八八八拉麵 (Closed)

近期又再勁煲openrice,今次想食拉麵睇左openrice介紹之後就去左sogo附近既八八八拉麵店啦...這間野真係估佢唔到咁多人會去食..好彩早左少少去所以一去到未要等位...不過過多幾分鐘真係開始等位啦..我地叫左個醬油湯牛油粟米拉麵;另一個就係豬骨湯底既..再order一個炸芝士同埋餃子就收手啦.小食方面..食評無介紹錯個炸芝士真係幾好味又唔會太溜咁...餃子都ok最正係個醬汁啦...至於碗麵我個人就食唔出有咩咁特別啦...我覺得此店既拉麵都唔多選擇來來去去都係得又燒一樣配料..都唔似其他店有豬軟骨呀或者素菜等配料..可能日本就係咁簡單得又燒一樣料啦...所以唔係好岩我花心既口味..至於加左塊牛油又唔係太突出牛油香..只限係牛油附近既湯有d牛油味之外,這舊牛油都起唔到咩大既作用又唔會話令到d粟米香d個湯香d咁..真係可有可無...走果時..已經見到條人龍係度排隊..真係厲害呀.

我同bb好鍾意試新餐廳, 上次呢度太多人等唔到位~呢一日睇完荒失失下晝我地就食到啦!好多人呀, d位又好迫好細咁wor = =等左一陣坐低~~我地都叫左午餐呀一碗小拉麵同一個迷你飯兩碗都係小豬骨湯char燒拉麵, 一個小鰻魚飯同小燒豚肉飯~~其實我幾鍾意個湯底, 因為是很濃很濃的豬骨味!!紫菜同粟米都有~拉麵也是靚, 煙un之餘也不會愈浸愈林但char 燒好乾好簿, 唔淋= = 冇咁好..然後飯到!!鰻魚不錯啊!!雖然份量不太多但很厚啊! 燒豚肉=炒豬肉加燒汁..haha甜甜地ge不過普通啦!!不過d飯就唔係好熱啦~~但係呢~ d廚師唔係香港人黎架, 唔知係唔係pro d o既呢~~總括黎講....其實我唔覺得好食到飛起同唔係好明點解條人龍會唔消失@o@我同bb ko 左888, 又會轉戰其他食肆~因為我地次次都試新菜hahaha ^^byebye啦888!

尋日同個fd兩個人去左銅鑼灣睇赤壁下集，見到仲有d時間就去左呢間八八八拉麵食晚餐。入到去等左廿幾分鍾，就有得坐。入到去覺得呢間拉麵好有日式feel，我同個fd分別叫左個醬油湯低拉麵同個叉燒麵豉拉麵，我同個fd一齊share對方既拉麵。掛住食野，唔記得左影相。講番尋日食拉麵既評語醬油湯低拉麵-------d麵很好都幾彈牙、叉燒都唔錯、但湯底個人覺得就好鹹同埋都好多油下。叉燒麵豉拉麵-------湯底唔錯,同埋都幾香。兩個人$103，價錢適中，份量十足食完都真係幾飽，唔怪得走果時又係有十幾人排隊，值得再試。

朋友係外國番黎玩，食左好多餐中菜，今晚轉下口味，食下拉麵：豬骨湯叉燒拉麵 ($55)：豬骨湯清香，但濃郁些會更好味。拉麵彈牙。叉燒鮮味，但不及交易廣場札幌拉麵店的肉嫩。醬油味魚湯北海道牛油粟米拉麵 ($60)：魚湯鮮味，比豬骨湯好。但加牛油於湯底不見得更好，食唔出分別。炸芝士 ($28)：細細粒，一啖一粒好正。外脆，內里芝士軟滑香濃，必食！煎餃子 ($28)：皮薄，內餡有汁鮮味，正！呢度既小食真係好味，比拉麵更有驚喜！

今天來到銅鑼灣的八八八拉麵...以往我是於尖沙咀的分店吃的..可惜不知何故結業了..只餘下銅鑼灣分店...好...再去試下回味一翻..ORDER 了一個醬油粟米叉燒拉麵, 一個豬骨湯叉燒拉麵另加$5北海道牛油,及一碟煎餃子....! 味道很好...但當把牛油放入湯時卻未能即溶...尚欠熱湯與牛油之二合為一的味道...看來要下些苦功餃子尚可...卻可惜出來時已是暖...整體決乏食物之熱感...希望能提升食物之熱度吧!

Lunch去食, 雖然個set lunch都幾抵食 ($48), 仲食到幾飽, 但唔好食又有咩用!叫左個醬油湯底,超級多肥油浮面....個燒豬柳飯d豬柳好鹹

之前有日想食北海道拉面本來想去蔡生介紹果間點知朋友話唔好食．所以就帶左我去呢間啦所以都幾期待家下點知．．．３個人．叫左１個牛油拉面仲有一個唔知咩魚湯豚肉拉面ｓｈａｒｅ由於係ｓｅｔ既關係仲送左個手捲同沙律點知．．．個人真係認為好麻麻．．．先講牛油．都唔熱既．．．結果係我特登整溶佢．．．．而且配豉油味好怪．．．同出面好唔多個魚湯就正正常常啦不過手捲真係有夠難吃．．．完全係街邊５元一個果ｄ　ｌｅｖｅｌ所以勸大家唔好ｃｈｏｏｓｅ呢個．沙律好過！埋單１２０．．因為３個人所以抵ｄ囉．．．２個就貴啦．．．

聖誕節放假~成街都係人~啱啱行完工展會,實在太累啦~又肚餓....於是去呢到食拉麵啦~之前係日本食過拉麵,覺得日本食既都口感好好~返黎香港食就無.....今晚食完呢間又覺得幾好喎~d拉麵很彈牙~價錢又唔係貴~非常抵食~煎餃子~~很新鲜,唔會油膩豬骨拉麵~~麵很好,但湯底唔夠濃义燒麵豉拉麵~~湯底夠濃,麵亦都很彈牙環境似日本拉麵店~7點已經要等位~不過好快就有位~

係金鐘考完試 ..... 去左好耐未食過既 八八八 拉麵尖沙咀分店令我一試難忘~~ 可惜依家無左 lu點左一個牛油粟米拉麵 + 炸芝士 + 吉列豬扒拉麵既湯底+左少系牛油~ 令到佢更加香濃麵條有彈性 .... 而且叉燒好淋好好味炸芝士無加價, 但係比之前少左一粒豬扒可以不試~~ 因為我覺得好乾爭爭 ...

懶洋洋既星期六, 本來想去飲茶, 因為實在太耐無飲, 點知出到銅鑼灣都已經近三點, 所以已經唔駛諗……..想去既地方都已經休午市或者無點心食啦…結果就黎到八八八, 其實一直見佢存在但係就未去過…我叫左一個豬骨小拉麵, 而sheep就叫左一個北海道粟米牛油醬油拉麵…然後又被隔離檯日本人吸引, 叫左一碟餃子…….Sheep果碗拉麵既份量真係好大呢~我見到就知我實食唔落….但係我果碗又好似細得濟…嗚嗚~不過呢個豬骨湯好似同一般果0的有少少唔同, 唔係唔好味…但係感覺上好似唔係食緊豬骨拉麵咁…但係sheep果個醬油就唔錯啦~可能加左牛油既關係, 幾香, 而且又唔會太濃味…作為簡簡單單既一餐, 呢度都不失為一個好選擇

來了吃拉麵，不用等位！我要了麵豉湯牛油粟米拉麵, 粟米有好多，雖然不太甜，但我還是很愛吃！麵豉湯底有D咸，朋友的豬骨湯底叉燒拉麵相對較濃郁及香！配料有好多，叉燒不會太肥，好大塊！煎餃子個皮唔夠脆，燒雞肉丸串肉質嫩滑，醬汁甜甜地!

聽你地講左咁多琴日都同朋友去試7點幾去 排左5分鍾隊左右就有得食@o@d拉麵真係好食湯飲完真係唔口渴~如果唔係飽過頭我會飲湯tim仲有...d料...真係好多好多阿 又唔係整得好hea~正叫左炸芝士同炸豬排仲有一碟"由"魚筒前兩者都ok好食(但豬扒好似無咩味咁-v-just食到係炸左only)個魚筒就...真係...試都唔好試同之前大大們講既一樣...好大陣燶味食落口...真係苦苦地-v-以後都唔會食...唔計個魚筒我俾90分整體就俾75分個魚筒真係唔掂呢~可能我唔識食環境唔錯 都幾整潔熱唔係特別熱 可能係冬天嘈唔嘈? 都ok啦 度度都會有人傾計有人嘈 起馬接受到不過可能我幾大食－ｖ－食左成２百幾蚊　兩個人日日都係咁溫書　放肆一日啦不過以ＣＷＢ呢個區來講差不多這個價錢啦

最近既下班時間，都坐係圖書館溫書，都坐左好幾日了，坐到每一晚走既時候，都唔知食咩好。 今晚右耳過黎搵我食 dinner，溫完書好累好累既我，實在諗唔去到邊度食好，我既味蕾，好似同我既肢體一樣，得返個驅殼，好似咩都提唔起我既食慾咁。突然記起，之前經過呢間舖頭，見到好多日本人去食，我諗應該幾好味 or 幾日本風味喇，所以點都過黎試一試先。要知道小妹其實好憎等位既，去到門口見到咁多人排隊，又無得拎飛，真係有少少燥底。好彩 ~ 都唔係等左好耐，大概半個鐘左右就有位。睇個 menu，成 50 幾、60 蚊一碗，都唔平喎﹗(心諗係咪真係咁好食先？) 我叫左個北海道粟米牛油拉麵，配以醬油魚湯底 (醬油湯底有肉湯 & 魚湯揀，不過唔知分別係邊)，聽講拉麵加牛油會好食 D、滑 D，唔知呢﹗碗麵黎到，見到個湯底咁清，不禁要影下相先。食之前，第一件事，呷一啖湯底。 嘩﹗真係好正呀﹗真係同大眾化既味精拉麵好唔同呀，再食下佢既拉麵先，嘩﹗嘩﹗嘩﹗好好味，好彈呀﹗我真係未食過咁既拉麵嫁﹗(好大鄉里 FEEL ~ ) 右耳果個係麵豉湯底既叉燒拉麵，問右耳偷左啖湯黎飲下，都好好味呀﹗仲有叫左個聽聞幾好食既炸

這晚想吃得簡單一點，所以選擇了八八八。到達時已是7:45pm，有十多人排隊。幸好友人十分醒目，早半小時來等位。兩人叫了魚湯牛油粟米拉麵，麵鼓湯拉麵和沙拉。拉麵好有口感，而湯亦好有水準，味道適中。兩個湯比較，個人喜歡魚湯，因為比較清，少油，牛油好香，比起札x牛油拉麵更好。但叉燒就普普通通，唔夠入味囉，而且可以有少少肥。沙拉，都係d普通野，不過新鮮就ok啦。兩個人$140，價錢適中，份量十足，怪不得走時又係有十幾人排隊。

not worth a 30 mins line up for such aweful taste food..餃子裡面d肉凍凍地, 結果ding 反熱, d 皮柔曬...拉麵.....不值一 提.. 好彩炸Cheese都 ok.But 侍應服務態幾度好