霸嗎拉麵 (Moved) New Location

拍拖週年 同小胖男友自制左一日假期 倆小口簡單慶祝作為吃貨情侶 我地既最佳慶祝節目就當然係去食好野當日午餐我地就走左去銅鑼灣既食街-登龍街覓食 眼見一條短短既登龍街內就有幾間日式拉麵店正合愛吃拉麵既小胖男友心意我地揀左一向有口碑既霸嗎拉麵食我地既週年午餐Weekday既優惠好抵 加$12就可以追加餃子或炸雞嗜辣既小胖男友點左個好新穎既"雞叉燒"辛辣雞白湯拉麵鐘意食雞朋友可以一試而吃貨小妹則嘗試挑戰大胃妹既極限 點左勁大碗既特盛炙燒豚肉拉麵炙燒豚肉相當厚切 肥瘦均勻 燒得好香沙津唐揚炸雞對於鐘意食炸野點沙津醬既小妹黎講完全係我杯茶炸雞配啤酒就更加係絕配而羽根餃子初頭望落時感覺好似有點油膩 但食落又唔覺油 仲炸得好脆為食既小妹 都未食得晒碗特盛拉麵 又忍唔住口要食抹茶雪糕 真的辛苦晒小胖男友個胃了

想當年N咁耐年前係我細個嗰陣時，呢度所謂嘅登龍街係一片空空如也嘅電車總站，想唔到而家嘅登龍街耳目一新，成條街變成左食街，淨係拉麵檔🍜都有好多間，行到呢度見到有一間叫做《霸嗎拉麵》⋯⋯有師傅喺櫥窗玻璃做緊自家拉麵！所以一定要試試😋入到去感覺去咗日本嘅拉麵店！🌶辛辣炙燒豚肉味玉拉麵＄93啱啱做緊推廣仲話送雪米糍😬我點會錯過啦梗係是呢個啦⋯⋯而且大食的我可以選擇加＄20替玉😏可以選擇即起或者叫起添🤓湯底非常濃郁，而且麵質啱啱好非常有咬口，辣辣地惹味十足，味玉鹹鹹地好好味，豚肉入口即溶😬叫咗兩個小食～～唐楊炸雞＄35大大件有五件，雞肉鮮嫩多汁！我仲溝埋點餃子嘅醬汁酸酸地好好味😋羽根燒餃子都係＄35咋外皮酥脆，內裏又保留豐富肉汁👍👍呢兩個小食真係覺得大家一定要試吓

落大雨行過登龍街，諗住試下，見平時多人排隊，應該唔會伏，點知一食就知中晒伏。我同男朋友叫左大辛辣豚肉拉麵同大辛辣雞拉麵，我本身對拉麵無乜研究，但一飲啖湯就好似飲緊某牌子即食麵湯底咁，淡淡雞湯味，但唔辣。而塊雞係無乜雞味，好單純一塊肉咁，豚肉肥淋淋，無乜肉食到，我地都叫左硬麵，但同普通嘅拉麵差唔多。另外又叫左一份辛辣餃子，算係好食過拉麵，但都係覺得唔辣。整體真係好差，唔明白點解咁多人排，名大於實，以後唔會再黎。

經過銅鑼灣， 突然想起食拉麵，緊係去登龍街。登龍街，差不多全條街也是拉麵店，每間也有各自特色。我便點選了這間店舖我們兩個人都是店選同一推介，炙燒豚肉味玉拉麵（一麵軟，一麵適中）和羽根燒餃子。豚肉半肥瘦，很有口感，拉麵夠彈牙，軟麵不會太軟剛好，而適中就比軟麵爽身一點，湯底夠濃郁。但最大遺憾就是豚肉燒得過焦，弄至湯底和豚肉都有點燒焦味，它的燒焦程度又沒有令肉質變硬，但令到肉味和湯底帶點焦味。最奇怪是，原隻溫泉蛋上，正常也是切開一半上碗。羽根燒餃子煎得剛好，外層簿簿的脆脆加上餃子，口感很好食，餃子不會煎得太硬總括來說，環境很舒適，服務態度都很好，而且沒有加一服務費，就是個豚肉最大問題，影響了整碗拉麵，這點有待改善

經過銅鑼灣 去登龍街搵食係常識。今日想食拉麵 見到Bari Uma霸嗎拉麵 師傅親手做拉麵 原來亮點是手工拉麵 一於試下囉～炙燒豚肉海苔味玉拉麵～拉麵最鐘意食濃厚豬骨湯。拉麵可以有很多喜好選擇 拉麵的軟硬度 少油少蔥走蔥等等 幾貼心。配料亦可以追加 所以選擇麵好多～豚肉處理得好出色 肥膏和肉的比例選得好好。肥膏部分入口即溶 唔會覺得膩，豚肉口感很軟熟。讚！溏心醬油蛋都好好味 入味而且時間控制得宜！ 追加了一份雞肉 想不到的驚喜。雞肉好嫩滑 煎得金香 配埋蔥花一流。三矢檸檬味梳打水 酸酸甜甜 夏天飲最岩～

趁放假嘅一天，一個人去左銅鑼灣剪頭髮，早左起身就去左登龍街搵食，呢條街食肆多不勝數，拉麵店都有唔少間，剛好見到呢間霸碼拉麵門外吸引住，廚窗有師傅正在打麵，原來呢間真真正正名副其實自家製拉麵，怎能不試試。由於未到午餐時間，店內食客不多，要特別一提，一過十二點，店內已坐滿食客，可見呢間拉麵店吸引不少人光臨。選擇左醬油豚骨湯炙燒豚肉海苔味王拉麵，愛蔥嘅我再額外加左一客蔥，呢度嘅拉麵可以自由選擇軟硬度，仲可以選擇少油。拉麵自家制，煙靱而彈牙，濃底味偏濃，豚肉大大件且厚，入味又軟又林，，最愛嘅係做得好流心嘅流心蛋。另外order左一客羽根燒餃子，餃子肉汁豐富，脆口而又唔會太硬。當然唔少得甜品，我選擇左抹茶紅豆雪糕，雪糕不會太甜，茶味不算濃，配上紅豆不失為飯後甜品嘅好選擇。

Tonight wait for my gf Jessie 收工，怎知她突然說要OT，没辦法祇有自己吃晚飯，一個人的享受莫如到causeway bay 的霸嗎拉麵吃過痛快，真是太開心了!我一定要吃這裏的辛辣炙燒豚肉味玉拉麵，我要小辛口味，而且我要多筍，當然要另外加錢吧!我看到日夲直送飲品，我要了綠茶可樂，真的是綠茶和可樂合二為一的感覺，好清新呀!,我期待己久的拉麵熱辣辣，味玊咬了一口，蛋黄又香又滑，而豚肉尤如五花腩又香又軟，自家製的拉麵很彈牙，加上葱花和濃濃的秘製豬骨湯，和筍(加了十元)整整的大碗，簡直停不了口!燒汁唐揚炸雞熱辣辣，而外脆內軟，真的很入味!還有我叫了最愛的日夲抹茶雪糕，咬了一口已經充滿了濃濃的抹茶香，加上甜甜的紅豆香，這杯雪糕很有水準!

今日同事想食拉麵，去左登龍街覓食～呢條街有至少3間拉麵店揀左一輪，最後揀左呢間！叫左佢既招牌灸燒豚肉味玉拉麵～塊五花肉好大舊，幾厚身，仲有筍同蔥做配菜個豬骨湯底好味，唔會過咸，又濃郁！切開味玉，係流心旦！ 雖然係叫「味玉」但應該唔係醃左好耐，只有淡淡既醬油味另外加了一客煎餃子細細隻，皮薄，都幾好食。同事覺得一碗拉麵得一塊肉唔夠，但冇得加肉🤣

星期天來到銅鑼灣，這街有好幾間拉麵店，來到這沒有很多人排隊的店，決定一試！樓面不多，招呼是一般，還可以啦。自己tick 自己的麵。這是雞，好食呢，可口又嫩口！這是炙燒豚肉味玉，很有燒烤味。他的玉孑也很入味，食到味醂味。但很可愛的不像平時見得多的會切開上。兩碗都叫了少油，感覺冇咁肥，麵質我叫了適中，剛合我意。食完發現有人龍排隊，很熱的天氣等候有點攞命，但都值得食的。其實我不是好拉麵，但都應為可以再來。不過，下次也可以試第二間比較下。😂

說起來好像很久沒吃拉麵了, 便想起一直想試的霸嗎拉麵啦, 店內坐無虛席, 十分喜愛可自選拉麵軟硬度, 以及少油、走蔥等, 按照個人口味來配搭丫~ 雞叉燒味玉雞白湯拉麵 $88, 加粟米粒 $10 粟米粒是分開上的, 很合熊熊意, 這樣就不怕沉落碗底吃不到啦, 雞肉嫩滑易咬, 半熟蛋蛋黃有流心, 軟腍適中, 拉麵彈牙, 湯底清香呀~ 羽根燒餃子 5 隻 $35 賣相很美有薄薄的脆皮, 很香口, 上台時還熱乎乎的, 餃子皮薄餡靚, 不錯啊~

鸡叉烧白汤不是很油，溏心蛋和木耳好评，比豚王便宜点，配菜也多些。捞面(关于捞面的照片：我一直觉得只要努力，我总能成为美食家--首先，我要学会上菜后先拍照，而不是吃到一半才想起拍照这茬😂)食材丰富，面条有点像热干面。

去到銅鑼灣，成條街都係拉麵店，緊係要搵間試下啦。見到霸媽得2個人排緊隊，就試下佢啦。叫左一碗雞湯拉麵，一碗叉燒豬骨湯拉麵。雞湯拉麵好差，好失望，或者係唔應該有期望掛（？）但碗叉燒拉麵係唔錯既，叉燒好好味，湯底亦不錯。

一進店便感受到店內的日式裝璜，未食已像置身日本一樣。點餐紙中英對照，很切合香港這個國際城市。有湯麵及撈麵，雞肉及豚肉，今趟要一嚐此店的湯底。點來了炙燒豚肉海苔味玉拉麵，三大片脆卞卞的紫菜成為第一焦點，很有氣勢。厚身的炙燒豚肉帶有烤味，半肥瘦的豚肉，雖然邪惡，但美食當前冇理由唔食！日式拉麵的湯底最能看出拉麵的功力，此湯底濃郁唔涸喉！令人喜出望外的原隻糖芯蛋，又香又滑，不禁要影張相與大家分享一下！燒汁唐楊炸雞面脆香口，甜甜的燒汁配著芝麻很香口！雞肉鮮嫩滑口，$38 五件如此質素的炸物，很值得吃！細心看看餐牌，有子供套餐(12歲以下) ，配有玩具，如帶小朋友去食很不錯呀！

最近天氣不穩定，要麼整天下大雨，要麽熱得半死，叫人好想吃點濕濕的，開胃的東西，於是我們去了吃拉麵。這兒店子不大，但裝潢很日化。太熱了，先來支信洲蘋果梳打夠凍又夠氣，而且不太甜，很消暑。這兒的拉麵可以選擇麵質軟硬，少油，少葱/走葱甚至走荀，非常人性化。我點了辛辣炙燒豚肉味肉拉麵一放下來已傳來陣陣燒肉香。豚肉半肥瘦恰到好處。橙黃色的湯底稍辣而不嗆，很香濃，我喝了一半呢。味玉真的流心而香滑。看！竟然有大大隻辣椒！足料也滿足視覺。麵底我點適中真是剛剛好，一下子就幹掉一碗了。來個小食吧！是唐揚炸雞一客五件，件件肥大，熱騰騰的。看出來的嫩滑：付款時還送印花卡儲印花，下次會再來呢。

生日同朋友食飯，叫左兩個撈麵一人一碗加一份餃子，落單時侍應好大聲話兩碗麵，仲要幫我地圈埋，亦不忘提醒撈麵要等。等了一會，我朋友那碗到了，朋友見我碗麵未到就故意食慢一點等，等多陣，見到隔離比我地遲落單既客人拉麵都到了，我就叫侍應跟一跟單，侍應就只敷衍我話可能多單出唔切，但我眼見場內很多位都未坐滿，咁我只叫佢幫我跟跟再等多一陣，隔離枱既撈麵都到左，我就覺得好奇怪，check一check單，原來係落漏左單，我即刻火都黎，第一個侍應話跟單，原來連單都冇睇，第二個侍應係幫我地落單嗰位男人，同佢講完就一句唔好意思都冇，佢就拎左張單去入廚房，再若無其事咁出返場，我就等多十分鐘先有野食，到離開店，我一句對唔住唔好意思都冇收到1. 兩個人，兩碗麵一碟餃子都唔係好複習姐，兩碗麵同一張落單紙都落漏單。2. 重點係侍應既態度實在令人氣憤，敷衍了事，如果第一次叫跟單有發現漏單就唔洗再白等。侍應有錯，非但冇道歉，仲扮若無其事發生，我一向以為日本公司員工訓練有素，佢地公司有需要再培訓員工。3.最後到食物，麵又唔係十分好食，撈麵沒特色味道，只像家中以豉油，葱花，蛋加鹽，撈埋一齊就完成。4.結論，blackliste