流水蝦

Open Now

Now Closed

流水蝦 (觀塘)位於觀塘工業大廈入面嘅餐廳，提供晚市2.5小時放題，有無限生猛大頭蝦供應，夾出嚟仲識扎扎跳，即夹即燒，店員會比一桶冰你，夾出嚟嘅蝦要放落去冰先，等佢死咗再燒。蝦肉比起出邊嘅急凍蝦更爽口，仲有蝦子蝦膏！ 可以一邊玩一邊食！每位成人仲送一客海鮮船及美國Prime級牛肉。海鮮船有鮑魚、扇貝、白鱔、蜆等等都係有海水味，唔使調味都得。美國牛肉脂肪分布平均，牛味濃。除咗呢幾款嘢食之外，仲可以喺自助區攞各式海鮮，肉類同蔬菜，種類都算幾多。另外仲有沙律，熟食，炸物，湯喺另外一邊櫃，不過我就冇點食啦。最後梗係要食水果，甜品，馬卡龍味道都唔錯。5:00至7:30有早鳥優惠收費比較平，如果唔想等位最好book左位先！人均： $200-300📍觀塘開源道47號凱源工業大廈1樓B號舖

趁住開學日我收工去左試新餐廳（其實根本無關係），地點係位於觀塘開源道既流水蝦。聽個名唔會知道係食燒烤放題。由於Openrice既資料實在係太少，等我寫個詳細少少既食評啦。餐廳細細間，一共十張枱，是日全場滿座。食物櫃分佈喺唔同角落，唔洗同人爭。一入到去就聞到好香烤蝦殼味，攪到我口水直流。任飲任食2.5小時，平日晚市黃金時段6到10點，成人每位$279再75折，另加一。仲送海鮮船同美國Prime級牛肉。叫得流水蝦，究竟係點玩法？原來係自己可以係魚缸度即夾即燒生猛大頭蝦。果然每個位隔離都係水缸，有大頭蝦喺度郁，自己用夾夾啲蝦上黎，服務員提示先放喺冰上面整暈佢，之後先燒，如果唔係佢會喺個爐上面彈出黎。又幾好玩喎！雖然啲大頭蝦細細隻，但係質感好好，仲有蝦籽食，連香脆蝦殼一齊食都得，我唔洗點醬食。首先服務員放低椒鹽蝦11隻喺個爐上面，雖然調左味，食落同新鮮蝦都冇乜分別。海鮮船賣相幾靚，有以下海鮮：扇貝兩隻：好鮮甜，又唔太韌，配蒜蓉好味鮑魚兩隻：非常鮮甜爽口大蜆兩隻同細蜆11隻：超鮮甜同嫩滑白鱔三塊：雖然細細塊，不過又彈牙又多汁，好味美國Prime級牛肉有：牛7塊:：算嫩，兩塊圓嘅牛特別嫩口牛粒7粒

味道：大大盆牛肉，牛頸椎最好食，燒完好軟熟，好香油脂同牛味，其次係封門柳，燒嘅時間加少少鹽好食好多。個爐火力大，燒肉要得閒翻下，燒太干就浪費咗咁靚嘅牛。大頭蝦好正好多膏，本來唔抱太高期望，點知質素幾高，第一轉就咁燒熟咗就食，第二轉聽侍應話，加鹽燒到兩面蝦殼濃濃哋再食，味道即刻upgrade左，香好多。環境：水聲較大，但座位舒服，冷氣ok。服務：員工服務正正常常，執嘢算勤快，唔會堆到成枱空碟。衛生：每人都有俾濕紙巾，唔夠可以問侍應攞，有即棄圍裙會更好。抵食：水準比預期高，唔算貴，幾抵食。

其實我一向都唔係特別鍾意食海鮮嘅人，今日公司搞聚會，我跟埋嚟黐飲黐食。同同事坐低就見到枱上面擺咗幾樽大大嘅調味料，可見老細好驚客人冇調味料用😂有prime級牛肉同海鮮揀，同事們揀左海鮮。原本我諗佢200幾蚊位海鮮任食應該都係啲呃人嘅cheap嘢，點知嚟左好大嘅元貝同鮑魚，見到嗰刻我同另一個同事都“嘩”咗聲，十分震撼。鮑魚加左醬汁燒好好食，元貝加蒜茸好香，燒完冇縮水，係新鮮嘢。同事夾蝦，我負責蠶食佢哋努力嘅成果，如果有人幫手剝蝦殼更好（講笑咋，戴頭盔）

去之前打去問有冇八達通俾錢負責人話可以食之前再問就話部機一時得一時唔得好嘞到食完埋單又話唔得俾銀聯卡又係咁過唔到最後落㩒錢走人食物已經一般選擇又少..去到服務質素又差食完一肚火無下次

觀塘流水蝦放題之旅今次第二次來，上次同朋友來過，今次帶屋企人來食。今次來到都係比較多人，員工都好忙，不過服務態度依然非常良好，非常抵讚。呢到既蝦非常生猛，而且非常多膏，好新鮮甜美，我地都食左好多蝦。海鮮船既海鮮好正，有鮑魚，元貝，黑鱔，大蜆...尤其元貝非常鮮甜。有美國頂級牛肉拼盤送，全部都係prime級牛肉，非常有牛味。更加有大量海鮮任食，食得好滿足。呢間流水蝦全港最平,折扣完先二百幾蚊超級抵， 更加有生日優惠。好快會再嚟

聽同事講觀塘開咗間唔錯嘅流水蝦店身為觀塘地膽 我竟然未試過一於去試下😤嗰日係星期日大廈正門冇開搵了一會原來要經停車場條樓梯行上去一樓🏃🏻‍♀️或入停車場搭𨋢上去🚙一出𨋢就見到大大個鐵閘外面望有少少昏暗入到去竟然好似去咗另一個世界餐廳以深色為主天花板掛住七彩琉璃吊燈非常光猛漂亮由於燈光充足燒肉嘅時候見到油脂微微閃爍充滿食慾 影相一流牛肉肥瘦均勻 滿佈雪花將肉放入口肉中油脂香味散發出來真係無敵🤤🤤蝦肉亦非常飽滿🦐蝦膏流滿指尖但口感又好清爽食好多都唔覺得膩其他海鮮都有鮮甜西瓜好甜🍉有水果有雪糕🍦仲有日式和果子 泡芙 沙律 之類嘅甜品🍡應有盡有 無可挑剔

媽媽今日生日，我哋一家大細去食大頭蝦，佢食得好開心！😁首先一日門口，店員安排座位，見我媽媽拎住拐杖、行動不便，安排咗雪櫃對出嘅位置，方便我哋拎嘢食，又話有任何需要幫手儘管出聲，非常貼心❤️🙏🏻上次媽媽喺間火鍋店被地上嘅水跣倒骨折，所以我每次出去食飯都很小心，視察咗下環境，地面乾淨，冇任何垃圾同水漬，十分乾淨👍🏻老人家牙齒唔好，咬唔到硬嘢，好彩啲牛肉夠靚，無筋，媽媽食到。台面有剪刀，較大件嘅食物可以剪開，非常方便。我夾蝦燒，阿女剝蝦俾我媽食，佢全程望住我同阿女都笑得好開心，好耐冇見佢咁開心過😁平日阿媽食半碗飯加啲餸已經飽，今日難得食咗好多蝦，好好胃口！最後我哋諗住自拍留念，店員哥哥見我揸機，急急腳走過嚟話幫我影，服務好到冇得彈！👍🏻👍🏻👍🏻難忘而且滿足嘅生日飯😄

一入去環望四周裝修唔錯，帶點文青feel牆邊有啲花花草草，幾靚🍀我哋到嘅時候已經差唔多坐滿人枱枱都燒緊嘢食，但煙唔大可見抽風唔錯，冷氣亦夠凍🌬️坐低燒嘢食首先嚟咗盤牛肉🐮我唔識分咩部位但盤牛肉全部都有雪花油脂分佈好靚，都好有肉味啲蝦十分生猛🦐🦐一邊望住啲蝦游水一邊食嘢別有一番風味個爐夠猛火傾咗一陣偈就食得蝦肉比想像中鮮甜爽口不過食之前記得要剪蝦尖✂️唔係會拮到手雪櫃有好多菜同肉揀錫紙包金菇最好食入面已經包好牛油同蒜蓉直接放上爐燒就得，好方便非常香同惹味肉類醃得好入味，唔錯芝心丸嘅芝士好濃，食得出係貴嘢🧀外面亦有擺放熟食不過我掛住燒肉同蝦唔記得咗吃有少少可惜唯有下次再試啦🤷🏻‍♂️總括而言幾抵食朋友都好滿意下次帶屋企人嚟食~👨‍👩‍👧‍👦

朋友碌面書見到觀塘新開流水蝦幾吸引，立即召喚人一齊試下新屎坑🤨同行七人包括我都係大鄉里未食過呢啲新潮野，估唔到成個 「流水蝦業」就咁攪彎左🥶❌論服務🥲事前完全無人講解要點燒！我地一開始以為新鮮夾完隻蝦就要即刻移送到燒烤盤監生燒🥺係監生燒呀痴線😭😭😭🦐愈郁我地就愈要大力夾住，後來覺得太殘忍😫所以即剪蝦頭諗住啲蝦會死得痛快啲，到臨尾職員問我地洗唔洗加冰，我地先知原來正確方法係要先放冰桶整暈隻蝦再燒！！🙄🙄頂！唔掂！職員幾多而且幾helpful ，不過refill 野食就差啲，係隔離枱同雞翼有過一面之緣後，全晚無再見過🥴❌論食物流水蝦既蝦幾大隻，估唔到有少少膏，味道ok既。本身已包海鮮船、芝士蒜蓉焗蝦及美國牛拼盤，其他食物隔離舖自取，不外乎各式丸類、腸仔、蔬菜、薄切牛、豬扒、豬頸肉、雞扒、魷魚、蠔、鯖魚等⋯其實就係bbq既料，韓燒既盤，火力又唔夠😞主力中間位叫好少少，擺旁邊既野食應該放多兩個鐘都未食得🥱食得最多係牛，無咩牛味可言，但唔韌擺得落口既，其他肉類丸類都正常發揮。熟食有完全無意慾要試既炒麵、唔多熱既芝士西蘭花🤧仲有聽朋友講好韌既炸物。生果有蜜瓜、哈蜜瓜、好甜既西瓜，原個橙呀蘋果呀，好

之前見到有報道介紹 但見openrice 又無食評就打算勇字當頭去試吓啦本身一早book咗位 晏晝仲whatsapp confirm咗 點知去到好混亂 店員搵咗好耐都搵唔到我嘅booking 坐低嘅時候話俾我哋自己揀位 5分鐘後有另一枱人嚟 叫佢哋坐我哋個位 仲要話我哋坐錯位 我哋當堂黑人問號🥶間鋪頭叫流水蝦 咁流水蝦應該係招牌菜？🤔🤔🤔但係個夾又唔夠長夾啲蝦 啲蝦又唔夠生猛游上嚟 我唯有整濕自己隻手 伸咗半隻手入水去夾底嘅蝦 其實大家唔戴手套 缸水都幾污糟辛苦夾完啲蝦打算食 點知個火爐 好唔給力 半個鐘都燒唔熟一隻蝦 仲要燒到一半個爐自己無端端熄咗 搵員工問 佢啪咗總掣又唔開爐 我哋再一次黑人問號 隻蝦終於燒熟咗 但係啲肉都幾霉同唔彈牙 感覺唔太新鮮 現場仲有自己夾日嘅肉類 同每枱送既牛肉同海鮮 但係啲肉食落都唔新鮮 食落好似牛肉乾最搞笑係 每枱都送芝士焗蝦一盤 店員放低咗一盤無耐 佢又行嚟問我地食咗未 其實盤蝦係枱面都無郁過甜品款式都多 蝦片好食 不過熟食基本上唔熱嘅埋單279一位 試伏一流😎