籠太子點心專門店

Open Now

Now Closed

平時都係中午飲茶, 今次就揀咗夜晚去飲茶食點心, 而呢間點心店每位茶錢只需$3, 一於就去試下佢哋既點心喇😋(當晚點咗19種點心, 而以下都係性價比高既點心) 💡原隻鮑魚燒賣(2粒) ($32)🥇肉質飽滿既燒賣配上彈牙既鮑魚仔, 食落好滿足啊^^ 💡籠太子蝦餃皇 (4粒) ($30)🍤外型較細粒, 皮較厚, 但勝在入面既蝦肉無偷工減料~ 💡鮮蝦菜苗餃 ($26)🥦🥟外皮薄而透明, 加上啖啖都係菜苗同蝦肉 , 必點! 💡鮮蝦腐皮卷 ($25)🍤新鮮即炸, 熱辣辣脆卜卜既腐皮卷一d都唔油, 令人一啖接一啖咁食< 💡雪山叉燒包 ($23)❄️雪白色既外皮蓬鬆柔軟, 加上香甜既叉燒餡料, 口感超正~~ 💡鮮芒果布甸 ($22)🍮🥭布甸同外面既酒樓唔同, 外型偏細同埋無煉奶, 味道略甜, 同上面既鹹點打番個和啦😙 💕點心店座位舒適, 雖然點心既味道唔係特別出眾, 但價錢合理, 加上即叫即製, 絕對係佢坐無虛席既原因😀

Chicken Feet Ribs Rice:The chicken feet were braised to perfection, and the sauce was a delightful balance of savory and slightly sweet flavors. Each bite offered a burst of umami, and the fall-off-the-bone ribs added a rich depth to the dish. The fragrant rice soaked up the delectable sauce, making it a heavenly combination. This dish is a must-try for any dim sum enthusiast seeking an authentic Hong Kong dining experience.Quicksand Custard Bun:The creamy custard oozed out like quicksand, engul

籠太子點心專門店（太子）星期日午市唔駛等太耐就有位埋單$121，唔收加一（服務反而比好多去過既酒樓好，起碼爽手冇錯漏），茶錢剩係收$3，CP值算中上食物整體唔錯，特別係蝦餃，但個皮蛋牛肉腸差啲，食唔到皮蛋，牛肉又冇咩味

太子區內食肆真係越黎越多，菜系種類繁多 記得呢間點心鋪啱啱開張時黎幫襯過，味道一直唔錯，價錢又好合理。事隔多年，依家再食番估唔到佢keep到水準喎～一個人食唔到d咩，就叫左最大路嘅《鮮蝦腸粉》$29。一條過嘅擺法，每件腸粉都包裏住一隻明蝦，夾落就知腸粉皮好軟滑，唔厚實。佢d豉油唔係死咸，唔算甜口，反而芝麻油香重少少，就算件腸粉一直浸住，都唔會咸再黎個《醬皇蒸鳳爪》$23我至愛一籠有4隻完整嘅鳳爪，蒸得軟爛，最底層鋪左d烏冬，醬皇有少少辣，食得好惹味 同埋好重要係佢唔會一pat醬咁墶落d鳳爪度，賣相都開胃d茶位$3，唔收加一服務費，呢度真係唔話得我見其他點心鋪一出左名就係咁加價，d食物質素反而每況越下，真係食第一次誇啦啦再去就吹 喇叭。始終做街坊生意，實實在在先可以長做長有

4個人去找地方飲夜茶，太子旺角係openrice 幾間食店心評分幾間都幾高， 朋友最後選擇了這間， 由太子地鐵站行過去大約5分鐘，座位唔係座得太舒服，有些枱係六人長枱，即有機會要搭枱座，只有一張圓枱，我見有好多熟客。我地叫咗大約15樣點心，大部份都好好食，有d比大酒樓更加好食，雖然店小但點心有上當水準，好值得去。服務方面，女店員唔係好識講廣東話，講嘢有啲惡，但男店員嘅服務係非常好，個別店員問題。食物好會再帶朋友光顧 。

一進店一舉頭就看到一個個雀籠, 完全反映店鋪取名原因 - “籠太子”。整間店鋪都是水綠色的, 裝修很有文青風, 感覺很舒適。(雖然裝修不俗, 但雀籠都鋪滿塵, 該清洗一下 😅)我們總共點了十一碟點心, 我並不會將所有點心點評, 重點是介紹比較特別的或出色的。鮮蝦腐皮卷 - 一吃是腐皮的味道, 但卻是蔬菜的質感, 非常特別, 另外我完全吃不到鮮蝦, 或許已經被一堆菜掩蓋了。不是炸兩 - 腸粉包著的不是油炸鬼, 所以才稱為不是炸兩, 吃不到𥚃面的是什麼, 但都是炸得脆脆的。鵪鶉蛋燒賣 - 這個最驚喜的是腐皮, 它有非常濃厚的鮮豆味, 相當清新!香蒜春卷 - 外暖內熱, 第一口咬下去想像不到𥚃面會這麼熱, 食物熱騰騰已經加分, 餡料蝦肉也是非常新鮮再加分👍🏻香芒沙律盞 - 這個有點失色, 看圖片以為很特別, 卻是普通的沙律, 加上香芒汁及沙律醬, 底部承托的只是一塊薄薄的脆片。鮮芒果布甸 - 意外叫錯了這個布甸, 比上面原來要叫的好得多, 除了布甸太細之外, 味道本身很甜, 在上面鋪上芒果蓉後就更甜!整體上吃得出點心都是即叫即做, 大部份都好吃的, 而且也坐得很舒服, 難怪當晚是坐無虛席。

原本諗住去豐信餃子食lunch，點知太多人排隊，就去咗附近一間都幾多人推介嘅點心鋪食點心。之前去過太子食過幾間點心鋪，個人覺得呢間算係太子比較好食嘅點心鋪，同埋啲點心都比較有特色，最重點係茶錢都只係三蚊一位！1.海皇芝士千絲卷個千絲卷係即叫即炸，炸到卜卜脆，不過嫌佢啲炸絲太厚，食到一半已經覺得有啲油膩；個餡係蝦肉同芝士，芝士味唔算好濃，所以唔係好食到芝士味。2.不是炸兩咁多樣點心入面，我最欣賞呢樣點心；外皮係普通嘅腸粉皮，包住啲炸兩，而炸兩仲包住菜同蝦膠，食一舊就可以食到多重口感，同埋炸兩入面嘅餡中和咗油膩，令到無咁濟。3.煎蝦膠釀茄子茄子煎到外脆內軟，而茄子上面嘅蝦膠都幾彈牙，個茨汁因為比較杰，所以食嘅時候舊茄子都掛到好多醬汁，都幾惹味！4.魚肚水餃呢樣點心我比較失望，開頭以為啲餃子會好入味，點知水餃都唔係好索到湯，可以湯嘅味比較淡，加上餃子嘅皮比較厚。5.鮮蝦燒賣皇燒賣有分兩粒同四粒咁賣，到埋單個陣先發覺叫四粒燒賣比叫兩粒燒賣仲抵啲；燒賣味道不過不失，個size都幾大粒，食落都幾juicy，感覺無咩特別。

Came here for early lunch. It was not crowded before 11 but the queue was long during the lunch hours afterwards.Simple food but good quality. The soup dumpling was not to miss, The fried seafood cheese roll and spicy beef and mushrooms bun were also the good ones. Only one miss was some xiao long bao were broken.The plates are around HK$20 but it gives the impression you may want many plates. I would recommend to have dim sum here and you will get what you pay for.之前黎呢度食點心，11 點之前唔算多人，但在之後的午餐時間就

女友住呢頭附近，但其實一直都未知呢間舖頭，直至一次ViuTV節目講深宵工作既人，既然望落好似幾好，就即管試下啦，門口緣藍色冇乜特別，入到去就會發現週圍去鳥籠式佈置，嘗試整到好似舊式茶樓果種感覺，座住正常舒服，樓底幾高冇壓迫感，點完野都都係等冇耐就會上到食物，溫度仲要係夠熱既，美中不足既係啲樓面好多都係講普通話，雖然聽聞老闆係有良心，但未知啲伙記係咪都有良心，聽住蝗語好影響心情，如果有政治潔癖既就要忍耐下了食左好幾次了，食物質素認真係好既，最鍾意係藥膳雞腳、不是炸雨同南瓜煎堆，

飲茶·一盅兩件🥧好耐冇試過一家人一齊飲茶了今日就去近近地嘅 #龍太子點心飲茶🫖打頭陣嘅梗係妹妹嘅至愛-腸粉·蜜味叉燒腸-皮薄餡靚嘅叉燒腸，腸粉滑脫脫，叉燒又多又好味😋我就鍾意食·黃沙潤腸-內臟腸粉好少人整，都好少人會整到好食。呢度啲黃沙潤腸真係好好食🤤哥哥鍾意食卜卜脆嘅·蒜香蝦春卷-即叫即炸，熱辣辣脆卜卜·海鮮蘿蔔絲煎薄撐-每一件都滿滿的蘿蔔絲 + 蟹柳，兩邊都煎到金黃，脆而不膩💯·鮮蝦腐皮卷-都是香口點心，外皮香脆，入邊仲有好大隻鮮蝦🦐食肉獸爸爸鍾意啖啖肉·鮮竹牛肉球-啖啖肉加馬蹄餡，咬落去超有口感👍·鳳爪排骨飯-大大隻鳳爪、大大件排骨、大大碗飯，夠晒飽肚😆包點之選·流沙奶皇包-又香又軟熟嘅奶皇包，啲奶黃真係多到流晒出嚟㗎🥰簡單又滿足嘅一餐😌

男朋友好鐘意食點心，所以呢一晚我地就㨂左龍點心去試下點左幾款點心試下，發現佢呢度部分點心可以㨂兩粒/四粒，呢點我真係好欣賞，因為唔係時時都咁多人一齊去食點心，少少地試下就可以試多幾款我地㨂左以下既點心：叉燒腸粉、燒賣、小籠包、蝦餃、流沙奶皇包、芒果沙律盞、煎蘿蔔糕、魚肚水餃味道方面：我覺得係OK既，無一款覺得係伏，特別一提既係魚肚水餃既餡係有木耳絲同埋「流沙」奶皇包係少許流沙而唔係流心，大家可以留意返！少許覺得可以改善既係點心唔夠熱，雖然知道係即蒸，係真係唔係太夠熱，如熱點相信會較好吃呢度茶錢每位$3，好平！不過茶就唔係太夠熱，因為佢係用個熱水壺整定一壺咁上的。另外一提，待應執完碗碟放回後欄既筒時碗碟聲超大聲想靜靜地飲茶食點心既話呢度唔係太合適結論係：點心一般水準，未至於話食完會令人覺得難忘想回頭再幫襯

夜晚經開太子又好耐冇食中式野，想食嗰間餃子店太多人，於是openrice再搵下有咩好食，見尼間籠太子咁多推介就去試吓。門面其實都唔少人，至少坐滿先，以為冇伏？咁就太天真啦…😀等左一張枱入得去，環境衛生就一般，叫野食都正正常常，等野食先最漫長… 印象中食左一碟腸粉後，等半個鐘先有下一碟，可能咁樣坐滿食客？🤔再者，其實已經好餓，照計食咩都好味，流沙包唔流沙都算， 不過燒賣唔熟真係幫唔落，個程度係放左舊生既肉入口，食落口咬落口感好怪，以為係蝦定冬菇，但咬真啲又唔似，於是一lur出嚟就嚇親，再望真啲，其實啲皮都未蒸熟哂架… 你要慢功出細貨要時間蒸冇問題等你，但係俾左時間你野食都唔熟就… 中伏啦🙂冇幾耐，玻璃肚既我肚痛…希望間店有心做就真心改善下。👋🏿加返慎入以下係燒賣圖，唔完整的。。。。。。。。。。。。。。。。。。。。。

價錢適中，不过不是所有食物是即叫即蒸！味道一般! 尤其是雪山义燒包不熱，反叮，很硬! 不是朋友所講很多驚喜! 環境境細，不光猛! 無乜人招呼客人！唯燒茄子和和牛牛肉球很值得推介！

太子近來多了好多好餐廳，食點心選籠太子一定穩陣，每樣點心都幾好，比酒樓好食。紅油抄手：醬汁好特別，不是太辣，帶一點點酸，好開胃。餃子味道亦十分好，用了椰菜所以會有點爽口，口感豐富。奶皇包：放了一會兒才吃，仍然是流沙的狀態，蛋和和奶味剛剛好，不會太膩又有香濃咸蛋味。包身軟熟，值得一讚。鮮蝦菜苗餃：蝦大隻有肉地，爽口彈牙，意外地菜是用了菠菜，爽口又沒有渣，營養價值比較高又有更加有口感。蒜香春卷：即叫即炸，每人口都鬆脆，不錯。

下班後和友人到金魚街賞魚，友人突然興致勃勃想飲茶食一盅兩件，貪佢可以樣樣都試啲，滿足味蕾，於是找了附近一間點心店晚餐。叉燒腸粉(⭐⭐⭐⭐💢)講到點心，必然有腸粉。筆者一直很怕餡料少的腸粉，但籠太子的叉燒腸卻很足料，放進口內感覺叉燒滿滿，若喜歡厚糯腸皮，必點。魚肚水餃(⭐⭐⭐⭐💢)水餃皮有驚喜，十分爽口彈牙，沒有厚糊感。魚肚厚身，吸滿湯汁，餡料亦美味。多汁小籠包(⭐⭐⭐⭐💢)小籠包以錫紙兜盛戴，不怕黐到點心紙。味道及肉汁不過不失，略嫌麵皮偏厚。金蒜蒸排骨(⭐⭐⭐⭐💢)排骨乃是次晚餐美味之最，排骨放進口中滿是蒜味，而且每件均啖啖肉，不會骨比肉多，肉質亦鬆軟，十分推薦！煎蘿蔔糕(⭐⭐⭐⭐💢)雖然絕多數茶樓或點心店均有蘿蔔糕，但籠太子的蘿蔔糕卻煎得十分香脆，端上枱時仍然熱呼呼，而且不會有只有粉漿沒有蘿蔔的感覺。四寶滑雞紥(⭐⭐⭐⭐💢)整件雞紥值得一提是雞件，選材十分新鮮，肉質仍然彈牙實在，完全沒有雪味霉味。其他餡料亦不俗。蒜香春卷(⭐⭐⭐⭐💢)熱辣辣的春卷炸得十分脆口，內裡盡是蝦肉，味道亦不錯。不過略嫌份量較少。~~~~~~~~~~~~~~~~~~~~~~~~ 籠太子點心專門店 太子柏樹街9號