Video
10-min walk from Exit C2, Cheung Sha Wan MTR Station
continue reading
Opening Hours
Mon - Sat
11:30 - 00:30
Sun
10:00 - 00:30
Public Holiday
10:00 - 00:30
Above information is for reference only. Please check details with the restaurant.
上星期試左呢間話拍得住添好運點心嘅食肆，試後覺得非常一般，去過一次唔會有下次。 首先入到去環境狹窄， 唔夠冷氣，食到出汗。 不過啲嘢食嚟得頗快。雞扎$26, 好細隻 ，個魚肚又幼又薄， 第一次食啲咁嘅雞扎。 鳳爪個顏色一般，味道ok，但係辣到食唔到。 蝦餃超細粒，$14一粒，啲蝦又唔爽。 腐皮卷薄到冇人有， 每條得一粒蝦， 細到好似一毫子， 一開二，得一邊有蝦食。 牛肉拿粉味重，一啲都唔軟熟。 蝦膠釀茄子，賣相好靚， 上面粒蝦膠細不特止， 煎到又乾又硬， 仲話係推介，簡直中伏。 仲有一款叫「不是炸兩」， 係腸粉包住啲唔知咩炸嘢 ， 裏面夠炸嘢油林林又有啲苦。反而個燒賣幾好食。最後想講， 店內 24個座位坐滿，全程得一個侍應， 落單出菜執枱埋單，一腳踢。之後各枱都出左餐，差唔多食完，有一位貌似老闆嘅男人從廚房出嚟， 撳一撳個收銀機望望， 跟住又入返去喇， 真係鄧呢位侍應辛苦，而家d 老闆真刻薄。
continue reading
突然好想食點心，openrice見到呢間野都幾出名，所以專程過黎試下。呢到既餐牌好新奇有趣，好多野食睇完個名都唔知係咩，所以我地望住旁邊個大拇指落單。先講下呢個全場最貴既原隻鮑魚燒賣，雖然$28得兩粒，不過貨真價實，面頭的確有隻小鮑魚，味道都唔錯，幾新鮮。然後叫左籠蝦餃， 紅油抄手，蘿白糕，味道都還可以，無咩特別。甜品叫左個香芒沙律盞，呢個真係食到摸不著頭腦，因為食黎食去都食唔到芒果，只有大量既蘋果粒。流沙奶黃包正，熱辣辣既包中間蛋漿湧流。雪山叉燒包都幾得意，面頭係菠蘿包既皮，裡面係叉燒包既餡。香滑反斗糕個名好有gimmick，味道有D似馬拉糕。不是炸兩幾有驚喜，大家都估左好耐到底裡面有無炸兩，原來係腸粉皮包住一D菜同肉。最後叫左海皇芝士千絲卷，唔係好食得出有芝士味，好似食左一舊炸粉咁，麻麻地。整體黎講，呢間野味道都OK，不過要小心嗌，最好叫番D多人推介既點心，以免中伏🤣
continue reading
近來點心太子聲勢頗盛，收集了二百多個「哈哈笑」，擴張至三間，大有成為點心專門店之皇的野心，威脅「添好運」培哥的點心王朝。我這個培哥決定微服私訪，初步分析是太子之名是形容太子港鐵站這飲食地圖版塊，它顛覆的對象是此店的「一點心」長龍店。長龍店未能吸納的人流匯集到此店，令此店站穩陣腳。「籠」寓意廣東點心，亦可解中式茶茗。我來最新的長沙灣分店，一嚐其出品，解開籠太子之謎。新店對比其他分店，十分簡陋，位置偏遠，在新入伙的蘇屋村旁，明顯是吸納這群新街坊，亦可見其選址有精心策略。餐單餐單有39款食品，比其他分店略減。與「一點心」則相若，多於「添好運」。其特色是有新派點心，對比上述兩名店，有其賣點。特色食品1「皮蛋牛肉腸」是此店有👍標誌食品。配搭有新意，份量甚多，此兩項正是力壓對手的雙拳。入口則覺分數不高，腸不滑，皮不薄，皮蛋味不濃，似有還無，起不到化學反應。特色食品2:「不是炸兩」是春風得意式腸粉，以脆米為餡。兩款同吃，成為真正的春風得意腸，更具特色，有牛肉之香，有炸米之脆。特色食品3真正第二款有新意的是「煎蝦膠釀茄子」，有👍標誌，份量甚多，汁液澎湃。釀上蝦膠俾人「抵食」感覺，質素接近不合格水平。十分油膩，茄子亦太稔，街檔煎三寶的水平更高。特色食品4第三款有新意的是「海皇芝士千絲卷」，亦有👍標誌，脆卜卜，熱騰騰，芝味濃濃。特色食品5魚肚水餃配搭亦有新意。懷舊食品新派食品佔的比例不多，是為了兼顧傳統點心客。「古法」兩字吸引了我，「古法糯米雞」份量亦是大型，卻令到四周的糯米只是「一舊飯」，無汁液和無豬肉餡兒。雞塊亦嚡得很。對比培哥那間，駐店師傅即日鮮製，品質把關，此店只是街檔點心的水平而已。致勝秘訣應在價格有競爭力。同區培哥的糯米雞賣28元，眼前這件只是24元。上述牛腸賣22元，培哥和一記則賣1元，份量大減。蒸籠食品再試嚐其主力蒸籠食品。蝦餃有水準，鮮而爽嫩。但不配稱「皇」，亦不算鎮店食店。反而「鮑魚燒賣」賣相討好，貨真價實，14元一粒。彈牙，海鮮鮮氣與豬肉香味相襯，好食。鮮竹牛肉球亦合格。流沙奶黃包則出奇地有水準。動感強。其餘蒸籠點心不值一提。最好味竟是甜品。芒果布甸有很多鮮芒，甜而冰涼。椰汁桂花糕多椰香，亦有新意。總括而言，是極為平民化的 點心專門店，大有超越「功夫」的趨勢。還有一大賣點，是拓展了宵夜市場。此店經營至02:00。做點心而以年青人為對象，有腦。
continue reading
之前去過太子總店食過一次籠太子覺得抵食又好味今日行過見到原來長沙灣開左新分店，咁岩有啲肚餓就入去幫襯下!!! 可能喺新店嘅關係款式冇總店咁多，不過特色嘅食物招牌菜當然無缺小原隻鮑魚燒賣 $28雖然賣相差小小，不過好味最緊要大大粒燒賣再配鮑魚仔，爽口彈牙藥膳雞腳雞腳都幾入味，藥膳味唔算太濃，$20非常抵食紅油抄手 $23粒粒都好大粒帶小小辣味，唔會太辣/太咸，調味啱啱好，咬落又夠彈牙翡翠帶子腸 $24外皮唔算薄，不過夠滑，裏面包住一小片帶子&翠玉瓜
continue reading
是晚下著毛毛雨，到了附近的商場逛逛，之後朋友帶左我黎呢間點心舖飲夜茶，位置有點偏遠，不熟識這一帶似乎有點難找呢。小店只有大約三十個位置，有點迫，過下點心引是不錯啦。枱上有豉油，醋，辣椒醬等，方便自行調味。茶位（$3）小店只收茶錢不用加一的，提供的茶較特別，是日式玄米茶，茶香又夠滾，好飲。煎蝦膠釀茄子（$18）呢個煎釀茄子似乎是鎮店之寶，幾乎每枱都叫啊。茄子半煎炸很香脆，蝦膠彈牙鮮味，確實好吃！多汁小籠包（$20）小籠包是厚皮那種，但多汁是沒有騙人，咬落爆汁肉嫩，也好吃。不是炸兩（$24）腸粉包著響鈴卷、鮮蝦、芹菜等，香脆有口感。翡翠帶子腸（$24）每一口都有一顆帶子，鮮甜爽口，熱辣辣好味道。鮮蝦腐皮卷（$21）略為油了點，但蝦肉爽口，腐皮脆口，加少少喼汁啱啱好。香滑反斗糕（$17）口感和味道都像馬拉糕，香甜軟滑，一客四顆不用爭。精選老火湯（$16）仲點左一人一碗例湯，店家標榜無味精的健康之選，試下先。是晚例湯是蟲草花煲豬骨，湯頭濃郁，飲完無口渴喎，正！四個人食飽飽，人均不用80元，好味又抵食啊！
continue reading