西龍傳香飯糰 (Closed)

早前知道西龍飯糰將於今個月結業一直抽不到時間到這裡吃最後一餐本來以為10月21日是最後一天後來延至23日好在趕得切吃最後一餐現在街外吃飯,很多都是多油多鹽很少有飯糰這類較健康的食物選擇我今年才知道西九龍中心有這間店可惜這麼快就要結業今次點了絕代雙色飯(紫米飯+五殼米飯)還雙加大飯糰(+$6)因之前吃過加大飯糰都不太夠吃而且包不住6種材料,材料太多要漏出來...海苔肉鬆基本上是必選這次還選了三杯雞肉片芝士牛蒡絲小麥胚芽雙加大飯糰份量很夠,吃了很久雞肉片不太軟不太硬芝士味道加飯一起感覺好牛蒡絲,不是很爽小麥胚芽,小麥碎口感還加了蘋果醋但酸了一點,有點灼咽喉今年才吃了三四次,就要結業,真的不捨得

A while back I got some serious food poisoning but there was no virus according to tests.Anyway, for weeks I kept shxtting out whatever I ate undigested.It was so bad that I was turning to health foods to see what could fix it.Coincidentally QQ Rice opened then and I made myself eat one everyday and it helped regulate my digestive system and my health improved.(Or it could have been psychological).At that time they had wild lake rice which has been discontinued now.Heard that they will be conver

網上話qq飯團就黎結業以前開到成行成市 估唔到最後一間都就快結業 有d可惜專登出西九回味下排隊人龍都幾長大概十幾人不過唔算太慢 等左差唔多20分鐘點左六樣料既雙色飯糰飯係紫米同紅米材料揀左肉鬆，紫菜，三杯雞，皇帝菜，豬扒同粟米唔知係咪太多客既關係包得有d隨意 紫菜跌左d係飯外面唔太美觀所以冇影到相味道同以前番學食一樣--清淡主打健康既qq飯糰賣點就係唔多加調味反而係我鍾意既一點可以食到原始材料既味推介係皇帝菜 有口感同埋甜甜地 好有咬口三杯雞都唔錯 雞肉算滑 調味唔會太重手 同真正台灣三杯雞果種濃味有分別材料份量多 每一口都食到唔同餡料廿幾蚊咁多個餸咁多年冇點加價 執左都唔知再去邊度搵番

最近見到ig/fb post左話呢間飯團做多陣就唔做嚕今日咁啱又有時間所以就同朋友返學之前一齊去試下啦😆呢間飯團係係西九龍中心既佢唔係一間鋪反而係係一個conner位雖然唔係鋪但佢都有1個由木箱砌成既台仔同埋幾張長凳比人買完之後熱辣辣可以坐低慢慢食😋咁我同朋友就一人嗌左1個飯團同埋低糖黑豆漿飲啦~一睇到個meun我係嚇親既 因為超 級 無 敵 平！！！😱一個飯團可以自己揀餸同埋飯既 而1個飯團可以揀6款餸加$8就有野飲 我地就揀左黑豆漿😋健康d嘛~而飯團方面我就揀左糙米配粟米+肉鬆+烤豬頸肉+冬菇+芝士我冇揀曬6餸但都好夠飽😳可能因為舊飯好大啦所有配料都係熱辣辣既好好味但係個芝士反而有d失色 因為食唔出有芝士味😅係一片片芝士既味囉 飯團入面d料都唔會話好少 而黑豆漿唔會話好甜配埋個飯團食就啱啱好啦 因為淨係食個飯團可能會有d乾~如果你唔想自己mix配料佢都提供左d健康之選既配搭比你揀好貼心 總之呢個價錢極之親民 好啱學生食👍🏻👍🏻

明明我係唔鍾意食五穀米紅米糙米既人，但中學既時候唔知點解好鍾意食呢間健康飯糰😂😂點知前2日上網見到原來最後一間分店都就快執😭😭五穀米飯糰($21.8 自選六款配料)，本身想食紫米，點知太多人同我一樣知佢就執走黎懷愐下，所以有幾款都賣晒😟我揀左肉鬆、鹵蛋、肉燥、三杯雞、皇帝菜同冬菇絲，味道仲同以前一樣冇變，飯糰大大個，足料飽肚又健康，以後都冇得食喇，又少左個回憶既味道😭‼️溫馨提示，問左店員話做到10月21日，想食就要呢2個星期去喇😟另外今日去都比較多人，等左45分鐘先拎到飯糰，大家要比d耐性🙈

仲記得十年八年前Lee 間飯團店係地鐵站附近唔難揾到，而且飽肚健康又方便，後來好似淨番西九龍中心Lee 間分店。由於大病初癒，唔可以食煎炸食物，又咁岩路過lee間飯團店勾起好多回憶(幾多歲就唔講la )忍唔住要買番個食下買左個豬頸肉粟米肉鬆飯團加紫米豆漿套餐，因為岩食又唔洗諗。自選既話雖然有好多選擇，但會貴少少同對有選擇困難既人尼講係好痛苦。。。。。見到店員姐姐用熱辣辣既紫米飯即叫即做，加入各樣材料，真係隔住個玻璃都好想食！豆漿有幾種口味，有室温同凍飲選擇。一打開，個飯團係出煙ga!好感動！可能自己已經食左成個禮拜粥水，第一個飯團特別好味！咁多種材料特別鐘意肉鬆，個人認為同飯團最match。粟米都好，但就容易跌到周圍都係。。。。。個豆漿唔算甜，味道適中，又有紫米香味，食完成個人完全飽肚，好滿足！（對於一個病人尼講一d都唔誇張）不過眼見客人真係唔多，店舖位置又比較唔起眼，希望可以繼續有得食！

平時o係地鐵站見到 QQ Rice d 分店 , 都鍾意買佢 d 飯糰黎食最鍾意叫自選配料o既 , 大大個又健康又飽肚 , $ 20 有找一餐 , 正 ~呢日黎到西九龍中心踩冰 , 一路上去一路諗緊食乜好 ,就o係六樓一電梯 , 就見到呢間 QQ RICE , 原來有得堂食o家喎我地都大家一致贊成 , 就食飯團做 lunch 啦 , 仲有得加錢配飲品自選飯團形式係先選飯團 , 有紅米 , 糙米 , 紫米 , 胚芽小麥米等我多數揀五穀飯 , 煙韌可口, 好高纖維 , 仲低脂嫁添喎 ~ 配料有大大話話有成三十種 , 可以買下店員有咩配搭好味 ~我多數配紫菜肉鬆 , 三杯雞 , 粟米 , 冬菇絲 , 佢地 d 送都落得唔少o家 , 三杯雞少少辣 , 唔辣o既有香麻雞絲 ,肉鬆可以令成個飯團都好有味道 , 加上甜美o既粟米粒 , 香軟o既冬菇絲 , 雖然佢唔可以包到每啖都食到咁多種送但整個飯團都有肉鬆 , 就唔會有硬落無乜味道o既情況出現另外配左一支蘋果醋 , 同樣係好健康, 好助腸道蠕動 ,酸酸甜甜 , 醋味唔會嗆鼻 , 帶陣陣蘋果清香 , 相當好飲## 香港唔多呢度採用健康米食o既餐廳或

今日,經過西九龍中心六樓買咗個健康飯糰做Lunch,個到有好多款係由營養師配搭過既飯糰,仲寫埋每個飯糰既卡路里添,但係我覺得唔多準確.但係我覺得e間公司都好細心,關心到一D素食人士,特登推出素食飯糰俾唔食肉既人選擇我望咗一望,好快就order咗一份六號既飯糰有糙米、肉鬆、香菇絲、小麥胚芽粉等等,套餐買就$23(飯糰+飲品),單買就$16.我覺得加飲品唔抵,所以就選擇咗單買.味道唔錯,D糙米飯好Q,肉鬆味好突出同好香,值得一試!我係等個陣見到原來仲有得賣無糖餅乾$28兩盒,適合患有糖尿病或肝病人士及喜愛身材苗條既女士食用,見到包裝幾Q所以就買咗兩盒試下味,我買咗南瓜子同杏仁味.除此之外,仲有賣人參粥等等,幾多元化.如果唔想食飯糰,個到都有泡飯同埋普通既飯餸可以食.個到環境唔錯,可以堂食或外賣都得

本來想要素食台式皇帝菜飯糰，但係無皇帝菜，要左素食辣豆腐飯糰($25; 200g)，加左支五穀米漿(+$7)~ 飯糰夠熱，用紅米和五穀米包住紅腰豆、辣豆腐和榨菜等。唔算好大，但係味道唔錯，以係外面食飯係講係健康嘅選擇，嫌唔夠飽可以加大(+$3; 260g)，雙加大(+$6; 320g)；支五穀米漿比較杰身，少甜，會有少少飽肚感覺~

掌心般大小的飯團，卻可有不同的配搭，對於食量小、又想什麼都小嚐的人來說很是不錯的選擇雖說同價可最多選6款材料，但一時間不知怎配搭好，所以點了老闆娘介紹的“台式皇帝菜飯團”可能肉鬆和皇帝菜都是乾身材料，所以咬了兩口便散開，要握實一些來吃紫米糙米鴛鴦配搭賣相不錯，紫米粗糙有嚼勁，糙米相比較軟淋，分開左右兩邊來吃更能吃出兩者口感上的分別想keep fit的人不妨一試雖然餐牌上的卡路里未必準確，但飯團看&吃起來也不覺得油膩，相信吃了也不會有太大罪惡感吧另外五穀米漿味道味道清淡，嗅起來比喝起來更香

不要少看這個比拳頭稍大的飯糰，吃罷肚子的確感到滿足，作為簡單的午餐也算不錯哩。今次選了泰式雞柳款式，外面以紫米和糙米包裹。吃在口中，分不清兩種米的分別，但整體感覺很黏糯，我相信是穀殼的作用，令口感有咬勁。餡料有肉鬆、黃瓜、還有不見蹤影的雞柳，味道配合起來不算有驚喜。在僅有的雞柳作品評，肉質較為乾嚡和粗糙，沒有傳統的泰式酸辣味。若有機會再吃，我應該會選其他口味。至於紫米豆漿，味道很清淡，但好處是不會太甜。

團購魔力, 用HK$4 可買HK$17 之飯團, 可選一種米飯及六種配料, 嗜辣的更可免費加添辣粉配料有肉類, 海鮮類和素食類, 種類繁多, 要留意某些配料是要加錢, 由HK$1 至 HK$3 不等顧客要預先在點菜單上剔好所選的飯及餸後, 交給店務員, 店務員便會即時替顧客包飯團今次選了三個飯團, 我倆選一些乾料(如肉鬆)之餘, 又夾雜一些有汁的配料(泡菜), 以致飯團入口不太乾, 食飯要襯熱, 一啖一啖, 很好吃呢

早前見openrice有團購優惠只需$4就可以買原價$18既飯團仲唔拿拿林買咩 咁抵!可惜每人只可限買5張 如果唔係我一定買足幾十張!兌換地點係全線分店都可以最後選了1張彩虹地鐵站同4張西九龍分店相比之下 西九龍分店既飯團較多料喎!一張coupon可以揀一款飯同六個餡我最於揀左個全素組合:紅米飯+泡菜,皇帝菜,海帶芽,草菇,黑木耳,幼筍呢個配搭仲唔係最健康之選?雖然個名係QQ Rice ，但都唔係太迷你放在手上就睇到個size!!!拎到回家食 仲係暖暖地咬左幾啖 餡料多到爆左出黎其實餡料又無話真係特別好味 有些只係平時街外買到既包裝料例如泡菜啊海帶芽啊幼筍等等本人最鍾情既都係皇帝菜!入口脆卜卜不過泡菜就幾辣咖都 食完都要飲返杯冰水$4食餐lunch仲想點?順帶一提keepfit人士真係好岩食呢個飯團事關西龍傳香個website有卡路里計算表只要click你想要既配搭佢立即幫你計好幾多Kcal !

第一次團購以$4買原價$17 QQ飯糰好抵小麥胚牙米:白米+糙米+小麥胚芽另加麻香花椒粉喜歡多款卜卜脆既配菜不過標準SIZE 200g 飯糰太細了~見佢初頭起勢咁加飯加配料到最後因為overweight左200g結果要不斷勃返d飯走, 攪到個飯糰有d散哂佢一係比多少少人食都唔怕啦, 一係初頭就唔好咁不留手咁加飯啦...以原價$17買既五穀米飯糰有嚼頭, 不過少左深色既米另外試了別的$18買最大既size平d呢款五穀米有加紫米, 顏色較深, 有嚼頭不過配料選擇不多可以叫佢淨比魯蛋蛋白

我特別喜歡吃一些非白米既飯這裡既飯糰就最合我心水因為採用了多穀健康米:紫米, 五穀米,紅米,糙米,小麥胚芽米, 冰湖野米我選了雙色飯糰因為可以試到兩種味紫米+冰湖野米$20紫米飯很香,唔硬,混入了被染了紫的白米飯冰湖野米是糯米+長型黑色既有殼野米糯米飯稔稔地, 黑色野米有穀有咬感可選6種餡料有些要另外加錢選了魚鬆+ 牛蒡絲+木耳絲+珍珠瓜+幼荀+素沙茶雞+$1另加小麥胚芽粉+$3滿滿既餡料一口咬下脆卜卜, 很滿足既感覺呢味道調得剛剛好唔會太淡現場仲有d已經計左卡路里既飯糰夠哂健美