羊城火鍋海鮮酒家

Open Now

Now Closed

七點鐘出面已經有好多人排隊， 除咗因為148蚊打邊爐之外， 其實有好多人都真心為咗食小菜， 因為羊城廚房質素一直都有番咁上下。今次去羊城食腩煲， 總結都係羊城個廚真係幾好， 但凡需要烹調嘅食物， 效果都唔錯， 好似羊腩煲咁， 雖然食完好口渴，應該有味精， 但係羊腩，冬菇真係炆得好淋， 而且羊腩快數都唔算少， 3個人食，加埋少少配菜， 食極都仲有。唯一問題係，唔知羊腩煲需要好多時間預備定點， 等咗近20分鐘先得上枱。果然， 需要厨藝嘅食物先有返質素， 所以火鍋配料都麻麻地， 好似係脆肉鯇， 響鈴， 餃子等等， 但係價錢有比較其他酒樓平。可以想像148火鍋確實係浪費咗羊城個廚房做緊特價， 乳鴿23蚊一隻。 價錢平但竟然都冇hea我, 望落奀皮細隻， 但收收埋埋原來多肉， 有番咁上下油肥香， 皮脆剛剛好。 秘訣係原隻上唔好斬

某天米豬爸放假話要去飲茶, 食邊間由佢作主如果星期日去飲茶真係貴好多, 星期六的早茶及中午價錢都唔會差太遠不過張特價點心/麵飯紙就會唔同了點了幾款點心加碗粥齋腸幾滑, 不過要襯熱食潮州粉果都足料, 外皮又唔會太厚我最愛的蝦餃, 一上枱就放底本身食緊的粉果, 改食熱辣辣的蝦餃!, 入面我估都有1-1.5隻蝦, 好食!!!再來是流沙包裡面真是會流汁........要食得小心翼翼~ 唔可以浪費一滴汁最後的粥都幾香, 可以去外邊拎"脆脆"放落粥食食飽下轉食下午茶~

星期六下午屋企4個人要食lunch, 一於決定去羊城食返個下午茶先~ 14:00開始, 我們1:45去到都要等一等先有位….看來夏天多了人去酒樓涼冷氣, 食粒蝦餃咁綠色是午餐紙, 藍色是下午茶點心紙, 阿妹豪氣咁點了好多野食…..4個人最後飽到一個點= ="咸水角新鮮滚熱辣~好食~ 不過得3粒唔夠分~HAHA鳳瓜一般般咁啦牛肉腸正常, 腸粉都算滑, 不過我一向麻麻地食牛肉腸上湯鮮蝦水餃好食, 雪耳爽口, 鮮蝦彈牙牛柏葉又係一般般呢個忘記叫咩名, 總之又係有鮮蝦, 好食的其實我喜歡食齋腸多D, 腸粉幾滑胡椒豬肚湯一向都唔錯, 今次特別好味, 佢胡椒咪比平時再濃少少!!蝦餃例牌會叫, 出去拎辣油, 點少少食, 一流以前好似有流沙包….今次我只見到奶皇包, 其實味道跟流沙包好似, 只不過係無流心….都OK GE牛肉球都好食, 夠彈呢個又忘記了叫咩名, 入面又係鮮蝦, 幾好食, 仲配了沙律醬! 今次叫了4,5樣野都有鮮蝦~排骨正常, 其實都係點比阿爸食, 其他野太多, 我都食唔落了埋單大約330, 每人83左右, 我覺得叫得太多, 下次叫少4,5個點心, 再叫個飯/麵好似會好D

星期六下午想食點心~ 建生村附近只的酒樓/點心鋪只有幾間, 羊城是我的首選當然, 做街坊生意的酒樓就不要要求它很出色, 大部份點心食落OK我就收貨了每次星期六/日都一定是坐滿阿公阿伯阿婆阿嬸....仲有一家大小......比較少年青人去酒樓飲茶平時都會點一款腸粉, 羊城的腸粉都很滑, 今次點了叉燒腸~好滑~牛肉球好食我很喜歡食流沙包, 每次飲茶都會點不過如果可以更"流沙"就好了上湯水餃彈牙好食, 也次必點最貴的燒賣普普通通牛柏葉唔夠入味美中不足是坐4人位要同人搭枱, 點心來到都唔夠位放, 2個人食6碟點心已經夠飽了,  埋單130, 下午茶時段去比較抵食

今晚在此吃簡單二人晚飯，叫了兩個小菜，春棠燒鵝是首要的招來菜，$78元就不多考慮叫了，另外叫的是滑疍炒蝦仁。燒鵝來了足有半隻，肉約有一隻雞的份量，滿足極了，皮脆肉嫩不在講，配上甜梅醬絕配十分下飯。再來了滑疍蝦仁，同樣令人驚喜，疍香嫩不老還有槳，係正牌師傅功架，而蝦則是新鮮大號中蝦，量多的成本不俗，入口鮮爽到不得了。要一提的是店内冷氣夠坐得舒適，最後免費送上的紅綠豆沙十分起沙及香口，是一個完美的結束，還要說鵝的份量大我們兩人吃不完要打包呢。順帶建議改進的地方是如果中途更多勤收骨碟會更顯週到。

本來想入去幫襯，點知D無侍應招呼，成3~4分鐘至有人問你幾多位，因我地4人，但行到最入位置都無4人位，我地就企咗係度，咁我就問咁點呀？然後有個企係張大枱執緊野嘅侍應就話：（人地就走呀！呀姐，等多一陣得唔得呀！）真係聽到火都黎，味即刻走囉！

人少少想打邊爐又想食多幾款火鍋料，就梗係揀任食火鍋啦黎過呢度好多次，價錢由$118加到$138，到現在$158/位，任飲任食，如酒精飲品則每位送一支大啤，雖然價錢不斷提高，但還是覺得抵食的，除了材料新鮮，更值得一讚的是，份量是因人數而分配（好像餃子如兩位就分配兩隻），每樣少少的，讓你可以多吃幾款火鍋料，而又不會浪費食物希望我寫完食評後，下次來時不會要排隊等候吧！

文粉大家好！咁岩拜山過黎呢邊飲茶，雖然門面麻麻地，不過呢度 d 點心不錯。煎堆不太油利，米粉夠鴛UN, 外脆裏面軟軟地！春風得意腸 is ma ma dei. 個函唔知係乜，不過都幾脆～ 小炒 - 豉椒牛肉炒河 牛肉好入味，炒河粉林林地幾好味！個汁好香濃！ (唔知有冇MSG tho...!)不過始終係屯門地方，冇位加凳要加張摺凳 and 大排擋硬板凳是常識吧！不過朕 OK! 呢排玩親民! 仲有唔少得, 個芋角真係好味到爆! 好鬼新鮮又好脆口, 最重要就係個芋心, 熱又溶口 好好味~~ 不過成餐飯最爆不得不堤呢個鴛鴦燒賣朕叫既原因係想睇下呢個發財鴛鴦燒賣係乜傢伙誰不知! 原來係豬肚燒賣!!!! 試問朕區區一個缺乏想像力既草民, 又點估倒佢原來係個豬肚...豬肚? 發財? 燒賣?~ 豬肚? 發財???? 媽~~~~~~好亂呀我~~~~之後同呀姐部長吹左兩句水, 佢立即同我換咗佢 變返正常燒賣 文ey for valueness: 7/10

四姨話，親情好重要，幾姐弟一家人要多啲出嚟見！呀姨舅父舅母都一齊出席，大家遷就行動不便嘅呀媽，所以就我哋喺羊城食(我呀媽地頭)我入到酒樓先知，原來我呀媽同酒樓嘅職員勁熟！叫左12人席，大家都食得好開心！差唔多所有嘢都清晒個佛跳牆亦超真材實料，有花膠嘅湯會黏黏哋，飯上嚟係唔同啲咖！啲酒樓呀姐都好好人但對於住一個唔流嘅流沙包，都會唔開心

星期日去飲茶, 嫌市中心太多人, 所以找到這家比較偏遠的, 大概與富臨同級的酒樓.由於是假日的午市關係, 沒有特價, 最平的小點要$12.8. 點心的選擇不多, 只有最大路的蒸, 炸, 飽點等. 還有一個點心大排檔, 不過也沒有特別款式的點心.共點了包括腸粉, 叉燒飽, 牛肉, 小籠飽, 炒米粉等的八個點心, 基本上大部份都是平平無奇的貨色. 最好的要算是炒米粉, 雖然配料不多, 但軟硬適中又不多油. 最差的是小籠飽, 用的餡料不但有一陣雪味, 而且完全沒有肉質應有的口感.三個人連茶錢加一共$170, 在環境和服務都是一般的情況下, 如此收費是有點不合理了.

今日和同事們一起入屯門探舊同事呢!! 話說以前一到新年必定到屯門親戚屋企拜年,自從搬離後都好耐冇入屯門了! 十年人事幾番新, 現在的屯門好像變了不少呢!探完同事便一起到 吃晚飯, 可選吃小菜或打邊爐。而我們選擇了吃小菜。先上小吃兩小碟, 拍青瓜和雞腳~~粉葛赤小豆豬骨湯 ($78), 湯底濃郁, 而且豬骨材料不少, 十分抵飲! 而且最終竟然能分到7-8碗呢!滑蛋炒蝦仁 ($58), 這個吃落有點失望, 因為不夠"滑蛋", 而且滑蛋分佈不平均, 我吃的那邊幾乎都是熟蛋呢..而同事吃的那邊卻有少許是滑蛋, 應該改名叫蝦仁炒蛋更合適。晚飯孖寶 ($168) (紅燒乳鴿+清蒸海斑仔)紅燒乳鴿: 孖寶套餐包一隻, 外加多隻$39, 吃落皮脆肉嫩, 食過番尋味。菜膽上湯雞($38): 這個價錢, 除了菜外, 份量足足有一隻雞!! 十分抵吃! 真係抗通漲菜式呢!! 而且雞肉部份滿多,最重要是雞肉不"鞋"口! 真係抵到爛之選 食完還有飯後糖水, 可選紅豆沙或木瓜燉雪耳, 現在的天氣十分乾燥, 燉雪耳岩晒小妹可以潤一潤呢!

那天早上，細佬突然建議媽咪不要煮飯！不如出街食！ 讓她沒有那麼辛苦嘛！當然！爸爸媽咪不想到茶餐廳食，去酒樓食小菜之餘，又可坐得舒服！媽咪曾經跟爸爸到屋企附近的 <羊城火鍋酒家> 飲茶，覺得質素是附近酒樓中最好的！ 有見及此！我們放工後，先回家集合，一齊走去這裡食晚飯！ 我卻是第一次去 <羊城火鍋酒家> ！ 裝修簡約，實而不華！海味小盤菜煲 $98 相片中可見，餐牌上印的以木盤盛載；好像一個迷你盤菜！多麼吸引！怎料送上桌時，以石鍋盛載，反而更保溫！果然用料十足！ 盤滿砵滿！包括：鮑魚、鵝掌、花菇、海參、花膠、東坡肉、西蘭花...非常豐富！以鮑魚汁去扣所有材料，全部都夠入味又夠腍！鮑魚界上花紋更入味！夠腍又易食！ 鵝掌以花椒八角炆，特別惹味又軟腍！ 海參沒有那陣腥澀味，已經不錯！ 花菇大隻又爽口！ 花膠質感腍滑有咬口，尚算厚身富膠質，含豐富骨膠原，我及媽咪最適合食！ 東坡肉以肥瘦肉層相間，入口鬆化！只可惜肥肉層，略嫌過份油膩！蒜香九肚魚 $58炸得夠乾身！用火得宜！蒜香四溢！ 帶有魚鮮味！外層鬆脆！魚肉質滑不留口！ 相當滋味！就算放久了，依然保持鬆脆，不

年初七同屋企人去左青松觀,跟住去左附近飲茶，無意中發現呢間酒樓，都几多人等位，等左半個鐘度就有位，酒樓係長型的，我地坐最入的，睇下食咩先，燒腩仔好好味好脆又唔係好肥！炒米粉好好味好多料！正！！灼魷魚好大塊好爽，牛栢葉都好爽甜，嘩！見到隔籬枱有人食紅豆沙好大碗好似湯丸咁大！我地即刻都叫番碗先！仲食左灌湯餃添，有好多碎翅，好大隻好味！其它嘢食都好有水準,下次有机會再嚟！！

羊城酒家，食過無數次...早、午茶，甚至晚市的套餐但與幾位朋友散叫小菜，就第一次因為發現價錢平得很更要，雖然晚市有火鍋，貴很多又一碟碟計若果任食就最好服務方面，侍應同經理態度唔錯，菜式賣完，即時通知我地改第二款環境當天不似街市，或者每個位置有距離點了多款小菜，當然叫幾枝啤酒襯托一下$25，半隻沙薑雞沙薑汁，真係好正.個雞質地很滑.而且新鮮菠蘿咕嚕肉呢個菜式真係每次送飯必備，個汁酸酸甜甜...西芹炒尤魷，尤魷不似擦子膠，容易落口可以接受....鬼馬西芹炒帶子，鬼馬來自油炸鬼帶子好食...好多菜式都用西芹做配菜皮蛋蛋白豆苗一個普通菜式，但豆苗幾新鮮小菜，嘗試後是可以，此終慣了飲茶及晚市套餐但價錢真係便宜

D員工態度差到無可再差，等了一陣就有位，以為好好彩，點知入到去坐左幾個字無茶無卡無杯碟，都諗住算坐多陣，睇下有咩食先，D員工好似見你唔到咁，叫佢開張卡，果個仲要係部長，佢話都坐左成粒鐘，唔掙在坐多粒鐘先呀，佢雖然行左過黎,,但無開卡的意思，直至我家的老人家發脾氣拉隊走人，佢先話以為我地無拎飛入去坐,,....@@"...我地一家大細黎點自己入去坐呀,,一兩個又話唔多覺啫...唔好以為單一部長差，我以後都唔會去依度飲茶,,但屋村細，無得選擇，昨晚去斬料，買了半隻鴨，我指指櫥窗話要果半隻，斬料師傅大大聲講，果隻你加多78蚊買喇，果隻係鵝黎嫁，果隻!!希望快D轉過間，唔駛我次次飲茶都行過隔黎村飲，唉