嘩鬼拉麵 和風料理 (Closed)

喺元朗真係有太多食店了，今次決定到橫街窄巷食找食。今次搵到嘩鬼拉麵，他有外送服務，飲品是用密封式包裝送外賣都不用怕翻倒，非常安全。本以為午餐外賣附送的沙律一定是平平無奇，但確是有意外收穫，蔬菜非常新鮮。真是無敵讚。另外叫你一個豬扒拉麵，豬扒是另上的，不用怕豬扒被湯浸軟。

嘩鬼拉麵嚮元朗好多年，堂食就好少去，但間中開party都會嚮嘩鬼拉麵叫外賣佢有好多款式可以揀，佢每次都會揀佢嘅刺身，佢啲帶子 三文魚刺身好新鮮，又唔會好貴！每次嗌外賣都會配搭唔同嘅壽司，佢啲壽司雖然好大件好大舊飯，但啲料送到黎都算新鮮，所以開party一定會考慮啦呢間先！

有質素食得過嘅日本料理唔使一定好貴嘅先唔好論正唔正宗食得飽有賣相 夠女朋友影好多靚相 就已經好夠喇睇下張menu幾乎咩配搭都有拉麵配壽司🍙🍲刺身配沙律🍣小食配飯餐全部都大件夾抵食3個人叫到成枱係叫齊以上所講既野都係258咋配餐嘅小食直頭大分到似正價飲下凍咖啡都唔錯☕☕☕蜜桃汁係跟餐嘅嘢飲茶又係跟餐嘅嘢飲但係蜜桃茶居然就係特飲要加10蚊所以我索性就咁叫個蜜桃汁然後將佢哋嗰杯茶倒落去自製特飲仲平🍑🍑🍑牛油果沙律好足料選用嘅牛油果全部好新鮮夠creamy不會苦澀🥑🥑🥑青瓜新鮮爽口配上香甜嘅粟米上面加咗酸酸地嘅日式沙律汁開胃原本個沙律係有蟹籽但係我有個朋友唔鍾意食店員主動提出分開上畀我哋唔會怕麻煩良好態度值得嘉許鍾意食肉同樣有健康之選可以叫粟米雜菌配拉麵呢個芝士湯底一流啱曬時下既 芝士控朋友🧀每淡香濃美味但係就唔會覺得油膩亦都唔會過鹹要狂飲水壽司套餐可以任揀兩款壽司每款仲有兩件真係非常抵食大家睇下塊三文魚幾長平時呢個份量可以做到四件三文魚壽司啦🐟🐟🐟🐟三文魚保持鮮豔橙色唔會唔夠新鮮食落冇腥味呢個價錢連海膽壽司都有得食令我感到少少驚訝不過大家預咗呢種海膽嘅質素唔會相當高顏色灰灰地不過味道都唔差

以愛人為首，食為次的我，最怕到偏遠地區工作的午餐問題多年前到過元朗偏遠地區工作，難得有日式餐廳肯送外手，成為沙漠中的綠洲今日與愛人有約，先來元朗吃個飯等著幸福時刻這價錢還包飲品的飯餐實在不多了，而且平日還更便宜用下午茶價錢吃到豐富的午餐我叫一碗滑蛋咖哩豬軟骨飯，餸菜份量與價錢不成正比的多這裡的豬軟骨非常淋，說吃骨就像吃啫哩也不為過肉的調味也合適，絕對能令你享受滑蛋也不錯，不是水稀稀的那種，份量足一隻蛋。咖哩甜甜的也非常好味，有不少薯仔和紅蘿蔔。這餐廳實在值得一試再試，元朗少數讓我一再回味的地方

這家店鋪的的拉麵有很多加配的料理選擇。這碗三拼的面只要60元就能吃到，價錢真的很便宜。豬骨湯底的味道很濃，海帶的味道沒有掩蓋它；雜菜魚餅煎的很香，不會太鹹，吃下去時的雜菜味會在口內擴散。這塊牛肉漢堡直徑很大，而且很厚，所以建議把它分開數塊才吃，甜甜的醬油也與它非常配合，吃起來的味道更好。魚柳炸的很脆，但比較鬆散，裏面的魚不夠滑，魚柳味也不太重，相對於其餘2種料理，這款料理就比較遜色了。青蘋果紅茶太甜了，真的不應該叫少冰的。

入左元朗，又未夠鐘食晚飯，但係又有d餓，行經嚟間‘拉麵店’無睇過餐牌就入左去坐低，見到餐牌原來有好多選擇，此店原來不是純拉麵店，仲有其他日式料理，例如：刺身，壽司，丼飯同小食花多眼亂，唔知揀乜好，睇過一輪menu後，我order左個三拼飯（醬汁肥牛肉+酥炸蝦餅+吉列炸豬扒）配咖哩汁成碗飯份量也算多，肥牛味濃豬扒夠脆蝦餅爽口彈牙 仲有兩條菜送，不過係白菜仔咁多餸咁大碗都只係$50無論大人定學生都啱食，下午茶時段仲有飲品次

今次我的「星期日拉麵時間」，場地移師至到新界西北裡去，因為我今次想光顧試食的日本拉麵店位於遙遠的，雲集各大車仔麵店的新界西北。我幫襯的車仔麵店店名很長，名稱叫做「嘩鬼拉麵和風料理」。「嘩鬼拉麵和風料理」的餐牌主要分為兩類，亦即是店名分家版本的「嘩鬼拉麵」，以及「和風料理」。另一方面，食店方便光顧的食客，刻意設立了戶外用餐區域，我看見室內區域有電視新聞臺「駐守」。所以我立刻「混路行」，改為坐在「嘩鬼拉麵和風料理」位於戶外的座位。當時我真的以為，戶外座位亦正正就是「嘩鬼拉麵和風料理」本身的最大賣點，適合不喜歡「新聞臺送飯」的我。不過「嘩鬼拉麵和風料理」戶外座位也有屬於自己的問題，問題就是戶外座位成了「煙民」煲煙圍爐的「安樂窩」。我為了避開極其困擾的電視新聞臺，所以才搬出戶外，誰不知道又有「煙民」的「煙霧」前來「騷擾」我。此情此境，我在新界西北「嘩鬼拉麵和風料理」戶外的座位上，忽然又想起「譚校長」當年擔任主角，某套港產電影的著名金曲「小生怕怕」歌詞：「小生小生怕怕囉，哎呀哎呀唷。小生小生怕怕囉，哎呀哎呀唷。觀音天主救世者， 我幾大抓住個， 好心福心與愛心， 喃嘸啊彌陀。點解撞正鬼，皆因我講多

我幾鐘意嚟呢度食野，夠平夠經濟，D野食食得過，但唔係高級日本料理，刺身類有時撞手神先好食，但係大路野如壽司，卷物，拉麵烏冬都OK，幾好食，價錢抵，見此店生意唔錯。那日我特登去食下蕎麵，因為未食過，我想食麵豉湯底，加了5元，選了泡菜，麵熟得夠透，食落柔韌，但蕎麵不是頂級貨，麥味不重，麵豉湯底也夠濃郁，但鹵蛋過熟，唔係咁好食，泡菜都夠辣不太咸，OK啦! 那些卷物水準不差，飛魚籽三文魚卷，D三文魚都新鮮，那卷物飯底夠堅實，芝麻炸蝦卷好好食，芝麻入口香口，卷內炸蝦混了蛋黃醬，夾埋一齊好好食! 元朗經濟日本野，佢係三甲。

那次到元朗探朋友，中午好鬼肚餓，友人拉了我到這間日本料理食個午餐，佢話呢間唔係高級日本野，主打街坊式日本野，睇下個餐牌真係好多野食，拉麵、魚生飯、日式咖哩飯、夀司、卷物好多野揀，D套餐都係街坊價，抵食，至於味道其實唔錯，我的刺身飯三文魚算新鮮，肉質OK，醬汁相當好味，不會太多，又剛好蓋過珍珠米飯，米飯粒粒分明，我覺得幾好味，另外那個雜錦刺身沙律，清新，D醬汁甜甜酸酸好開胃，而且配料新鮮，最重要無食到肚痛，因為好幾次到餐廳食沙律都賴野呀! 重有加埋配好飲凍OT，六十蚊有找，其實食日本野又駛乜一定要高級，經濟野都食得好開心，我欣賞佢有heart !

下晝五點鐘左右經過嘩鬼拉麵，原來仲做緊下午茶時段，menu幾吸引，食碗拉麵當晚餐都唔錯。配搭自由度高，可自選湯底，麵種。牛肉漢堡番茄湯拉麵、炸豬扒番茄湯手打烏冬比較出色，因為個番茄湯好入味，飲落酸酸甜甜好開胃；牛肉漢堡好結實，調味非常平均；炸豬扒外層鬆脆，裏面肉質仍然保持濕潤。炸墨魚餅豬骨湯拉麵、蒲燒饅魚咖哩湯拉麵相對就遜色不少，味道係唔錯，不過如果多幾件墨魚餅同饅魚會更好。另外，我地仲叫咗兩款小食。炸蝦天婦羅麵衣夠薄身，咬落去咔咔聲，蝦肉彈牙；軟殼蟹飛魚籽卷都ok，味道比較淡。

想食拉麵，但係又冇咩錢，咁啱搵到依間價錢對我黎講比較合理嘅拉麵店。間鋪細細間，所以都等咗一陣先拎到位。一見到個餐牌就眼花暸亂，因為有很多選擇，老闆亦到貼心咁整咗大約20個套餐，唔洗諗得咁煩XD 我地叫咗A餐 (炸蝦配手打烏冬、嘩鬼炒飯、小丸子)、自選麵、吞拿魚沙律卷、日本年糕、風味拼盤。依度勝在有好多配搭，無論係麵、主菜、湯底都總有一款啱你心水。日本年糕煙煙韌韌幾有口感。因為我地唔食生嘅野，所以就冇試到啲刺身。

今日約左朋友係元朗食飯，佢話去食日本野，但呢間我未試過，佢話食過又幾好食，就帶我去。個名都幾得意，叫嘩鬼。個環境都幾好，平日比較安靜。都會有一個主食同埋配菜甘，我叫左個豬扒飯同三文魚set，仲有埋野飲。三文魚好厚切同大件，都新觧。不過個飯就真係好普通...個扒好乾炸得，佢得燒汁、番茄汁個D簡，我簡左燒汁。真係無咩特別...所以都唔太想食個飯。如果個飯甘既質素加4件3文魚就89蚊就唔太抵...不過都有杯飲品跟餐既，算係普通一餐。

聽聞e間日本餐廳d野好抵食，而且個芝士湯拉麵就一定要試下咁，咁就專登過去試下啦，去到之後，門口幾張枱都坐晒人客，而我就入去入面啦，入面就好d，得兩枱人坐緊，咁店員就安排左我坐張二人枱，無所謂啦，我都係得一個人姐!坐低左之後就望下佢個餐牌先!餐牌款式非常非常之多，眼見都有成20個套餐，而我就選擇左套餐A,加3蚊跟新鮮帶子同埋炸餃子，另外飲品就選擇左白桃汁，而拉麵湯底就選擇左香濃芝士湯底。等左唔洗好耐，菜式都出晒啦！拉麵上枱果陣又真係好香芝士味，咁我就飲啖湯先啦，都幾好，唔錯，跟住就食舊帶子啦，正確黎講e舊係凡立貝，食落去果陣個心重係凍law,佢重未完全煮好，可能個師傅真係以為係新鮮帶子刺身....跟住到d麵啦，d麵煮到過左時，林晒，完全唔彈牙，感覺上e碗麵就真係唔專業。跟住到粉飯啦，炒飯都算係大碗，裏面都有d蝦粒，蟹柳，炒埋炒埋，而炸餃子都無問題嘅，炸得都好香口，最後我都係食唔晒，因為e個餐份量都好多，杯野飲就無咩特別啦，都係用d白桃糖漿開嘅飲品，都幾夠味道，而佢地服務都唔錯，都幾有禮貌，希望下次再黎會有改善啦！

想試好耐，終於試到，“午~餐晚餐未試，午餐呢講，雖然無乜驚喜，ookk咁，不過午餐有無咩好期望，不過杆凍 檸茶 ，望落好差，不過飲落真係無特別不過又無望落佢咁差， 豚肉拉麵朱扒塊扒都淋，不過我係未唔識叫定叫錯，我係未應該叫义燒拉麵？我個人對要炸叫食物就覺得炸漿太厚。。。

好抵食，份量多，老闆唔知點解無端端同我老豆好講得😂😂仲提醒我個妹食飯唔好挽手機，仲有叫睇手機嘅距離要遠啲好親民，仲講咗啲對眼好嘅嘢俾我哋聽👏（離咗題）好多選擇，價錢較外面其他日本料理嚟講算平，味道適中，唔會太濃味，幾啱一家大細食，四個人先200蚊，簡直平到喊