太子餐廳

Open Now

Now Closed

太子區想搵間坐得舒服嘅西餐廳，價錢又要合理，這間都算首選， 室內佈置裝修都非常企理在另一篇食評，寫侍應態度奇差，我又未遇著，當然這餐廳就絕對不是高級餐廳侍應水準，我會話 茶餐廳 水平，但尚算禮貌。這個蠔飯，是今次比較喜出望外，蠔唔算大隻，似是急凍廣島蠔，但上檯蠔味四溢，色香味。牛脷飯，不過不失，份量同價錢比，合理。現在物價咁貴，叫做比足料。凍啡唔錯總結 地方環境，價錢，食物質素，絕對可以推薦

今日到花園街買盆栽, 順到去太子餐廳high tea。而我事前已經上過這裡看食評, 發現近來的評價係 食物水準一般, 待應服務態度惡劣, 不過點都要尼見識下。上到去, 觀察環境也不錯, 地下也很清楚(個人比較注重地下清潔); 待應帶左我地去窗門位, 也主動比左暖水同下午茶menu我地; 咁我地叫左個set a 兩層架餐 ($128: 一件小pizza, 2件蝦多士, 2隻雞翼(可選炸/鹵水), 1條香腸, 薯仔沙律), 如下圖:味道評價方面: 中規中矩, 沒有太大驚喜, 蝦多士略嫌太油, 一咬落去d油出哂尼; pizza不錯, 雞翼d肉偏"鞋"待應服務方面: 可能我們比較幸運, 待應服務方面沒什麼問題, 場內有穿便衣的女待應 和 穿黑白制服待應, 特別是穿便衣的女待應的態度不錯, 帶有笑容, 埋單都好語氣地講"多謝哂"; 如果單就今次而言, 待應服務是合格有餘, 當然不排除可能有時候會遇到一些衰的, 那我要試多幾次先可下定論下次預料會試下佢既 安格斯牛扒餐($188), 看看到時水準又是如何!個人分數表:

恐怖經歷！三個人，叫三文魚沙律，法國餐和焗豬扒飯。三文魚沙律太少焗豬扒飯：MX or CDC好好多！他們居然飯底沒有用蛋炒，而且豬扒凍，碟盆不熱。若真是焗的話、碟盆應該熱到燙手！之後請他們再加熱，居然出來不熱不但止，白飯底水汪汪的，是否加料......法國餐上頭盆就不對勁，鵝肝居然medium rare （very similar look as to beef in medium rare), 部長居然説有人喜愛這樣吃，憶起在電視台上不少大廚叮囑我們鵝肝一定要well done, ie. 100%fully cook... 好像這家廚師的確「向難道和客戶底缐挑戰」之後我們付紅酒，沙律和湯錢即離開，費事和她理論。，

去過幾次，其實服務及食物水準一般。只係貪佢環境舒適，可以傾下計。今次， 超乎常人容忍範圍。 坐咗好耐，水都無杯，都係慣例。舉手點菜舉咗好耐無人理。忍唔住出去請人過來寫單，好聲好氣問，待應居然發火鬧人！ 之前來過， 有一、兩個著黑色便服嘅待應，態度還可以。今次來，全部待應都只著便服， 見到客在面前扮睇唔到，態度傲慢，如果唔係細心見到佢地拎住餐盤， 霎眼睇仲以為佢地係客添。餐廳食物一向只是一般， 而家仲有啲咁厲害嘅「 增值服務」，真係少啲冒險精神都唔好入去。如果只係想正正常常食啲嘢， 隨街揾間茶記大慨都比佢好，至少平啲。味道、衛生、抵食：一般環境：OK服務： 無 

呢間餐廳我由2008年食到宜家, 一向我都冇乜感覺, 只是因為貪佢靜, 可以傾計, 唔使比人趕走, 所以一年都幫襯七八次.  直至到噚日.... 要諗下其他地方落腳...一共十人的餐聚, 朋友從加拿大回來, 想傾耐啲, book了這間, 到叫菜時, 因為實在對我們太無禮, 其中一個她是著便服的, 走來大大聲聲, 毫無禮貌可言, 問, '食咩, 未得, 每人一個餐喎, 等等先' 這些無禮的台詞, 聽到有點煩厭已經, 飯未食已受氣.  最記得, 問我要咩湯, 我話一個白湯, 她竟然說未得, 走左去... 她究竟知唔知自己做咩....  到送菜來時, 還用手撥開我們其中一個朋友, 為的是要放低食盤, 這樣無禮的動作, 我只會見大陸才有, 我真眼突, 以為自己身在內地...  就算是內地, 稍為中級少少都不會觸摸客人...還令你賓至如歸... 我感覺呢一年這舖已易手, 全部樓面變晒.  之後另外有兩個樓面, 一個著制服黑口黑面, 一樣是無禮貌, 另一個又是, 全程將她們的情緒發在我們身上... 你是新客你會去食嗎?  我食咗五年都不願再去了, 你們自己決定吧.  容忍是有限道我已經有一兩年沒寫

一心想帶媽媽到太子試試此舊式西餐廳，但見此餐廳食評一般，正在懷疑之際，覺得都是要親自試過才算數。上樓梯後發覺餐廳環境不錯，侍應也不是想像中那麼不友善，坐下已送上三杯熱茶，點餐及招呼也沒大不妥善，我們叫了一客印尼咖哩，牛柳鍋飯及西冷牛扒。首先送上熱騰騰的洋蔥湯及餐包，很多時候到這類懷舊餐廳，那餐湯及包都令我失望，因必有其中一款凍冰冰的，但這裡沒有。而主菜亦是熱騰騰的，味道沒有驚喜也不失望，中規中矩，這個價錢我覺得值得再來光顧。

唔係第一次嚟，次次野食都好慢、但今日野食遲遲唔到，追單會比伙計鬧，伙記唔肯去追，仲會叫你以後唔好嚟！set lunch 都要等半粒鐘，火都嚟！！唔止我地一枱，隔離啲單都錯晒！客人唔想再等，只好焗食！做乜要貼錢買難受？！ 以後都唔會再嚟。唔會再有機會！

今天逛過旺角花墟，但沒有買花，卻發現了這間西餐廳「太子餐廳」，就在這裡吃個下午茶。餐廳要上一樓的，所以不用擔心花墟的嘈吵。 餐廳裝修得幾典雅，也頗開揚。茶餐的選擇很多，我揀了「太子奄列+多士」奄列有火腿、蘑菇、洋蔥、蔥，算幾豐富，蛋煎得爽，但略微鹹了點。咖啡就很苦，又唔香，失望。雖然食物普通，但如果不嫌花墟多人的話，太子餐廳都算幾好坐的。

今天午飯時間和兩位好友去了這間餐廳, 可能由於我們早去,所以唔使等位.坐下後, 服務員立即過來, 她的態度好友善. 之後事不宜遲立即點菜一張開心的枱紙洋蔥湯+餐包> 湯入面好足料, 夠洋蔥, 夠入味, 最重要係夠熱 西冷牛扒> 塊扒的肉感好好, 可用彈牙來形容, 但薯菜過凍, 一點熱的感覺也沒有. 可改善下但整體都算可以, 會打算在晚上光臨一次呢

本身是從不挑剔的人, 但今天就係慶到不吐不快此餐廳附近眾多補習社, 因最近全家外遊,小兒未完成習作, 所以臨上堂前希望盡快找一間較靜的食肆, 可以食完野後便完成小許習作; 上到一樓餐廳, 大把空檯, 男經理叫我地坐大堂中央, 我便道出原因, 希望安排靠牆及較靜的座位, 給小朋友食完飯完成小許功課豈有此理, 果個男經理一口拒絕, 仲話D空座位不服務, 呢度係餐廳, 唔係比人做功課架, (語氣極惡劣) , 我差小許想同佢理論 --- 咁睇報紙, 傾計又得唔得, 係咪食完野要即刻離座....而家仲有D咁樣ge人, 咁ge 服務, 仲可以生存咁耐, 真係異數! 邊個敢話香港人無量度!!

這晚去的西餐廳是位於太子道西，是一間旺角太子的老子號，相信住在太子的人或在附近讀書的學生，對這間餐廳一定不會感到陌生。還記得以前讀中學時，也會經常到這裡吃午餐，不經不覺差不多十多年了，再次重臨這裡，有一重非常親切的感覺。 餐廳要由地下步行上一層樓梯才可到達，餐廳內的環境很寧靜，配上暗暗的燈光很有情調，裝潢大多以木質和皮為主，入口左邊有偌大的玻璃能讓客人觀望到太子道街景，而右邊則掛了一台大電視和像吧檯的廚房，與十年前的格局沒甚大分別。我們一行二人這晚九時多入座，出乎意料的完全不用等位，餐廳只有五檯客。頁面做得很美麗的餐單介紹。我們分別點了兩個套餐，芝士焗龍蝦配黑椒牛柳和蒜茸法式羊架。頭盤是餐湯配牛油包。我選了羅宋湯，此湯味道濃郁，蔬菜與番茄混合的香味，微酸的口感令人食欲增加。至於那個暖暖圓圓的餐包，吃下軟腍，配合羅宋湯一起吃，非常滋味。套餐亦配了一客薯蓉焗田螺和蒜蓉蒸帶子。 薯蓉焗田螺：吃不出是田螺肉，軟淋淋，黑烏烏的，味道也很奇怪，反而薯蓉口感不錯，很滑溜，而且有點牛油香味。蒜蓉焗帶子： 應該是用急凍的帶子，肉質並不結實，而且帶子並沒有鮮甜味。芝士焗龍蝦配黑椒牛柳： 金黃色的芝士覆蓋了

其實經過好多次...見到有一種懷舊餐廳感覺..所以成日都想試.因為我都好鍾意呢種懷舊餐廳.不過呢間真係無下次!一到餐廳, 見到仲有好多大台, 但係個女經理話只係得返電梯口旁邊張台, 其他全部都訂咗. 其實真係唔想坐, 因為間電梯一開一關的熱風都幾熱..算啦有可能真係訂咗..!! 不過食咗差唔多2個鍾都無人坐!! 有位又唔卑人坐, 又唔係旺我叫咗個番茄燴牛舌飯跟個白湯. 個湯太淡, 唔飲都得, 又無味.茄燴牛舌飯 : 一般啦...唔可以話難食..因為都係得茄汁酸, 但係d牛舌真係太薄, 好似有6 片. 個套餐都要件$88.朋友食咗三文魚拼牛柳..都係一般..係牛柳好d. 食物真係好一般, 不過有一樣嘢真係唔可以接受, d食物囉到出嚟, 全部都係唔夠熱..三文魚拼牛柳有d薯仔...不過係凍. 價錢感覺都係貴, 呢個價錢再多小小可以去太X館到食都得( 因為佢要每人都叫一樣嘢, MENU上又無提到)呢D真係倚老賣老嘅餐廳.

朋友介紹話呢間野幾好,今晚就走左去試下，點知d食物同服務真係差到嚇死人,俾錢請我都唔會再去!事原係我地一order 完野,個女waitress(比較高級個個),好似好趕時間禁,一個轉身就攞住本meun 撞向我隻左眼角,個個menu 好的似係木做既,俾佢禁一撞,眼淚水都出晒,個waitress 就只係講左對不起就即刻走人~我就慘啦,眼角損左又腫左,見佢都係打工就算~無同經理投訴佢~之後d野食黎到,我食T骨扒,勁硬,勁老,一d牛肉味都無,又勁多肥膏，我都唔知自己食緊咩,我男朋友個塊都係禁。明明係肉眼扒,3份2都係肥膏，你話有無攪錯呀~到最後叫埋單，等左成15分鐘，明明見佢print 左張單出黎,但又唔攞俾我地,到俾左我地，佢地個個又好似失左憶禁,由我地張信用咭放係cashier 度唔理，禁又再等多十幾分鐘。我終於忍無可忍，走左去問經理,佢竟然唔彩我! 我再問，佢話都無單埋,埋曬啦Wor! 之後找到我張信用咭,look左就只係放番張咭係我地枱面，名都唔駛簽,個waitress 就即刻走左,一句道歉都無，我同個經理投訴佢聽完就算,一d都唔理，重要收埋我地加一!呢d禁既服務態度,我真係唔明點解佢

舊同事極力推介, 特別係肉眼扒 有 扒味.我就在專業的 open rice 引導下, 見到有食評話有蟑螂, 你都咪話吾係搵命搏. 我專登食完幾日後才寫食評, 是要看看有冇肚瀉現象, 幸好, 一齊還是平靜.今次食了個安格斯肉眼扒餐:洋蔥湯 -- 這個都好有洋蔥味, 我鐘意法式焗田螺 -- 這個薯溶好味, 可能自己對海鮮冇特別喜好, 不覺太出色.花旗肉眼扒 -- 這個主菜係舊同事介紹, 叫了七成熟, 但感覺, 好硬, 好熟, 反而伴菜的薯仔, 好好好好味. 芒果布甸 -- 普通得普通.Lemon Tea (No comment)結論: 好好彩, 冇肚痛, 冇事. 但也不用帶朋友去食.P.S. 舊同事都話今次差左.

2 點零鐘上去客又唔多，位又坐唔滿，但係就俾一個好差既樓梯口單邊位我。我問其中一個伙記阿叔坐入去卡位得唔得，佢好晦氣連答都費事答你，淨係擰手，形態勁差，咁咪走囉。之後諗住打去餐廳俾個機會佢地解釋同埋投訴，聽電話既阿嬸猛話唔關佢事架，佢睇唔到出面喎，佢而家好忙呀，問佢叫乜野名就 cut 我線；再打去就有個阿叔聽，問佢經理應該搵邊個，佢反問我乜事，聽到我話要投訴後就又再 cut 線；再打去就淨係有人拎起電話，冇人出聲。我果時心諗鄧佢老闆慘，請著成班咁既伙計真係倒米趕客。我本來想俾個機會佢地解釋平反，但結果係佢地自取既，做飲食節目統籌既我應該係要搵伙記上去同佢地做介紹。p.s. 後來去左附近既太子冰室食野，同隔離個食客傾開計呻兩句，佢話我好彩走左，因為果度不嬲都冇乜人去， d 野又貴又勁唔好食。