又好、做野又好、傾野都好，香港郵意絕對可以成為首選。位於賣散左之後變左死場既首都廣場2樓，佔地甚廣，人流唔多，真正是坐幾耐都無壓力而且全自助式取餐還餐，唔會有店員理你做咩，對毒毒的我來說係超正既一件事！-咁既環境+唔貴既價錢，我對食物本身無期望，但試完發現質素不俗！All day breakfast份量足，用上串茄感覺驚喜，條腸非常粗壯，煙肉炸得香口唔肥膩，炒菇炒蛋也ok! 小確幸係士多啤梨香蕉奶昔，相對食物就無咩特別，性價比較弱。-心太軟都好對辦，雪糕仲幾好食，後來先知原來用上movenpick! 呢個在甜品放題時間（睇menu見到每晚9-11pm係甜品放題時間）都可以點，只需$88，咁就真係好抵，唯一要吐糟的是呢個心太軟我等左足足50分鐘!要hea我一定會再番黎呢度，靜過Starbucks 太多。

香港步伐急速，平時食飯好似食快餐咁，一食完就比人趕想揾個位Hea 下，睇下書，做下野只諗到Starbuck或者圖書館但原來鬧市中都有一個落腳點比我地好好地放空下，就係以Post Office 為主題既郵意Cafe 分左3個區域，有卡位，塌塌米Cushion 位同Post Office,每區都會有插頭，可以帶埋電腦慢慢做野，唔驚冇電溫馨小提示，呢到係自助形式，所以你唔好期望有人會serve 你。你需要自己揾位，買飛再拎野食，食完要自己收拾好碗碟，分類好。我今次揀左Cushion 區坐，留意番，如果你同有啲年紀既朋友仔黎，最好坐番卡位，因為年紀大，坐得耐塌塌米會腳痺Cafe 必食 All Day Breakfast($88)超豐富呀，有牛角包，腸仔，沙律，炒蛋，煙肉，雜菇同蕃茄，呃like 必點一份比到你全日滿滿既力量‼️我鍾意佢既牛角包，牛油味香，外脆內軟，其他食物都好好味另外仲叫左蜜桃巴拿馬火腿水牛芝士沙律（$98)又係好eyes catching 既野食，顏色好豐富，令人胃口大增巴拿馬火腿配上芝士碎好夾，再夾住蜜桃食，比係夾住蜜瓜更清新另外沙律配黑醋汁好開胃另外仲試左有機檸檬薑茶（$5

和好朋友的下午茶，時間總是很快就過呢，今日與好朋友到尖沙咀的郵意吃一個快樂下午茶☕️這裡沒有時間的限制，坐幾耐都可以，我們可以慢慢地聊聊心事。我們二人叫很多食物和一個茶，都是賣相棒，味道也不錯的：有機檸檬香葉飲~有機種植～是一個良心採購～成分: 看到有很多檸檬，有機檸檬香葉，茶葉。同時，檸檬含豐富維他命C，和幫助肝臟排毒，適合有排便煩惱人士每天飲用。味很像草藥。更好的原來是，飲後飲的感覺有緩解腹脹腹痛、消暑解渴、健脾健胃、利尿解毒等功效。牛油果包配酸乳酪幼滑乳酪，感覺很清新，加上混合鮮嫩的沙律菜，加上這樣吃牛油果會令人欲罷不能！牛油果包中有各種口感的芝士和一片片的牛油果，令人有意想不到的鮮味呢，番茄質感軟滑，帶點酸酸的味道，作為派對的開胃小吃最好不過。做法吸引。EGG BENEDICT火腿蛋鬆餅，EGG BENEDICT，是一個非常難烹調好吃之食物，這店以英式鬆餅為底，上方配搭香口的煙肉、水煮蛋和荷蘭醬。整個賣相很棒的，一直是忙碌上班族選擇一天活力泉源早餐的好物，今天午餐吃下它，心情也很好。尤其近年多得All day breakfast 的出現，滿足大家瞓得晏及想吃早餐的心願。當中，兩個

而家既cafe 除左小動物, 仲會搞d主題今次黎到尖沙咀既香港郵意, 係主打Post office x 手作既 theme 位置位於尖沙咀既地鐵附近, 行完利時上黎hea 下就岩哂環境餐廳位於商場內, 分成3區: 卡位, CUSION地下同POST OFFICE 區每區域都有插頭位方向差電/ 用電腦😍自助形式, 可先搵位, 然後買飛, 跟著自己拎野食食完記住分類好先走啊~~入口位都好有心思咖啡機 門口勁香咖啡味Cusion 區環境: 略薄cusion會坐到小小pp痛有機檸檬🍋薑茶👌🏻雖然冇heat住 但都好夠熱，內含甘草，檸檬同薑味反而唔重 原本以為會酸酸薑薑咁 但甘草味較重 我就麻麻🌝飲完喉嚨小小薄荷都幾清新全日早餐有腸、煙肉、炒蛋、蕃茄、牛角包🥐同沙律菜煙肉同腸仔煎得好香脆 炒蛋👌🏻有小小老牛角包外脆內酥👍🏻蜜桃芝士巴拿馬火腿水牛芝士沙律依個沙律🥗10分滿分我會比9.5分Pama ham好高汁，配上芝士碎同香甜蜜桃食好refresh沙律菜好新鮮, 加埋黑醋汁好好味兩個女仔食份量岩岩好, 一d 都唔邪惡好健康的我地飲杯~~甜品都好似唔錯, 不過今次飽飽了場內仲有好多postcard,

今日約左朋友出嚟tea.難得出嚟，緊係搵個地方可以坐耐啲，catch up 下嘛。所以就喺尖沙咀，搵左呢間cafe. 見佢話可以任坐 不限時。呢樣真係好難得。依家真係冇乜地方可以俾客人長時間任坐。上到去，個環境都好relax. 食物方面，我地叫左黑松露汁雜菌意粉，素全日早餐同雲呢嗱楓糖雪糕窩夫。價錢唔貴，質素亦不俗。意粉 黑松露味濃郁全日早餐份量十足waffle亦整得外脆內軟，配合埋雪糕一凍一熱，口感一流。整體來說，呢到食物質素，價錢同埋環境都係都係水準之上。下次約朋友catch up 呢間cafe 必定係首選。至少唔使趕住走嘛。臨走時見到有promotion 話嚟緊好似有pancake 放題，身為pancake 粉絲嘅我，呢個放題實在太吸引！ 一定再嚟！

剛進入餐廳時覺得很奇怪，因為連一個staff 都看不到，後來才發現原來這裡採用半自助的方式，除了點餐外, 其餘步驟都要自己來。這裡地方很寛敝，但人少，在尖沙咀來說很罕見，可能因為這個商場都幾少人，正好適合hea 下清淨下~ 點完餐，便被這裡文青風格的布置吸引，旁邊還有大量postcard供欣賞或購買，買完仲可以即刻寄~ 悠閒地欣賞完這裡的布置，手中的呼叫器便叫起來了，正好開餐~香草汁菠菜雜菌意粉 ($58): 味道甜甜的，有芝士及大量蒜頭及洋蔥調味，配菜不太多，但整體幾好食。以呢個價錢又不用加一，真係幾抵!帶子蘆筍海膽汁意粉($128): 有三粒大帶子，好厚身! 蘆筍是比較幼身的品種，幾脆口。意粉感覺是加了很多洋蔥及黑椒調味，但食不出海膽味。整體好食，但我覺得有點偏咸。朱古力心太軟配雪糕($58): 超級好食 香脆的外皮配上溫熱的流心朱古心，不愧是我的最愛~可樂($10): 午餐可以+$10就有一杯可樂或咖啡，在coffee shop 來說真係好抵!!!! 一邊聽著樂，一邊在寧靜寛敝的環境食lunch, 真的有一刻忘了還要回去上班

一聽到<香港郵意>呢個名,就有一種莫名其妙嘅歸屬感,好似呢間餐廳係屬於我哋香港人嘅。之前loop instagram見到好多人都介紹佢係一間明信片主題咖啡廳,八點半後仲會推出甜品放題活動,其實都真係幾吸引呀,知道佢哋由對面海搬咗過嚟尖沙咀,咁梗係要襯佢哋新裝修後拉阿肥陪我一齊嚟幫襯吓啦~幾年前喺尖沙咀行街shopping,一定會嚟金馬倫道殺去利時廣場,行完再掃過嚟首都廣場,原來商舖關閉哂之後,<香港郵意>就係搬咗過嚟呢度二樓,唔怪得之佔地面積十分之大,一邊為正常座位區而另一邊為舒適優閒"打地舖"區。四周圍嘅佈置都花咗唔少心思,貼滿成個牆壁嘅明信片到處皆有,仲有啲乾花擺設,原木裝修咁,令人目不暇給,輕鬆又寫意。五大塊光亮嘅燈箱餐牌清晰可見,揀好咗自己想食嘅嘢就可以去櫃檯點餐,俾完錢拎咗舊紅外線感應器之後客人就可以自選座位喇。餐廳好似宜家傢俬咁,採取全自助嘅模式運作,由取餐/餐具/醬汁/回收都請有教養嘅"你"自行解決。其實呢種風格喺外國真係十分流行,自我修養真係應該由生活做起,做一個有責任感嘅人。龍蝦肉蕃茄醬意粉($98蚊),估唔到呢度嘅廚房好似家庭式作業咁

之前上網見到香港郵意唔單止有好多postcard同手工藝賣，仲有好多靚靚甜品食，所以就忍唔住叫埋朋友一齊去邊食野邊温書。 由於近排挑戰自己唔飲甜野，所以淨係叫左2個主食同2個甜品。(甜品唔同甜嘅飲品架😆)買野食嗰陣可以見到店員準備甜品。主食叫左All day breakfast。佢嘅份量幾大份。雞肉腸好有香草味，亦有肉汁。煙肉有3條，係經炸過嘅，食落脆卜卜。菇就用牛油炒過，但係味道唔重。車厘茄多汁鮮甜。沙律菜配搭黑醋汁，酸甜醒胃。牛角包有驚喜，陣陣牛油味，又外脆內軟，非常好食。可惜係滑蛋炒得比較老，無左嫩滑感。至於另一主菜白酒香辣蜆肉意粉，驟眼一睇有6隻蜆，食落都無沙嘅。而麵方面有少少白酒嘅苦澀味，但係食食吓又會覺得幾辣，感覺幾得意。唯意粉整體上比較油膩，食完有滿嘴油嘅感覺。終於到我最期待嘅甜品啦，叫左豆腐蜂蜜芝士蛋糕同火星。前者都幾大件，豆腐芝士同海綿蛋糕相隔，豆腐芝士食落感覺似mousse ，味道清新重豆味，而蛋糕香甜綿密。再加上honey comb 做點綴，令味道提升左層次。火星亦即係黑朱古力包住荔枝玫瑰紅莓嘅布甸。外層嘅黑朱古力球體就個人而言覺得同入面唔係幾夾，外面係濃郁嘅可可

無論你係堅文青定偽文青，都要食飯㗎😂同埋都需要搵個地方可以俾你同班朋友坐低飲下嘢傾下計。喺寸金尺土嘅香港，想搵個地方坐耐啲都唔容易。最近有朋友去過尖沙咀嘅香港郵意，話環境/食物/飲品都唔錯，無諗過喺尖沙咀鬧市中都可以有個不限時任坐嘅地方，今個weekend就帶咗我嚟試下。上到嚟有驚喜喎，地方幾大，全開放式設計，枱櫈用上令人舒服嘅原木色為主，加上乾花，明信片等裝飾，好有文青氣息，感覺悠閒自在。喺呢個明信片area，有個經典款紅色郵筒，而呢個郵筒真係用得㗎！喺收銀處俾錢就可以幫你寄埋: 平郵$2，亞洲$4，國際$6。除咗有普通枱櫈，仲有塌塌米可以坐。呢到係全自助形式，下單後，自己拎餐，走前記得自己收拾清理好。付款後可以返埋位等，等佢響你就可以出去拎餐喇。百利甜酒朱古力 Baileys Chocolate $58好香濃嘅朱古力味🤤有機檸檬薑茶 Ginger Lemon Mix Organic Tea $58初入口覺得好重薑味，辣辣地，飲多兩啖開始唔辣同開始飲到陣甘甜味，飲咗喉嚨好舒服👍🏻龍蝦肉蕃茄醬意粉 Lobster Spaghetti with Tomato Sauce $98大量芝士碎

上網睇到有個文青打卡地，喺尖沙咀鬧市嘅旁邊，就搵咗個夜晚放工上去睇個究竟。雖然嗰個商場唔算好旺，但係一上到去間鋪頭都有啲驚喜，上到去嘅空間感好唔錯，雖然唔知有幾多呎，但感覺成千幾2000尺。亦都有好多postcard 嘅corner好有特色，絕對係一個打卡之選。雖然夜晚唔算好多人，但係成間餐廳都坐左一半人。間餐廳係基本上全自助式，除咗點餐之外其他都係Self Service。咁我就點左一個帶子意粉同埋一個panini，估唔到食物嘅質素都唔錯喎。呢度睇落去好休閒，應該好多人都好似喺度坐左好耐，有種外國style。下次weekend想出街做嘢都可以過嚟坐吓上下網。

今日個仔放假，特登帶我出去尖沙咀漆咸道 (香港郵意）的大型半自助餐廳，這裏好大佔咗成層，裏面有好多小店，例如買郵票、裝飾品等，仲見到好多年青人在這裏温書或傾計，最好的就是可以坐到好耐，都不會有人叫你走，不像一些快餐店坐低冇幾耐，後面就已經好多人等著你的位，現在我知道有這一個好去處，日後會帶我的朋友來這裏試吓，享受吓這寬濶而又舒服的大型主題的餐廳。牛油果香草包配乳酪沙律$68，將包配上牛油果，成個軟熟的包帶着牛油果的軟滑，十分好味。素全日早餐$98分別有炒滑蛋、新鮮的沙律菜、超爽甜的車厘茄、仲有軟熟的牛角包，成個早餐份量十足，每樣都是我最喜歡吃的。卡邦尼意粉，意粉不會太淋身，夠煙靭， 醬汁掛滿整碟意粉，不錯。叫番一壺藍莓水果茶，醒醒神。

呢日放工約左中同係尖沙咀食飯，正當我地唔知食咩好之際，咁岩就係樓下見到香港郵意既廣告，於是就上左去喇。與其話呢度係一間餐廳，其實我覺得似有餐飲既共享空間多D。只要每人最少叫一杯飲品，就可以無限時咁坐係度hea, 係尖沙咀鬧區中可以話係絕無僅有!餐廳講明self service, 先比錢後取餐。之後就自己揀位坐啦，有正常位又有日式tatami 位, 自由選擇。呢度主題係postcard, 點少得唔同種類既Postcard, 寫完仲可以即場係度寄埋tim!除左postcard, 仲有其他精品都有得買。點完餐之後, 就拎左呢個,紅外線感應器，食物準備好時就會響, 可以去取餐啦。餐具同調味料要自己拎。all day breakfast, 牛角包好脆，菜夠新鮮，蛋都炒得滑，仲有腸煎得金黃色，成件事好完美。black truffle mushroom spaghetti,  truffle 既香味令到本身平平無其既spaghetti 變得有層次,份量唔少架。flat white, 拉花好賞心悅目，味道唔錯。baileys latte, 呢個真係要推,係latte 裡面加左baileys 甜酒，兩隻

香港🇭🇰都有特色主題餐廳，仲要是無限時的文青 café~剛剛星期日，同朋友行街@尖沙咀，好想找間 café 坐坐，看到 Openrice 有介紹呢間 「無限時」餐廳！我同朋友因為太耐冇見，好想坐下來，飲杯野，談天說地⋯⋯ 今次間 café 叫 香港郵意，當然餐廳主題以郵政的有關！ 除了餐廳吃野外，還有明信片寄賣添！我同朋友大約在6點到達，當中以年輕人為主！我們都找了位坐坐下來🤗。我們發現，店舖其實沒有什麼服務員，要自己自發性去吃完後，自己清理枱面！其實餐枱都有貼上 sticker, 提醒大家的，非常細心！我們叫了一杯 Baileys chocolate🍫, 一壺有機檸檬🍋薑茶，一份 all day breakfast, 仲有一份白酒汁辣蒜蛤蜊意粉🍝！Baileys Chocolate, 價錢：$ 58有個靚靚拉花，朱古力味很濃！飲品的 size 都比較大杯，都幾好架👉🏽👈🏽，可以飲多幾口，味道都可以回味耐些！有機檸檬薑茶，價錢：$ 58又是一壺很大的，當你看瑜時，你都會 「嘩」一聲出來！呢壺茶，你基本上要飲大半個鐘以上，先會飲哂整壺。薑茶味道，可以接受，幾好味。但檸檬味就為可惜，味道有

嚟呢度嘅原因主要係因為想搵間cafe坐下休息下，上網就搵到呢一間，今次都係係閒日嘅下午茶時間 大約係三點鐘左右嚟食上網睇都知呢度係以「郵」來做主題嘅cafe，食客嚟到可以買明信片又或者可以寫明信片加埋可以坐低飲杯咖啡攤抖一下呢度嘅環境如果係以cafe來講可以話係非常非常大，幾乎係有一層咁大今次叫咗All day breakfast 卡邦尼意粉CappuccinoAll day breakfast 個份量都幾大，而且佢嘅香腸係用德國嘅香腸，香腸幾好食。煙肉用左比較瘦嘅，冇咁油膩。炒蛋就普通。個沙律就用咗黑醋所以好開胃，不過敗筆就係牛角包非常之淋。卡邦尼意粉 佢啲粉意唔會整得太淋變咗面條，個汁都夠蛋味，而且有大量芝士碎鋪面味道還可以。不過2杯Cappuccino 我就覺得麻麻地，一來味道唔算特別好正正常常，最大問題係佢嚟到嘅時候都已經凍凍地，飲唔夠半杯成杯咖啡已經凍左呢樣野絕對要改善！