籠太子點心專門店

Open Now

Now Closed

從餐牌上看，這個點心專門店是全日供應，亦沒有為晚市特設其他食品，可見他們對自家點心的信心除了黑醋/醬油外，餐廳亦有提供自家秘製辣椒油，叫蝦將軍，香味濃但不會太辣。另外餐廳非常意外地有提供植物肉的菜式，非常新穎，是很好機會讓年長朋友試試。填完點心紙之後，一籠籠點心蒸籠便徐徐送上，很有酒樓飲茶的氣氛。香滑反斗糕口感鬆軟，但沒有想像中特別。四寶滑雞扎浸著高湯，味道鮮甜，雞肉嫩滑， 加上彈牙魚肚，咬一口能吃出多重口感。蝦餃肉質爽口而且足料。蒸好時的小籠包也是浸著高湯，咬開時要小心過熱。除了點心外，我們還點了石斑荷葉籠仔飯， 蒸出來的飯收了荷葉和石斑的精華，不用落醬油也很惹味。最後才上的甜品是椰汁桂花千層糕，賣相精緻，層次分明，桂花糕的花香配以椰汁糕濃郁的椰香，但略為偏甜。

今日精選靚湯是老黃瓜煲豬骨，真材實料火喉夠，老黃瓜豬骨香味十足，飲完感覺補充身體水份，喉嚨都舒服點龍太子蝦餃，一籠四粒，夾起來看皮薄，咬落蝦香彈牙，加上辣椒油更加美味牛栢葉煙韌彈牙，火喉控制得宜，最怕蒸得過火，像吃橡膠一樣，醬汁入味，不是單單將味道掛在面層，爽口彈牙好味蒸蝦腸粉，腸粉出色，不會過厚，薄薄的包著完整一只蝦，蝦肉彈牙，不是淋淋的質感，加上調好的甜豉油，完全合格藥膳雞腳，用當歸紅棗煮成的雞腳，入口充滿藥膳香味，炆得肉質軟熟又入味，忍不住喝一口湯，濃郁當歸味道，湯不是浠浠的，充滿藥膳精華，最後全喝光，不過此藥膳材料比較補身，晚上吃完有機會瞓不著覺荷葉飯有幾種選擇，最後揀了帶子荷葉蒸飯，打開荷葉面層鋪滿細細粒的帶子和切粒的菜，合一口飯，充滿荷葉香味，飯粒粒分明有口感，我和朋友食完一碗又一碗

今日去左太子做運動做完運動緊係要補充下體力🤗呢間都食過幾次，價錢抵過去酒樓飲茶，茶位都係$3 一人好多款點心選擇呀！-雪山叉燒包唔同一般既叉燒包，脆皮面既叉燒 ，咬落好鬆軟，淡淡叉燒肉👍🏼正-煎蝦膠釀茄子個汁好正而且即叫即整，熱辣辣好好味😋上面既蝦膠都好彈牙。-原隻鮑魚燒賣 食到鮑魚又食到燒賣 ，一個食物兩個口感，燒賣蝦肉同豬肉的比例平均，咬落鮮甜又多汁。-籠太子蝦餃店舖既招牌點心，好食d蝦又彈牙-多汁小籠包外皮薄咬落去好多湯汁😙食個時一定要啜左湯汁先再食餡料。-名醬蒸鳳爪有烏冬打底既鳳爪真係第一次食🤣個鳳爪都入味-蒜香蝦春卷脆卜卜又香口，裡面真係包住一條蝦食落啖啖肉😋😋食物水準每款都好好！唔會有一款唔好食😋

這間以綠色為主調，天花掛有好幾個雀籠的籠太子點心專門店，環境寧靜舒服。一頁的點心紙有齊多款傳統點心，包點，腸粉，蒸飯，酥點及甜品，價錢合理。薑蔥牛柏葉($23)，牛柏葉夠爽彈，正常水準。鮮蝦菜苗餃($23)，三大隻脹卜卜的菜苗餃，皮薄通透，包著滿滿嫩綠的菜苗。帶子腸粉，雪白的腸粉卷著一粒粒爽口的帶子粒，如果可以加些蔥粒就更好。原粒瑤柱子灌湯餃，$25一客灌湯餃還要有原粒瑤柱，而不是瑤柱絲，是抵食的。湯底清甜不油，只是皮比較厚身。鮑魚雞件籠仔荷葉飯($48)，以炒飯做底，粒粒金香分明，雞件的油汁滲到飯身中，不用加豉油味道已足夠。$48的荷葉飯已經有兩粒鮑魚，口感還要不錯，頗有驚喜。只是略厭雞件比較多骨。另外點了是日老火湯，冬瓜薏米鰂魚煲豬骨($17)，大大碗，湯料足，沒有味精。

星期日想飲茶食下點心，見OpenRice呢間籠太都有唔少好評 一於試試佢籠太子地理位置都算方便，太子站出行5分鐘左右就到，我去到嘅時間大約1點半 店外已經有十零人等緊，不過有啲係等外賣 所以好快就有位坐低無耐侍應遞上碗筷同茶，速度都算快佢地用嘅係玄米茶，一早沖左係個壺度，啲茶好香，茶錢都只不過係$3我地嗌左雪山叉燒飽 紅油抄手 鮮竹卷 春卷雪山叉燒飽外皮酥脆，內餡都有唔少叉燒 無乜空氣感，誠意之作紅油抄手啲辣油唔夠辣，無乜味，上菜時亦唔係好熱，有改善空間鮮竹卷有上湯浸住，都算好食春卷明顯係新鮮炸起 上枱食時都仲脆卜卜，長度有食指咁長，餡料略嫌少左啲，不過都收貨埋單$140，免加一，一句講曬：好食兼抵食！下次會再黎！

餐廳係太子， 位置尙算方便易揾。 所有嘅點心即叫即蒸， 侍應服務態度好又快手。先來了過流沙奶黃包， 香軟鬆滑。一啖咬下去， 好多汁流下來。再嚟咗個鵪鶉蛋燒賣， 已經唔係好多酒樓而有呢款點心， 一如記憶中得好味。鮮蝦燒賣王四隻, 蝦肉很彈牙。 有小小香菇味。好足料。原隻鮮蝦腸， 腸粉很簿， 蝦肉大大隻， 每一細份都有一隻原隻蝦，非常彈牙。蜜味叉燒腸， 叉燒的料都很多。同樣， 皮都好簿。 海皇芝士千絲卷， 有surprise, 炸得鬆軟， 入面香口， 唔油膩， 口感細密。餐廳唔算太大， 但睇上去都乾淨，茶錢只需要$3一個人， 都掋食。二人買單160， 食到飽飽， 晚巿黎講好掋

深水埗總是給人懷舊的感覺,飲茶及傳統小食更是讓人忘懷。這次就黎試這間深水埗點心店。店內size不大,但裝修別緻,坐落給人舒服的感覺。鳳爪牛柏葉叫了兩籠common點心一試,初頭以為一般貨色,和街邊小食店一樣味道,但吃落有高級茶樓的質素,雖然沒有出眾的外表,但味道真是上等。鳳爪味濃嫩滑, 牛柏葉也很入味,爽口但軟身,老人家也會喜歡。腐皮卷春卷炸物同樣出眾, 腐皮卷煎得不會太乾身,外層煎得剛剛好,不油膩,加上內層軟熟好味,配料又多。春卷炸得香脆,但油膩,色澤又吸引。金錢肚燒賣金錢肚爽口, 而味味濃嫩滑。燒賣大大粒的,蒸我剛剛好,一點也不乾身,整體非常出色,讚。

一盅兩件，飲返個晏小小既早茶😊茶位不要多，只需三蚊就可以了，叫返一兩籠，一盅飯，一天又一個美好既開始。蝦餃 - 皮不會太厚，剛好，蝦球既味道正常，沒太大特別。鮮蝦燒賣 - 彈牙，一樣是正常，跟別的茶樓分別不大。鳳爪排骨飯 - 餸菜分量正常，味道也一樣，沒特出之處。整體正常，沒出色之處，但這價錢的話，覺得也是可一試的😊

同朋友去完太子買花，買完便四圍搵下有什麼可以醫肚。見這點心店門外貼上米芝蓮海報，朋友都想入去食飽魚燒賣😍。進到店內全是雀籠和店名十分貼切，我們叫了幾款點心。鮑魚燒賣～賣相獨特用來打卡一流，鮑魚仔加燒賣互相呼應，味鮮、特濃的鮑魚味令燒賣加添貴氣。蝦餃王兩粒～蝦十分爽口，皮簿彈牙。 海皇芝士千絲卷 ～ 好特別 未曾在其他酒樓食過，十分鬆脆千絲是什麼? 我估是米粉加芝士炸成的，好好味令人回味。雪山叉燒包～甜脆的外皮配上叉燒餡，不太咸正合我心意。香芒沙律盞 ～沙律好開胃但杧果太少了，沙律盞要快快的食，不然會變淋啊！原粒瑤柱灌湯餃～大大隻不易散，內裡的涵料滿滿的，加入浙醋一起吃真是開胃。翡翠帶子腸粉～ 清新的蔬菜帶子，沒有油膩感；而腸粉只可用一個字去形容“滑”。總括來說這裡的點心沒有味精、即叫即蒸，大大件不加一，茶錢只須＄3，果然是地道的親民米芝蓮小茶樓啊～ 下次一定會再來

放工突然想吃點心，上網找找附近有沒有點心專門店，發現有間不錯的店，一於過去吃吃看。店舖天花用上鳥籠作裝飾，望落非常特別。由於太肚餓關係，二話不說已經剔好點心紙，靜靜等待食物送上。籠太子蝦餃皇外皮晶瑩剔透，大小剛剛好一口一啖，蝦肉鮮甜爽口。鮮蝦燒賣皇蟹籽燒賣蝦肉豬肉比例恰到好處，入口鮮美有肉汁，整體來講非常不錯。鵪鶉蛋燒賣最愛點心之一，入口滿滿的蛋香味，豬肉鮮甜肉嫩，每次都必叫。鮮蝦菜苗餃外皮軟滑，餡料菜苗翠綠清甜，蝦肉爽口彈牙。蜜汁叉燒包醬汁香濃惹味，叉燒有咬口，包皮軟熟。原隻鮮蝦腸腸粉外皮軟滑，鮮蝦爽彈鮮甜，加上甜豉油更加滋味。不是炸兩腸粉包住米網卷，餡料有芹菜、蝦肉，一脆一嫩，特別美味。

疫情前黎過飲茶一直覺得環境食物都好正 幾年冇黎 好開心質素依然連茶芥都冇加 非常親民多汁小籠包 $21/4粒唔大粒但的確會爆汁 正！小心辣親嘴肉汁食得出小許薑味 幾鮮抵食推介不是炸兩 $25腸粉皮夠薄夠滑做得非常好 咬落去仍然非常脆蝦都夠大夠彈牙海皇芝士千絲卷 $25出面好少食到非常濃郁既芝士味配上大大隻既蝦肉脆得黎但唔油膩每次黎都會點！蘿蔔糕看似到到都有既點心 其實唔簡單呢到既蘿蔔糕真係幾好食唔會太粉太削我平時其他地方通常都會點辣椒油或者甜醬但今次完全唔洗點者都已經非常惹味！其他酒樓必備既點心都應有盡有啲呀姐又好好禮貌性價比好高既一餐！

我和朋友都好喜歡飲茶，無論早午下午茶晚餐，隨時想吃就一盅兩件的地方就是點心店。今日在太子可以慢慢聚，歡樂談。流沙奶黃包奶黃果真流沙，甜甜的味道，包暖騰，果然即叫即蒸，質地軟熟，切記趁熱食。鮮竹牛肉球很大一球，啖啖肉，加上底下的腐皮，配上喼汁，又爽又軟，一下有兩種口感。黑椒金錢肚切得細細一件，煮得剛好，肚軟糯，下面有烏冬，亦是吸收了醬汁，黑椒味不濃。上湯鮮竹卷高湯不錯，腐皮好滑，吸盡湯汁，美味清新。蝦餃皇大小適中，用上很多蝦，餃皮不會太痴筷，加上辣椒油，格外出色。蜜汁叉燒包想叫雪山，但不小心叫錯了。這是我第一次吃，發現很大很頂肚，蜜汁原來好香濃，肉質鬆化，比想像中的味道要好。鮮蝦腐皮卷香噴噴，煎得金黃可口，入面有滿滿芽菜，吃時爽口，幾新的嚐試。食後感：沒有加一，價錢實惠。

嚟到太子好想食涼皮，但原來星期一例休，唯有轉場去附近餐廳飲茶。呢間餐廳茶芥只係$3，仲要無加一，絕對違反生活物理！皮蛋瘦肉粥，粥底好綿唔係稀冧冧果種，而且好足料每啖都食到皮蛋和瘦肉！皮蛋牛肉腸，外面好少有以皮蛋做餡的腸粉，原來又幾夾！最緊要係腸粉皮薄牛肉又多，有驚喜！北菇雞粒飯，直頭可以以雞件來形容，份量多夠飽肚！雪山叉燒包，雪山整得不錯，可惜叉燒份量唔多多汁小籠包，大大粒，配以醋來點酸酸甜甜好開胃！值得一讚是上菜速度快，叫了7籠點心，人均每人約$80！

今日氣溫打破五月高溫記錄，不想再在家煮飯了，於是全家外出看看有甚麼好吃的,見有一家點心專門店，便入內一試。看過餐牌後，點了幾個點心和蒸飯。“雪山叉燒包”，甜脆的外皮，鹹的叉燒餡，洽到好處，完全沒有衝突。“皮蛋牛肉腸”，膠粉很滑，牛肉裏有皮蛋粒，口感不錯。“煎蝦膠釀茄子”，滋味的茄子釀了爽滑的蝦膠，煎得香噴噴。“金蒜蒸排骨”， 排骨肉質嫩滑加上蒜蓉的香味，非常可口。“鳳爪排骨飯”，熱辣辣的蒸飯，份量十足，而且很入味。“咸魚肉餅飯”，咸香四溢，口感不錯。“北菇滑雞飯”，雞肉嫩滑，入口彈牙。這裏的點心和蒸飯特色是即叫即蒸，不太鹹，大大件，不加一，茶錢每人只收三元，CP值非常高。

熱辣辣嘅夏天來到太子， 搵間四正小小嘅茶館， 見到open rice 多人like ， 就入黎試下。 入到黎冷氣好大， 透心涼。 先叫咗平時常試嘅點心，籠太子蝦餃王兩粒， 蝦粒飽滿爽口，皮算簿。咬一啖仲有蝦汁，鵪鶉蛋燒賣，皮蛋牛肉腸 ， 有六件， 腸粉很簿，有驚喜， 好耐無食夠勁簿皮嘅腸粉。呢間店必試。再叫了個棉花雞和魚肚水餃，水餃🥟餡都多， 加上魚肚， 同湯， 好味。棉花雞都好入味， 魚肚蒸到入口即融嘅口感， 另一推介。食食下都覺得有飯墊下肚會好d , 試下個北菇滑雞飯， 雞就多， 但稍嫌蒸過頭， 有小小乾。最後嗌咗個脆口小食-蝦春卷， 炸得酥脆， 細細條， 幾香口餐廳環境不錯， 茶館認識， 睇咗佢乾淨企理。 食物很快到， 質素也不錯。 最低係茶位只需要$3每位， 如果係小不值嘅話不妨一試。