Ralph's Coffee

Open Now

Now Closed

還記得上年（2018年），Ralph's Coffee 首度推出中秋月餅禮盒，我身為RALPH LAUREN 忠實fans當然不會錯過。上年的月餅禮盒設計以咖啡杯為藍本，包括兩款咖啡奶皇月及朱古力奶皇月餅，總共4個月餅，售價係$398 。而月餅禮盒亦可當作裝飾燈之用。咖啡奶皇月，有濃濃咖啡香味，而朱古力奶皇月餅，味道不會太甜，我覺得兩款都十分美味，雖然size比較細小。但物有所值。到了今年 ，Ralph's Coffee 再度推出月餅禮盒，今年的禮盒設計花盡心思，十分精美，係一架Ralph's Coffee 車。而且車頭燈丶車身中間位置可以打開，都可以著燈。車頂打開就裝有3個月餅，而拉開車尾箱就有另外三個月餅，總共六個月餅。而今年是流心月餅，有兩款精緻口味，包括咖啡及流沙奶皇月餅。正已公開發售，價錢方面，現在early bird special 為$450 ，原價$468。我個人認為非常物有所值。今年比往年更加低買！

星期五晚上去開海港城食晚飯，經過見到Ralph'Coffee 這間品牌叻咖啡店，是Ralph Lauren亞洲首間咖啡。剛巧晚上沒有太多人，便買番杯试下質素如何。事實上我很喜歡他們的舖面设计，白綠色的配搭，很有美國特色，確有另一番風味。今次我選了他們的latte($45), 個人觉得咖啡有苦涩味，不会被奶蓋過咖啡味。Overall, 奶同咖啡match 很好

星期六嘅下午行緊去LCX買野嘅時候，經過間綠色白色為主嘅咖啡店，即刻俾間野吸引左入去！原來係Ralph Lauren服裝牌子主理嘅咖啡店，裝橫好有個性，真係打卡一流呀！我揀左杯latte試下（$45），估唔到又幾出色wo，好有驚喜。咖啡有陣炭烤味，濃郁香醇，對於唔鐘意酸味咖啡嘅我，真係一個好選擇。而咖啡店內有好多唔同嘅包點同曲奇，賣相都好吸引，下次有時間喺店內立食嘅都想試下。如果大家喺尖沙咀行開街，真係可以去買杯咖啡，打下卡！

Ralph呢啲先真係咖啡舖，有豪華裝修，有服務，latte比較暖唔合格，但brownie 超好食。佢的粘度和澱粉好配合，人哋真係俾個心落去做咖啡和小食你估黃竹坑嗰間madera，個肥仔面口又差，又唔衛生，啲嘢非常難食，乜都乜，又貴又冇得坐，完全零裝修。都唔知想點，不如叫Ralph進駐黃竹坑，叫呢間madera走雖然佢貴過Starbucks好多， 但Starbucks嗰啲真係好難飲，而ralph最重要嘅就係比到你一種休閒嘅感覺，唔似madera有好嚴重嘅壓迫感

已經有幾年沒有喝過 Ralphs coffee，所以當我發現海港城有，我就來試試那味道是否與美國的一致，其實這個品牌的代表作是mocha，除了有濃濃的咖啡味，還喝到了香滑的牛奶味。在紐約的時候，我常行到Ralphs coffee popup 店買咖啡，因為它真的比別的美國咖啡更乎合女生口味，不過我倒覺得很驚喜，因為在美國是沒有連鎖店也只有popup 的，但香港卻有一間專門店，我已覺得很幸運。你們經過一定要入去試試，本人推介是mocha 最後送上幾幅照片。

一睇個名就知係名牌Ralph Lauren既coffee shop就會好想試下名牌咖啡會係咩quality🙈🙈間舖既裝修都幾靚 以綠色為主可以飲咖啡既同時影相打下卡我同朋友叫左hot cappuccino同埋hot latte兩杯既咖啡味都幾濃 唔會比奶蓋過晒啲咖啡 同埋入口都好滑🤤🤤打開外賣杯蓋有個小驚喜就係竟然有拉花😇😇btw呢間都係有得儲印飲夠10杯送一杯總括黎講都覺得唔錯👍🏻👍🏻👍🏻

第一次黎呢到幫襯，估唔到咖啡同服務都係咁好，仲有同品牌的朱古力，cookies......配埋咖啡真係無得頂。員工服務有效率，唔駛幾分鐘已經整好，奶泡細滑，比例剛好。

今日同黃兔行LCX途經這間咖啡店聞到有好香嘅咖啡味傳出，下意識地望下間咖啡店，見到有好多人買完野飲出來兼在漂亮的招牌下打卡，於是我二話不說的沖左入去八下店裡面積雖然不大，但裝潢好有歐洲懷舊風味我同黃兔試左:classic Lemonade＄45 - 有－片檸檬同薄荷葉，飲落酸酸地清新醒胃，好適合夏天飲Latte＄45 - 叫左無糖。唸住要影相所以將外賣杯蓋揭開，竟然見到有拉花，真係估不到呢好彩有揭開個杯蓋欣賞到咋！而味道方面，咖啡味香濃而不苦澀，鮮奶順滑，飲完一段時間口裡還有咖啡餘香

對於品牌開既餐廳一向都無咩信心，知道ralph's lauren開左間咖啡店，都無打算試！有日同朋友喺海港城食完lunch，佢話有2張咖啡卷問我有無興趣陪佢試新野，免費試新野，梗係好啦！去到門口先知，原來係ralph's coffee！LATTE出乎意外既驚喜！咖啡好香，奶亦打得好棉好滑！估唔到品牌開既咖啡店會有咁好水準而且全店主要外賣，得少量企位，所以好靜好舒服咖啡店仲有豆同朱古力賣，就黎到中秋仲有月餅！但係價錢唔平，我都係飲咖啡算lu

平時只看不寫 openrice 的我, 因為被這間充滿咖啡香的咖啡吸引, 不得不開始了自己的第一篇 跟女友在樓上泊好車, 走下來被一道咖啡香吸引 , 回頭一望, Coffee shop 是很古典的英倫風, 室內的燈也是古董波波燈, 也很喜歡這大膽的綠拚金設計 會忍不住 selfie 一下! coffee shop 更自設自家製的三文治及甜品, 但個人還是鍾情這杯 Mocha用了 skim milk 的 mocha 竟然是我在香港飲上最好喝的一杯!!! 一飲難忘咖啡香跟朱古力比例洽好, 而且不是很hea 的朱古力醬, 是用上了高級朱古力調配, $52 杯也覺得很值! 出來見到對面有 Vivienne Westwood Café, 之前試過, 兩間相較, 真的一試見真章, 性價比高很多  

早前知道Ralph’s coffee 進駐了亞洲第一間分店在香港海港城，一向鍾意飲咖啡的我，今日去逛街就一於去試吓呢間品牌嘅咖啡，經過門口見到櫥窗都是以綠色裝潢為主的，店內主要是外賣咖啡和有一些輕食食物。如果想返屋企都能夠沖到咖啡的話這裏也有咖啡豆買回家可以回家自製咖啡。我點了一杯mocha 和買了一排細的手工海鹽朱古力，咖啡味都夠香醇入口都滑溜，咖啡味偏濃郁，mocha 的朱古力用黑朱古力來調教所以都是比較濃烈甘苦味道。整體來說不過不失。

聽説這嗰牌子近排駕臨於海港城，心動想去試試喔咁岩今日係海港城食完晏，梗要去朝下聖啦❤️❤️❤️我以為會好多人添，點知無嘜人喎，小小的店舖只有一個位置可供喝咖啡的，可是經已有人在，店來有啲輕食供選擇，還有lemonade 選擇，本人十分鐘意飲fresh lemonade ，可惜今日既目標只有一個，order左凍既Americano☕️☕️☕️哩度只有一個size，減輕左選擇困難證既我。。。不消一回咖啡就來了，急不及待喝下一口，可是並沒有特別，有啲酸酸地，咖啡味不濃，有點淡口

當你聽seminar因為忽然接收大量新資訊，因而腦缺氧時， 需要一杯macchiato救命😜！今日中午去左聽個好深奧嘅seminar, 完左之後走左去尖沙咀海港城，行過Ralph's, 飄來陣陣咖啡香， 於是忍唔住行入去點左杯macchiato，佢地嘅Macchiato 係espresso 底， 味道偏濃， 甘香醇厚，好啱我呢啲咖啡精，面頭奶泡打得好綿密，但又好輕身，飲時慢慢與咖啡相融，對我嚟講好有鎮靜心靈嘅效果。

上次到訪bakehouse花了一個小時四十分鐘排隊，才能現場一嚐牛角麵包的味道。得知這家時裝咖啡店是引入了bakehouse 的牛角包，今日一於去吃個早餐。這兒有早晨優惠，只要購買咖啡，便可以加$15享用牛角麵包。Flat white $45這家店的咖啡都幾大杯，咖啡味甘香，奶泡薄薄的，帶有一點點的nutty 味道。口感順滑，味道雖然未至驚喜，但可在這美式風格的環境下嘆杯咖啡，感覺有型，都算幾ok了。Croissant + $15據店員透露，這個牛角包是來自bakehouse的，曰日新鮮運到Coffee shop. 牛角包會先翻熱再送到客人手𥚃。牛角包十分鬆脆可口，一層層的，充滿氣孔，口感airy 又豐盈，滿滿是牛油的香味。當然沒有在bakehouse 出爐時咁正，但味道也十分不錯。估唔到唔洗排隊也可以食到bakehouse 的牛角包，實在太高興了！

1. My first cortado experience2. Fancy coffee shop with lots of coffee accessories to sell3. Nice flavour of coffee4. They only have one type of paper cup - a large cup is used for my small coffee5. Would like to try their chocolate or mocha next time