王子私房菜

Open Now

Now Closed

有突發事件發生，請左日假！待稍後安排之下，出咗嚟飲茶，不過呢間酒樓令我有點點失望了！首先服務態度都只可以話一般！不過出現咗送錯餐情況！明明點左叉燒腸，可以拎錯咗牛肉腸，真係差好遠喎！春卷就不過不失啦！又拎漏咗喼汁俾我，叫佢拎過嚟反應又比較慢！不過出錯餐都有去補救，呢個位可以加返d分, 春卷都脆，燒賣都幾足料，幾大粒下！排骨陳村粉不過不失，只不過係辣咗少少，叫咗鳳爪，個汁都ok，夠林既！只不過味精就多咗少少！個包用自己個名來做品牌，雖然比較薄，但餡料都幾足既，個餡都有啲濃，幾香豬肉味！餐廳衛生情況都幾理想嘅！每個位都有公筷比客人分開！

牛一，慶祝一下，選了這間酒樓，喜愛它實而不華。叫了蟹粉小籠包，蟹粉多而鮮，應該係今年食過最好味的蟹粉小笼包。點了魚翅，已經很久沒有吃了，魚翅足料，金華火腿好香，還有金華火腿汁，唔夠味可以自己加，可惜的魚翅不是一條條排翅。紅燒豆腐，家常小菜，味道不錯。甜品點了芝麻糕，像吃涷芝麻糊般，很好吃。還叫了一份叉燒，味道很好的，只是今次肥了一些，不適合唔食肥肉的我。環境：坐落商場中，地方寬敞。服務：一向覺得好好，無什麼問題

打風日，不用上班，去偷下閒吧。選了王子飲下茶，為何選王子？性價比高攞。天下第一包，十分鬆軟，內有一絲絲叉燒，王子的叉燒水準也不錯。叫個傳統點心金錢肚，茶樓才吃到的食物，好。 王子炒飯，基本上是必叫，內有大量叉燒粒和乾瑤柱。和膽固醇講聲hello，食了久違的鮮尤，不過不失。今次大力推薦的是甜品芝麻煎堆。外皮佈滿芝麻，十分香脆，內裏芝麻含像芝麻糊一樣，好好食。製作需時，早一點叫吧。環境舒適，位好寬。服務好好啊。

爸爸話要慶祝一下Happy Friday，所以帶我哋去食餐好嘅！因為佢鍾意食中餐，所以揀咗王子私房菜。餐廳環境舒服，係酒樓嘅格局，但冇一般酒樓咁嘈，啱晒傾偈。我哋三個人揀咗一個四人套餐，有頭盤，主食，到最後甜品，食到勁飽！鮮蝦沙律啲蝦好新鮮，彈牙爽口，沙律裏面有蘋果同埋薯仔，沙律醬非常清新開胃。海蜇叉燒燒肉拼盤海蜇好獨特，味道較清淡，口感爽！最鍾意係個叉燒，入味，非常多汁！西芹雜菌炒帶子蔬菜較為清淡，但帶子鮮甜！炸子雞外面脆裏面好多汁，好味👍炒飯睇落一個好普通嘅炒飯，但係功架十足，飯底好乾身，粒粒分明，而且非常煙韌，裏面有啲nuts，多層次。最後，上糖水係木瓜雪耳糖水，欣賞佢唔太甜，直到最後雖然好飽，但係呢碗糖水令你食得舒服！非常暖胃。總括來說，雖然菜式普通，但味道很好，食到食物嘅本身味道，而且食完唔會好口渴。買單二千幾蚊，都可以一試！

平日放工過黎呢度食飯，比較少人，環境安靜，位置擺放得好鬆動，坐得舒服。 每次黎食晚飯都有一位侍應專門負責介紹菜色。今晚諗緊要點一條魚，見到餐牌有好多唔同做法同埋唔同嘅魚嘅種類，簡單問問侍應哥哥當中既分別，佢都可以好細心咁先了解客人本身口味，再詳細介紹每道菜既特色，同埋適合既份量。呢一點係元朗區中菜館比較少見的。講到菜色，最欣賞既係魚同埋個湯。兩個前菜正常味道，符合預期。蒸魚有好多選擇，今次選左最經濟嘅沙巴龍躉，時價300幾蚊。為左更入味，廚師將魚去骨切塊再蒸，每一塊都滲入左椒粒既味道，層次豐富。個煲仔菜比較有鑊氣，撈飯都幾好味。湯係用金華火腿熬製，湯料有白菜膽、天白菇同竹笙，唔油膩但味道十分濃郁。最後甜品係送既。

平時weekend經開呢間都見到要排隊今次難得平日有假就去試一試見佢地都捉得緊客人有冇寫紙仔/安心出行 感覺安心啲點心平心而論性價比並唔高蝦餃嘅皮都爛爛地 對中上價錢比較就麻麻了反而叉燒好鬆軟 推介可以一試

八月二十四日懷着喜悅的心情同友人到元朗YoHo王子私房菜飲茶。正午12:00 職員講明全程一個半鐘就要埋單 由坐低叫茶已用了20分鐘 然後再點點心又用了少許時間 等食物用了30多分鐘先陸續來到 時間所剩無己超大壓力！！點心味道可以但服務極差 沒有茶，示意並沒有人理，扮睇唔到？？還未到時間就不停催促埋單 態度很不耐煩 還有五分鐘已把賬單送了過來 我們的點心還末吃完 一肚氣🥵🥵他家的價錢不便宜服務態度非常低劣 這是我從未試過的！！就挺令人啞口無言的…

十點開門，所以要等到10點先比入。一開始先比熟客仔入去先，然後其他人就要等多陣，明明剛開門，咁多位，但都要你等一陣。之後仲要安排你係d角甩頭位，熱到爆⋯⋯我哋話想坐窗口位，個經理就話有人book咗，但其實就比熟客⋯⋯仲要話明得1個半鐘食～但由坐低叫茶等15分鐘，然後我哋一叫茶已經比咗點心紙，但野食都係要等30分鐘⋯⋯d野食嚟到仲要係飛哂出嚟，仲差過d街坊酒樓⋯⋯個包唔熱，d餃又爆開🤦🏻‍♀️冇茶，你想叫人加，佢哋會無視你，扮睇你唔到，然後入去幫vip先🙄如果間店開嚟淨係服務vip熟客仔，咁你不如直接寫只接受熟客！

今日母親節就點了一個母親節大餐，由於父母不想舟車勞頓，所以是次選址都是區內相對著名的中菜館 - 王子私房菜。在起筷之前，先討論一下商場的交通配套。有賴西鐵沿線的樓盤發展，YOHO MALL的交通在近年越趨方便。除西鐵巴士外，商場的泊車都十分方便，平日食滿$400可以免費泊車三小時，停車場各出口都方便到達商場各個部分，在交通方面加分。環境中規中矩，酒樓的一般格局所以不影了。這次點的是母親節4人餐，價錢頗貴。（$2980+加一）前菜 - 番石榴西班牙伊比利黑毛豬叉燒叉燒值得大讚，相比我食天龍軒的叉燒，這份叉燒燒得更淋更香，從相中就已經感受到肥瘦均勻。松茸螺頭燉花膠原本套餐是原盅菜膽燉雞翅，但由於魚翅的採集過程殘忍和對生態平衡的重要性，我決定換另一個湯。而餐廳就提供了松茸螺頭燉花膠或海參，而媽選擇了花膠。湯好飲，但膠就不夠膠了。膠不算薄，但不夠濃稠。30頭吉品鮑魚伴天白菇30頭鮑有溏心的，菇亦很好味，只是少了一點。清蒸海星班星班新鮮又蒸得剛剛好，是中菜晚飯的不二之選。相信好食的蒸魚是毋須多講的。瑤柱貴紀雞略咸，如果淡味會更好食。蒜子炒白菜仔就不拍了王子炒飯料足乾身，用全隻鮮蝦炒的。陳皮紅豆沙

星期日同屋企人嚟呢度飲茶。我哋一行6人，響酒樓未開門已經去到，等到餐廳夠鐘開門，職員好好安排二張枱響旁邊的比我地，唔知係人手唔夠定侍應唔記得左，order 左二壺茶，但係其中一壺等咗15分鐘都未有。食物方面，野米珍珠雞同埋炒飯係最好味嘅。炒飯足料嘅鑊氣好夠，唔算多油天下第一包其實係3個細細個既焗叉燒餐包仔，味道都ok的。芋頭，蝦餃，燒賣，腸粉等等味道一般，無特別。我哋一共食左70分鐘。可能因為中午時段假日比較多人，職員間中催我哋埋單。

同屋企人慶祝生日食飯 諗住食中菜老人家開心食物質素一般 但服務態度真係極差 食到成肚氣酒樓似行中高級路線 但service 卻係比屋邨酒樓差一定唔會再有下次 已black list 呢個價位 可以有更多更好既選擇

599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生我哋599•Eat幫到你無論大鋪小店我哋都會盡試盡講今日食評有✍🏻王子私房菜@yoho mall試食指數⭐️⭐️⭐⭐店舖衛生⭐️⭐️⭐️⭐侍應態度⭐️⭐️⭐️⭐((每項5⭐️為滿分))午餐時間去了位於Yoho mall 的王子私房菜食晏🥢有二人前lunch set也有散叫點心紙以前試過lunch set味道不錯👍🏻今日試下叫點心🧆👍🏻鮑汁炆鳳爪👍🏻牛栢葉👌🏻蘿蔔絲酥👌🏻帶子餃👍🏻黃金流沙包👍🏻紅棗糕👌🏻乾炒牛河值得推介 👍🏻鮑汁炆鳳爪炆得夠腍身入味花生🥜粒粒夠飽滿唯一挑剔係鮑汁有啲癡底傳統的👍🏻牛栢葉味道調得剛剛好不太咸不太辣最重要係牛栢葉軟硬剛好應該係話夠爽口每到中高檔的茶樓必點的👌🏻蘿蔔絲酥有點失望『內涵』是夠熱可惜外面的酥似乎是焗爐翻熱的狀態有點油「憶」味🥴餃點心應係每間茶樓的穩當之選可是👌🏻帶子餃就冇驚喜水晶皮一夾就爛同癡住🥢🥴我不夠專業不知道何解🤷🏻‍♂️🤷🏻‍♀️Wowowo 再上的兩個甜點終於有翻水準👍🏻黃金流沙包/放咗15分鐘『內涵』仍然熱騰騰的👍🏻紅棗糕/甜度適中唔癡牙兩樣都好正冇負評本來想點鼓油皇炒面但面對

今天前往王子飲茶，12:05am到達，看輪候位置只有15張，便耐心等候. 誰知等待的前半小時，一直看到有人離座，但至少15張枱都給了沒有訂座的“熟客”，街外排隊等待眾多，但完全沒叫1號😥最後，門口的人群面對這不公平的安排起哄，才開始間中給拿票的入座，最後等待時間是2 hr， 如門口人群不給壓力，恐怕全日入座都是給派利是的“熟客”。如一開始全是不讓街外人進，其實不應該派票讓眾多人群輪候，做法極之不當希望相關管理層改善.

係形點想飲茶揀左王子私房菜王子炒飯炒得乾身 粒粒分明但咪姐係楊州炒飯🤷🏻‍♀️無乜特別XO醬蒸鳳爪比較淡味食唔到XO醬味王子蝦餃蝦餃外皮整得唔好痴住筷子無辦法將成粒完整既蝦餃擺落口公主燒賣滬江小籠包皮好薄 一夾起就見到勁多汁係裡面高分蜜汁叉燒包呢到叉燒包裡面既叉燒係會整到一絲絲好細條同出面食到既好唔同仲要d餡勁多👍🏻除左小籠包做得出色基本上佢既款式同普通茶樓無乜分別我去普通茶樓飲茶d款式仲要多d

8 號風球下，有好多人等位…，同時亦有好多熟客無需等位……點心套餐…$298 加10% 食物質素一般！蝦多士好味！甜品係蕃薯糖水！失望！……之前係黑松露炒飯……而家改左菜粒蛋白炒飯……