Video
2-min walk from Exit E2, Mong Kok MTR Station
continue reading
Payment Methods
Above information is for reference only. Please check details with the restaurant.
同閨蜜去旺角掃街突然間好想食雞蛋仔格仔餅，諗起之前行過見到嘅呢間舖頭，入邊有兩款新口味幾特別，我哋叫咗一份格仔餅一份雞蛋仔，佢話唔飲得凍嘢住，所以我就淨係叫咗一杯嘢飲。我哋等咗一陣就有啦。開心果醬格仔餅 $40低估咗佢嘅食物份量，格仔餅鬆軟厚切，入邊夾咗好多開心果嘅醬汁同埋果粒，開心果味道濃郁，非常之豐富，但係都幾飽肚。章魚燒雞蛋仔 $42第一次食呢一隻新口味，真係淡淡都章魚燒味仲有粒粒嘅章魚🐙肉，有啲海苔滲出嚟，好特別嘅鹹味雞蛋仔，蛋味都十足。益力多沙冰 $39🍧益力多整成嘅沙冰，非常之舒服嘅口感。
continue reading
原味麻糬雞蛋仔 外皮微微脆口差唔多每粒雞蛋仔都有麻糬 係香脆同軟糯嘅口感整體雞蛋仔軟熟飽滿屋企人就覺得麻糬偏甜 我覺得啱啱好👌🏻一定要趁熱食🔆雞蛋仔+麻糬真心唔錯媽咪就鍾意格仔餅多啲我自己鍾意麻糬雞蛋仔多啲泡香紅茶+水晶茶底就正常發揮 入面加入粒粒綠色嘅水晶佢冇寒天咁煙韌 但健康又有咬口(代替珍珠啱啱好 冇咁Heavy)如果可以大杯啲就更好
continue reading
今日喺旺角行街，見到呢間蛋仔記，好多人排隊，忍唔住都去試下！🍫 伯爵茶朱古力雞蛋仔 $26即叫即整，拎上手已經聞到陣陣伯爵茶香，啲雞蛋仔仲熱辣辣，外皮脆卜卜，入面夠哂鬆軟，咬落去仲有少少煙韌感！朱古力味超濃，每一粒蛋仔都包住香濃朱古力，唔會太甜，食到最後都唔覺膩。真係完美組合，伯爵茶同朱古力控一定鍾意！🥜 開心果醬格仔餅 $40除咗雞蛋仔，見到格仔餅有開心果醬即刻想試！一拎上手已經感覺到外皮香脆，啲開心果醬流出嚟，睇見都流口水。醬本身甜度適中，唔會太膩，仲食到真材實料嘅開心果碎，口感豐富，好有層次！成個味道好香濃，開心果 fans 一定唔可以錯過！荔枝梳打 $25（點小食減$5）荔枝梳打入口透心涼，荔枝味香甜但唔會假，啲氣泡感啱啱好，解膩一流！如果有叫小食，仲可以平 $5，抵飲！
continue reading
上個Weekend去旺角做facial，行過豉油街聞到陣陣蛋香，身為雞蛋仔控嘅我當然要試吓啦～🔥必食推介：Oreo麻糬雞蛋仔 ($36)一咬落去外殼超脆！入面竟然藏住煙韌嘅麻糬，仲有粒粒Oreo碎，三種口感一次過滿足～師傅即場製作，睇住佢倒漿、翻轉嘅過程好治癒💛 雖然等咗一陣，但新鮮出爐真係值得！🍵配搭推薦：我揀咗杯經典奶茶（加珍珠，少甜），茶味夠濃又唔會太膩，珍珠煮得剛剛好，同雞蛋仔出奇地夾！💡小貼士：建議即買即食，放耐咗會冇咁脆見到餐牌仲有章魚燒味同開心果格仔餅，下次一定要試！
continue reading
🫶🏻🧇旺角新店X特別口味雞蛋仔格仔餅🧇系列🤤—▫️餐廳：蛋仔記雞蛋仔▫️地點：全港有1️⃣間分店旺角豉油街33號裕旺大廈地下A號舖（港鐵旺角站 E2 出口, 步行約2分鐘）▫️營業時間⏰：星期一至日▫️價錢：～$40+ —美味：🧇🧇🧇+0.85🧇環境：🍧🍧🍧+0.8🍧價錢：💰💰💰+0.7💰服務：🧑🏻🍳🧑🏻🍳👩🏻🍳👩🏻🍳—👧🏻好鍾意食街頭小食，不過好耐都冇食過雞蛋仔同格仔餅🧇🧇🧇呢間新開🆕🆕都幾多選擇同味道—今次叫咗📍鹽燒紫菜肉鬆雞蛋仔價錢：$43分數：🧇🧇🧇+0.75🧇其他款都係20幾蚊至30幾蚊，呢款有肉鬆就貴咗好多😆覺得紫菜味鹹地脆脆地幾特別，打卡都好靚😆如果肉鬆再多啲就好🩷雞蛋仔做到外脆內軟🥰仲要熱辣辣，期待下次食其他味道—📍伯爵茶味格仔餅價錢：$34 +$10🍌分數：🧇🧇🧇+0.9🧇呢款格仔餅唔係脆口嗰隻，超級厚同香軟😆第一次食伯爵茶味格仔餅，覺得有茶香之餘唔會太甜😆😆本來都有牛油花生醬，煉奶砂糖，加埋香蕉都幾夾🍌仲要份量都幾多—#好西 #打卡 #甜品 #抺茶 #冰 #中環 #旺角 #sharishari氷屋 #正餐 #美食 #旺角美食 #HK #foodie #goodwest #instagood #格仔餅 #instamood #iphonesia #tweegram #ice #shariahari #instagramhub #iphoneonly #igdaily #街頭小食 #tagblender #雞蛋仔 #旺角小食 #amy_in_mk
continue reading