羊城火鍋海鮮酒家 (Closed)

平時一直都幫襯開，飲茶晚飯都滿意，不過估唔到上得山多終遇虎，平時食開晚餐都係6隻，今次得四隻，唔緊要小有小食，賣相又差，有一隻重要剪開左一半，諗住問下經理，佢竟然答我係咁，一桶有多有少，咁你地採購都幾有問題，咁如果下一桶得兩隻又拎出黎？158蚊得4隻真心有啲過份

今朝同老公飲茶 見門面ok突登行遠d黎呢間飲去到我地自己主動量完體溫 行去reception想拎位個收銀示意叫我地行入去 咁我地就自己搵位啦點知入到去開埋茶 就話我地唔拎籌🤷🏻‍♀️本身都算啦無野諗住算個經理仲要態度西到係度單單打打係我地前面講 做左影響人嘅野就要講唔好意思架啦咁樣你自己酒樓安排得唔好 仲要係度西態度仲要野食又唔好食又貴叫個咸水角 入面d陷少到完全係通隆個皮又硬又厚棉花雞個樣就頹到咁幾個點心 兩個人食左百五蚊價錢都唔係問題 態度真係好西酒樓多人要搭枱無問題 但正常都係重鋪第二張枱布set野先坐落黎 俾個心理準備人無啦啦食到一半有個呀婆坐埋黎我真係黑人問號 咩事呀依加 白撞呀？d態度同服務真係好唔得 野食仲要唔係好事 一無事處 以後都唔會再幫襯 出屯門食都好過食呢d垃圾

餐廳限聚令，想飲下茶，唯有買返屋企食啦。雖然係屋村酒樓，但食物質素中上。蝦餃有大蝦，味道唔錯。皮就差少少，會夾爛的，而且冇荀絲。燒賣最值得讚，料足，包得好實，唔係比肥豬肉嗰d。呢個價錢係高性價比山竹牛肉夠大粒，但冇乜牛味腸粉冇蒸到散，樣靚仔的。味道合格，原隻蝦每條有2-3。腸粉係厚的，中意食薄/晶瑩剔透的就唔係咁啱呢間屋村酒樓比好多連鎖酒樓都做得好，當然頂級就算唔上了。疫情下質素都冇話退步，呢點令我想打篇野支持下佢酒樓的老員工，服務就係屋村質素。

下午同朋友去飲茶，揀左呢間酒樓。佢午市有張藍色紙，係平d既，叫做「平點」，咁我地就緊係叫晒「平點」黎食啦，都係有質素架！首先講下個五式點心拼盤，21蚊，但有齊燒賣、蝦餃、菜蝦餃、雞仔包同埋黑糖糕，真係好抵食！而燒賣同牛肉球都好大粒，都係十幾蚊一籠，又好食，所以價錢黎講真係唔錯！至於個XO醬蘿蔔糕，一個字：好食！不過奶皇包就爭小小啦，因為佢唔夠流心，有少少「結」既狀態。而我就最中意佢個燒腩仔同貴妃雞雙餅飯。燒腩仔外脆內軟，加埋個醬真係不得了；仲有個排骨鳳爪飯，都係好食，同埋大兜！整體黎講，呢間酒樓係唔錯，值得去！

因為有親戚住附近，所以過黎呢頭食野，老人家想飲茶，附近只有呢間選擇。都唔係第一次食，不過有時真係忍唔住要寫一寫食評。佢d櫈勁污糟，所以我都忍唔住要換左佢。食物選擇唔多，見有麻蓉包都幾特別，但原來勁甜，炒米粉好油，煎薄餅勁咸、咸到入唔到口，牛肉球食到好多肥肉，腸粉好一般，蒸銀絲卷仲有趣，同蒸饅頭係完全無分別架，唔似正常個d中間係應該帶一絲絲的！即係無競爭就無進步，希望呢頭可以引入多點食肆，使呢間酒樓可以改善一下。

因為住得近既關係，有時候唔知煮乜餸好，所以幫襯過幾次呢間野，但次次都係食得唔開心！😫有次碟小菜好咸，服務員話係咁，完全冇諗住幫我換過碟😤講完人就行左去！！！啲伙計成日掛住吹水，叫極都冇人理😩呢間酒樓好難有伙計應人架😏今次等條蒸魚等左成一個鐘，個經理話送兩個白飯比我補數😒（我真係多乜謝佢）🖕🏼真係唔會再黎晚飯囉！😒打邊爐啲野都唔好食😒唔怪得越來越少人食唔明白點做生意🤔真係不知所謂！

屯門酒家粵式茶市交通：港鐵兆康站 B2 出口, 步行約12分鐘 (八達通用戶可免費轉乘K51直達) 泊車：室內多層收費停車場 (惠顧酒家可獲一小時免費泊車)評語：跟兩年前比較，地方比以前骯髒很多，服務也差了，感覺有點像地茂茶居 對居住在九龍區或香港島的食客來說，屯門始終不是一個就腳的地點，但許多人仍然選擇來這裡飲茶，主要是因為這裡的點心比市區價廉物美得多，加上這裡的海鮮來自附近又平又新鮮的三聖村漁民，所以吸引了不少人慕名前來一試。羊城酒家在屯門區共有兩間分店，比較舊的一家位於良德街海麗花園商場，而這家位於富泰商場的分店，原址多年來都有一間酒樓，唯前後經歷數度易手，到近日才換成羊城酒樓。據聞原有的酒樓質素以及菜式選擇少和偏貴，最重要是食材不太新鮮導致生意不佳。自羊城酒樓的出現為該區帶來一番新氣象，除了食肆在屯門另一區已開設酒樓多年，具一定口碑外，羊城酒家作為街坊酒樓茶市也有一定水準，它的晚飯和HK$138全包任食火鍋也十分抵食，值得一試啊! 羊城酒家的晚飯和HK$138全包任食火鍋也十分抵食，值得一試啊! 多人等位時記得使用店家提供的自助號碼機取票排

d經理淨係識得同茶客傾計，唔做嘢帶位嗰個淨係帶位，連開茶位點心卡都冇俾，又唔幫人開茶，茶具都冇攞過黎俾我地，叫左好多次先有人搞醬料都要自己岀去攞對面撘枱嗰個食完走左，佢d嘢等左勁耐先有人執，仲要分幾次執點解宜家d酒樓服務質素咁差🤷🏻‍♀️

今日打風，去樓下飲茶，12點多好多人，等了一陣有位，我們叫了四個點心同一個梅菜蒸鯇魚腩飯餐。點心有白灼通菜，蒸蝦餃，薑葱牛栢葉，叉燒包，等左都幾耐，可能太多人啦，通菜跟腐乳是絕配，不過通菜好老，好黑呀！！一般啦。蝦餃都好大粒，也okay，不算好爽口，四粒的。牛栢葉感覺太多少，牛栢葉太少，味道也幾好的。梅菜蒸鯇魚飯，等了半小時才到，真的即蒸喎，也好大碟，一大碗飯，好新鮮，梅菜不算好多，有些葱花，啖啖魚肉，加埋個汁好味的。

星期日飲茶是指定動作，嶺南樓雖然是屯門飲茶心水之選，但偶爾也有想轉換口味的時候。這天來到富泰村的羊城酒樓，同是離家甚為接近。星期日的下午茶時段仍未滿座，侍應卻安排一個環境不太理想的轉角位置給我倆，論環境羊城先輸嶺南樓一仗。下午茶由二時半開始，不知是大中小點均一價格或是個別點心有特價，只因點心紙上並沒有註明。．雷沙湯丸($22/3粒)．黃豆粉混了不少糖粉，比平時的雷沙湯丸要小顆得多。糯米皮厚，芝麻餡不算多，值得欣賞的是非來貨，看來是手工搓製的，味道也不差。．麻蓉飽(中點)．已少有酒樓會供應麻蓉飽了，還滿心期待着。包身夠鬆軟，只可惜餡蓉不多，麻蓉非生磨而只是用粉開出，微微呈流心狀態，比預期失色。．燒賣($12)．大大隻燒賣內有鮮蝦，肥豬肉令燒賣偏油膩，但仍屬抵食之選。．藥膳雞脚($17)．浸煮雞腳的湯身有藥材肉香，雞脚卻煮得過稔無雞味，而且一咬即散，一般而已。．北菇綿花雞($16)．魚肚、雞件份量不少，味道在預期之內，可以收貨。．上湯鮮竹卷(中點)．用上高湯浸煮，感覺甚有誠意，總比用味精湯底強。豬肉餡十分豐盛，稍嫌不夠實淨，加入芹菜、甘筍、粟米，合格有餘吧！羊城的點心選擇是比嶺南樓為多，較

早前Day Off 就難得地同屋企一齊飲茶，估唔到一早黎食午市都要等位😁😁好彩我一早落街等位先～點了個炒飯同生炒骨醫下個肚先。個飯炒得夠乾身，味道不錯。個生炒骨個甜酸醬都夠正宗不過啲排骨無乜肉😂 係咁咬到舊骨另外order 了點心，呢到燒賣有優惠，做緊$10一籠😱😱而且有四粒，好抵食！另外就叫了個牛肉球，加上gip汁很好吃。 最後食飯當然要嗌碟菜食下，都ok無煮到老晒。雖然叫了不是很多東西，不過都食到好飽

今天飲茶選址新界屯門區，對於居住在九龍區或香港島的食客來說，屯門始終不是一個方便的地點，但許多人都選擇來這裡飲茶，主要是為了這裡的中式點心價廉物美，海鮮也相當精彩，所以吸引了不少人慕名前來一試。羊城酒家在屯門區共有兩間分店，比較舊的一家位於良德街海麗花園商場，而這家位於富泰商場的分店，原址這些年來都只有一間酒樓，而且經歷數度轉手，到近日才換成羊城酒樓。據聞原址的酒樓質素好不了那裏，生意不佳的關係，菜式選擇少，偏貴，最重要的是食材不太新鮮。不過，羊城酒樓的出現帶來一番新氣象，因為此酒樓在屯門另一區開設酒樓多年，已有一定口碑。個人認為，羊城酒家作為街坊酒樓是合格有餘，茶市也有一定水準，下次會來試試它的晚飯和HK$138全包任食火鍋啊! 茶市點心依據不同時段不同價錢，茗茶平日每位$6元，假日每位$8元 。 脆皮燒腩仔 HK$43.80 + 蜜汁叉燒 HK$43.80 (4/5分) ~ 這裡的叉燒和燒肉應是老式做法，那淡淡的烤肉香味，肉本身帶半肥，肉質完全不腍，仍然保持了相當的口感。 XO醬炒蘿蔔糕 HK$17 (3/5分) 蜂巢芋茸角 (中) HK$16.8

我兩天前才在這家酒樓享用了抵食茶市，個人認為羊城酒家作為街坊酒樓是合格有餘，茶市也有一定水準，今次再臨是為了試試它的HK$138全包任食火鍋啊! 店家的任飲任食全包火鍋每日下午6時起供應，2位起計及限時2.5小時，平日HK$138 (五六日HK$148)。所謂全包任食火鍋即是一口價已包括湯底、任食火鍋料、任飲罐裝飲品(啤酒除外)及店家特飲竹蔗茅根和夏枯草、任添醬料、甚至連加一服務費也包了！ 自助蔬菜架放滿多款菜蔬任選任食。 任飲罐裝飲品(啤酒除外)及店家特飲竹蔗茅根和夏枯草。 自助醬料吧 (有8款免費醬料自由配搭)及火鍋加湯和火鍋豉油。 8款免費湯底 (2-6人選壹款、7人以上選兩款、額外湯底加收每款HK$50) 醒胃酸菜魚湯鍋 ~ 鍋裡有一大塊鯇魚腩及大量咸酸菜。 鮮味櫻花蝦湯鍋 ~ 鍋裡鋪滿櫻花蝦和紫菜。 唐生菜、唐蒿、西洋菜、紹菜 炸魚皮、生根 嚮鈴卷 雞肉腸、鮮蝦雲吞、冬菇木耳餃 脆鯇骨腩、鮮鯇魚腩 手打三寶丸、花膠 手切肩胛肥牛 生猛海蝦

我們一家最愛喝茶，吃吃點心。我們常點的是蟹籽燒賣，即叫即蒸，保證新鮮熱辣。鮮蝦爽口，加上蟹籽的口感，是到茶樓必點的首選。我最愛的少不免是甜品，尤其是中式甜品－蒸紅棗糕。煙煙韌韌的質感，加上淡淡紅棗香氣，這款甜品只有我和母親大人懂得欣賞。小籠包卻有點失色，沒有一個是完整地裝著湯汁，乾巴巴的，不會再點它。

岩岩開呢間酒樓個時員工服務態度唔係特別好話說近排到樓下飲茶睇到場內full左7成左右冇人等位順手咁行入場內搵位之後突然間有兩位女員工大聲咁叫要拎飛喎⋯⋯心諗 身為一個服務員需唔需要對住個客大聲講野？泥消費 要受盡氣？如果唔想做大可以唔做冇人逼你 連基本既服務都唔識咁開泥做咩？麻煩呢間酒樓既高層Training下啲員工其實有好多次都係咁'篤速'下啲員工有時所謂部長都係咁簡直失敗之作可以執左佢架啦 再係咁樣