麺処一家 (Closed)

經過見到， 抱住一試心態。裝修精美，坐位舒適，寬敞。價$有d貴，原來很方便，冇咩款可以揀。人手慢慢燒d肉，所以等了一陣才有得食。肉質不夠軟綿，湯底偏咸，不是我杯茶。但欣賞是用心製作的!

朋友仔好鍾意食拉麵，今日同佢哋行尖沙咀就話要帶我食一間每一次都好多人排隊嘅拉麵店。佢話次次7點左邊到都排長龍，所以我地今次要早啲去食左先，之後再行街。。。我地5點50分去等開門，準時6點就入去食。餐廳環境唔算好大，我諗20-30個位左右，仲有吧枱嘅。。。餐廳選擇只有3款，今次我地一行3人就每人試一款😂料理長之選擇 慢煮豬肩肉+叉燒。。。。呢款拉麵係2款肉都齊嘅，拉麵可以自由加溏心蛋。首先真係要讚下佢個湯底，飲入口濃而不咸，仲會黏黏口，烹煮時間應該好足料。其次係個麵底，麵身q彈偏硬身，我個人好鍾意食呢個口感，好正！最後要讚佢個豬肩肉，入口即溶！讚讚！妹之選擇弟之選擇我地都覺得其實料理長選擇最抵食嘅，因為每款肉都有2片😎😎😎不過個份量有啲少，我覺得女仔食岩岩好，男仔就唔夠飽。呢度啲員工都好有禮貌，值得一讚！

【服務貼心💛|連湯都飲埋的拉麵🍜】...呢間拉麵店主打三款拉麵🍜較多人推介嘅係佢嘅替玉 出於好奇心之下 就算👧🏻一個人去食都要叫埋🙈🔸料理長之選擇 配味玉🥚($118)+替玉($15)配料有洋蔥 🧅蔥花 筍 紫菜碎 仲有少少秘製辣醬 雖然得少少 但係就足以令嗰啖湯昇華到另外一個層次🥰麵底用上幼麵 點了硬麵 影完相食就啱啱好 索了濃厚嘅湯汁 湯汁充滿魚介鮮味 👧🏻第一次食拉麵差唔多飲晒成碗湯🙈到主角🔥當然有兩款肉 一款係慢煮豬肩肉 另一款係火炙豬腩肉 豬肩肉有少少硬 👧🏻鍾意火炙豬腩肉多啲 唔算好肥 但有燒過的肉香溏心蛋 做到流心嘅效果👍🏼特製加面底 好有心機 加咗肉粒 同樣有蔥花 同洋蔥🧅唔係普通拉麵店嘅替玉 但係有少少膩 食到有豬油香不得不提喺呢度服務真係好貼心店員哥哥見👧🏻放咗頭髮 主動問需唔需要提供橡筋 見到👧🏻拉麵叫咗硬麵 仲主動幫後加嘅替玉改做硬麵 服務真心令人讚嘆🥺💛雖然是間小小的店舖 沒有分店 卻能做出這樣質素 甚是驚人－－－－－－－－－🍴食物：4.5/5🏝環境：4/5🛋服務：5/5💲價錢：4/5💥翻兜指數：4.5/5✨CP值：4.5/5

厚福街好多餐廳選擇，今日想食拉麵，而且見唔洗等位，就入黎試下。一碗都唔平，三款選擇，$98起跳，溏心蛋另加$10，加完一碗都要過百蚊。湯底係我鐘意的濃厚豚骨魚介醬油味，都幾期待。☞妹の選択其實係慢煮豬肩肉，肉味比較濃，肉質滑啲，冇咁多肥肉部分，拉麵係幼身麵，麵質普普通通。湯底亦冇我想像咁濃郁，雖然都唔差，但唔太掛麵。☞料理長の選択慢煮豬肩肉加火灸豬腩肉，火灸豬腩肉比較香啲惹味啲，但相對肥膩啲。整體覺得價錢貴左少少，但店員好細心，見到長頭髮的女食客，會主動送上橡筋綁頭髮。

-{黃店💛尖沙咀小店拉麵🍜}今次黎到食拉麵😊😊叫左料理長有齊2款肉😆🤤料理長選擇🤤 ($108+$10)麵同濃底嘅濃度係固定嘅👀豚骨魚介醬油湯好清😌 依款有齊兩個肉 有慢煮豬肩肉同火炙燒腩肉 火燒腩肉有汁啲同埋香啲😋不過兩款都唔錯😍個麵係幼麵就正常 另外隻蛋啱啱好流心🥳又唔腥不過要加10蚊😗👖褲評: 7.8/10有啲貴 但個麵都好食☺️同埋7點幾食排5分鐘都入得🤓性價比: 8/10服務: 7.5/10環境: 7.8/10🚩麺処一家🚩地址: 尖沙咀厚福街11號地舖#fuudjai #fuudjai黃店 #fuudjai日本菜 #fuudjai拉麵 #fuudjai尖沙咀

同老婆仔去完尖沙咀Sky100影完相肚仔餓見到呢間食拉麵幾吸引餐牌超正只得三款選擇適合選擇困難症的人士追加食品都係嗰啲我哋各叫一款嘗試一下妹妹推介慢煮豬肩肉湯底濃郁肉雖然好少但係好食配菜有筍條，紫菜碎，洋蔥碎，弟弟推介火灼豬腩肉顧名思義就係日本叉燒有個開放式廚房可以睇到我哋嘅面點樣一步一步製作有得食有得睇

呢間黃店一路bookmark左好耐好想黎，今日終於有機會，可能因為過左lunch hour,所以都唔駛等太耐。呢度湯底得一款，由濃厚豚骨魚介醬油製成，但可以揀加辣(+$5) ，辣嘅係中辣程度，我個人覺得辣味蓋過左個湯嘅味道，所以我唔建議加辣。由於辣味多過湯味，我都無辦法判斷個湯好唔好味。所有拉麵都配上筍，紫菜，洋蔥同葱，如果想要溏心蛋就要+$10。豚肉有兩款，慢煮豬肩肉(妹の選択) 同火炙豬腩肉(弟の選択)，我就當然係想試唒兩款，所以揀左料理長の選択（火炙豬脑肉加慢煮豬肩肉），價錢$108。火炙豬腩肉烘燶味好重，所以我反而鍾意慢煮豬肩肉，比較有豚肉味。麵質係細直麵，口感都唔錯。整體黎講我覺得唔算好出色，不過係黃店關係都會再黎。

厚福街好多嘢食 今次就試咗呢間人氣拉麵先成間店只係得一款湯底拉麵選擇 就係濃厚豚骨魚介醬油湯 分別有慢煮豬堅肉同火炙豬腩肉可以揀 想試晒兩樣我就揀咗店長推介$98首先講吓火炙豬腩肉 呢個真係非常有驚喜 豬腩肉半肥瘦而且燒到啲油脂都迫晒出嚟 所以一放落口就入口即溶 而且有少少焦香嘅香味 個湯底都非常之濃郁 但係就比較油膩 厚厚嘅一層有鋪咗係面 如果個湯底冇咁油嘅話呢個麵就係完美 面質有少少硬度 都唔錯不過就嫌份量有啲小 但係食完都有啲飽嘅可能因為個湯有啲油膩

濃味又香口豚骨叉燒拉麵，湯底非常濃郁，店家將日本拉麵味道帶到香港。味道只有一款豚骨味，另有配菜追加。特製豚骨叉燒麵（名為弟弟推介）叉燒經店主特別用心燒製，進店已有一陣陣豬骨濃香氣，既有豚骨清香味，喝得出來熬製豚骨湯的時間之長。鋪上整整一隻流心半熟蛋，配上紫菜，使整個拉麵有點特別與眾不同。

見到openrice 好多都推介店主推介同妹妹推介多 就試下弟弟推介(⁎⁍̴̛ᴗ⁍̴̛⁎) 話唔定有驚喜佢個menu圖係有隻蛋 但原來要+$10先有隻蛋 大家要注意加10蚊先有隻蛋喔😘👉🏽弟弟推介其實係火灸豬腩肉既配料 而3個都係用濃厚豚骨魚介醬油拉麵做base👉🏽個湯唔會話好咸 同啲麵食落又唔會淡左 可接受既 麵都夠彈👉🏽弟弟豬腩肉面有一細撻醬 試上黎係咸咸地又小小辣，個人認為唔會為舊豬腩肉加到咩特別色彩😛👉🏽overall唔覺得好驚艷到我，可能食過唔同拉麵鋪都有小小比較😛🙈

🍽 麺処一家 尖沙咀厚福街11號地舖🐽今次黎到麺処一家💛食午餐，呢間拉麵店竟敢只賣一種湯底-傳統嘅豚骨魚介醬油湯底，可見店主對其湯底嘅自信😳有睇過飲食男女嘅訪問就知道店主喺一位拉麵痴，為咗追夢放棄高薪厚職前往日本學師歸來開店。其湯底喺我喺香港食過嘅「最強豚骨魚介醬油湯」🤩下文的介紹會比較詳細，呢碗拉麵充滿了很多細微嘅心思！呢度雖然冇得揀湯底／麵底，但店家卻有3款推介供食客選擇，其實差別就只喺不同嘅拉麵叉燒，包括有火炙豬腩肉、慢煮豬肩肉及兩款雙併😋呢個時間小朋友先至要選擇，為食嘅豬挭喺揀雙拼（料理長の選択）啦！ 料理長の選択 $98 + 溏心蛋 $10 (🧡🧡🧡🧡🤍)​ 上面提到呢度嘅拉麵喺豚骨魚介醬油湯底，呢款湯底用上了大量嘅魚乾及豬骨熬製而成，每啖飲落去都充滿住豬骨濃厚黏口嘅質感，亦帶有魚介濃濃嘅魚鮮味🤩店家在湯底上亦有一個小心思，就是每碗麵都會加上少少秘製辣醬，除咗為湯底增添多一重味覺層次，亦減低豬骨濃湯帶來嘅膩感 😎怕辣嘅人睇到呢度唔洗擔心，因為辣醬嘅辣度很低，卻帶有香濃嘅香料味，而附在麵上嘅份量極少，基本上湯底亦不會帶任何辣味！ 而呢度嘅麵條選用幼直麵，口感非常爽彈，雖然幼直麵

💛黃店💛 主打濃厚豚骨魚介醬油拉麵🐟🍜拉麵均以濃厚豚骨魚介醬油湯底製成🤤🥰好香好濃郁🤩配上筍 紫菜 洋蔥🧅 蔥洋蔥清甜味好特出😼😼麵質軟硬適中 有d咬口😛😛🐽 妹妹推介🐖 ($98)慢煮豬肩肉🍲🐽弟弟推介🐖 ($98)火炙豬腩肉🔥🔥•鐘意既話可以加少少醋調味😎 味道好開胃 好balance🤪🤪加麵底 ($15)特製麵用特別鰹魚汁調味🥣乾撈已經好好味😛放入湯底食 亦得👍🏻

🥢麺処一家 🍜 •「麺処一家」 係一間我bookmark咗好耐嘅店舖 本來純粹俾店主對拉麵嘅認真吸引 所以下定咗決心要試✨——————————————————❶ 料理長の選択 $98湯底用新鮮桶骨熬製 每兩天就要用270斤🙀 味道係豬骨魚介！豬骨會採用新鮮豬骨 而魚介味道就來自不同嘅海鮮🦞湯底味道偏向清淡但帶點魚香鮮甜 沒有傳統豬骨湯底啖濃郁漿口嘅口感 飲完完全唔會覺得滯✨ 而且另外加咗生洋蔥去中和油膩感💛呢款拉麵包含兩款叉燒：火炙豬腩肉和慢煮豬肩肉🌟慢煮豬肩肉 軟滑帶肉香 而且由於慢煮所以鎖住肉汁 質地軟淋嫩滑😚個人比較鐘意火炙豬腩肉 燒到有焦香 而且肥膏位有微微即溶感 食落充滿油香😚幼身拉麵係由本地日本人經營嘅拉麵廠出品 爽滑之餘又有掛湯能力😆有一點想特別稱讚✨拉麵嚟到嘅時候 摸到個碗好熱 應該有特登整熱個碗先✨好欣賞佢依個細心位😚食到最後個碗都仲好暖😋❷料理長の選択 $98 加辣湯(+$5)🌟個人幾鍾意加辣湯嘅味道✨加辣係令湯底變得更加惹味 而且麻辣得順喉 唔會係好搶個隻辣🤣 但有個缺點就係會遮蓋咗原先湯底嘅味道 所以建議大家第一次試咗原味先！💛總括嚟講依間拉麵店要大力支持💛因為

係H8附近嘅位置，唔算太顯眼，只有3款拉麵🍜供選擇我揀左🌟料理長之選擇 $98，有齊火炙豬腩肉+慢煮豬肩肉，糖心蛋要額外加多$10@，店員有問加唔加蛋，不過同行嘅朋友超快答左唔使🙅🏻‍♀️搞到我都唔好意思話想加蛋🥲等拉麵期間，店員妹妹會問需唔需要比橡筋紮頭髮👱🏻‍♀️方便食拉麵🍜真心貼心💛💛💛💛呢碗濃厚豚骨魚介醬油拉麵🍜我覺得啱一個人去食😏，係好好昧👍🏻不過麵質好快淋，要用盡快嘅速度去品嚐美味，如果鐘意食淋麵請慢慢享用😆 慢煮豬肩肉腍軟，火炙豬腩肉豐富脂香，湯底真係好濃厚，擺左無耐已經結油膜，最難得係個湯夠味得嚟唔會係好鹹，我甘驚肥都忍唔住飲多幾啖個湯😉

星期六七點鬆啲去到，都要排成半個鐘先至有位，大熱天時真係出晒汗。叫咗一個料理長之選，火炙腩肉同慢煮豬肩，兩款嘅肉都會有。另外叫咗個妹妹之選，只係會有慢煮肉，肉就冇咩特別，麵係幼麵，上菜時個湯好夠熱，我有少少覺得係太熱，個麵如果唔係好快食晒嘅話就會糊喇。湯底係豬骨魚介湯底，好香好濃厚，佢最好係加咗生洋蔥，好鮮甜，令湯冇咁油膩！蛋要加$10嘅，冇咩特別算係合格。整體唔驚艷，不過所有嘢都合格有餘，值得一試。值得一讚係佢個侍應，好細心，refill 水好快，亦都好有禮貌。