平昌 By BBQ 7080 (Closed)

今日約朋友約食韓燒, 推薦了平昌By BBQ 7080我透過openrice個網上訂位功能, book 左7點鐘4位, 哩個功能真係好方便, 希望多d餐廳可以加入我地準時到左, 即刻可以入座, 入面已有幾台人食緊, 佢地有安排到大膠袋俾我地裝住d外套, 唔錯放題任食兩小時, 緊係第一時間拎張點食物紙, 點返d食物燒住先啦食物種類不算多, 有肉, 有海鮮,有d熟食由於朋友太肚餓關係, 結果放左勁多野入去燒其實一開始係有爐邊蛋, 不過不失啦, 我地食完就無加啦, 反而將d豬頸肉呀, 五花腩呀.....食物放係個度解凍鰻魚, 牛舌好味腌牛肉就麻麻地....菜新鮮, 洗得乾淨熟食方面, kimchi 海鮮湯同海帶湯都推介

新春日子一定要食餐勁，取其 "豐衣足食，年年有餘"。 今年來到一間韓式燒烤放题慶祝新年。看過食評大多數是好的評論，即管一試。 因為新年期間價錢是$268+10%. 比其他放題店的確貴左少許， 既然book左位，又是新年，試試吧！店舖很大，面積是商場全層，坐位很多，2人枱也算寬敞，食得舒服，取起点餐紙，order海鮮類同肉類試試先牛肋骨好味，質素不錯，肉質鬆軟，爐边蛋是任食的，我另加芝士配搭或連泡菜一起吃， 出奇好味'高度推介豬腩肉，真的很出色，非常好味，燒烤後口感爽脆。蠔同帶子也是我的推介，很新鮮，值得我encore 3次呢！飲料也是任飲的，推介以下2款，不是太甜，不妨試試最值得一讚是服務員的態度，個個有禮，点餐即叫即到，還不停幫客人換燒烤爐，其他韓食店都沒有這樣頻密，值得讚賞。新年吃得開心！ 全年行好運！

三人行，我地早左15分鐘到，服務員好好，叫我地入去座住先，話落車起先計我地鐘，任食2小時。先講服務，我地大約7點落身一張單，食物好快、好齊。開始燒。可能食物既醬汁問題，個鍋真係好快燶，服務員都好好，不停幫我地換鍋，我諗成餐飯換左10次都有🤔好誇張！服務本來都好好地，但食到8:10，服務員話我地last order! 下！唔係8點半先last order咩...我地同佢講返，之後照落兩轉野食。食食下，8點半就黎叫我地埋單話夠鐘，出面好多人等緊🙁 我叫佢check清楚先，我地7點入座...好在臨走個服務員同我地say 返sorry! 如果唔係真係black list😖再講食物，其實都算少選擇。我地無加錢食其他野。海鮮類：蝦，真係好唔真鮮！隻隻都霉嘅！我地每人食咗一隻，之後無再Order! 蠔、扇貝同魷魚都係一般般，無咩驚喜。所有肉類之中，只有牛肉同豬頸肉比較好味，其他肉類都一般般。仲有，我睇其他人啲相，見order冬菇係俾一隻隻嘅冬菇，但我果晚果啲點睇都係一嚿嚿嘅雞髀菇，蝦我唔嘢咩！so sad! 都算失望嘅一餐😔

2/1/2017開始。12點幾起床，想起平昌7080(之前吃過幾次都不錯)但咁晏唔知有冇哩? 咁我打電話去問下先啦，冇人聽喎， 咪諗住食過第二間囉，點知 冇幾耐佢就覆返我，當時是1時06分，我就問佢，今日有冇中午自助餐食呀? 幾多錢呀? 個人可唔可以食? 佢話一個都可以，講曬啲價錢畀我聽，重叫我而家來，我問佢最遲幾點要到?佢話2:30，但你最好2點到，重叫我而家嚟㖭！咁我即刻搭的士去囉，點知1:45去到， 我同個男仔講一位，咁佢叫我等一等，等完佢捧餐之後，我見佢叫個女仔同我講，今日冇曬午餐呀! 佢哋居然話比我聽今呢午餐已經冇曬喇 !本來已轉身想走，等緊時唔忿氣 。咁我再問佢哋午餐時間係幾多點呀，佢又答唔出，佢先話我知今日廚房冇曬嘢食， 我話畀佢聽冇曬嘢食頭先打電話嚟嗰陣時，你哋又叫我嚟? 佢先話你如果唔介意嘅，你可以坐低嘅。 咁我梗係唔會坐低啦你都冇嘢食囉! 但落到樓下，見仲有個阿嬸喺度派緊傳單，先知道佢又敷衍我啦!如果你中午已經冇曬嘢食嘅話，夜晚點算呀! 啲嘢食邊度返得切呀! 仲有去佢個場有咁多個位，我上到去都未坐滿嘅 ，我得一個人咋，又點食得晒佢廚房啲嘢呀！

自從食過正宗韓燒後... 就沒有再去過港式韓燒了 哈哈!韓燒癮又起 所以到位於佐敦的平昌 By BBQ 7080 是ALL YOU CAN EAT 喔... 呵呵!如平時的韓國菜一樣 有很多配菜 哈Menu 除了肉類 海鮮 蔬菜 更有其他熟食選擇認真多 一次絕對試不了全部 記得約多幾位朋友呢睇韓劇太多 想補充一下體力 所以特意加錢選了 premium menu 上的鰻魚非常彈牙 配上薑絲 夠鮮味雖然是雪藏蝦 但肉質依然彈牙 而且不會有雪味 讚牛肉有多款選擇 可惜同行朋友不吃牛肉 呵 我一個獨享肉汁澎湃 肉質不會被雪到死了假若你真的喜歡韓式燒烤 佐敦的平昌 By BBQ 7080 絕對是不二之選有些店員是韓國人 不懂廣東話 建議名牌上寫一下 減少溝通上的誤會呢油煙味 還可以接受

平昌BBQ 7080 好耐無食韓國燒烤啦，今次蕉蕉黎到佐敦平昌BBQ7080食放題，放題menu選擇亦唔少，除左燒肉仲有韓國料理，煎海鮮蔥餅、煎泡菜餅、年糕、豆腐泡菜湯、韓式炒粉絲、石鍋飯……乜都有！再加六款前菜任食、飲品任拎！爐邊烤蛋非常滑溜，調味剛好！我和朋友都吃不停。講返味道，燒肉選擇都唔少，推介烤鰻魚，剛剛烤好的鰻魚真係好正，焦脆的外層加上嫩滑的肉質，配上特製鰻魚醬汁，食過翻尋味😋五花腩肉是厚切的，肉質肥美，油花慢慢融化在口中，以生菜包住吃，生菜爽脆五花腩肉嫩，確是不錯！烤特級雪花牛肉雪花紋很吸引，份量也不少，而且很有牛味，輕輕燒一燒表面，再放入口中，油脂王姓，非常多汁，確是不錯。原來午市放題只係$99😱 好抵呀！總括來說，這間餐廳的食物質素非常高，而且服務態度很好，環境又非常有特色，喜歡吃韓燒的你一定不能錯過。------------------------------平昌 By BBQ 7080 (佐敦)佐敦彌敦道219號莊士倫敦廣場5樓

女朋友屋企人想食韓燒，於是就帶他們到佐敦一間任食韓燒試一試。 餐廳主打韓風，侍應都是韓國人和瘋狂播著的韓式音樂，真令人有置身韓國的感覺，有心思！韓燒本身都是以燒肉為主，現在還可以一個價錢就任食，瘋狂食肉，無難道！肉的份量很足夠，肉質鮮嫩，配上韓式烤醬，小小辣的感覺，更有層次！當中最值得推介的是牛排骨，肉厚多汁，啖啖牛肉汁，雖然要加錢額外加添，但一試的確令人難以忘記！除了有不同肉類的選擇外，還有海鮮類，有蠔，海蝦，帶子，墨魚仔等等，加上，每樣海鮮都很新鮮，絕對超值！這間餐廳，連韓式飲料都是任飲的，有女朋友最喜歡的忌廉溝鮮奶，女朋友很滿意這次安排，女朋友屋企人更加滿意，說真的有置身韓國的感覺，更大讚任食的價錢卻有不錯的食物質素

上次同同事食完平昌，一直都想約再食，無想過今日出完trip 會再來食過。我們同事一行四人返到香港，係佐敦莊士敦想住打邊爐，點知幾間火鍋都排長龍，之後試下去平昌碰下運氣，咁好彩即刻有位。立即叫我們上次覺得好食的五花腩，燒生蠔，鰻魚隻生蠔，都幾新鮮，keep 到水平燒鰻魚，都ok,但如果有多點鰻魚汁會好點五花腩，三分肥，七分肉，正重叫左有我的大愛牛舌，薄切五花腩牛舌同薄切五花腩夠晒新鮮，又切得夠薄，一燒即食，超爽其餘羊架，牛肋肉同其他食物都保持到水準唯一美中不足，fill 飲品太慢，有些飲品係雪櫃沒貨，要問侍應拿，可能我入座都九點幾啦。

Staffs are nice and always keen to serve customers. Rather than standing only or being late to respond, they always eager to check and listen. Food is good! I reserved 2 ppl table and it was slightly bigger than normal 2 ppl seat in hk. Good place to enjoy meal!

食得日本野多，好耐都無食過韓燒喇。但你都知啦，韓燒逐樣計，正所謂小數怕長計，埋單就有排計～原來唔講唔知bbq7080 平昌 出咗任食放題，咁喂食妹就點食都唔怕啦！始終係韓國過江龍始祖，點都有咁上下保證嘅。位置全部都係卡位，就算兩個人都有卡位坐，私隱度都幾好。一埋位就已經見到枱面放好咗六款前菜，生菜同醬料。醬料有麻油，韓國豆瓣醬同埋生蒜辣椒。飲品就自助式自己出去拎嘅。任點任食就係用餐紙落單嘅，任食部份有各種燒嘅牛豬雞同海鮮。另外韓式嘅熟食好似泡菜湯炒年糕個啲都有咖。另外就係premium mean，就係要收費但質素好啲嘅食物。呢道有樣好吸引嘅就係爐邊蛋都係任食咖！海鮮種類多，有大蝦，帆立貝，生蠔同魷魚。海鮮都夠新鮮，食蝦同蠔係回本之選。食韓燒又點可以無五花腩，韓燒食到嘅豬肉唔知點解特別好食總係。經過大火燒好，五花肉邊位燒得焦香，食落肉味濃而且唔會油膩，必食推介！最中意用生菜包住加泡菜一齊食，口感豐富啲又無咁熱氣。加錢要咗個烤牛排骨（調味）雖然係加錢，但勁大份勁抵食。牛排骨調咗味嘅關係好入味好甜。牛肉味唔算重但肉質嫩滑咬落有汁。另外仲要咗烤特級雪花牛肉呢個有別於牛排骨，牛肉脂肪分佈細緻平均

身為肉食愛好者嘅我，韓式放題當然係首選。環境：呢間位於佐敦呢個美食集中地嘅韓式放題店地方大，環境乾淨，坐位闊落，同一班朋友坐起上黎完全唔會有焗束嘅感覺。食物方面：前菜都係會有一啲基本韓式前菜，因為留肚關係，我每樣都試左少少，味道不俗。食物種類都好合理好足夠。愛辣嘅朋友可以試下辣泡菜湯，好入味得黎又唔會好油膩。必食：烤牛肋骨肉質彈牙，一啲都唔韌，甜甜地好好味其他肉類都唔錯除左肉類，都有其他素食。燒杏鮑菇之前，建議將菇點落牛肋骨出黎嘅肉汁一段時間先去燒，咁樣就唔怕燒乾而又有肉汁嘅鮮甜。生蠔同帶子都值得試試，小提示係生蠔唔好燒太耐，否則會太乾同縮細曬飲品種類都好多之前係韓國飲過一隻水蜜桃燒酒好回味，估唔到呢度有！服務：侍應服務態度都好好，侍應仲會主動幫你換爐面，好細心。 雖然寫明用餐時間有限，如果無人等位嘅情況下，侍應都唔會催你賣單。價錢：唔計枝水蜜桃燒酒，每人先$198(加一），非常抵食

終於決定要寫我第一篇食評啦，第一間食店我揀左平昌BBQ7080其實平昌岩岩開做緊推廣果時已經想試，第一次本身唸住平日晏晝 walkin唸住冇問題啦，點知 full哂食唔到所以今次一早 book左，終於食到啦一上到去同接待員講 book左，好快就帶左我入坐。我同朋友兩個人去，坐二人卡位，卡位好寬闊一啲都唔逼，坐得好適服食物款式其實唔算好多，但係豬牛雞有齊，有海鮮仲有幾款熟食，有幾款肉食要另外加錢，因為我地兩個女仔食得都唔多野，所以對我地黎講完全夠哂，冇另外加錢試。野飲方面一樣係任飲，有幾款常見嘅韓國飲品。最後要讚下佢地嘅服務，首先員工人數非常夠啦，見到烤盆開始有黑焦好快就會過黎幫你換盆。仲有見我剪五花肉唔熟手，都有過黎幫我剪，非常貼心哦

成日好想食韓燒，但又覺得逐碟逐碟嗌會好貴，所以搵咗呢間好多人都話好食嘅任飲任食韓燒，$198一位飲品喺雪櫃自己拎，選擇唔少，而且全部都係韓國嘢（仲有啤酒，不過冇擺出嚟，要問侍應拎）蘸醬有麻油、豆瓣醬，同埋蒜片同辣椒韓國菜當然唔少得小碟前菜唔夠可以再添食物種類都唔少，仲可以加錢叫premium食物爐邊蛋記住熟咗就好食喇，如果唔係會乾哂硬哂牛肋骨肉好腍蠔同帆立貝都唔算大隻，不過尚算新鮮五花腩唔會一味得個肥字燒到咁上下再剪開然後點豆瓣醬，夾泡菜同辣椒，再用生菜包住，一啖過燒豬皮呢樣嘢，我係好鍾意食，但平時我覺得呢啲咁平嘅嘢，兩塊都要幾廿蚊，好唔抵食，所以都好少會叫… 今次嚟到放題就唔同喇燒嘅時候要小心佢飛出嚟呀如果有黃豆粉點會更加好然後我哋發明咗用燒牛肉流出嚟嘅油做牛油蒜片夾肉食好好味用嚟自製冬菇料理亦得哈後來我哋都加錢叫咗啲premium食物［水蜜桃味燒酒，$68］韓燒同12度嘅燒酒真係絕配［特級雪花牛肉，$88］雪花分佈好靚！牛味都幾濃，完全冇渣［烤牛排骨（調味），$88］呢個一定一定一定要試腍到冇牙都食到，調味亦恰到好處，唔會蓋過牛味夾返啲自製牛油蒜片更香好開心

不得不承認自己係隻食肉獸 而食韓燒就一定冇錯，因為豬牛雞羊都有齊！'+$88 牛排骨' 係首選。韓國就周圍有姐，香港就要比較高級嘅至食到😋已調味之兩大碌肉排豐富多汁 加片薄蒜，好掂🌺記得煎好至剪肉啊✂️準備食下一款肉前整個豆腐湯 味道剛好 食唔到太辣嘅朋友都應該鍾意♨️肉肉肉肉肉！雞肉串烤豬烤雞五花腩烤牛肋肉烤蠔烤鰻魚帶子👏🏼烤鰻本身已熟 烘兩下就好食喇 唔好似我地咁蠢烘到痴底。長期holiday mood,放工要飲酒呢！加左$38 要水蜜桃soju，佢好似係by table 咁計 所以好底🍑如果可以有冰長雪住就更好了😬唔飲酒嘅同場汽水任飲 放心😌呢個係標準五花腩，我諗下次黎會叫薄切試下煎到脆口，厚都好香架但彈牙得濟食到好攰😂男人應該好鍾意💁🏼‍♂️好多野未試勻已經托住個肚走🐷

食放題多數都喺日式，而食韓燒就多數揀套餐，韓燒放題就真喺反而第一次喇。「平昌」喺好陌生嘅名字，不過註名by BBQ7080「撐腰」，又唔擔心喺放題而會將貨就價，因為，曾經食過佢旗下嘅韓燒，印象記得喺唔錯。放題，就猶如槍林彈雨咁戰況激烈，以有限時間，無限地盡情燒！店子處佐敦食廈莊士倫敦廣場，交通故然方便，食廈又安排服務員協助客人搭唔同嘅電梯，所以，排隊情況良好、有秩序。而上到去，一打開電梯就喺餐廳。第一眼望落，以為環境唔喺好大，原來轉彎另一邊仲有長長多排卡位，格局如大部韓燒，都喺以卡位居多。枱上已放有多款韓式前菜：芽菜、菠菜、泡菜、翠玉瓜、魚仔、冬菇……等等，晌等候上食物期間，搵依堆小食間場就最好，調味功夫不俗，味道各有不同，食落好醒胃。既然喺放題，就即喺任點任食，先睇睇食物選擇。點菜紙一面分類為豬、牛、海鮮及和其他肉類；另一面分類為韓式料理、蔬菜及Premium Menu，不過，後者Premium Menu雖設定為需額外付款食物，但又唔一定喺啲貴嘢喎。飲品方面，雪櫃內多款韓式飲品任君選擇，最貼心喺有幾個雪櫃放晌餐廳內唔同位置，唔使啲人堆埋晒一齊攞嘢飲。而且，口味唔喺本地大路嘢，啱晒我試