皇后米線 (汝州街) (Closed)

今天幫大佬買Samsung A7 套及手指，便落深水埗購買。買完所需用品，又到食晏時間，行經汝州街，有一間皇后米線，因為好耐冇食米線，便入去試下。我們order咗兩份酸辣米線，加了牛腩、蘿蔔、滷大腸 、豬皮豆腐。 加咗一杯水果茶。個湯好濃味，但唔口渴,牛腩好淋，豬大腸好乾淨又霖。蘿蔔、豬皮出面一般車仔麵冇分別，但係個豬皮無毛，好乾淨。但係肉碎酸菜比較小。水果茶啲水果大件，不過啲茶比較甜。其本上可以一試。價錢合理，平均四十蚊。

星期六嚟到深水埗 朋友又未到唯有搵間鋪頭座低食住等佢一入到去量完體溫 啲姐姐話隨便座咁我就搵咗個卡位座點知一座低原來話卡位係唔可以座 要4人先座得(・・?)但佢地開頭又唔帶位 又叫我隨便座點知一座就比人話 （係呼喝嗰種）真係扣晒分仲要外面又無人排隊 如果係有禮貌咁請我座其他地方就會好好多 我叫咗滷水雞翼豬大腸砂窩米線$40湯底本身無乜味 不過就偏油滷水雞翼都幾入味 不過就好老可能滷咗好耐 啲肉好鞋口而豬大腸就好入味 幾好食但整體因為湯底太油 同雞翼太老所以成碗都無食晒就走啦

外賣自取豬大腸炸豬扒米線， 湯底無味， 外賣罐可樂一啲都唔凍，5分鐘路程攞到返屋企變咗熱嘅可樂，食完之後講得唔對路，之後一直嘔。我都幾肯定係啲食材好唔新鮮有好多細菌！ 有得揀千祈唔好食

呢間店我都幫親過兩三次，食物都ok既，尤其是水果茶係我最愛，但我超不滿既係他連冷氣都吾開，求期開幾巴風扇就算，去幾次，幾次都係甘，之前天氣凍就算冇諗過而架27度都吾開，又收人地一碗野五十幾蚊，都算，諗住同朋友都係住附近，有個地方傾下計，點知個阿叔（應該係老世）巴賭馬聲大到成間舖都聽到，好聲好氣叫他細聲d點知俾他鬧我反轉頭，擺明趕客，冇回頭

深水埗有好多米線店, 經過依間皇后米線好似唔錯, 裝修平實, 環境企理就試一試... 餐牌基本上都是米線 , 揀左個撈D餐 ~ 紅燜肉幹撈米線 , $55包一杯水果茶, 少貴 !份量同賣相都Ok ! 味道方面燜肉一般, 有咬口但汁唔夠入味! 個麵都爽身嘅, 可惜調味方面亦強差人意, 幸好有花生酸菜使其香口 🥜最後想讚下水果茶, 大大杯好好味! 裡面有唔同新鮮水果片 , 非常清新消暑一流 $55 黎講都算係高價位, 並非話好好食, 難怪客人不多, 依餐不過不失啦 !

這間店其實我都食左一段時間。因為之前未見有資料，所以我未知這幾個月會否在餐單上或服務上有什麼改變。只是跟隨那天的感受寫食評。那天因為要到深水埗買電腦用品，所以想食一個簡單下午茶。剛好這間店在巴士站附近，那些姐姐又在門外宣傳有米線食，所以就抱著一個試新店的態度去試一試。我坐了一陣選好米線，就落單等米線，但等的時間我發覺原來有下午茶餐單的。我當然好憤怒。因為我覺得你地無理由唔知我個餐其實和下午茶一樣。我鼓起勇氣和姐姐講我可唔可以轉下午茶，那個姐姐又話可以喎，原來幫我落單位職員係新人，好多都唔熟，那我就覺得我這次做得對。因為可以令那些姐姐對餐牌更熟悉。講回食物方面：今次點選的是以下的米粉炸菜肉絲米粉+凍檸茶其實米粉真係好普通。佢所謂的自選米粉，我開始時以為好似譚仔那些，原來只是茶餐廳那些，米粉的口感都可以，有些生菜就比較清淡，我都滿意。但湯底就係無味水。不過佢的炸菜都有些味，可以接受。那杯凍檸茶都幾大杯，我見應該還有其他特飲，不過食下午茶我就唔想將個價錢變到好似食午餐一樣貴，所以無試特飲。進食其間姐姐話送碗糖水比我試。因為剛剛做錯了，我當然唔會拒絕啦，還好開心。就是這碗綠豆沙。但我食緊的時候

一入去間鋪成陣怪味 已經想走！！點知真係中伏！叫左碗自選米線 + 凍檸茶。首先杯檸茶無茶咁仲甜到想嘔 碗米線又淡又無味 酸辣唔似酸辣! 叫左個豬皮完全無味仲有d毛 成世未食過咁難食既米線 ！ 千奇唔好去試 中大伏！

見佢新開冇耐，就同朋友去試吓早餐先。本身都冇乜期望，入去一陣怪味，坐低睇早餐餐牌選揀少，啲ar 姐冇服務都算。我叫咗個腸仔蛋炸菜肉絲米線，成$36蚊。一食落腸仔已變壞臭咗，重話皇后米線，啲米線一夾就斷，清湯超咸，炸菜肉絲罐頭嘢，令到碗米線咸上加咸。杯檸水又有怪味。我食咗兩啖已食唔到，超難食，味精又超重。朋友叫皮蛋冇皮蛋，其他枱叫金菇冇金菇，叫乜冇乜，連朋友食既火腿都係變壞，臭既。 最後我又想嘔又肚痛，可一不可再～唯一有得讚既係佢啲碗，杯係新既。