平昌 By BBQ 7080 (Closed)

7080其實係我第一次食韓燒既第一間餐廳直到依家 大大小小既韓式料理餐廳開到成個香港都係佢以然可以繼續開分店 真心覺得佢真係好利害!見到7080新開張 好多MEDIA都有去食 見到真係好吸引!所以我同屋企人就決定左星期日晏就去食啦!雖然我唔知道其他7080有冇好似呢間咁 有海鮮燒但係呢到既海鮮真係好新鮮 而且好多元化我同屋企人食都覺得好正 好新鮮!另外 我地又叫左好多烤肉黎食所有烤肉都佈排都好靚好用心最正係五花腩同雞翼肉汁超多 已經好入味再配合醬料真係一流

肉夠新鮮,價錢大眾化,但佢個抽煙位好大問題,會積聚大量廢油係抽煙管邊之後滴番落去個爐度,,,,,,,,,,,,,,成個過程都好忙又要燒又要抹,,總之冇下次啦…！

莊士倫敦廣場成棟都係餐廳，日式料理邊爐酒樓泰菜燒肉應有盡有，就算無選擇困難症，都最好揀定餐廳，唔係你得到既會係愈黎愈長既搭Lift人龍同成千上萬既宣傳單張。呢間餐廳大部份店員都係韓國人，服務都幾好，主要用簡單英文or普通話溝通。餐廳亦唔似老牌港式韓燒咁自助拎野食，入到餐廳都望多兩眼係咪任食。setting係韓燒爐加爐邊蛋，個蛋未熟既時候睇落色水一般，熟左既時候又OK喎，燒到外脆內軟，亦好香蛋味。飲品有好多選擇，都係韓國出品，剩係啤酒都已經有四款。飲左三款，我個人幾鍾意呢隻黑啤，麥味濃d,亦無咁苦(因為雪得夠凍？)唔同種類既食物pack係同一碟，慳返好多位，唔會放到成枱都係，餐廳肯花多d功夫咁樣安排真係要讚！另外一讚係餐廳提供既生菜，我地一共點左三兜，每一塊菜葉都好乾淨新鮮無穿無爛，近根部位置齊口切左，好放心包燒肉黎食！生菜包牛肉製成品以下係介紹幾款我覺得值得推介既：海鮮類我鍾意生蠔同大蝦，其實韓燒有得燒蠔已經有驚喜，食落質素又唔差喎，唔算肥美，不過有鮮味。而大蝦爽口彈牙，調味料都唔洗點已經好夠味！厚切五花腩：上枱既時候係一大件既(可以睇返上面既圖),燒到差唔多就剪開細細塊，烤多陣就食得

老公有班飯腳，所以一有飯局都會叫我😁我地依次約左去7080，其實第一次去時真係好貴食，2個人叫左3樣食物，要4百幾蚊，但上一次我自己約fd食飯時佢竟然推出任食，講左俾老公知之後，佢就約埋班飯腳一齊去。不過依間平昌7080既裝修同旺角個間唔同，坐既係方枱、梳化同4腳有椅背的櫈！係坐方面我會鐘意旺角個間多d,因為佢係圓櫈仔，可以打開櫈面放d袋同衫入去，唔會燻到有陣味！野食方面種類好多，有五花腩、牛舌、牛肋骨......可以睇相，味道我覺得唔太差，不過可以再入味d.除左肉之外，仲有海鮮，竟然有蠔，不過燒完就好細粒，味道不錯。但蝦就「霉霉」地......反而魷魚圈有驚喜，燒到收到水之後，好香魷魚味😋熟食方面，我地叫左面豉湯同冷麵，個面豉湯我見到好多薯仔粒，同埋都幾咸，個刻我林起以前人地教如果煲湯咸得滯，可以加d薯仔落去吸味......

抵食夾大件＠７０８０ 和學生去食飯必選放題任食，後生仔食量大，消費又有限。又有小朋友岩岩出糧要請姐姐食飯，就到佐敦放題集中地莊士倫敦廣場看看， 看見了７０８０的海報，價錢不貴便上去試試啦！ 晚上８點半左右，餐廳已經滿座，門口坐滿等候入座的人，我們沒有訂桌情況下，幸好只等了半個小時就有位了。下次來還是先訂桌好了 全場爆滿，幸好冷氣抽風強勁，沒有很大的油煙味，卡位位置坐得頗舒服的 飲料是自助形式，韓式飲料，啤酒一應俱全 最正的有心愛的黑啤，用來伴燒肉食非常爽呀 一入到去已經準備好，可以馬上開動 前菜也是任食的，快餓死，等食物來的時候簡直是甘露，那泡菜做得很好食，夠爽口，非常開胃 一坐下已經準備好一份爐邊蛋，把蛋漿預先灌入爐邊，而另一格放了點點芝士，稍為加熱後，用來包肉食的，不過我嫌芝士份量太少，要追加則要再加錢 點單紙上面分為豬肉，牛肉海鮮類和熟食，款式之多，跟本沒有可能全部試完 由於實在太餓，我們一下子點了好多熟食來醫肚！這個韓式海鮮餅，看起來木木獨獨，外表沒有吸引力，嘩一食起來非法驚喜，味道好香脆，入面啖啖海鮮，加了點香蔥同煎食起來更惹味 韓式豆腐湯，可以另外點

今次介紹嘅係位於佐敦莊士倫敦廣場5樓嘅平昌韓燒料理，聽聞呢間鋪好爆，好full，因為佢係7080嘅平民版，點都要去試吓啦～呢度要walk in，無得訂位，不過...唔緊要，我哋一早就去walk in，試吓係咪好似大家所講咁好食先~我哋一埋位就有六小碟食，係咩呢～話你知，五六小碟包括（芽菜，泡菜，黑豆，好似腐皮嘅嘢， 菇菌類，翠肉瓜）除咗黑豆，其他比我哋掃清哂~講番正題，有熟食嘅，味噌海鮮湯必飲，韓式炒年糕，韓式炒粉絲就當然唔少得喇，仲有韓式拉麵，炸雞等等...肉類有雞豬牛，海鮮有蠔，扇貝，鰻魚，魷魚等等...味道嘛~我個人鐘意食牛肉，調味得好好，好嫩好爽口，牛仔骨，牛肉，牛五花定牛舌都入味，雞類都唔差，只係對豬類有啲失望，無味嘅，比較好係豬頸肉，講吓海鮮啦～蠔都幾大隻吓，扇貝就真係細粒，燒完變豆豉，鰻魚要燒好耐都未淋，魷魚都OK...每人220蚊，好唔好食就見仁見智啦～

當日6:30打電話Book位、有位小姐聽電話、我話Book7:00、對方說唔可以Book位、要walk in.:重話有臺、咁我上到去、對方問我有冇Book位、我話有位小姐叫我上來不用Book、之後就話冇臺、白走一趟！！！！！這位小姐再旁都冇出聲協助。不會再光顧！！

一段時間冇食過燒肉，感到心癢癢，佐敦有新開左一間韓式燒肉放題，價錢＄218一位加一。首先每一台都有幾款前菜同埋用嚟包住燒肉嘅生菜，幸好味道都唔算太濃烈，生菜夠乾淨。醬汁共有兩款，點肉食應該係最好味，不過我都係鍾意原汁原味多啲。濟州島黑毛豬梅頭肉加＄38升級，啲肉真係特別肥美鮮嫩。燒LA牛排骨、烤牛肋骨肉、烤牛肉、燒雞翼、烤羊肉等等都係調好味的食品，所以無論厚薄都一樣咁好味，雞翼肉質鮮嫩而且豐富！反而羊就真係冇咩羊味。冬菇同茄子燒完出嚟都特別香，清清腸胃之餘又可以享受美味。爐邊蛋基本上好快就煮熟，冇咩特別味道勝在貪得意可以食下蛋。烤鰻魚有啲部份特別煙韌食到有骨，質素大約一半一半左右，調味倒是不錯的。烤生蠔整完之後會縮晒水，入面亦都有少少沙，烤帆立貝細細粒不過幾有彈性，都尚算新鮮。烤五花腩與烤薄切五花肉油香十足，每一口都係爆豬油，夠晒肥美配搭生菜最好。飲品主打都係韓式飲料，款式多過8款其實都冇數過⋯最得意係有提子汁，出面買都特別貴，所以好快俾人搶曬！！

一早係食評度睇到：幾難book位…果然,連續打咗幾個電話都係直飛留言…當打得通時,就好似中獎咁…餐廳係中規中矩嘅韓燒店環境,爐邊一早就放啲蛋漿,生菜,餐前小食(泡菜,菇,青瓜…),乾唔乾淨,方唔方便,就見人見智喇…入到去就緊係一個攞嘢飲先,一個點單喇…感覺上都幾少嘢…一張紙正反兩面…海鮮得幾樣,肉比較多…仲有啲韓式料理…上菜比較慢…可能請嘅人比較少而人客又比較多…因為係邊燒邊食,途中就唔記得影相…生蠔好細粒,唔夠肥…牛俐同牛排骨幾好味…豬皮,佢處理得幾好,冇肥膏, 冇毛…第一次試燒,原來幾好味…口感幾過癮(有d重口味？) .因為有啲滞,燒完啲肉都會包住啲菜嚟食,又可以食多幾件…最後就試咗海带湯&冷麵…冷麵唔錯…麵質幾彈牙,而且有幾件浮冰…成餐韓燒就完滿晒…最後盛恵220左右…好飽,好多肉嘅一餐...

好一陣了沒有去吃韓燒了，之前去過在港島區的BBQ7080，今次在九龍區又開另一分店，一於就和朋友去吃。這間是放題料理，有別於共他分店，但一樣可以加錢試其他食材，最後我們加了烤牛排骨、黑毛豬梅頭肉和爐邊芝士。小食如韓式炒粉絲和炒年糕也不馬虎，炒粉絲也十分足料。頭盤小食可以不停添加的。薄切五花肉很快就熟，夾生菜一起吃大減油膩感。雞翼和豬皮一樣美味，記得要放一片生菜蓋在豬皮上燒，不然會彈起來。烤牛排骨醃過了，不咸卻很惹味，建議不要烤太熟。

BBQ 7080 呢個名已經幾深入民心，但係我一直都未食過。今次佢用平昌呢個名開，但係我見係 by BBQ 7080，返正朋友叫到就去食下（啱呀又係朋友叫到😂）我地早一晚打去 book 枱，不過可能係繁忙時間所以一直都冇人聽，until 夜小小先成功 book 到，正因如此我地唔使等位可以直接入座入座時埸唔係滿座都有半滿，坐低後首先有小食頂下肚，除左泡菜我食落覺得有啲唔同味之外，其他都唔差嘅，頂下肚都好（不過生菜係夾肉食嘅😂）野飲就係出面自己攞，除左有可樂同忌廉奶之外，亦都有出面比較少有嘅提子汁同蘆薈汁，一場黎到當然要飲特色飲品啦野食就係有張A5紙比你剔，唔係話好多款式，但係都足夠嘅除左要燒嘅肉之外，呢度都有唔少小食，當然要試下，順使食住等燒熟啲肉今次因為掛住食，所以唔係太多相，有幾多講幾多啦辣炒年糕首先講明，我係食左先再影，所以一碟嘅份量係唔只咁少年糕軟硬適中，食落口係正常嘅，亦都食到辣味，不過就唔算太辣煎餃個皮煎得幾脆，咬落去係有小小爆開嘅感覺，同埋食落唔覺得好油膩冷麵麵條幾有彈性，隻熟蛋都及格，雖然冇用冰去鎮住碗麵，但係食落都有涼爽嘅感覺韓式炒粉絲呢個同冷麵相比係痴身小小（當然啦

食過好幾次韓燒，但仲未試過7080，朋友話有得任食任飲，就去試試吧。去到所有前菜，生菜，蛋已放在台上。都有好多種類選擇：有豬肉/牛肉/海鮮/蔬菜/熟食...種類太多所以只寫我覺得有水準同好味...啤酒汽水任飲：烤五花腩：好大塊，好有肉味，肯定新鮮。沒有任何調味都好味。燒雞翼：燒得好香脆，無冰鮮雪味，燒完之後仲有好多肉汁。燒饅魚：起初無期待，但燒完簡直可以比美出面既饅魚，又無骨，外脆內軟，醬汁又夠味...另外加左$38點了另一款烤饅魚：真係好好味，依款饅魚比較有咬口，但係新鮮魚，好有彈性，燒完之後，正！烤蝦：蝦好新鮮食得出，好甜好彈牙。水冷面：麵條好Q好彈牙爽滑，加上酸酸甜甜既湯水，正！總括我覺得質素平均，幾好。

今日放工好肚餓，既然約左隻大食獸，一於去食放題任食，但係旺角的質素良莠不齊，又唔想只專注兆萬既poke store, 所以就揀左佐敦既韓燒式任食。早幾年韓燒係香港百花齊放，經過汰弱留強，連鎖式經營實有一定實力。先點了一個爐邊蛋，與韓國食的無異，都是把調好味的蛋漿灌入爐邊，再加上芝士咸香，幼滑嫩口。分數：8/10然後再來的是海鮮餅，份量稍小，絕對適合想小試多款的消費者邏輯。 煎得薄脆，而且有大蔥調味，唯漿調得太糊，有點痴口分數：6/10肉食獸主菜登場！豬肉有豬頸肉，五花腩等。其實因無太多調味，款款味道差不多，唯豬頸肉口感最好，彈牙且油肌較多且香分數：7/10牛有五花肉和特級烤雪花牛。識食既你地都知雪花要比錢的吧，但間唔中一次就豪一豪佢。肉味濃厚，不過未至於入口即溶，但比豬肉略勝一籌！分數：7.5/10羊架是抵讚之作，調味適當，剛好去除羊肉的腥蘇味，而且沒有筋。當然廚師（小弟）火候處理恰好，非常滋味。分數：8.5/10海鮮有帆立貝，生蠔和扇貝。最好食的一定是帆立貝，大粒新鮮而且肉厚，有新換的鐵板上不會烤過火。扇貝燒完抽水，變得細細粒，去除膏後，猶如白燒，變了元貝，幸好不會太硬生蠔是比較複雜

明明訂了8個人，去到比張6人枱我地，我地話根本無可能坐到，侍應死都話坐得到，我地堅持唔坐，後尾有位韓藉高層職員換左兩張4人枱比我。到開餐，好多款肉都無味，又無乜調味醬提供。到個半小時後last order職員叫埋單，我地亦比左錢及找錢，到半小時後我地起身走人，有個韓藉男職員追出嚟，又唔識廣東話，用英文單字講左一輪，我地都唔知乜事，搞左一輪原來係問我地係咪埋單比錢?嘩，真係慶囉!要我地去收銀度講返，先話唔好意思!永無下次!

好耐無食過韓式放題，難得7080新開左放題，就黎試下先一坐底，就有兩行蛋蛋，蛋水就好像比較希，味道不是太濃。 叫了一盤牛，一堆豬豬。 牛脷薄切易燒，爽口彈牙，不錯。 烤牛肉，好好味，好林身，有牛味，不錯。 烤牛排骨，好夠入味，好嫩。 而豬方面:五花腩，燒完外皮脆脆，有肉香，還不錯。 豬皮好好味呀，燒完好香脆，口感好有骨膠原既感覺，一點都不韌。不過豬腸好韌食唔到，不過好夠香味叫了一大盤海鮮，正。 烤蝦好新鮮，爽口彈牙，不錯不錯。 原來鰻魚燒完係咁香咁好味，帶點甜甜又香口。 尤魚好夠入味，又唔韌，好味。 蠔蠔都好新鮮，燒完雖然好細，不過都算有蠔味另外我地仲加左少少錢，叫左份黑毛豬梅頭肉，出奇地好味，好鬆軟，好有味，咬落林身有肉汁，不錯不錯特別一提個菇有花架，又切得幾靚燒完都仲有汁厚肉。 呢個價錢呢個質素都算係咁，下次還可以再黎食