彩虹甜品屋 (Closed)

近期經常食糖水上星期去了久違的彩虹甜品屋(Rainbow)@大埔中心十年過去 他們為社會做的貢獻我很欣賞包括:「喜樂彩虹」計劃(傑出夥伴合作計劃獎),「十八區好鄰舍運動」 很多年沒有來 甜品貴了1/3呢~ 哈哈 (其實商店加價是很正常的事)同樣地我點了綿綿冰不過不同的是這個叫冰西上面是綿綿冰 下面是西米露旁邊得2舊香蕉仔未免太少了XD 講真 間間甜品店都買差不多的糖水/甜品正常來說味道沒有大分別我們支持Rainbow的是回憶多於味道繼續加油!!

辛苦左一晚, 難得唔洗趕頭趕命又有人陪食宵夜, 重拾久違o既彩虹味道原先想食凍甜品, 但因為天氣凍凍地, 所以最尾ORDER左熱食:麥米花生粥!!! $14, 我都幾鍾意食麥米粥, 可能平時屋企好少煮, 而且煮咁多又未必食得哂, 所以出街食就最方便!!! 佢好足料啊~~~ 而且D麥米又煮得夠lum, 唔會好硬, 味道又唔會過甜, o岩哂我口味!!! 我上次都好似食lee款添~ 下次想試下個熱椰皇啊~!!! 另一款就order左最普通o既芒果布甸$16, 不過lee個反而一般, 個口感唔夠滑, 而且d芒果唔夠fresh!!! 少左份鮮味o向度, $16應該可以整得好d!!!

收工食宵夜，黎左近近地既彩虹。熱腐竹雞蛋：材料豐富，有埋薏米、白果，但甜左d。Rainbow：太多涼粉，生果少，味道一般，價錢貴。Rainbow 甜品不及 "松 x " 抵食呢。

晚飯之後最正就是食糖水甜品~ 這次在大埔，就試了這間彩虹甜品屋。聽說這裡平常人很多，這天時間尚早，無需等位。兩款配料綿綿冰 $30 - 選了芒果綿綿冰，加芒果粒和寒天條。芒果綿綿冰的芒果味很假，麻麻地，寒天條的味道出乎意料，很奇怪，整個配搭令這個綿綿冰變得不好吃，可能選朱古力味綿綿冰和其他配料會比較好。彩虹 $27 - 非常豐富，有大西米、涼粉、鮮果、椰汁和芒果汁，好味！

週六 ~ 飯後甜品 上檯時，溫度足，暖粒粒~面個層朱古力漿唔會太甜 ~ 丸子本身有咬感，甜甜地 芋頭丸子之芋頭味不是太重，但可以~~六粒丸子呢個份量已經好飽 ~ 二人分享~ 正~註: 不過此甜品真係要趁熱食，唔係就會貼住隻碟啦~

本人是彩虹的長期熟客, 但今天吃完後極為失望。首先來的是彩虹, 生果又少, 又唔新鮮, 芒果又酸, 一D都不好吃。另點了小氣啫喱, 唔知係咪唔新鮮, 一D氣都冇, 好似食緊冇氣嘅可樂, 勁難食。以後都係行多幾步去松X吃。

如果要講好食!!!本人都係鐘情食左十幾年既芒果大王!!!哩到賣既係一個一班朋友吹水的聚腳地!!!!中學時成日蒲李福林!!!之後就會黎哩到吹下水!!!記得第一次食時係19元一個rainbow!!!不過至從離開左大埔無幫襯過!!!唔經唔覺就已經加到27了!!!其實依家食既都已經唔係味道或者價錢!!而係回憶!!!彩虹:::都係好多生果,樣樣都好新鮮!好甜!!!紫晴湯丸::::很香榔皇,而且仲有有5粒紫晴湯丸,內面係奶皇餡,

此甜品屋開張時,正值中學時期,故經常與同學到此小敍一番,至今已有數年沒有踏足此地...記憶中味道與坊間同類型店舖沒多大分別,當時來說可能只是款式新穎取勝,只有紫晴湯丸令人留下印象.....因家住大埔的同事們"吹雞"放工宵夜,終於有機會舊地重遊!甫坐下,已嗅到陣陣厠所傳來的氣味於是決定速戰速決!綠豆沙,小氣啫喱此類糖水與記憶中一樣,沒什麼好不好吃可言....而我的目的椰紫湯圓依然保持水準!主角紫晴湯丸依舊皮薄餡靚,湯丸皮嚐到丁點紫米味,奶黃與椰汁配搭味道清甜!我知道以後來Rainbow真的只是純粹為了湯丸!

今晚陪男朋友返完大埔屋企食飯之後，我地就走左去昌運呢間糖水舖食吓甜品之前都有黎過呢度食過，可能之前黎親都係假期，次次都人山人海咁，但係今次就唔同啦大把位任我揀"香芒雪花"...即係鮮芒果西米露加豆腐花~幾香芒果味...齋食西米露覺得甜左d，加埋豆腐花一齊食就啱啱好~豆腐花就一般，唔算然滑，但係可以接受"自選綿花冰"...有好幾款唔同嘅選擇可以揀，我個人比較鍾意西瓜，所以冰底揀左西瓜味，生果就揀左西瓜同芒果，再加埋大粒嘅西米西瓜冰好軟綿綿嘅感覺...唔太甜，西瓜就唔夠甜，得dd西瓜味，芒果就最好...好甜仲好香芒果味添，西米幾好咬口，大大粒好「煙un」，整體都唔錯呢度d亞姐都幾有禮貌，有時間會再去試吓

大埔越黎越多糖水舖而家又話開松記既然佢未開,繼續支持RAINBOW今日同bb,jb一齊去rainbow keep住人好多jb叫了黑糖雪糕bb叫左綿綿冷我就食左紫晴湯圓椰皇ver.黑糖雪糕仍然美味,bb個綿綿次比糖百府遜色,味道略嫌不足,未到似飲水,但都真係好淡下我果個就NO GOOD LA如果凍食既愛心甜品都係椰皇,愛心甜品食落清甜但係我果個可能係熱,無果個清甜既感覺而家同紫晴湯圓唔多夾有d奇怪下次都係食番愛心甜品我係大埔讀中學時都食rainbow食食下多左滿記遲d又多埋松記

當晚餐後,又唔太飽,又想食D中式甜品,可以去呢間彩虹試下.........呢間店亦有好多打波友,打完波就嚟食番碗...一間大眾化既甜品店,價錢算平,味道平平,一般傳统糖水店。但勝在多選擇,多款色!

晚餐去了一間非常爛的齋店唯有食甜品補返數元宵節當然要食湯圓la很喜歡食rainbow的薑水紫晴湯圓薑水好夠薑, 紫晴湯圓, 皮夠薄, 裡面的奶黃又唔會太甜今日甘多人都可以保持水準, 唔錯

我1直都keep住呢間甜品屋嘅鱔稿好多年,因為地點問題,終於jan 17, 10可以嚟到,3人叫咗 : 1) 小氣啫喱 (hk$12)-友人以前食過,話喺可樂啫喱-取名叫小氣喺因為啫喱內嘅氣泡,真喺唔知點可以做到咁嘅效果-味道上真喺幾可樂喎,最難得喺連剛剛開罐/樽嘅嗰種谷上嚟嘅"氣"味道都似埋-懷疑氣泡喺最後過程中特意打落去嘅co2-不過質感喺偏腍咗少少 2) 紫晴湯丸 (hk$15)-湯丸喺紫米皮,奶皇餡,薑湯底-友人話薑味夠,唔多甜-湯丸意見如下 3) 原盅椰皇紫晴湯丸 (hk$35)-基本上呢個喺我鎖定嘅目標,我仲keep住當年嘅鱔稿喺因為呢個椰皇湯丸嘅介紹-先喝幾口椰皇水,真喺清甜,來得自然-紫米皮好薄,奶皇餡好多,而且仲好有奶皇嘅香甜味-真喺稱得上皮薄餡靚-其實可以轉佢做芝麻餡,但為著跟足當年鱔稿,所以我無轉咗佢

尋晚(26-12-2009)同家人打完邊爐後,唔知做咩係都要迫我去行街,o係毫無頭緒時,同家人去了大埔,後來細佬話去食甜品.啊,咁去啦,佢帶我o黎呢間,推介什果黑珍珠,就同佢兩份食,阿媽就叫白果腐竹薏米,要蛋嘅!好啦,就呢樣啦.爸爸要雲石豆腐花,黎到喇,我果碗什果黑珍珠勁吾掂,好甜有d怪,雖然夠凍但生果普普通通,細佬仲話推介忝至於媽咪果個腐竹糖水,冇特別自己整都差吾多而爸爸果個,佢就話得兩個字(吾底食)

綿綿冰味道好淡..而且刨到一條條..唔係一大片連住咁..而且重要$33..完全唔值呢個價.紅豆沙係就係有起沙..但一d紅豆味都無..淨係得陳皮味.真係無下次