力天冰室

Open Now

Now Closed

一時興起想食豉油西餐，原來都要講緣份，鐵板上枱滿滿懷舊味道。套餐先上左個湯，當日中湯款式會寫係電子菜單上，而西湯就指定羅宋湯。金銀菜湯消暑清熱，清清地無味精份量好多。羅宋湯係港式口味，有辣椒仔既調味都幾開胃。轉個頭飲品都上埋，見呢度一頁紙都係特色飲品，加左少少錢試新野。老公既雜果賓治原來係芬達汽水底，另外有一大杯冰雜果，再加利賓納調味。大家一致覺得好抵飲，下次一杯兩人share都夠，唔需要再加第二杯特飲。我飲既係兒時回憶，薄荷糖漿咖啡有清涼冰感，但又唔係好假既牙膏味，如果你鍾意薄荷雪糕應該都會鍾意佢。標榜澳洲T骨排好似有聲有勢，侍應哥哥會問要三五七成熟，要邊款汁，薯意飯要揀邊樣，仲有想佢地幫你倒汁定自己黎。服務跟足港式扒房。澳洲牛排比平時既牛油脂位牛油味濃，肉質亦鬆軟一點，不過剛好呢一塊T骨的肉都傾向西冷部位。叫五成熟真係做到，牛扒無血水中央紅紅地。肉扒的厚度比連鎖快餐店厚好多 哈哈。黑椒汁一大碗比你，可以點薯角食，最後我仲用黎撈白飯。薯菜包含薯角同粟米蘿蔔粒，竟然無最討厭的青豆喎。薯角薄漿脆口係正既，重點係整份餐包湯同飲品只係$105。扇貝粉絲食過吧，但魷魚粉絲我都係第一次聽，又係大

今日去左力天冰室，食咗佢哋嘅鑊氣小菜，真係留下好深刻嘅印象！👉🏻 柚子蝦球：蝦球炸得外脆內嫩，配埋柚子醬汁，清新又爽口，加埋洋蔥彩椒莞茜，色香味俱全，超好餸飯🎠🎠🎠👉🏻 古法咖喱鮮雞煲：咖喱鮮雞煲熱辣辣，仲有好多配菜，咖喱香濃郁，雞肉又鮮又多汁🎠👉🏻 蒜蓉芥蘭：蒜蓉芥蘭爽脆又鮮美，蒜香味特濃，簡單得黎又美味嘅素菜🎠👉🏻 奶茶：呢杯奶茶濃郁香滑，茶味好濃，絕對係一杯經典嘅港式飲品🎠👉🏻 凍朱古力咖啡：凍朱古力咖啡味道濃厚香甜🎠

芝士鹹牛肉炒蛋菠蘿油芫茜煙肉炒蛋菠蘿油鹹牛肉 好多，睇到都心心眼，再配芝士同鮮牛油，朋友話味道鹹香，炒蛋口感嫩滑，正！芫茜 好新鮮，味道好清新，有人唔鍾意食，但係我就係鍾意哩個味道，十分獨特。為咗唔好咁邪惡，我就走咗煙肉。芫荽炒蛋，口感好嫩滑，夾喺菠蘿油中間。而菠蘿皮焗得香脆，菠蘿底充滿鮮牛油味。整體味道，估唔到咁配合，呢個美食，應該要發揚光大。熱朱古力朱古力味十分濃，唔會水汪汪凍蘆薈冬瓜茶（少冰）冬瓜茶味濃，唔太甜，蘆薈份量又多本來大家系要約左 11am 食早餐，朋友遲到變咗食午餐🤣Wasabi 奇妙蝦球蝦球 爽口，掛滿 Wasabi 奇妙沙律醬，好滋味！配菜有三椒粒 同紫洋蔥，紅黃綠紫，整體賣相唔錯，下次試下柚子蝦球😜

嗌2個是日晚餐，好抵食！加咗特飲，平均每人100左右咋👍🏼👍🏼每個餐都包一碗湯一杯飲品！鐵板殼飼西冷 $105我哋配咗薯菜，有得揀洋蔥汁，蒜蓉汁同黑椒汁👍🏼黑椒汁一到落去炸一聲，好香啊！🤭睇到流哂口水！！塊扒大塊到呢，長過一條手掌😍要5成熟，入面好嫩，好粉紅，咬落去有少少根位，不過又有啲肥膏位，所以有爆汁嘅感覺🤭見到好多人點意粉，超大碟😂😂枝竹鹹菜胡椒豬肚雞煲 $75里個超抵食😨煲入面有勁多料，好多豬肚同雞件🫶🏻凍凍食好舒服，仲可以變泡飯添呀！！味道唔會太鹹，調較得啱啱好！蛋白杏仁茶+$8要補一補潤一潤，入面真係有一層層蛋白㗎😍😍女士必點！蜂蜜蘆薈百香果茶 +$5新出好吸引‼️唔會太甜，飲落好舒服，潤喉👍🏼

星期五晚來到這間冰室，在新蒲崗這帶晚市來說都算幾多人！冰室空間大，格局舒適。聽朋友講依間鐵板好食，於是同事和我點了兩個鐵板餐，一洗做左一整日野嘅疲累。是日晚餐中的肉眼牛扒以及menu上的羊架，一個跟薯菜一個跟意粉。塊牛排比想像中更大，好足料，好岩meat lovers。個羊架都好惹味，肉質岩岩好。有三種汁可以揀，洋蔥蒜蓉黑椒，我地兩個食到飽足。薯菜係薯角，外脆內軟夠新鮮，好味！茄汁意粉份量好大我同朋友食唔哂。兩份鐵板都有蘿蔔粒同粟米粒墊底，營養豐富。兩個餐都配餐湯同野飲，而家仲有蜂蜜特飲，只要加三蚊就可以轉。一個叫左百香果蘆薈蜂蜜飲，一個飲蘋果蘆薈蜂蜜，夠曬滋潤。一間有香港茶記風味嘅冰室，值得推介！

新蒲崗行過見到呢間餐廳，大大間又光猛，選擇都唔少。坐低叫左兩個晚餐都幾唔錯。。🥢鐵板牛肩胛排$105鐵皮牛肉熟成度剛好，咬落去仲有肉汁，個汁幾香，配埋啲薯菜，味道更加豐富。。🥢鐵板法式羊架$95 好抵食！有三大舊！羊架表面仲有少少香脆，肉質鮮嫩，味道有一點點草香味，唔會過腥，配上意粉，簡直係完美搭檔！意粉吸收咗羊架嘅肉汁，加上少少香草調味，食落去口感好滑。。飲品方面，我試咗龍鳳檸樂，+$8，清新解渴，仲有啲檸檬香味，夏天飲真係爽快。而咸檸七就係另一種風味，鹹鹹酸酸，飲完之後會令人覺得精神一點，非常開胃。

今日去新蒲崗自修室溫，lunch諗住近近哋搵間餐廳快快完成午饍。點知差唔多食曬時發現當中一舊肉（如圖）差唔多全生，搵咗侍應反映情況，點知佢竟然答我：你見到生就咪食啦！其實我當時已經食飽都冇話需要佢做任何野，我見到生就梗係唔食啦。只不過係善意提醒你一下，因為呢煲嘢你仲要招呼好多客人，以免有人因此而不適。好啦，明白，係我多事，下次唔再幫襯，謝謝！

新薄崗力天冰室，環境闊落，光猛整潔，座位好多，坐得舒服。早餐選擇有好多，有各款粉麵餐、三文治餐、歐陸早餐、力天菠蘿油等，非常豐富。生滾夠薑豬潤公仔麵：豬潤煮到剛剛熟，口感爽滑彈牙，配3.6牛乳炒蛋、芝士火腿牛角酥，芝士呈半溶狀態，牛角酥入口鬆軟，實在令人難以抗拒。自選麵餐：我揀左招牌沙嗲牛肉和3.6牛乳炒蛋配公仔麵，沙嗲湯底花生香氣濃郁，充滿港式滋味，牛肉軟腍，炒蛋嫩滑；我仲追加左炸得金黃酥脆既吉列魚柳，一次過滿足晒我既願望。吞拿魚沙律菠蘿油：菠蘿油係香港特色美食之一，呢度除左有真鮮牛油之外，仲有4款唔同既餡料，朋友揀左夾吞拿魚沙律，好食又勁邪惡。龍鳳檸樂：龍鳳既意思係檸檬+咸檸檬，冰涼又解渴。總結，食物份量十足，出餐快，價錢亦好親民，下次要再嚟食鐵板餐。

今天黃昏，我和太太決定到新蒲崗，品嘗一家名叫力天冰室的西餐廳。我們一走進去就被餐廳的氛圍吸引，簡潔明亮的設計讓人感到舒適。我們點了幾道菜來分享。首先是XO醬乾炒牛河，牛河的口感滑順，XO醬的香氣濃郁，讓人一口接一口。接下來是甜面醬蒸紅鮪，魚肉鮮嫩，甜面醬的味道與紅鮪的鮮味相得益彰，讓人驚喜不已。最後，我們還點了紅燒BB乳鴿，乳鴿的肉質鮮美，醬汁濃郁，讓人回味無窮。在飲品方面，我們選擇了蛋白茶。這款茶清新提神，與晚餐的搭配非常合適。用餐的過程中，我們不斷交流著對菜色的評價，氣氛愉悅。

✨本身住新蒲崗附近，今日下午同屋企人行過就入嚟試下。✨芝士鹹牛肉炒蛋菠蘿包配雜果沙律$46:可以配新鮮自家製薯角或者秘製雜果沙律🥗，菠蘿包有少少暖暖地，中間夾住好大份量嘅芝士鹹牛肉炒蛋。蛋炒得好滑溜，配埋少少溶化咗嘅芝士真係好好味，我仲夾咗啲嚟送我碟飯添😋✨蜜椒薯仔牛柳粒配白飯連中湯/紅湯$88:個人好鍾意食炒小菜，今日特別肚餓，份量都幾大碟，牛柳粒配黑椒非常惹味，薯仔食得出係炸過但係唔會油膩，落埋蜜糖炒甜甜地，我連啲配菜洋蔥🧅三色椒都食晒😋✨生炸BB乳鴿$46:細細隻唔算太多肉，落岩鹽都幾好味。✨嘢飲都係跟餐加錢叫咗可樂同大檸七，就嚟打風天氣好熱，飲汽水真係一流🍹✨餐廳嘅餐牌真係好多款菜式，有常餐、西式焗飯、扒房鐵板、馬來西亞咖喱菜式、中式炒粉麵飯、懷舊小菜、小食、嘢飲，滿足唔同人嘅口味。餐廳開朝早七點至凌晨兩點，唔驚揾唔到野食。

中午飯時間，啲阿姐務求塞爆啲位，坐低咗之後就唔會理你，叫佢哋落order都唔會點睬你，因為佢係只係安排啲座位點樣坐，阿姐係咁走來走去又喺度嗌，都唔知佢哋做緊啲乜。環境比較差座位好細又熱又嘈，（噪音來源主要係啲阿姐喺度叫，同埋啲顧客係咁叫阿姐落單）價錢唔算平，食物質素一般，不過不失，飲品就OK，用咁嘅價錢係新蒲崗或者其他地方都有好多選擇。我同隔籬枱啲人都追咗兩次先至有，但係奇怪係都有好多人。八成人都係喺度追呀姐落單……

到新蒲崗力天食早餐個場有多張長長卡位，坐得舒服沙爹牛肉麵湯底本身有底味，沙爹汁有濃稠度，味濃郁又唔會過咸；麵淥得軟硬度剛好，係我喜歡嘅口感，爽彈有質感；牛肉有驚喜，大塊有厚度，軟淋有咬口，估唔到沙牛麵咁高質銀絲米粉幼身有靭度，爽口不易斷，食得過癮；蝦米雪菜咸香惹味，提升整個湯米層次不少本身呢2個主食份量都唔少，再配上嘅炒蛋夠香又滑，另有少有嘅芝士火腿牛角酥，$40絕對超值抵食！

力天冰室 地址: 新蒲崗崇齡街81-83號崇齡大廈地舖電話: =====================其實呢，我幾鐘意去工廠大廈搵食，一來定價通合理，同份量都是大大份😆 就是平民的胃同銀包都照顧到了$46 all day breakfast 而豬扒柔軟，唇接觸它熱辣辣如接吻一樣。再加炒蛋及芝士火腿牛角酥$40 煙肉炒蛋菠蘿油，菠蘿包夾其他野做成漢堡包，勁鐘意食又引唔住口啦，雖然食完焗豬飯已飽，但都係同自己講照食，最多今晚唔食晚餐平衡返卡路里架攝取量。

今日收工和朋友去位於新蒲崗嘅冰室。餐廳裝修方是充足地方闊落職員服務態度有禮。芝士焗觯茄豬扒$76焗豬扒飯夾埋蕃茄同芝士嘅香味，簡直一流。豬扒嘅份量特別多，而且味道肉質鮮嫩。即使經過烤焗之後味道和口感仍然非常可口。蜜椒薯仔牛柳粒 （配白飯）$88牛肉粒加埋其他嘅盆菜，例如洋蔥青椒蛋味道都好夾。食材雖然味道唔同，但係都唔會搶走其他食材原本嘅味道。一粒粒嘅薯仔食得出經過油炸過更加香口，但係食落唔會太油膩。蒜蓉炒西蘭花 $50新鮮嘅時菜蒜蓉炒西蘭花味道啱啱好，喺咀嚼嘅過程中食到蒜蓉嘅香味。

新開張到而家，成日經過都見多人，今日兩人第一次入咗去食個Tea^^鐵板黑椒牛柳絲炒麵：賣相精美，熱度足夠，上枱時鐵板有咋咋聲，冒煙，炒麪脆口有黑胡椒碎，麪量多；肉絲略少，無牛味分唔出是豬是牛，芡汁略少，味道偏淡。 （$60）公司三文治配薯角：賣相不俗，三文治烘底剛剛好，配料充足（吞拿魚/沙律菜/蕃茄/炒蛋/午餐肉/火腿），薯角香脆夠熱，表面有橙色味粉，不用點茄汁也好吃，出色有驚喜。（$56）奶茶夠熱，有很輕微微澀，不夠茶香，多奶沒有感覺多奶，中規中舉可接受。熱檸水有3片薄檸檬正常尚可。燈光環境舒服，裝修中檔，唯4人卡位比較細。枱面有自斟䁔水，有少許過濾水味。樓面阿姐即叫即到，有招呼，食完可以繼續坐，沒有趕客翻枱情況。