再來一煲 (好順景大廈1座)

Open Now

Now Closed

BB辣雞煲半份 $198店員話佢哋雞煲辣度比出面嘅辣不過試落又okay 食到辣嘅人叫返小辣都冇問題😋牛魔王拼盤 $488 大份有牛脷托、新鮮滑牛、牛面頰肉、手切本地牛、牛胸爽、安格斯牛小排、安格斯封門柳、極上牛筋丸試曬咁多種口味👍🏻

朋友生日，揀咗佢最愛既雞煲，今次就大家放工揀左再來一煲。點了一隻魔鬼辣雞煲，用上墨西哥魔鬼辣椒，辣味爆燈，再有大量洋蔥豆腐卜吸晒啲辣椒精華，辣得過癮！必點即炸魚皮，即炸響鈴，新鮮滾熱辣上枱，係雞煲到沾下啲醬汁，激邪惡！很多配料都可以點半份，可以點多幾樣，啱晒眼闊肚窄嘅朋友！牛皇拼盤，份量十足，可以食到七種唔同部位，樣樣皆精，安格斯牛網紋靚，重牛味，淥幾秒就食得！手包餃子，粒粒脹卜卜，很足料！人均消費二百多元，餐廳食物質素很不錯,很難得了！

元朗有好多地道美食，聽講元朗好多雞煲好出名今次試吓再來一煲.一坐低老闆即刻攞埋調味料來 醬介14 蚊一位，有芫荽、香蔥、蒜蓉、指天椒、XO醬、炸蒜。佢個XO醬係自家製值得嘗試不過辣味比較重.今次叫咗半隻雞煲，加埋牛魔王拼盤，居然有椒鹽鴨舌（必食）。店員提醒我哋佢哋用嘅辣椒唔係指天椒係莫西哥辣椒，相比俾指天椒會再辣啲.平時食開中辣，今次叫咗個小辣試吓.醬料甜中帶辣，越食越辣.雞肉好Juice，有少少木耳、四季豆、豆卜做配菜。不過份量唔算好大.食完之後就打邊爐，就落牛魔王拼盤有牛胸油、牛脷、牛小排、牛面肉、牛筋丸、鮮牛肉。椒鹽鴨舌，香脆惹味，仲有炸蒜頭配搭.

聽同事講開，有間高質雞煲係雞地個頭，食物得之外，仲有好少有嘅魔鬼辣椒，愛辣嘅要試吓。椒鹽豆腐，炸得香口，送酒必備。點了一隻雞煲，少辣，非常期待！等左十分鐘，雞煲同其他料已到齊，個雞煲係有專人係你面前點火炒下佢，炒完再滖一滖就食得，雞好滑，配料足，食左幾個字，越食越辣，越來越過癮，洋蔥好甜，再加少少辣，絕配！洋蔥，豆腐卜多到可以唔使叫菜😂牛肉拼盤呢個牛肉極力推薦，牛控一定要試，脂肪均勻，厚度適中，睇樣都知係正，放入去幾秒就食得，平時只食日本牛既衰仔一個人都食咗半大半碟，因為真係幾重牛味！必點紙豆腐，炸響零，新鮮炸起，吸湯必備！手工餃子，粒粒爆滿呢度仲有大大杯檸檬茶可以飲到，大支朝日都係32蚊，非常抵飲。人均消費$300，員工服務非常好，加湯會有嘢遮住，以防彈到啲客人，實在非常細心，食物質素又高，以後又多咗個地方食雞煲！

💖夏天熱辣辣🔥，最適合食火鍋🍲以熱制熱🤪。今晚黎元朗呢間火鍋雞煲店食嘢，見好多人都黎gathering！1️⃣清甜四季椰子雞🐔 $288💖成隻雞好足料，雞件處理得乾淨企理，唔會有碎骨🦴。呢款湯底好清甜，有椰子🥥、胡蘿蔔🥕同粟米🌽等。雞肉會吸收🧽埋椰子味，唔好煮咁耐，咁口感就會滑嫩，食落味道又清甜。而且職員👩‍💼服務態度好好，好主動幫手落雞件同加湯🥣！2️⃣牛魔王拼盤(例)🐂 $348💖鍾意食牛必嗌！有7款牛肉類，包括手切本地牛、牛脷托👅、安格斯牛小排、安格斯封門柳、新鮮滑牛、爆汁牛筋丸同牛臉頰片。每一款都好味😋，唔好煮咁耐，費事影響佢嘅嫩滑口感。個人最鐘意手切本地牛，牛味同油脂都好香口，油香又唔會掩蓋肉香，唔會油膩。安格斯封門柳口感有嚼勁；新鮮滑牛混合生蛋黃液🥚，食落更滑嫩。3⃣️豬八戒拼盤🐷 $288💖有6款豬肉類，包括五層白肉片、黑毛豬肉片、養顏豬腳筋、奇脆肉眼爽、黃沙豬潤同堅胡椒豬肚丸🍡。個人最鐘意五層白肉片同黑毛豬肉片，前者帶彈牙軟骨🦴同爽滑表皮，肉質嫩，食落唔heavy；後者就大大塊，肉味香。豬腳筋食落滿滿骨膠原。黃沙豬潤口感唔會韌，而且一啲腥臊味都無。奇脆肉眼爽口感厚實；堅胡椒豬肚丸胡

好耐無成班人出街食飯，於是今晚去打邊爐🍲呢度都幾受歡迎，一家大細或者成班朋友都黎打邊爐🥰🫙 醬介 $14/位六宮格加豉油任裝～🥥 清甜四季椰子雞 $288湯底清澈鮮甜，飲完都唔會口渴幾好。雞肉份量多，肉質嫩滑，仲有好多其他料可以食👍🏻🐮 牛魔王拼盤（例）$348例牌都好夠四個人share，有唔同部位嘅牛肉，其中我最鍾意雪花肥牛同埋牛丸，牛味香濃，口感嫩滑😋🐷 豬八戒拼盤 $288又係另一個好正嘅肉肉拼盤，其中我最鍾意黑毛豬肉片同埋豬腳筋，尤其後者好多骨膠原好好咬🤤🐮 蜜椒薯仔牛柳粒 $78呢個我食唔停口🙌🏻 牛柳粒嘅肉質嫩口，牛味香濃，半肥瘦啖啖肉；薯仔有驚喜，外脆內軟，加埋三色椒同醬汁，健康又飽肚。🦆 麻辣鴨血 $62份量十足，辣度爆表🌶️ 鴨血咬落有彈性又嫩口，大大塊唔錯。🥬 田園雜菜籃 $68有三種唔同嘅菜，全部都幾新鮮爽脆，索埋鮮甜嘅椰子雞湯就更正添！🇭🇰 即叫即炸脆響鈴 $42口感鬆化，香口但唔會太油膩，可以就咁點泰式辣醬食，或者打邊爐食。🫓 0.03 紙豆腐 $32超級推薦‼️豆味香濃，同樣加埋清甜嘅椰子雞湯簡直絕配。大概3秒就即刻撈起，口感一流。🐟 鮮鮑魚 $15/隻口感煙韌

再來一煲📍元朗鳳攸南街3號好順景大廈1座地下47號舖媽媽突然話想食辣嘢，我諗起之前我frd推介過yoho附近一間雞煲，於是決定就去食下啦～🌄位置&環境位置近元朗地鐵站啦，係鳳琴街體育館對面嘅一條巷仔，雖然比較難搵，但係好彩酒香不怕巷子深，我哋七點入座，去到八點左右開始爆滿！環境都幾乾淨嘅，位置都坐得舒服～👍🍱食物🍾醬料落座嘅時候，佢會畀一碟六格嘅醬料同一樽豉油畀我哋調醬汁，辣椒粒、炸蒜、芫茜、葱粒、蒜蓉，但係我最鍾意係右下角自家製XO醬好香！😋🥘招牌魔鬼雞煲 $198一開始打算嗌小辣，但係老闆提醒我哋，佢哋嘅雞煲比一般雞煲嘅辣度辣啲，我哋細膽，加上媽媽唔係好食得辣，所以就嗌咗BB辣呢度嘅雞煲係落咗墨西哥辣椒，比起出面嘅指天椒更加辣，又加咗檸檬葉😮的確會香啲，比起其他雞煲就咁花椒八角更加有層次有啲甜甜地嘅味道，好難形容，煮到好濃之後都唔會有普通雞煲越食越鹹，而係有種甜味，我諗正正就係檸檬葉嘅功用😜同埋雞煲入面都有啲配料：木耳、荷蘭豆等🥰但係我覺得最出色係豆卜，好吸汁，吸咗咁多汁都唔會死鹹，而係甜甜地，少少微辣，所以呢個煲好適合煮啲吸湯嘅食材👍值得一提嘅係上臺嘅時候是雞件兩三成熟，會攪一兩

第一次食再來一煲，鋪頭雖然位於巷仔入面，不過門口有大logo燈箱，唔算難搵。叫咗個招牌雞煲BB辣，講真超級惹味😂 我哋唔食得辣不過都覺得好有驚喜，鋪頭職員仲會服侍大家去控制雞煲火喉務求令大家食到最嫩滑雞肉真心佢個招牌即炸響鈴係必食，無論點雞煲醬定攞黎打邊爐都無得輸，好似真係我哋食過即炸響鈴入面top 1值得一提佢個小食椒鹽粟米世界級，粟米切條再用椒鹽爆炒，食到停唔到口0.03豆腐紙，都值得一試，特別推介俾中意食腐皮口感既朋友另外打邊爐既肉方面就嗌咗牛胸爽同我最中意食，次次打邊爐必嗌既鯇魚脆腩，鋪頭細細不過用料上乘新鮮，加埋盤蔬菜籃，優質打邊爐享受呀仲有一樣，$38蚊 巨型凍檸茶😂 有呢杯野先食到個辣雞煲，當然仲有好多唔同類型飲品選擇最後埋單$700鬆啲，抵食，一定會再番黎回味佢個椒鹽粟米😂

時隔差不多一年，這裡的菜單更新了不新，不變的還是食物的質素💕.這裡的雞煲調味很有特色，有檸檬葉等香料，佐以豆角豆卜等，出面很少見！✨雞件嫩滑彈牙，索汁惹味！要注意是辣度比出面高，由於用乾辣椒熬製，會越煲越辣，小辣已經等於出面大辣🔥🔥🌶食不了辣的人要慎點；鍾意吃辣的人士一定要試，十分過癮。😁所以通常一定會再點一杯珍寶檸檬茶，酒杯份量都驚你唔夠飲呢！🤣另外這裏的服務還很貼心，服務員不時會過來攪拌雞件。.現在除了牛魔王還多了豬八戒拼盤，啱晒唔食牛的人士。今次兩個人食所以我只點了牛臉頰肉（臉珠），非常爽口☺️。蔬菜拼盤更是有油麥菜、唐生菜等靚菜，十分有誠意❤️.另外點了瀑布芝心牛丸，超有驚喜！牛丸真材實料、新鮮美味，似潮州牛丸❣️配上芝士真是不能不愛😚😻.小食方面，每次都必點椒鹽粟米，太香啦💕😋另外今次還點了麻辣鴨血，份量頗多質感煙靭，但略嫌不夠入味，不過都可接受❣️.下次再來想再試豆腐紙呢！

今次真係再來一煲🤪放假入開元朗玩，晚餐幫襯返呢間1年前幫襯過的火鍋店，睇下水準有冇唔同到先！因為一早訂左2位同埋時間尚早(7點) ，去到已經可以即時入座，不消一會兒，已經坐到滿晒人了！MENU除左皇牌牛牛牛🐮外，更新增酸菜魚，藥膳雞及大量豬豬豬🐽，果然懂得與時並進，才可以留係呢個汰弱留強嘅飲食業！開始前，侍應先端來混醬set，可以按自己喜好準備獨有醬汁，供打邊爐之用🥣雞煲@半隻雞：份量不少，肉質鮮嫩，醬汁世界級，基本上我係完全無點到任何鼓油，就咁食用椒鹽粟米：必點頭盤0. 03紙豆腐： 滑捋捋，灼5秒即可品嚐即叫即炸脆響鈴：唔同平時嗌果d已經整定的工場響鈴，佢係新鮮熱辣炸出黎，香脆並有微溫，就咁食又得，以湯底精華浸一浸佢又得，真係無得彈🎹牛魔王拼盤(例) ：全部menu的牛牛牛可以一次過試晒，每款都有4塊左右，牛味出眾，牛精必吃😋珍寶檸樂：超巨型，勁抵飲，推薦！服務水平：侍應非常有禮，間唔中會主動幫你筆走鍋中的浮油及添加湯水，雖然樓面細細間，但係人情味十足，正是我一嚐再嚐的其中一個原因！

雞煲都有分兩種，一款招牌雞煲冇湯，靠不同的配料炒香，另一款胡椒豬肚雞煲。店內除了雞煲，仲有烤魚同魚頭煲，好多不同種類任君選擇。值得推介，招牌雞煲(半隻)$198第一次食雞煲冇叫辣，配料有紅蔥頭﹑蒜頭﹑薑片﹑其他配料食唔出，但汁令到雞好惹味！食完雞煲仲可以加湯做火鍋。黑毛豬肉片$88同新鮮牛肉$88新鮮牛肉有一隻雞蛋，將蛋同肉拌勻後放入湯，全熟的牛肉雖不帶血絲，卻異常鮮嫩，咬勁十足。豬肉未煮前，睇色都係十分新鮮，脂肪潔白，肌肉有光澤，紅色均勻，食落都肥而不膩！店家有自創特別小食，涼拌珍寶帶子$68帶子都好大粒，加埋酸酸辣辣醬汁都令人開胃，當前菜食不錯！酥炸魔鬼脆豆腐炸到金黃色並且外脆內軟，好好味！食物新鮮又好食，值得一試！

今次嚟食雞煲，店主介紹呢度嘅辣雞煲係用左墨西哥辣椒，所以食辣嘅話要比平時食低一級。本身唔算太食得辣嘅我，點左bb辣，有冇比想像中咁辣。雞件滑而多肉，今次叫嘅時候同時加咗鴨舌，令雞煲嘅味道更加豐富。鴨舌嘅份量都算幾多，煮得夠入味。即叫即炸餐肉條，炸得外表鬆脆，入口食落唔算太乾，仲保持到Juicy。豆腐紙：個人幾喜愛嘅一樣配料，食法就好似響鈴咁點一點湯就食得，但口感個人覺得比響鈴更加豐富，同埋可以沾到更多湯。瀑布芝心牛丸，同個名一樣，食呢粒丸嘅時候要小心，因為一咬啲芝士真係會喺口入邊湧出嚟。安格斯封門柳，賣相好新鮮，入口好嫩不失牛味。最後都叫咗個，田園雜菜籃，今次有三款菜，生菜娃娃菜同油麥菜，今日嘅油麥菜比較出色十分鮮甜。餐飲叫左珍寶凍檸茶，嚟到嘅時候都幾驚喜，個份量都比想像中更珍寶。

想食雞煲，首選一定係再來一煲，每次都會比佢驚墨西哥辣椒魔鬼辣吸引住！先來雞煲，呢到既雞煲係先炒到雞件乾身，配料有洋蔥，豆腐卜等等，吸左雞味和檸檬葉仲有魔鬼辣椒嘅味，勁惹味！👍食完個雞煲會加湯底俾你打邊爐！手切牛肉拼盤，有七款部位，全部都係刁鑽部位，400多元大大份，四個人食就啱啱好，牛肉脂肪平均，牛味重，靚牛輕輕淥幾秒就食得！每人一杯kings size 既凍檸茶新鮮魚皮，即叫即炸，可以當小食，又可以吸湯。人均三百元，食到有質素嘅雞煲實在難得！平日都爆曬棚，今晚好在有訂位，如果唔係就要等一下啦！

真係差唔多個個星期都打邊爐既我今次又入左元朗國食雞煲😚除左普通雞煲 仲有胡椒豬肚雞煲&烤魚竟然連大排檔小炒類都有: 椒鹽鴨舌. 薯仔牛粒等雞煲夠惹味 價錢都合理 而且店員服務態度好好!幫我地炒雞煲之餘仲幫我地撈湯油耶～.▫招牌雞煲 半隻 $198加左好多香料一齊炒既雞煲😚味道帶點微辣 惹味之餘每件雞都好卦汁入味!雞件都嫩滑 配料既木耳和豆卜索晒汁好正!.▫鮮鮑魚 + $12/隻店員建議可以加埋配料落雞煲度😗鮑魚幾划算 所以每人要左一隻!好爽口彈牙 配埋個汁味道真係好香濃( ´▽` ).▫鵪鶉蛋 + $38好似第一次打邊爐食鵪鶉蛋😜 我超喜歡的!原來蛋香同雞煲都幾match架喎!.▫安格斯牛小排 $168牛牛紋路分明 油脂比例剛好充滿香濃的牛香 肉質嫩滑同時有肉感.▫瀑布芝心牛丸 $48次次見到依款都會嗌🥰牛味濃郁有肉汁之餘 仲夾雜住流心芝士好正!! .▫0.03紙豆腐 $28好可愛的紙豆腐 好像是第二次吃吧浸一浸就可以食得😚 索晒湯汁好飽滿口感有啲似豆皮咁 幾得意 推介試下!.▫椒鹽粟米🌽 $58大排檔大熱🤪 難得打邊爐見到就試下粟米清甜爽口 舖上左好多椒鹽 味道好香口!忍唔住會係咁食

平時跟朋友喜歡在元朗食街邊大排檔或沿住雞地搵美食，上星期朋友帶我食過雞地有一間雞煲，味道令人回味，短短一星期就回來，再食多次，真心推介小店。 位置不在大街大巷，就在元朗西鐵附近的好順景大廈的小巷，鄰近一帶都不少其他餐廳，是元朗美食集中地。 雞煲小店的座位不多，只有7至8枱，所以朋友有訂位，就直接入座，點了雞煲和幾款火鍋配料，食物大份又高質，跟上次水準保持，令人滿意。而店員很友善，常常幫忙隔油和加湯，照顧周到！ 招牌雞煲 (半隻) $198雞煲點了少辣，所以麻辣口感明顯而不會遮蓋雞肉鮮味，雞件多肉又嫩，煮得入味又唔會鞋。雞煲醬汁跟外邊不一樣，除了有花椒八角洋蔥等常見用料， 更有蒜頭，彩椒和雲耳等等，所以食落味道豐富，辣得來又甜甜地，滋味十足。 手切本地牛(例) $198小店自家的手切牛，肥瘦均勻，肉質嫩口而且牛味濃郁，油脂不算多，但食落又唔會韌，越食越喜愛。 即叫即炸脆響鈴 $42食得出即炸口感，香脆夠薄，份量又多，食完唔會有油膩感，值得推介。 爆汁牛筋丸 (半份) $48必食！平平無奇的外表，食落十分彈牙，牛味濃郁，全粒都牛筋的爽口之外，還有爆汁的感覺，而且不是丸的中心，而且整粒牛筋丸