皇后米線 (汝州街) (Closed)

見佢新開冇耐，就同朋友去試吓早餐先。本身都冇乜期望，入去一陣怪味，坐低睇早餐餐牌選揀少，啲ar 姐冇服務都算。我叫咗個腸仔蛋炸菜肉絲米線，成$36蚊。一食落腸仔已變壞臭咗，重話皇后米線，啲米線一夾就斷，清湯超咸，炸菜肉絲罐頭嘢，令到碗米線咸上加咸。杯檸水又有怪味。我食咗兩啖已食唔到，超難食，味精又超重。朋友叫皮蛋冇皮蛋，其他枱叫金菇冇金菇，叫乜冇乜，連朋友食既火腿都係變壞，臭既。 最後我又想嘔又肚痛，可一不可再～唯一有得讚既係佢啲碗，杯係新既。