再來一煲 (好順景大廈1座)

Open Now

Now Closed

又有機會再來一煲了。上次同朋友黎食過呢間元朗小店，覺得不錯，今次又帶其他朋友黎品嚐下。餐牌：我地都係叫返佢地既招牌雞煲，再加Ｄ熟食。餐廳環境簡潔乾淨。＄３８超大杯既凍檸茶，夠哂由頭飲到尾。店員幫我地兜下個雞煲，香味撲鼻。即炸餐肉條，就咁食又得，點下雞煲醬食又得。黃金芝麻豆腐，新鮮炸出黎，外脆內軟既感覺冇得頂。薯仔牛柳粒，大排檔既質素，火喉十足。椒鹽粟米，呢個真係要試，好食到停唔到口。嘆完雞煲再加湯打邊爐是常職吧。睇下呢盤牛魔王細拼盤幾咁新鮮，賣相正，每個部位都有唔同既口感同味道，真係幾過癮。墨魚滑爽口彈牙，調味都非常好。黑毛豬細瘦均勻。紙豆腐，必叫，浸左D雞煲汁同湯勁好食。雜菜籃，最緊要乾乾淨淨，又夠甜。埋單４人每人都係３００幾蚊，有咁多野食，抵玩！

天氣凍凍地，想食啲暖胃嘢，入到元朗，試吓評分不錯的這間店，平日七點三度，無人，心諗會唔會中伏，但既然也行到門口，睇咗memu都ok，就決定試吓，叫了半份雞煲，BB辣，我朋友食得辣ok，我唔係幾食得辣就覺得BB辣都幾辣，除了辣味啲雞仲帶點甜味，雞唔算好滑但個味幾香口，配料叫了瀑布芝心牛丸、封門柳、牛小排、滑牛及紙豆腐，紙豆腐幾特別，食法好似響鈴咁，放一放就食得，淥完有啲似腐皮，三款牛肉肉質也不錯，我覺得全餐最好味係粒芝士牛丸，可能我鍾意食芝士，整體而言係不錯的，而且食食吓開始全店滿座，果然係評分不錯的食店.

今次係我第三次食再來一煲了，原因好簡單：因為好食雖然店舖位置係較難發現，佢係球場對出既巷仔入面，但都建議朋友一試。今次一行4個人去食，大概$1300左右，即平均300幾蚊…但我認為性價比係高既佢個雞煲係其中一個主打，可以揀到超辣，但我地只係少辣而已😂同埋佢右下角既辣醬係秘製，可以挑戰…今次我地嗌左8-9樣餸呢到半隻雞，可選一隻…..雞煲入味唔再講了，呢樣黎食係必叫的…蜜汁薯仔牛柳粒，一定要試…..薯仔係一絕，外脆內軟，牛粒入味香口黃金芝麻豆腐，芝麻味不是太重，幾啱我口味..🤟🏻即炸午餐肉（有8條，食左幾條先記得影），午餐肉係點整都好味，再加埋炸..邊會輸椒鹽粟米，本身我對呢個無興趣，但朋友想食…..點知試落去，正D椒鹽包住d粟米，食到椒鹽既香又食到粟米既甜…好夾0.3豆腐紙，口感好過癮，滾一兩秒食得最後呢個…主打中既主打….牛拼盤….唔同既部位，唔同既口感，唔既味道….高質👍🏻👍🏻呢個要靠自己試…因為真係好正有時間會再去

今日天氣開始轉涼，最岩出去食雞煲打邊爐，加上好耐無食過雞煲，所以響附近搵雞煲食，見到呢間餐廳環境唔錯，價錢唔貴，於是入去食晚餐😋🌟 招牌雞煲 （半隻）（$198）雞煲用走地雞，即叫即整，雞肉新鮮，鮮嫩，炒得好香，唔會好咸，小辣當中帶有甜味，調味做得唔錯，值得一讚😋🌟 即叫即炸脆響鈴 x 椒鹽粟米🌽響鈴大件，即叫即炸，好新鮮，好脆口😋椒鹽粟米賣相吸引，調味岩岩好，唔會好咸，粟米爽口😋🌟 牛臉頰片 x 黑毛豬肉片 （$88 x $78)牛臉頰片每日限量供應，好新鮮，牛味濃郁，滑口，必點😋黑毛豬肉片新鮮，大塊，薄切打邊爐最岩😋🌟 手打蝦滑 x 手工韮菜餃 （$88 x $38)蝦滑份量多，蝦肉鮮甜，而且足料，無加太多調味落去整蝦膠😋手工韮菜餃自家製，皮薄，韮菜足料，價錢亦都唔貴，抵食😋🌟 瀑布芝心牛丸（半份）（$48）牛丸入面大量芝士，煮熟後芝士不斷流出，仲有拉絲既效果，但牛丸既牛味唔會減少，必點😋🌟 珍寶檸茶（$38）檸茶超大杯，目測有3-4杯正常嘅份量，檸檬用上一隻，價錢唔貴，茶底濃郁😋

上次食完念念不忘😋琴日同朋友慶祝生日再嚟過！我哋大約7點半到，已經差唔多滿座，好彩book咗位。依家除咗雞煲外，仲有烤魚食，下次又嚟試下🥸朋友節第一次嚟，緊係食招牌雞煲啦！雞煲可以再加配唔同配料，有鴨舌、花膠、鵪鶉蛋、鮑魚，我哋就加咗魚標，見出面好少有🤔雞煲好快到，店員好好服務幫我哋翻炒，好快就食得👍🏻醬汁好味道，有微微嘅甜味再加埋檸檬葉🌱配上雞肉真係一流，我同朋友食到停唔到口，唔似得其他雞煲店得個咸字，食到最後要放棄✋🏻魚標都唔錯，食落口感似花膠，好綿密😋食完開始打邊爐，我哋嗌咗一份細嘅牛魔王拼盤、瀑布芝士牛丸半份、脆炸響鈴、生根，份量都幾多下，食到好飽🤣芝心牛丸勁好食🤩唔係一般嗰種芝心丸一陣芝士奶粉味，而真係拉絲cheese🧀，加上牛丸又彈牙又有少少油脂香🐮，又係會再encore系列！響鈴係即炸嘅，就咁食都已經好好味，脆卜卜又熱辣辣，唔會有一陣油溢味👍🏻然後就要講下牛魔王拼盤，兩個人食份量有點多🙊但係超高質&新鮮，而且全部牛部位都係比較少見，每樣大約有四塊，三個人食都好夠呀！ 除咗食雞煲、打邊爐外，我覺得呢度嘅小食都好值得推薦，椒鹽粟米勁惹味🌽，粟米本身又甜又juicy，面頭配上香

天氣一開始凍特別想食雞煲，再來一煲雖然位處我成日去嘅雞地食街，但轉咗入小巷平時我冇為意，如果唔係朋友食完大力推介，我都唔知有一間咁正嘅雞煲喺度，今個冬天可以成日去喇！今次雖然我哋得兩個人食，但都叫咗一隻全雞嘅雞煲，因為我深信朋友講到咁好食，我一定食得晒 😆 雞煲辣度選擇有：走辣、BB辣、小辣、中辣、大辣、變態辣，平時我都鍾意食辣，但呢度嘅雞煲賣點係印度魔鬼椒變態辣，最高辣度有1,041,427 SHU，所以保險起見我今次就揀咗第3級別嘅小辣，同時亦可試真啲個雞煲有幾惹味！雞煲嚟到，已經見到隻雞好大隻好多肉，雞煲醬料食落都真係幾辣，但配合獨門香料秘方好香好惹味，佢完全冇麻辣成份，而係秘製香辣，第一次食到呢隻味，非常正！我哋加咗一份花膠，花膠吸晒雞煲辣汁炒香後唔只有嚼勁口感一流，仲完全可以食到晒個辣汁有幾惹味，呢個配搭真係一絕，只要唔抗拒食花膠嘅話都一定必試。食完雞煲就打邊爐，呢度服務好貼心，除咗有專人幫你炒雞煲，打邊爐中段仲會嚟幫你撇油，都幾好服務。手打蝦滑好彈牙，食得出蝦肉好足料，魚皮同響鈴都炸得好脆好新鮮，另外蔬菜選擇都幾多，我哋叫咗時令嘅萵筍。牛嘅選擇都有九款，聽講拼盤同封門柳好受

喺鳳攸南街嘅一條小巷入面，搵到嘅呢個火鍋小店，鋪位唔算大，但環境都整潔，入去嘅時候唔會煙霧離漫。先揀左鍋底，叫左半隻雞配胡椒豬肚湯，賣相擺盆唔錯，湯底飲落幾濃味，不過胡椒味唔算重，驚胡椒味嘅人都啱食。呢間店嘅叫法唔係放題形式，係以逐碟叫嘅方式。豆腐紙幾有驚喜嘅一味食品，因唔係間間火鍋店有提供豆腐紙，浸湯幾秒即可，非常掛湯吸味，叫左一份份量算多。安格斯牛小排融雪做得啱啱好，唔會太冰亦冇出血水，牛味唔算濃郁，但脂肪分布均勻，勝在入口即溶。手切本地牛相比牛小排厚切，較重牛味同埋有咬口嘅質感。即炸響鈴有別於平時盒裝果款響鈴，而係店鋪即叫即炸，所以都幾鬆脆可口。然後菜類叫咗娃娃菜同金菇，前者幾新鮮同有光澤，而金菇都夠爽口同肥美。有點可惜嘅係罐裝飲品類算係少，而點餐時見唔到飲品有檸茶等即沖飲品，之後先見到其他枱原來有得叫凍檸茶/水，大大杯咁好吸引。

元朗開雞煲都開咗好多間，今日呢一間雞煲可以講得係比較細規模，但係美味指數佢毫不輸蝕。原本book咗8:15 ，但係發覺原來8:30係會做優惠，所以同朋友一齊等多15分鐘先入去。老闆娘同老闆都好好人，叫我哋早5分鐘入去坐定諗定叫啲咩嘢食。小辣雞煲（半隻）雞煲配菜都好足料，自己唔係好鍾意食勁胡椒八角嘅味道，所以呢個雞煲啱晒我。醬汁調味不太鹹，所以覺得好好味。火鍋配料——牛肉拼盤，炸響鈴我哋嗌左個牛肉拼盤，入邊包含咗五至六款牛嘅部位，份量適中都抵食嘅，牛嘅質素方面，全部都唔太肥膩，入口即溶。呢間舖頭有個特色，飲品方面除咗有罐裝之外仲有一個重量級嘅凍檸茶或者凍檸樂，啱晒打邊爐。平時要飲兩三罐可樂嘅我，索性一次過嗌重量級，一杯搞掂晒，爽！

今日近近地揀咗元朗嘅再來一煲食雞煲兼打邊爐，雖然天氣未係好凍，但係我對打邊爐嘅愛係唔會減退嘅😍我哋叫咗招牌魔鬼雞煲，可以自選辣度，另外再加咗鮑魚、鴨舌同魚標。炒雞嘅時候陣陣嘅香料味撲鼻而來。對於唔係太食得辣嘅我黎講，辣度岩岩好，香口得黎又唔會辣到要飲水😋而最令我深刻嘅配料就係魚標，平時都比較少食到嘅食材，口感有少少似花膠，充分咁索哂啲雞煲醬，好夾。牛胸爽都唔錯，輕輕一淥就食得，口感彈牙，爽而不韌。蝦滑份量十足，口感爽滑，蝦味香濃。蜜椒薯仔牛柳粒係我每次去大排檔都必點嘅嘢食🙈估唔到呢間餐廳都會有，口痕點左一份黎做小食。牛柳粒重肉味，咬落去香軟，薯仔係金黃色，外脆內軟，沾滿哂蜜糖😋😋手打烏冬Q彈，係我鍾意嘅口感😋😋最後叫咗一杯珍寶凍檸樂，成餐飯好滿足😋😋而且可以大量加芫荽😋😋好幸福啊❤️❤️

去咗YOHO MALL window shopping，晚餐就選擇咗鳳悠南路嘅‘再來一煲’好在早到又訂左位，6點幾開始食由未有人 7點已經坐滿人鋪頭大概有7-8張枱唔算大入座短短半小時已經門庭若市，當然第一時間點咗個雞煲先之後再打邊爐啦，今次我地選咗一直食開嘅中辣…點知招牌雞煲 半隻 $198 （加魚鰾$58，加鮑魚一隻$12）當雞煲放喺我哋面前嘅時候，主理人好細心咁幫我哋處理，當打開蓋嘅時候一陣剌鼻嘅氣味湧出嚟，係辣嘅氣息。我奇怪點解中辣會有咁濃烈嘅味道。當我四處找尋嘅時候發現牆上面貼咗張辣度對比圖，而呢度係用印度辣椒，比起普通辣椒高幾班！而且我發現雞煲嘅調味係有別於市面上其他雞煲佢味道無出面咁濃，而且無乜味精，特別之處重放咗少量檸檬草吊味感覺好另類好好味食完雞煲當然要加湯打邊爐啦，老闆都用心係加佢哋自家制高湯俾客人牛脷托 $88 黑毛豬肉片$780.03紙豆腐 $28醉雞子 $58 油麥菜$28佢哋用料好新鮮，食物色澤鮮嫩 ，尤其是醉雞子味道係最好味，佢吸收咗花雕嘅精華再加上雞子獨特嘅味道真係一試難忘大大杯檸樂 配黎食辣一流多種配料選擇食物：8/10價錢：7/10 環境：7/10

招牌雞煲上枱稍為加熱，濃郁呢香味撲鼻而來，令人流晒口水。配料豐富，檸檬葉、薑、洋蔥、蔥頭、蒜、唐芹、豆卜等，唔怪得香味咁濃郁。醬汁濃稠惹味，雞肉索晒啲汁，嫩滑入味。我哋只係叫咗小辣，但已經好麻辣下，但就好刺激食慾。份量多，啖啖肉，四個人食都好夠。蜜椒薯仔牛柳粒牛柳粒外表微焦香脆，口感油潤Q彈，味道適中。配菜三色椒同薯仔，外皮脆，香甜可口。椒鹽鴨舌炸到酥脆無比，連骨都食得，入面肉質就好嫩滑，濃郁嘅蒜香，惹味香口。食完雞煲，加個湯底就可以轉做打邊爐。豬牛羊海鮮各式丸類蔬菜等打邊爐料都有。我哋點咗牛筋丸、貢丸、手切本地牛、黑毛豬肉片、鴨血、牛柏葉等。牛筋丸堅爽口彈牙，仲會爆漿。鴨血嫩滑，手切本地牛肉口感煙韌有嚼口，黑毛豬肉爽口，肉味濃郁。皇帝菜同娃娃菜新鮮爽甜。雞煲加邊爐好滿足。

餐廳位於元朗雞地附近除左打邊爐仲可以食雞煲/烤魚一次過滿足你幾個願望👍🏻🐔招牌魔鬼雞煲（小辣）雞煲剛煮好一打開蓋已經香味四溢未食已經流哂口水, 當食第一件雞時已經覺得雞肉好嫩滑味道有少少微辣同甜味, 但因為醬汁越煮越久會令到湯底越咸和越辣的關係已經覺得雞件好麻辣但又好過癮, 所以就算辣都會忍唔住食多幾件😆🐄蜜椒薯仔牛柳粒招牌菜之一薯仔的皮層烤到好脆身, 內層薯肉好林仲食到有蜜糖甜味好吸引, 牛柳粒面層煎到個顏色好靚, 當咬入口時肉汁好夠越食牛味越出😋椒鹽鴨舌👅估唔到整左椒鹽之後成條鴨舌都可以當薯片甘樣連骨食埋🤣 開頭會擔心椒鹽一定會好咸, 但事實原來相反鴨舌味道只是香口而鹽味適中, 仲好適合用來佐酒食😬🐮手切本地牛顏色鮮豔奪目的牛肉, 根位唔多脂肪少肉汁都算多, 就算煮耐左都唔會太“鞋”口🐷黑毛豬肉片豬肉片本身肉的顏色都好粉紅好嫩,油脂分佈仲好平均味道好鮮,但可能湯底麻辣味太出的關係所以有點蓋過豬肉的味道😬鴨血食麻辣湯底當然一定要食鴨血啦！因為鴨血配麻辣一齊食係真係好夾的！ 鴨血好新鮮好滑有少少入口即溶的感覺😋🥗鮮准山片 娃娃菜 皇帝菜 粟米🌽打邊爐食甘多肉一定要食菜平衡一下啦！ 每款

同朋友系網上尋找雞煲 發現呢間雞煲既相望落好吾錯 就決定山長水遠都入黎試下 店門系巷子入面 門口有燈牌寫住店名 但收工之後店主會收起個牌 如果你就咁望入條巷 根本吾會發現佢😂（門口系擺紅色櫈側邊）我地叫左招牌雞煲小小辣 但吾食得太辣既我都系覺得太辣 奉勸完全吾食得辣既朋友吾好叫辣 （雖然辣得惹味） 如果叫左原味覺得吾夠惹味 可以用醬汁搭救 個辣椒醬好正 系mix埋xo醬既感覺🤩雞煲足料 好香 雞都嫩口 再叫左一個小食 鴨舌大推 好味😍😍😍將雞煲轉火鍋既配料我地都揀左吾少😂牛肉食落咬口好好 有啲’根‘咬下😂鴨血勁厚片 但煮完都軟硬適中 不過就吾系好食到雞煲陣味冬菇配雞煲乃絕配🥳 叫哂啲精華 正！個人覺得牛筋丸好味啲 雖然個樣同瀑布牛肉芝心丸一樣😂🤣即叫即炸好優秀 所以食落吾會有陣油‘益’味👍🏻👍🏻呢個紙豆腐真系打卡必推 post上網吾講好少人知系豆腐😂😂 望落好堅挺 但一擺落煲就一秒淋哂 變魔術咁 不過食落口感普通另外太辣既我叫左兩支飲品 佢既飲品多出自健康工房 每支$18 小貴 但系餐廳都預左環境方面 鋪頭吾大 啲位有啲迫 但店員好niceee 會過黎幫你but走浮面既油🧐

尋日18:53 訂位，明明確認左座位，今日16:39 先指取消booking，指其他原因，要9:00 先有枱，但係又唔打番黎，好無交帶🥱。要記得隨時可能比人取消訂位既心理準備！

元朗YOHO行左陣街，過埋條天橋，行多一陣好快就來到呢間元朗再來一煲。調味醬料麻辣烤魚:麻辣味香濃吸引，表面有不少蔥段、芫茜，本身配菜有金菇、青瓜、芽菜、豆卜，少許薯粉墊底。烤魚好大一條，表面烤得香脆，魚肉嫰滑。牛魔王拼盤:各種牛肉都有些，包括牛小排、封門柳、牛頰片、牛胸爽、牛脷托、新鮮滑牛、牛丸等，睇落雪花紋都好靚﹗店員細心幫我地將加蛋嫰滑牛肉撈勻自己最鐘意食牛胸爽，食落爽口且牛脂味重。鴨血:鴨血果然同麻辣最夾，煮到入晒辣味，仲保持內裡嫰滑口感鮮鮑魚$12x2:$12一隻又幾抵食，彈牙爽口﹗最後飲返枝竹庶芧根海底椰，可以清潤解辣