第一郡

Open Now

Now Closed

4/9/2024📍第一郡呢間越南餐廳仲開係深水埗嘅時候就食過一次 印象中都幾好食 到搬咗去大舖幾年 今日終於去食多次啦😽宜家嘅舖頭真係大咗好多 但晚市時段都係滿座 生意勁好我哋6點半左右去到唔駛等位 上菜速度都好快⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨蟹膏番茄湯檬（$70）一飲個湯底就被徹底驚艷 事關湯底嘅蟹味真係好香濃！同番茄嘅酸甜超級夾！佢嘅配料好多 最特別嘅係個蟹膏餅 蟹味好香 口感好得意 食唔出佢係點整出嚟（我哋估係蛋白mix蟹肉蟹膏🤣）至於豆卜、豬紅、扎肉 全部都非常入味 吸晒湯底嘅鮮味 仲有半個番茄同幾條生菜添檬粉嘅分量都唔少 亦唔會煮得太腍 唯一要彈嘅係herbs太多 要夾走面頭果啲先唔會咁重味😹✨越式法包（$60）半條法包賣呢個價真係幾貴下 不過真係幾好食😋佢嘅法包係外脆內軟 唔會好難咬 啱上菜嘅時候仲係暖暖哋 入面嘅饀都足料 有扎肉、腩肉、肉鬆、蘿蔔絲 、青瓜、肝醬、酸菜 mix埋一齊嘅味道同口感都好豐富 芫茜味唔會好重✨米紙蝦卷（$22）一條米紙卷切開兩半 搣開出面嘅香葉就食得 中間嘅饀料好足 有檬粉、青瓜、蝦、生菜佢嘅靈魂在於個醬汁 花生味超濃 個醬入面仲有啲蘿

呢間人氣越南菜餐廳平日一樣多人。以前舊店成日排長龍，宜家新店地方大啲，多位好多。呢度蟹膏蕃茄湯檬係必試之選，湯底鮮甜濃郁，蟹膏味道豐富，檬粉好味，非常滿足～～烤豬肉湯檬粉，豬肉烤得香口，配上檬粉同特製醬汁。越式法包外脆內軟，夾住豐富餡料。米紙蝦卷，每件都包得好精緻，蝦肉鮮甜，配上特製醬汁，非常清新～～飲品方面，每人叫左一杯。凍檸茶清爽解渴，鹹檸soda好爽。最後，斑斕綠豆糕甜而不膩，斑斕香氣十足。

米紙我哋揀咗自家製嘅醬料，佢裏面有啲花生粒，因為磨得唔係特別細，所以食落會有啲口感，而且花生味非常濃郁。米紙裏面嘅蝦好新鮮，食落彈牙肉質緊致。佢啲蔬菜點埋個醬汁真係好正。我覺得一人食兩舊唔過分。香茅雞翼嘅表現，正正常常外脆內Juicy。主菜我哋揀咗越式法包，裏面有嘅就係扎肉，同埋其他越南特色小小嘅食物。個包外脆內軟，配埋啲蔬菜幾清爽芒果沙冰同牛油果沙冰嘅表現都好突出，芒果會相對清新一啲，牛油果佢就幾飽肚下。兩隻嘅味道都好香濃，正。芒果糯米卷嘅size真係冇輸俾長洲糯米糍。入面嘅芒果靚靚囝囝，色澤金黃，甜度十足，再加埋個糯米皮都好煙靭，食得出係新鮮整嘅，唔係嗰種凍到僵晒嘅，一人一見一下子就K.O.咗本身我哋都係抱住試一試嘅態度食榴槤糕，其實對佢期望冇特別大，畢竟個價錢咁平。點知食落真係好出乎意料地好，佢雖然冇咩榴槤蓉嗰啲，但係佢個榴槤味係好真，唔會人工或者係化學味，非常喜歡。令到我對佢嘅其他糕都有期待，下次嚟到嘅時候我相信我會試埋佢其他糕整體嚟講餐廳嘅食物比想像中出色，一定會有下一次再食

中伏，今日打風天氣比較熱，入到來完全感受唔到涼，雖然係午市時間，但人唔算多，唔洗排隊，因為好熱所以第一點佐杯冰沙，紅毛榴蓮沙冰$50，勁難飲，淨係得酸味，仲要酸到飲唔落口，一度以為係壞佐！即時問佐點解味道咁似壞佐，佢地職員話係咁嘅味，我女話好酸好難飲，佢地無出聲，d雞翼又奀痴痴，米紙卷一d都唔新鮮，落單幾分鐘就出齊送，反正以後唔會再來啦！真係感覺好失望，因為以前係深水埗試過幾次，都幾好，依家太差啦！

第一郡📍：油麻地彌敦道483-485A號2樓🚗：油麻地地鐵C出口 步行2分鐘📞：+852 2416-6868💲：~HKD100/head for lunchFood quality✔️：蟹膏蕃茄湯檬、米紙蝦卷、越式法包、牛油果沙冰👌🏼：鳳梨沙冰❌：斑斕綠豆糕總結：😋喺深水埗區闖出名堂嘅越式小店 老闆娶咗嗰越南🇻🇳老婆 愈做愈出名到由細舖到油麻地大舖😋招牌蟹膏蕃茄湯檬真係一上枱就嚇死人 好大碗仲要足料到瀉 札肉蕃茄蟹膏都超大舊 湯頭鮮甜 好似磚頭咁大嘅蟹膏真係畫龍點睛 推薦😋越南菜一定要叫米紙蝦卷 用香葉包住真係驚喜 米紙夠薄身睇到入面包住一大隻蝦🍤生菜同碎嘅米粉 唔蘸醬係超寡 所以一定要蘸醬 可以揀自家醬同魚露 自家醬係花生沙嗲醬 蘸醬同唔蘸真係兩個天地 唔蘸好普通 蘸咗好食😋越式法包🥖好大份被一開二 睇橫切面足料有扎肉 青瓜 芫茜 紅白蘿蔔絲 好食嘅 不過比起湯檬同蝦卷就有啲略失色😋越式小店有牛油果🥑沙冰賣真係幾新奇有趣 以試下嘅心態去試 飲落真係驚喜 好順滑牛油果味都重🤔對比起牛油果沙冰 鳳梨沙冰就比較平實冇咩特別 😨個個都話要試斑斕綠豆糕 但真係好麻麻地 食落又唔係煙韌 中間層綠

朋友帶咗我哋呢間食越南菜，話價錢唔貴，份量又夠，所以都幾多人嚟食，12:30嚟到都要排隊等位。叫咗個雞絲湯河，雞絲份量多到鋪到成碗麵都係，好耐冇試過食麵有咁足料，一路食啲河粉都有雞絲配，超正🥰雖然啲雞絲嘅雞味唔算好濃，但食落唔會嚡，調味都唔錯，配埋啲河粉一齊食好正。河粉亦都夠滑，湯底味道亦都係啱啱好，唔會太鹹或者太淡，加埋啲檸檬汁吊下味好正。Lunch set仲要包埋嘢飲，性價比都好高，啲位又唔會太迫，坐得到舒服。

朋友一直話呢一間越南嘢勁抵勁抵又好平又好味，所以今日終於都拉咗我去食。首先呢就叫咗佢嘅名物係一個蟹膏檬粉。佢嘅蟹膏我哋另外再加咗錢叫多一嚿，佢係蟹膏跟蟹肉整成一餅咁樣，有咩好處呢？就係你食落嘅時候的蟹肉唔會散晒落個湯底嗰度然後就咩都食唔到，一個真係真材實料你可以淡淡咬落口。另外我哋加咗個越式法包，揀左烤豬肉嘅。佢嘅豬肉一啲都唔會乾柴，配埋佢隔離酸酸地嘅蔬菜，個法包又脆又軟，真係好正。我哋另外叫咗個椰皇，大大個。其實呢仲有一樣嘢好緊要嘅就係一入到嚟，你必須要即刻下單叫一個斑斕綠豆糕，佢係份量有限，我哋嚟到嘅時候候都係得返幾件，必試。佢嘅皮非常之煙靭，配埋入邊嘅綠豆餡，又唔會太過香甜，食一個完全冇問題。

第一郡以前係深水埗已經好高人氣，宜家搬到油麻地人氣不減，地點亦都更方便。當日嗌左兩個主食，招牌菜蟹膏蕃茄湯檬味道鮮甜，蕃茄湯酸甜加埋香料及蟹既鮮味好夾，味道有層次🍅配菜除左有帶香濃蟹味嘅蟹膏餅🦀，仲有扎肉、豬紅、豆卜及生菜，非常豐富👍🏼另外烤豬肉撈㩚份量都好足夠，烤豬肉味道帶甜，非常香口，配合大量蔬菜及檬粉，整體口感豐富，味道清新，好啱夏天食。對比兩個主菜個人覺得蟹膏蕃茄湯檬會更有特色及驚喜。甜品斑斕糕有三層，口感煙韌，充滿斑斕香，唔會死甜，如果鐘意斑斕甜品必食！😋

Q1 第一郡的店面雖不大，但裝潢充滿越南風情，營造出舒適愜意的用餐氛圍。柔和的燈光、木質桌椅，以及牆上掛著的越南風情畫作，讓人彷彿置身於熱鬧的河內街頭。蟹膏蕃茄湯檬： 這道菜絕對是Q1的招牌！濃郁的蟹膏湯頭，酸甜適中，搭配爽口的檬粉和鮮嫩的蔬菜，每一口都是味覺的享受。轉加了檬粉和蟹膏的份量更足，絕對能滿足愛吃海鮮的朋友。芒果糯米卷： 香甜的芒果搭配軟糯的糯米，口感豐富，甜而不膩。外層裹上一層薄薄的椰奶，更增添了香氣。牛油果沙冰： 這是一款非常適合夏天的飲品，濃郁的牛油果香氣搭配冰涼的口感，讓人瞬間清爽起來。越式法包： 法包外皮酥脆，內餡豐富班蘭糕： 班蘭的香氣很濃郁，口感軟糯，但甜度稍高。米紙蝦卷： 外酥內嫩，蘸上店家特製的醬料，風味獨特。

蟹膏蕃茄湯檬 $70好似好多人點😎入到去張張枱都有一碗咁！佢唔係平時食開嘅茄湯，而係比較深色，比較酸嘅！好開胃👍🏼我地仲加咗加蟹膏，好好食呀！咸咸地好鮮味，好似加咗蛋白入去，令佢更加硬淨，同時又勁索湯😝越式法包 $60好好食！法包好脆！！入面亦都好豐富，有扎肉，腩肉，肉鬆，酸菜，青瓜，蘿蔔，蔥！口感十足！！一定要襯熱食😍越南香茅雞翼5件 $38甜甜地！烤到唔算好lone👍🏼好食！！牛油果沙冰 $38必點！！！！以往喺深水埗分店已經出晒名，今次黎到當然係必點啦！！好Rich🥹好滑！完全好似食緊雪糕一樣🥹👍🏼👍🏼👍🏼世一！班蘭糕 $15班蘭味好香好濃！入面有綠豆蓉又幾特別咼！！芒果糯米卷 $38嗌嘅時候，剩返3份！即刻落單留起佢🤭無令我失望，芒果係超！級！甜！！！仲要勁juicy!!!一份好彩有2舊🥺👍🏼👍🏼

📍第一郡(油麻地)油麻地彌敦道483-485A號2樓今日路經油麻地見到，原來搬咗呢度，之前係深水埗食過後念念不忘，終於比我見返佢👉蟹膏蕃茄湯檬💰$72😋😋😋😋.8/5呢個真係不得不叫，個湯真係非常出色，好濃嘅嘅蟹膏同蕃茄熬製而成，啖啖都好鮮甜，檬粉吸哂啲湯，好惹味，舊蟹膏餅咬落口感幾特別，唔錯唔錯👉烤豬肉湯粉💰$70😋😋😋😋.7/5唔想食咁多澱粉，轉咗做菜底，個烤豬肉係另上，肉質又林又嫩，唔洗浸落個湯度，整淡個味，唔好睇細細碟，係會好極都食唔哂👉越式法包💰$60😋😋😋😋.7/5有腩肉、肉鬆、扎肉、酸菜、青瓜、芫茜、蔥、肝醬，我仲有咗辣，餡料份量多，一口都咬唔哂，法包又夠脆，食哂成個真係好飽👉烤豬肉法包💰$68😋😋😋😋.7/5法包吸埋烤豬肉流出嚟嘅精華，咬落去烤肉好食不在話，配菜中和返個油份，食哂成個都唔會覺得油膩👉越南滴滴咖啡💰$35😋😋😋😋.8/5叫咗走甜，齋啡就可以飲得出咖啡個香濃味，聞落已經好濃咖啡味，飲落係一啲都唔苦，我幾鐘意呢種越南咖啡味👉梳打水💰$10😋😋😋😋.7/5梳打水加埋幾片鮮檸，飲落係更加清爽回頭：yesyesyes!知道搬咗嚟呢度，太方便喇，一定會成日都嚟食

由深水埗店時期已經開始幫襯嘅越南小店💖呢間一直最出名嘅係蟹膏湯檬、斑斕糕但係我自己就最鍾意佢哋嘅法包🥖😍越式法包 $60材料好豐富非常之地道特別喜歡佢裡面嘅肉鬆、扎肉同坊間既好唔同最欣賞呢間整既法包口感都好鬆脆 睇佢烤個外皮都睇得出蘿蔔醃製得啱啱好，成個都好鍾意我覺得有9成9還原喺越南食嘅法包🤓斑蘭糕 $15 呢個係必食甜品唔特別好斑蘭嘅我次次黎都會點呢個整得勁煙韌，有好香嘅斑蘭味中間仲夾咗一啲綠豆蓉，好清新好味💚芒果糯米卷35煙韌控勁鍾意佢個芒果糯米糍芒果又甜又大粒！用呂宋芒真心完勝出邊嘅 Mochi 好煙韌又唔會太厚，面頭有一層椰絲比街市買既仲幼仲香！好好食順化牛腱米線 $85呢個一上枱見到個份量嚇親有三塊勁大勁厚嘅牛展、牛筋，仲有兩塊厚切扎肉彈牙得黎入口易咬，肉質煮得剛好又入味仲有海量嘅檸檬葉同蔥&洋蔥（my非佛😍）建議兩個女仔嘅話可以share呢碗真係好大兜、湯底好甜！最欣賞佢個辣醬 辣得來加左落麵度都唔會成碗變到好油越式雞扒飯 $70雖然個價錢睇落小貴但佢個份量完全對得起呢個價錢 雞扒好大塊好厚肉 煎到好香脆又唔會成口油送埋碗菜湯同醬汁！成set睇上去好豐富米紙蝦卷 $28呢

由深水埗搬到油麻地樓上舖的高質越南菜。主打檬粉、法包和特色糕點，一份主菜大約$70多，足料抵食，份量大十級推介順化牛腱河粉！裡面有大塊牛腱、牛筋腩、扎肉，夾雜着香茅的香味，湯底鮮甜！！！ 這湯底是真絕，連檸檬也不用加，而非常足味又好味！越式法包亦非常出色！法包可以選擇切開二件、三件或者四件，方便與朋友分享。法包烘得香脆，饀料塞得滿滿的，絕對足料！調味恰到好處，配搭蔬菜也不覺得清淡～~米紙蝦卷兩個人 share 左一條米紙，入面除左粉絲同菜仲有豬肉同蝦，所以口感好豐富。最正是自家調味的醬汁，含花生醬，配搭落去好夾，食到停唔到口牛油果沙冰 比較 creamy鳳梨沙冰 就會fresh d最欣賞係兩杯都唔會好甜，同好厚身！足料！

為位於人來人往嘅彌敦道，不過唔抬頭睇就好易miss左佢嘅存在，由深水埗轉戰到油麻地樓上鋪，地方大咗好多，晚上8點幾都坐到8成人，裝修簡單，CP值幾高，食物價錢唔貴，叫多幾樣都唔肉赤👏🏻想試斑蘭糕，可惜賣晒試唔到🦀蟹膏番茄湯檬+凍檸茶 （HK$70+8)份量比想想中大份，湯係帶甜味嘅番茄湯🍅，蟹膏咸香好吸湯汁，有1.5舊份量，其他豬紅，豆卜，札肉配料都係你想像到嘅味道，正常發揮係我喜歡嘅味道，下次會同FD黎叫多D野食

上個月先越南旅行回來，咁快就開始掛住越南嘅美食。所以就上網搵吓有咩口碑好嘅餐廳去食餐飽止止癮。六點準時收工就急急腳去餐廳，希望可以唔使等位。餐廳係油麻地，港鐵步行一分鐘左右就到，地點方便。七點半左右到餐廳，估唔到即時有枱唔使等，不過入座時眼見都九成滿。蟹膏蕃茄河粉⁷⁰ 加蟹餅²⁰店員上菜一刻已經香氣撲鼻，蟹膏餅入口鮮味爆棚，味道濃郁！而蕃茄湯底酸酸甜甜，相當開胃！另外配料還有胡椒味濃的札肉、香滑的豬紅，還有吸晒湯汁的豆卜等等，個人大推，超喜愛！越式法包⁶⁰法包外皮熱辣辣，咬落非常香脆！而包身鬆軟綿滑，夾住有青瓜絲、腩肉、蘿蔔絲、札肉，芫荽等等，食落味道清新。夏天太熱胃口麻麻，越式法包是不錯的選擇喔！米紙蝦卷兩件⁵⁶米紙蝦卷用上香草葉包著米紙皮、爽口彈牙的鮮蝦、檬粉、生菜、豬肉、香菜等。味道清新，口感爽脆，再配上秘制醬汁，相當惹味！越南香茅雞翼³⁸雞翼外皮金黃香脆，肉質嫩滑，肉汁滿滿，而香茅令雞翼整體味道提升不少，非常滿足！斑斕糕兩件³⁰斑斕糕煙煙韌韌，口感軟糯，味道香甜濃郁，作飯後甜品一流！熱滴滴咖啡³²看著咖啡一滴一滴滴入杯裡面，感覺好放鬆！咖啡味道濃郁甘香，混合早已在杯底的煉奶，口