Pound & Roll (Closed)

今次同朋友經過K11呢間店，比個環境吸引咗😍見到門口既擺設好有格調。牆身都有唔同嘅裝飾品，用嚟打卡真係啱晒我同朋友分別叫咗兩份唔同嘅下午茶，下午茶有配湯，而每一日嘅湯都唔同！同埋可以半價加飲品。價錢來講都幾抵，而且份量都好足，真係食到好飽個人而言比較鐘意飲’杰‘身嘅南瓜湯，而呢款南瓜湯偏稀，但湯入邊都有少少南瓜粒同蘿蔔，增添咗少少口感。(⁎⁍̴̛ᴗ⁍̴̛⁎)今次我嗌咗黑白胡椒西班牙梅頭扒配煎蛋。不得不說嘅係份量真係好多有3塊扒咁多！一定夠飽。不過口感仲有進步空間，因為都比較韌(｡ ́︿ ̀｡)！不過整體還算不錯！醬汁好味，梅頭扒唔會好乾身，味道都幾juicy ！Haha今次最滿意係飲品！雖然係鮮奶，但口感有少少似奶昔，味道酸酸甜甜，個人都幾鍾意呢杯飲品整體而言，環境寧靜舒服，適合打卡同作約朋友閑聊之選，食物方面仲有進步空間，份量足夠而且價錢實惠。

經過呢間CAFE好似幾靚餐牌上面又幾吸引就入左去試試啦價錢係偏貴既 但見個名好似好好食咁就諗住一試啦！點左個午餐配一碗是日手工濃湯同飲品 是日濃湯係南瓜湯 🎃酸酸甜甜 質地就稀左啲 如果南瓜湯嚟講我就中意杰身啲既😭有少少南瓜粒 有啲口感香煎澳洲草飼牛柳伴黑胡椒燒汁$138🐮牛扒我就揀左五成熟同五殼飯一上菜既時候賣相的確幾好睇 牛柳都好厚 但一切開就好失望🤦🏻‍♀️明明係五成熟 但就熟左好多 而且肉質都好柴 有啲位仲好難咬得開添 伴菜🥗方面冇醬汁食落好dry 成碟份量亦偏少 牛油果香蕉鮮奶$48 （跟餐7折） 質地好杰身 又唔會過甜 牛油果同香蕉🥑🍌好夾 幾好飲 而且都好飽肚😋

訂咗個蛋糕，一心諗住好好同老公慶祝生日，訂之前已經同店員講可以幾點取，mark左14:30左右取，但再問店員可唔可以晏小小時間取，店員講可以，點知今日諗住行完街之後去取，突然打電話來已經16:50，又話要17:00收工，跟住問可以幾多點來取，我地今日會收早，但去到取仍然見到好幾枱人正在用餐，為什麼會早收？要趕食緊野客人即刻走？都唔緊要，最緊要係我訂蛋糕時加錢加左個生日牌，但去拎時，唔見咗我選擇個個，求其放返一個入去，呢啲係咩態度，問佢又唔出聲，永無下次幫襯，訂時已經說會mark好及貼好生日牌，態度差得很，而家咩時勢仲要咁嘅態度

因為疫情關係，想出去鋸扒嘅，都要外賣。行晒成個Mall，冇咩地方可以食牛扒。搵到呢間餐廳，ordered了二人餐，叫了五成熟，回家已經全熟。（只是20分鐘車程）牛扒沒有什麼味道，黑椒汁就有少少辣。蝦大隻，彈牙。分量少。加錢的飲品更平平冇奇😐。因為可以用K dollar特別出遠啲買外賣，不過沒有什麼驚喜，還好有折扣。

朋友好鍾意的 cafe …每次行尖沙咀，都會揀呢度，地點方便，食物唔錯，她推介焗釀牛肝菌冇激素雞翼另一款慢煮挪威三文魚，三文魚營養價值十分高，含有最豐富的Omega-3 ，廚師烹煮方式幾好，配合簡單調味，檸檬乳酪，吃到原汁原味，保持魚獨有鮮嫩柔滑口感，肉汁豐香

食物價錢合理，分量唔算細，味道不錯；坐位舒適寬敞。環境所限，天花比較低以致稍為嘈雜，但尚可接受。餐廳服務非常好，由帶位哥哥到餐廳內待應都勤懇有禮，值得讚賞🥰🥰

1️⃣ Earl Grey DIY Roll Cake $108 (7/10)有日係openrice見哩間新開又有靚蛋糕🌟4寸細細個啱晒慶生過口癮😋 Earl Grey味比想像中出，雖然未算超濃，但淡淡地食落幾舒服❤️ 佢地用咗roll cake瑞士卷嘅概念🍰 將佢打直擺，夠晒特別🤣 DIY個人化部分就係加購裝飾自己設計，今次加購咗啲星星糖 (+$15) 同鹿 (+$38) 🥳 walk-in買都有現貨，但驚嘅都係訂定好啲😗 仲會比埋生日牌、刀同蠟燭~📌 其實哩間係西餐廳，食意粉個啲，但如果想淨係去買蛋糕都得👍🏻

K11 new restaurant 😍呢間餐廳原身係喜茶🙊🙊而家搖身一變變咗間裝修幾靚嘅西餐廳室內裝修好明亮🤣坐得好舒服依家仲有新開張優惠晚市套餐 30% off不過未知優惠做到幾時🤣但係講真.. 我覺得食物份量唔係好夠🤣🤣如果大份多少少性價比會更加高🤣🤣佢地個擺盤係幾靚～食物影相好上鏡味道都唔差👍🏻我哋叫咗一份牛肉意粉&牛扒牛肉意粉味道濃郁每片牛肉都好大塊牛扒肉質十分嫩滑👍🏻👍🏻唔會煎得太un

新鋪當然要試下啦！主要幫襯佢，因為鋪頭位置超方便，就在K-11 留下，鋪頭細細，也算精緻，坐得迫廹的，唯有期待食物好吃點吧!明明知道這個位置價錢同食物的份量一定不是成正比的，也是應份的，但貴得黎份量細細，味道也不是好好味呢......唔......no comments之於服務呢，.....唔.....服務員後生囉! Re-fill花茶又唔知攞了你個茶壺去唔知咩地方加熱水囉! 叫幾次要menu都唔記得囉。可能後生仔善忘啦。也有讚賞地方，它們的飲品顏色很美啊!令人很想試下。後記:唔夠飽，去左弟2個地方再吃過

讚1.檸檬味磅蛋糕同其他磅蛋糕好唔同，無咁實的的，入口係輕身啲，但都仲係好濕潤，同埋檸檬味夠晒清新2.環境舒服，坐得鬆動彈1.咖啡要改善下，啲豆實在太澀身2.明顯唔夠人手，點菜埋單都等一輪

我同朋友係晚餐時段幫襯，食物就唔評論喇，因為都係普通西餐質素，冇話特別好食，但又唔係難食。員工服務態度就好值得評論，嗰度有一女兩男樓面，女嘅西面(隔住口罩都feel到)，男嘅反應慢。我哋一入門口，因為冇人招呼但又唔知洗唔洗量體溫，所以等咗陣，跟住女侍應就走埋黎話「我明你哋想點，量咗體溫先。」我同朋友都R哂頭，咩都冇講，佢明啲咩？🤷🏻‍♀️到叫嘢食嗰陣，我哋只係叫兩個set dinner+一個小食，男侍應聽漏左然後叫我地重覆差唔多食完個小食仲未到，我哋叫另一個男侍應幫我哋跟跟，然後就沒有然後了，佢冇返黎覆返我地直到等左十分鐘個小食就嚟咗。到叫餐茶嗰陣，女侍應話可以叫咖啡奶茶檸茶檸水，我朋友問有冇綠茶，個侍應話冇，再問佢「(奶/檸）茶即係咩茶嚟？」佢西住面冇尾音咁重覆「奶茶，檸茶」應該當我哋傻，除非唔係最後我哋未叫埋單，佢就無啦啦粒聲唔出放低張單，仲要同另一枱張單調轉咗

本身係行行下街，然後又想搵個地方坐低飲杯嘢等夜晚食飯點知意外地發現到呢間餐廳裝修都好光猛同整齊令人入到去都好精神我哋3個叫咗3個tea set share蘋果肉桂蛋糕配雜莓雪糕 -68肉桂味唔算太濃，我都接受到雜莓雪糕有啲酸經典百爵茶蛋糕配朱古力雪糕 -68脆炸魷魚圈伴炸薯條 -68個香草汁甜甜哋好好味，薯條略硬飲品方面叫咗2個花茶我叫咗蜜桃薑煎茶有蜜桃香味，又唔會太辣，飲完好暖胃朋友個花茶我都忘記咗係咩了😂茶具都好靚

今日特登黎到商場參加活動活動完左留喺度食飯本來想試另一間好girly嘅餐廳但人地完全唔憂做咁嬲得濟轉地方！黎到呢度，有小驚喜揀左一個沙律一款意粉沙律份量足夠而且配搭新鮮有少見嘅日式食材黑豆南瓜入饌唔錯！忌廉芝士大磨菇寬條麵當晚寬條麵賣完，轉左扁麵忌廉汁一樣做掛麵醬汁creamy但不油膩啱晒女生口味，不錯不錯👍

想俾人呃錢就食呢間啦！上星期收工就同朋友去k11搵野食順便買野，見呢間野新開同埋做緊promotions $388有個二人set dinner就試下。點知食物令人失望之餘仲要濫收費！我地二人set簡左肉眼扒同意粉，仲叫左杯牛油果鮮奶。肉眼扒好薄，意粉亦只係普通xo醬加磨菇炒令人有少少失望。不過最令人失望係個收費。第一：明明menu話個set可以半價轉飲品，係果汁先係八折，但我杯牛油果香蕉鮮奶都當果汁，真係R哂頭鮮奶原來係果汁一種！？第二：門口餐牌寫388二人套餐，其實根本唔係388！完全唔知條數點黎。一問之下原來係隨樣計7折？下咁姐係唔係388啦！第三：原來佢個加一係用原價588嘅價錢加一小弟孤陋寡聞第一次聽最後食個二人set用左490蚊D野好食都冇咁嬲，但d野完全唔好食！490可以有更多選擇！如果大家唔怕做水魚就試呢間啦

星期五晚去邊都咁多人，是是但但搵左間比較快機會食到嘅餐廳，呢間主要都係食西餐，但店內裝潢好光猛，燈光非常足夠。得知Pound & Roll係一間注重健康嘅餐廳所以用上嘅食材品質都唔錯。但食物方便只能用正正常常、不過不失黎形容，而價位則偏貴，可能係因為食材本身高品質。🔷XO醬．天然雞肉．油炸鬼．大蘑菇寬條麵 💰118 💙55/100見呢款幾特別，因為用左油炸鬼，以為佢係大大嚿，點知原來係切到薄薄而且只有好小好小，咬落係脆而硬。雞肉天唔天然唔清楚，但就食到嘅肉都偏小。主要以XO醬帶出味道，感覺似XO醬撈個麵咁，麵質係ok的。🔷Roll Rib Eye 💰298 💙50/100呢塊扒相對失望，接近300元叫左7成熟，但煎到9成咁，非常熟，真係熟過我阿婆。所以導致個牛扒咬落好乾好乾，差小小變左牛肉乾，感覺浪費左塊Rib Eye。🔷香煎鱸魚伴白酒忌廉汁 💰168 💙65/1003款菜式黎講呢一道應該係最OK，鱸魚好滑而且好完整。忌廉汁配埋伴碟嘅薯蓉食好夾。