酥妃皇后 (Closed)

上星期物身體有D事, 放左成個星期病假。呢日先返番工。一返到來, 我的好同事就買野請我食了佢係酥妃皇后買左芝士撻請我食~好似聽同事講, 買4個先有袋裝?I DON'T KNOW~但佢個紙袋有手挽, 係幾方便的~佢買左奶皇芝士軟心撻~奶皇芝士軟心撻 ($15)個賣相都幾靚, 但如果佢有翻熱服務就更好了。我覺得呢D撻類, 熱辣辣食會正好多~佢面頭有D奶皇醬, 令個芝士撻多左一重奶皇香~我覺得都幾MATCH~芝士軟心好CREAMY好滑, 芝士味都唔錯!個撻底都可以~估唔到既係, 本身我地以為只係得面頭有少少奶皇醬,原來撻底都有奶皇的!好似食緊流心奶皇包咁, 好味!

星期六去豪華戲院睇早場 路過這間queen sophie 酥妃皇后被香味吸引了即場試了酥皮蛋撻 剛出爐 熱辣辣蛋味濃郁不會過甜還買了2個tart 睇戲食選了脆米Tiramisu和雲tart ?(忘了名字）哩2個似cup cake 多個tart 味道完全係cup cake 只係換了酥皮

大家好👋🏻今次晴寶同朋友一齊試食傳聞好岀名的酥撻皇后🥧👑。今次揀選晚上九時晚餐後幫襯，撻款選擇仍然很多，店員細心介紹，態度十分良好，最後因買三送一的關係，買了四個，分別是開胃檸撻和招牌芝士撻，店員告知撻是凍食，但因本人食開新鮮岀爐的，凍食感覺新奇，一試下，發現撻十分普通，口感一般，跟銅鑼灣最岀名的芝士撻相差甚遠，價錢亦不便宜，鋪頭自稱酥皮十分出名，但都是名不符實，食一次已夠，不會再幫襯😑

行過旺角經過酥妃，聞到香噴噴就入去買番個先。入到去，蛋撻剛出爐。但呢度每人只限買兩個。接近二十款口味的酥皮撻供應。仲有一款芝士蛋糕。如果買得多，就可以用呢張。色彩繽紛嘅撻放滿櫃。果撻，果仁撻都吸引。叫左一個原味芝士撻$15仲有一個原味蛋撻$10芝士撻芝士味好濃，少凍。味道一般。蛋撻索價$10,說真有點貴。果然是蛋撻界名牌。但酥皮層次分明，唔油膩。蛋漿唔太甜，而且有淡薑汁味。酥皮同樣層次分明，芝士味尚算濃，價錢接受。

據聞係368層嘅酥皮而成嘅蛋撻，價值$10/個，D蛋幾滑又多蛋汁，酥皮都無咁易碎，可能係皮身偏軟無咁易碎，好有牛油香，幾好食，不過就真係同傳統麵包店的蛋撻有點分別了～

旺角弼街附近真係好多野食，朋友話開左間蛋撻舖，去開附近試一試~個位置好易搵，係"酥妃皇后"，呢個部位之前轉過好多手，轉做蛋撻舖都幾好~呢度嘅蛋撻有好多選擇，可以放盒裝做禮品，送俾朋友幾好睇!原味酥皮蛋撻 $10本身其實係曲奇蛋撻嘅粉絲，但係朋友比較鍾意食酥皮，所以一齊過嚟試。全部款式嘅蛋撻都係放左室溫，即係唔熱㗎啦，涼涼地咁~個酥皮幾薄，香脆，同埋唔膩，其實唔錯，喺太子，十蚊一件蛋撻，賣相咁好，仲想點~

好耐無寫過食評，今次要介紹呢間《蘇妃皇后》，可能大家都已經食過，我想先講下我見住佢第一間喺九龍城開，因為之前我成日要去果頭睇牙醫，我記得見到黃寶欣喺鋪頭架，短短2，3年賣撻賣到幾間分店都幾勁。雖然大家都應該食過佢嘅撻，我今次為左補償咁耐無貼文，拼死試食5款酥皮撻介紹被大家啦！首先講個酥皮，佢嘅酥皮比出面的店較結實，睇到真係一層層酥皮唔係"流"，都算鬆化，好有質感，而且感覺上不算太油膩。<芝麻酥撻 >芝麻味算OK，不算太濃厚，雖然酥皮夠厚，但係舊芝麻mousse 實在太多，咁樣好滯下，除非你好like芝麻糕嘅野。＜藍梅酥撻＞比較喜歡呢款，入面有多層藍梅jam, 而且藍梅mousse 比較軟，酸酸甜甜，很好吃。＜朱古力酥撻＞呢個勁正，因為本人鐘意食朱古力，而且呢個撻嘅朱古力比較似Dark Chocolate, 唔會過甜，同埋有脆粒粒喺面，勁正。😍<朱古力棉花糖酥撻>呢個都唔知正名，Anyway, 佢中間嘅係棉花糖，底層係朱古力蛋糕，都幾有層次，唔算太甜，不過我對棉花糖麻麻地。<棉花糖朱古力酥撻 >呢個都唔知正名，上面係棉花糖，有一半係朱古力蛋

偶遇的一個好滋味。果日我地兩個人食飽飽經過呢間專賣TART既舖頭。佢地個門面真係幾吸引, 好多吾同款既TART擺左出泥。仲有一個位係擺岩岩出爐既蛋撻! 好香! 我地經過, 就算食飽左都忍吾住要幫襯。我order 左個非一般蛋撻。上手時仲有暖笠笠, 好香蛋味同牛油味。酥皮好脆好化, 仲好有牛油既香味係口腔入面想湧出泥。另一個係原味芝士撻。都好好味, 芝士好滑好綿。不過因為係凍食, 就無得流心。下次一定要買番屋企叮熱佢泥食。但佢凍食都好味既! 最後走果時先見到原來有蛋白牛奶撻! 唉呀左出泥!早知食蛋白果個啦!哈哈! 唯有等下次了。

朝聖大名鼎鼎的酥妃皇后。...其實也許有時沒有期望便會少一些不必要的失望。回頭率：🌕🌕🌕🌑🌑環境：🌕🌕🌕🌑🌑服務：🌕🌕🌕🌑🌑份量：🌕🌕🌕🌑🌑味道：🌕🌕🌕🌑🌑價錢：HKD12/Pal◆Summary◇期望越大失望越大。酥皮冇想象中出色，蛋撻好一般，芝士撻幾特別唔錯。——————————————————————◆原味酥皮蛋撻◇HKD10 🙂可能聽得太多對佢嘅讚譽，心入面嘅期待好高。都算酥化，有蛋味，但我食唔到聲稱嘅3xx層，撻皮略薄，而filling味道亦偏淡。我承認味道是不錯的，但又確實未去到捧上神壇的地步。甚至有一瞬間掛念泰昌的蛋撻，即使佢早已淪為遊客的聚集地。十蚊一個蛋撻，其實係咪真的值得呢？◆榴槤芝士撻◇HKD15 😍估唔到亂嗌嘅反而有意外之喜。好少見酥皮底嘅芝士撻。細細一個，榴槤味濃重，比起蛋撻味道來得濃烈足味好多。鑒於size比較細，酥皮嘅起酥效果相對感覺好啲，但當然啦，都係冇我想象中好飽滿嘅“千層”效果啦。💁🏻‍♀️環境雅緻，行西式路線，選擇多，好靚💁🏻‍♀️其實味道唔差，不過蛋撻來講我認為偏貴，芝士撻來講幾抵食

今日行過金魚街🐠🐟三點三，夠鐘食下午茶啦，突然聞到好香既曲奇果，行多幾行發現左呢間專賣蛋撻嘅鋪頭怪唔之得咁香啦，真係香到不得了！完全冇抵抗力呀即刻入去先原來呢間專賣酥皮蛋撻嘅鋪頭黎既，而且仲有唔同味道啵，首先就有原味，有鮮奶味然後仲有芝士味，綠茶味，朱古力味，紫薯味等等等，一於買返幾個味返去試吓先，色彩繽紛好養眼呀，唔食得都可以打下卡喔嘛返到去我已經急不及待食咗個最基本嘅T芝士味先，好濃郁嘅芝士cream配上酥皮，可惜個酥皮凍哂囉，我估如果係現場食應該好好味朋友話個綠茶味🍵好好食，濃郁既綠茶味，超級好食咁話喎💕💕芝士，朱古力酥皮蛋撻💕💕綠茶紫薯酥皮蛋撻

-酥妃皇后開左pop-up store見到新年edition禮盒 同fd經過就買tart黎試分別係 紫薯同榴蓮流心芝士橽-..🔹#紫薯流心芝士橽紫薯味道filling加紫薯蓉凍食都好味 有流心熱食pie crust尤其係酥皮應該超好味🔹#榴蓮流心芝士橽濃味好多 一絲絲榴蓮肉同芝士味道夾d ————————————————  💡酥妃皇后旺角弼街64號地下A舖  ————————————————  

途經金魚街，無意中發現了酥妃皇后！聞名己久，酥皮撻話說有368層，即刻入去會一會佢先！店子主要是外賣的，但店內都有幾個立食位供堂食之用，這個頗貼心原來撻款都頗多選擇，賣相仲相當吸引！但我還是選了最原始的酥皮蛋撻看似普通，但入口就知道分別了！酥皮可以說是空氣感的鬆化牛油味香濃，睇張蛋撻紙就知蛋香滑有蛋味，只售$10，價錢相當合理，可以一試！

新年去開花園街辦年貨，途經見到呢間特色餅店，於是入去睇睇，櫃枱擺放賣相精美嘅西餅，不過櫥窗寫住全港至強蛋撻，一口便愛上，於是叫左個至強蛋撻試試先説撻嘅味道，傳統酥皮撻，一層一層緊接著但鬆化唔會一咬落疊埋變得硬硬的，好有牛油香味，但唔肥膩，蛋香濃不在話，甜度適中，唔係太甜，果然出色，值得一試！另外欣賞店主嘅細心位，食過蛋撻嘅人都知、食嘅過程中，難免會食到成咀碎，所以店內有紙巾提供比食客擦乾淨個咀先離開

咁啱經過酥妃，聞到好香既蛋撻味，引唔住買左隻。我揀既係紫薯雲石芝士撻，蛋撻表面既雲石紋唔明顯。原本以為佢會整熱番，但咬落去係唔熱的，有d失望。芝士味普通，紫薯係底層，食落同芝士唔係真係好夾，下次可能試番原味算。

未有機會試九龍城總店，所以行過旺角見到佢間分店，即刻走去買左一個酥皮蛋撻， 酥皮蛋撻酥皮係介乎牛油皮同傳統酥皮之間又香又脆，幾出色，但個蛋撻就完全冇蛋味，十分之淡，只食到好似有少少薑味，有d失望，反而酥皮鮮奶撻佢鮮奶味道好正，好滑，另外包裝設計值得一讚👍，膠盒4角都開左窿被熱辣辣嘅蛋撻抖氣希望個蛋撻味道可以改進下