籠太子點心專門店

Open Now

Now Closed

最近去開太子上堂，想搵間平平地嘅餐廳解決晚飯，一search見到呢間籠太子點心店好似唔錯就決定試下。入到去每款點心價錢平均約$20，非常抵食！我就叫左蝦餃、燒賣、藥膳雞腳、老火湯同蝦春卷，整體黎講味道都唔錯。比較特別嘅係燒賣，每粒上都有一隻細鮑魚！我自己都幾鍾意佢地嘅老火湯，飲落十分清甜冇味精。蝦春卷就炸得非常香脆，帶微微嘅蒜蓉香；藥膳雞腳嘅藥材味就比我想像中重，下次應該會叫番普通鳳爪算。其他嘅點心味道都唔錯，下次應該都會再幫襯！

幾年前印象中幾好 今日外賣再幫襯 質素下降 發覺叉燒腸嘅叉燒好一般 好似擺咗好耐咁 流沙包唔識流沙 加熱兩次都係咁 仲食到硬硬哋 價錢還要貴過酒樓 應該唔會再幫襯喇 唔識流沙應該印奶黃包

最近媽咪打左疫苗，咁就可以同去去餐廳食野喇！佢話好掛住即叫即蒸嘅點心味道，咁就帶佢嚟呢間點心專門店呢度嘅點心好抵食呀茶位只係$3咋，仲要唔會加一添原隻鮑魚燒賣鮑汁汁撒在燒賣上，令味道更昇華完全唔會單調！粒豬肉燒賣好好食肉質好爽，又無肥豬肉，加上仲有原隻蝦添，令口感更爽彈藥膳雞腳勁香當歸味，夠哂真材實料雞腳煮得好入味，同埋好夠淋！連啲軟骨都可以輕易食到魚肚水餃呢個湯好清，完全唔油膩，岩哂我不過魚肚得2舊，唔夠喉水餃好出色，相信係自家製的，皮薄餡足料鮮蝦菜苗餃水晶皮好晶瑩剔透！菜苗好豐富，超大愛石斑荷葉籠仔飯100%推介石斑肉質好滑！好欣賞呢度嘅魚皮無魚鱗，連啲飯都好有魚香香芒沙律盞呢個甜品好開胃不過美中不足嘅係個脆脆淋左，唔知係唔係因為太早order嘅關係～～

宜家想食點心，好多時未必去酒樓。點心小店價錢平啲，茶錢又抵好多，好多都唔駛加一。籠太子店心專門店點心種類繁多，價錢又經濟！午市兩個人飲下茶，抵食之選！呢度嘅蝦餃、燒賣都可以叫2粒，啱哂想食嘅我又怕叫太多食唔哂！ 咁樣就可以叫多啲其他款式！▶️籠太子蝦餃皇$15/2隻蝦餃幾大粒爽口、充滿蝦肉！▶️鮮蝦燒賣皇$15/2粒肉夠多唔會太多肥膏，唔錯！▶️蝦春卷$24一份帶4條，金黃香脆，好香蒜蓉味！▶️鳳爪排骨飯$27估唔到都幾大盅，好多飯，飯較硬身加豉油剛好，排骨夠腍又惹味！▶️翡翠帶子腸$26帶子爽口口感，腸粉大大條！▶️多汁小籠包$22味道唔錯，夠多汁！▶️南瓜煎堆仔🎃$19皮薄，好香口，好食！ 推介😋茶錢$3/位，仲唔駛加一！抵食！

我趁著疫情稍為緩和，就和家人到太子的「籠太子」嘆一盅兩件。當日其門如市，要等位，在這個時期算是罕有了。看完點心紙，點了幾款傳統點心，當中亦不乏驚喜。“不是炸两”，外形似一般炸兩，但口感完全不同。外層幼滑腸粉皮，包裹住入面炸脆的油炸鬼，裏面還有蝦滑，是炸兩和蝦腸的混合體，真是外軟內脆，非常特別。“鮮蝦腐皮卷”，新鮮炸起，特別香脆，口感奇佳。“煎蝦膠釀茹子”，熱辣辣，新鮮煎好，茄子非常入味。“蜜汁叉燒包”，大大件，傳統口味。“鳳爪排骨飯”“北菇滑雞飯”蒸飯都熱氣騰騰，份量不少，飯也很入味。這裏的點心都是即叫即蒸，熱度十足，經濟實惠，是嘆點心的好地方。

在旺角購物完順道用膳，選擇吃港式點心，楝啱近太子港鐵站的「籠太子點心專門店」。蝦餃皇分兩顆與四顆選擇，我喜歡份量有得楝，蝦餃味道口感都不錯。金蒜蒸排骨，腍滑排骨配蒜香下飯一流，因此我們也要一盅鳳爪排骨飯分享。 熱騰騰的流沙奶皇包也是我們的至愛，十分享受甘香美味的流沙奶皇。不是炸兩，是爽滑腸粉包裹薄脆，而薄脆包裹蝦肉與韭黃，一次品嘗三種口感：爽滑、香脆、鮮蝦肉。魚肚水餃，水餃饀料滿滿，鮮蝦很爽脆可口，還有我喜愛的魚肚，滲滿上湯吃，很爽呢！ 最後由迷你版鮮芒果布甸劃上點心午膳句號。順道外賣三款點心回家，鹹水角、南瓜煎堆仔、藥膳雞腳，外賣有九折優惠。

籠太子今日同屋企人去咗飲茶嘆一盅兩件，呢間餐廳茶芥$3/位，唔洗加一超級抵食！餐牌上點心選擇多，大約有五十多款！由於人流較多，落單後等了10分鐘才陸續上枱。金蒜蒸排骨一上枱就聞到蒜香味，排骨份量多而啖啖肉！原隻鮮蝦腸腸粉滑溜蝦肉彈牙，熱辣辣上枱食落份外暖笠笠！皮蛋瘦肉粥粥底軟綿，皮蛋瘦肉份量足料，唔洗加調味料已經好好味！煎蘿蔔糕新年必食，蘿蔔糕煎得香脆，沾上甜醬醬料份外惹味！北菇滑雞飯雞肉嫩滑唔鞋，北菇肉厚身，和屋企人分享絕對夠飽！人均約$70，非常抵食！

老公喜去飲茶，邊睇報紙邊食點心，天氣凍，飲杯熱茶，食碟熱辣辣點心，確實係唔錯，今日就去咗籠太子點心專門店，專門店主打現點現做的港式點心。環境幽雅，座位舒適。原隻鮮蝦腸：每塊腸粉裡都有隻非常爽口的原隻鮮蝦，腸粉滑溜，加上調製過嘅豉油，十分美味！龍太子蝦餃皇：蝦餃粒粒飽滿。皮薄餡靚，晶凝通透，透出裡面淡紅蝦仁，好爽口！鵪鶉蛋燒賣：燒賣餡料彈牙，加上鵪鶉蛋的蛋香，完美的配搭！蒜香春卷：春卷香脆，餡料鮮蝦爽口亦帶有蒜香味。古法糯米雞：內餡非常足料，糯米蒸到綿爛的口感，吃表層時充滿荷葉的香氣，內饀的醬汁跟糯米融合在一起，口感軟中帶點Q，很夠味，口味重但不致於過鹹。海鮮蘿蔔絲煎薄撐：薄撐是是一種用糯米粉做成的傳統小食。加入不同配料煎至金黃色，香脆可口！

幾年前，我同男朋友都幾鐘意食籠太子，住得近都成日食，幾年冇嚟，已經要排隊，而且品質完全唔同哂！先講❌蝦餃：細粒，個皮勁淋勁削，好似七仔叮點心咁，好差！❌鵪鶉旦燒賣：太淡，仲有陣甜味，奇怪！❌雪山叉燒包：唔鬆脆不突止，食落硬崩崩唔夠熱，好似放咗好耐咁！❌煎釀茄子：個皮好硬要吐出，太多油❌排骨：太肥，多碎骨其他野未算最差，但都唔係好食，唔知係咪轉左手，真係好差好失望，求其一間茶樓點心店都好食過佢，我肯定唔會再去！

香港人 由細到大 男女老幼應該都會鐘意去飲茶食番個一盅兩件享受下假期我自己就鐘意去依間位於太子既小店位置都算方便 近太子地鐵站出左閘 大約行5分鐘就到小店經營 但價錢合理 真材實料是日例湯 : 木瓜雪耳鰂魚豬骨唔太岩飲 所以嗌左5樣野蝦餃 (2粒)不是炸兩 (今次外皮較凍)鳳爪排骨飯 金錢肚(有幾條烏冬墊底)灌湯餃 (超夠熱)茶錢每人$3 大大壺玄米茶任飲又唔洗加一真系勁抵食原來已經有港島區分店 及 屯門區分店希望下次黎會有d新款式點心因為都好似好耐無轉過menu了

一向深受港人/遊客喜愛廣式點心，重點可以隨你續個點吃到飽為止之外，憑即叫即製熱熱涮嘴賣相/分量/水準兼細味，經典款式以菜單來說「一盅兩件」既把傳統結合之餘讓你與三五好友飲下茶傾吓計既習慣大開滿足炸至香脆「鮮蝦腐皮卷」薄脆內饀對摺好鬆化招牌「蝦餃皇」「燒賣皇」「菜苗餃」大粒紮實剔透、厚實滿滿既餡料餃外皮煙韌一口咬下口感彈牙爽口「蒸鳳爪」肉質軟腍色香味俱備醬汁炮製是飲茶必點之一「糯米雞」傳統的糯米雞份量不少，鹹香製法以荷葉包著糯米用料十足兼且軟硬度高有效增加飽肚感充當一餐的確好滿足

叫左藥膳雞腳同黑椒牛肚，份量少得可憐，雞腳三小隻，29元正，牛肚三小件，35元正。味道不錯，但份量真是太少，吾通係送餐員偷食左？這個價錢我覺得吾會再幫襯第二次，希望有所改善。

今晚經過太子，突然很想吃點心！馬上用Openrice搜尋一下這區吃點心餐廳，看見「籠太子點心專門店」評價不錯，馬上走去試試！餐廳玻璃貼上了米芝蓮海報；餐廳裝修以薄荷綠色為主，很清新！天花掛上很多鳥籠作裝飾，樓底很高，座位設有不少卡位，十分舒適。點心紙款式選擇十分多，馬上點了幾款招牌點心！鮮蝦燒賣皇同樣點了兩粒，燒賣蝦肉同豬肉比例很好，燒賣味香濃！籠太子蝦餃皇，有兩粒及四粒選擇，很貼心，蒸得皮簿，蝦肉十分新鮮，爽口彈牙！鮮蝦菜苗餃 ，有三大隻，每隻都很足料，菜苗很鮮嫩，餡料咬開很多汁，蝦肉大大粒，爽脆！我的最愛！翡翠帶子腸粉，腸粉皮很滑，不會過厚，帶子粒帶鮮味，加上甜豉油，口感清新，不帶油膩感！蒜蓉蝦春卷，炸得外皮金黃，每條都有原條蝦肉，外層香脆可口，內層配料軟熟，十分吸引！海鮮蘿蔔絲煎薄撑 ，份量大碟，邊緣位煎得很香脆！加上辣椒油更惹味！鳳爪排骨飯，份量大足料，飯粒蒸得不錯，加上醬油馬上提鮮！菜心，翠綠清甜，軟硬度剛好，不會過淋或過硬，份量大碟！清新又健康！整體來說，點心專門店食物水準不錯，但價錢十分親民，性價比滿分，不收加一服務費外，茶錢只需每位$3，就可品嚐得到米芝蓮點心，超值！

你咁噏噏揼揼嘅點心啲，位於太子內街，但係就做咗我嘅飯堂。點解做到我的飯堂？有三，價錢公道，水準穩定，近我屋企。佢唔可以話超好食，但係平均水準唔錯👍。當你腦筋空白唔知食咩，我就嚟依家。

諗唔到差左咁多😓照舊叫左不是炸兩，咸水角，和皮蛋瘦肉粥。粥是涼的，我要求加熱，侍應是拎走了，等了一陣拎返嚟，仍是涼的。咸水角也太「煙靭」了吧。 不是炸兩則是漏了單囉。嚟到時是夠熱的，但已無左蝦，變成齋了。等陣！有兩舊係有一小塊蝦的。好啦求其食左碗粥，飲左啖茶發覺，只能說是室温囉。我唔叫佢換啦，分分鐘呆等完俾返同一壼你，哂時間。好久無來，今日特登返嚟幫襯。平時見慣的侍應姐姐不見了。樓面是未見過的姐姐。唔熱的粥好難食，要揾過第二間食店了。