RBTea (Moved) New Location

星期六下午係銅鑼灣剪完頭髮後，知道4點幾左右，我有個做售貨員朋友放食飯，所以爭取時間同佢係金百利廣場的RATea食返個快的下午茶，這店是客人點餐需在收銀處先付款，後取餐。焗忌廉野菌螺絲粉 ($62)，是新鮮剛剛焗起，所以個邊邊位都好熱，接近邊邊位置有幾粒的螺絲粉焗得乾左少少，所以有幾粒較硬，不過整體是ok的。有香濃的忌廉味，同埋幾creamy，而且食到好多菇菌，味道其實都唔錯，只是份量有點兒較為輕食，如果大碟就會抵食d~黑椒牛肉鬆餅三文治配薯角 ($56)，以Waffle 格仔鬆餅作為三文治的包，第一次食咸食的窩夫，鬆餅焗得熱辣辣，外脆內鬆軟，牛肉軟熟，黑椒醃得入味，夾住生菜、蕃茄，都幾好食。薯角炸得香脆可口，熱辣辣，價錢都唔貴～

平時金百利廣場就去得多，午市時間呢度好多人排隊，下面打晒蛇餅，去唔同嘅樓層，不同國家嘅菜呢棟大廈應有盡有。同朋友下午茶時分其實可以嚟到呢間RBTea，係Rabbit 簡稱，一齊飲杯野食住小食，都係不失為一個好選擇。見到佢最近推出呢個「黑糖勢力」，可以話有一股霸氣，因為最近都好興飲黑糖珍珠奶茶，黑糖對身體嘅好處不言而喻。先飲咗杯黑糖珍珠鮮奶茶同黑糖布甸鮮奶茶，上面可以自由加一球Oreo朱古力雪糕，甜度啱啱好，珍珠好有咬口，黑糖同牛奶混為一體，令杯裏面嘅花紋好有藝術感。布丁幾軟，入口即溶，清香的蛋味真匹配。後來我們還叫了一個鹽酥雞拼盤，裏面有地瓜條和鹽酥雞，全部也是台灣的特式小食，朋友最愛吃鹽酥雞，炸得來又不會太熱氣，包圍着的炸粉不會太厚，雞翼很香滑。我反而很愛吃地瓜條，香濃的番薯，甜甜的，有益又健康，當薯條吃真的很不錯。仲有蝦片，好脆身！卜卜聲。

位於金百利的平價cafe , 起初是朋友推薦帶我去，後來是我推薦朋友一同去。就是覺得味道和價錢也很不錯呀，是朋友聚會的好地方喔(✧≖‿ゝ≖).印象最深刻的絕對是Waffle呢 推薦厚列吉烈豬扒鬆餅三文治♥，很足料的鹹味waffle！喜歡脆口的感覺！$56 一份，配薯角。建議兩個女生一同吃一份喔。✧(˚ੌɄ̮˚ੌ◍).再點了一份芝士薄餅和焗忌廉肉醬螺絲粉，味道中規中矩，份量很大呀！反正就是邊吃邊聊天的快樂飯局！. 順帶一提，若果點選焗類，要注意候餐時間呢。焗物一般需要較長等候時間。因為我們是下班後的優閒聚餐，所以不介意等待時間。但上班一族的lunch hour就避免點焗物唷～

周未想和朋友傾下計,但發現銅鑼四周都係人山人海,所以想搵個安靜人少的地方,也相當困難,幸而一些樓上的Cafe,都容易搵到地方,我和朋友都分別各自點了一個餐。這裡的坐位都是沙發類,都是軟軟的,很好坐,而且坐位也有一定的空間,不會覺得逼迫,令我可以和朋友盡情傾下計。食物的速度都還可以,我這個炸魚柳全日餐,都是即叫即整,份量都算多。窩人食下去也是脆的,煎蛋落了黑椒,會覺得惹味,薯角就比較淋身少少,魚柳都尚算大塊。叫了檸檬綠茶,檸檬味都算重,也能透心涼。

今天下午點了set lunch～$62，等了40 mins食物還未到，但已差不多夠鐘開工了，詢問服務人員數次，他們/她們嘅態度超級惡劣初時不理睬、其後面黑加吋爆，今時今日咁嘅服務態度點解仲有生存空間？最後餐廳給我外賣取走，但這份外賣真的非常難吃，份waffles三文治很少餡料兼硬到不得了(而不是脆)，最終棄掉了大半份量😭，此刻覺得M記好好味🍔其實都只係想食個午餐啫，點解仲要受人臉色，會建議同事和朋友不要惠顧

銅鑼灣金百利廣場有多間食店但有好多餐廳用膳時間有限 唔坐得耐 對於想舒舒服服坐低同友人傾計 我會選擇呢一間  <帕爾馬芝士薄脆>薄身的pizza 配上巴馬火腿與火箭菜 味道出奇哋夾 餅底有香脆的口感< 焗日式照燒汁帶子飯>帶子加埋個飯好乾身< 精選脆香鬆餅>味道只屬一般 食物雖然未見出眾 但勝在環境舒適 悠閒寫意

下午茶叫左個tiramisu oreo pancake佢本身有一球雪糕既我再加錢加多左一球啦係加左錢架下都預左佢要時間整啦咁我朋友既小食拼盤到先佢食完嘞連隔離枱遲過我地到都上左佢地個pancake咁我梗係好奇我等左成廿幾分鐘真係半個鐘都黎緊坐都坐到pat pat暖啦😂叫個staff黎都未聽我地講完就話Pancake丫嘛係要等架我話下⋯隔離枱都上左喇喎都等左一段時間先出聲架啦佢先唔耐煩咁話去睇睇然後⋯上到黎個pancake本身個雪糕已經溶哂啦🤗我加左錢果球雪糕仲溶到得番半球都冇添👏🏼另一枱對母女既waffle都遲左咁上下耐佢地都比staff叫係要時間架你等下啦個媽媽就梗係嬲啦人地都係等到相當耐先開聲問你唉我都費事搞事就算球加左錢既雪糕溶到得番半球我都冇要佢回水🤦🏾‍♀️大家去呢度食真係要有心理準備等到夜深架可能😂

今日黎左RBTea食下午茶，其實幾年前我都黎食過一次，當時感覺普普通通，唔太抵食，所以一直未有再次光顧，事隔幾年，今日行行下又諗唔到有咩好野食，於是上左黎試第二次，不過食物質素感覺係比第一次好既：）佢係台式既茶座，要自己用落單紙tick好想order既食物，再去櫃檯比錢落單既，講真我其實並唔喜歡咁樣既落單方式，又要排隊，又慢又麻煩，下下用落單紙仲好唔環保其實我見當時都唔係好忙，可能因為人手不足嗎？同朋友岩岩入到黎既時候係無人執枱，無人接應，完全係一入黎就自己搵位自己坐坐底左一陣，就叫人過黎執枱，但張枱抹完都仲係好痴笠笠，不過算啦，都係想搵個坐得耐少少既地方食個下午茶姐，拿拿聲叫左兩個小食炸魚柳配薯角好味道～魚柳並非常見既吉列魚柳，因為佢唔係用麵包糠炸，而係改用粉漿炸的，少少酥脆我幾鐘意喎！入面既魚柳一啲都唔乾，都幾軟身又juicy，薯角上面灑上香草碎，配上蕃茄醬同沙律醬，蕃茄醬就無咩特別，我反而比較鐘意個沙律醬，唔會好酸，仲帶有啲香草既香味，食完成碟都唔覺好膩珍珠奶茶班戟一共三層既pancake，淋上奶茶味既醬汁，仲有彈牙既珍珠，pancake帶點微溫，鬆軟得黎入面帶點濕潤感，雖則醬汁

成日行銅鑼灣既我今日又尼到rbtea喇😍曾經興過一排既珍珠奶茶pancake 今日又要試🥞🥞！冇諗過珍珠奶茶可以配pancake所以冇expect到個味係點😆 佢個pancake真係做得唔錯 好香蛋味 而且係即叫即製既 珍珠亦幾彈牙 不過味道就不太似奶茶味 但係同pancake味係好夾既 唔當係奶茶味會妞啲😽😽 Tiramisu pancake🥞🥞🥞有濃濃啲蛋香味 等15分鐘左右 個味就不過不失啦 比起上尼 珍珠奶茶既pancake正啲🤪 始終冇乜baileys 酒味就唔會太似 但一試無妨呀💕tiramisu 奶茶都係抱著好新奇既心態去飲 都幾得意 可可味幾出😋佢地既炸野值得一讚 粉唔多但好夠脆！

已經係我3,4次尼這間餐廳喇 銅鑼灣地址又就腳 係金百利廣場3樓就到！💜台式餐廳環境幾特別 有幾個位係有鞦韆比你一路坐住食 好chill🤤💕我同幾個女仔食下午茶 我就食左個全日都供應既炸魚柳配薯角同沙律炸魚柳炸皮唔會太厚 啱啱好 而且一啲都唔乾 好好味！係細條左少少🤧配青檸綠茶 我幾鍾意佢夠清新😋😋其餘個兩樣都係下午茶set所以size比較細 但都比較特別 好似係牛肉肉醬吐司咁 係出面其他店都較難找到~呢個也是我經常回顧的原因😍

去到銅鑼灣, 真係人多車又多, 想揾間寧静D嘅餐廳同朋友傾下計真係有D難度！！上次行街時見到係金百利廣場有間 RBTea 幾優静咁！！約下友人係到聚聚先！！可能係平日下午茶時間, 真係幾少人！！竟然俾我坐到似千秋嘅椅子, 得幾張椅子有這個設計咋, 轉頭要買埋六合彩啦！！坐低後我哋仲叫到下午茶, 我叫左日式唐揚雞塊加茉香黑珍珠奶茶, 雞塊肉嫩脆口, 仲有西芹伴邊, 中和左個油腻感, 加埋個沙律醬食剛剛好, 茉香奶茶就水水地, 無乜味道, 珍珠又煲得過淋！！友人叫左炸魚柳配薯角加抹茶牛奶, 魚柳大大塊, 魚肉軟滑, 薯角炸得香脆, 但杯抹茶牛奶又係太淡啦！！不過這裹人手不足, 沒人帶位, 要自己到收銀處落單！！但因為無店員管制, 我哋足足係呢到傾左幾個鐘頭！！超Hea!!

4點多在銅鑼灣下課 8點就要到灣仔 4個小時的空檔時間 就最適合找間cafe坐坐 嘆一個下午茶 於是就去了金百利3樓的一間cafe 環境挺吸引我 帶點文青氣息 餐牌上展示的食品也相當吸引下午茶的價錢也算合理 點一杯正價飲品($3x-$4x)就可以用半價價錢購買小食一份點了香腸西蘭花芝士薄脆一份薄脆是即焗的！芝士有拉絲的感覺 不過整體偏鹹 食完要飲返成杯水正價飲品就選了水密桃梳打 梳打還加了雪糕 味道一般 唔突出等了很久的煙鴨胸窩夫三文治！窩夫熱騰騰 甜甜的 再配上煙鴨胸還有類似蜜糖芥末味的汁 好好食！後上的薯條🍟 都是即炸的 味道不過不失最後兩人消費$129 正常cafe價錢 而且不用加一 最後和朋友坐了2個多小時才走 不過有朋友點了一些*伏*飲 都是小心點好。。

同友人係銅鑼灣睇完戲後百無了賴的行下商場，發現原來鮮有踏足嘅金百利商場3樓原來係個美食天堂😍😍我地最後入左RB tea試左呢個好適合閏蜜們裝逼嘅tiramisu系列♥同友人一人試左一杯佢嘅特飲再一齊share呢個tiramisu oreo雪糕pancake啱啱好🤘Tiramisu奶茶最能體現slogan "飲得嘅Tiramisu" 嘅精粹~ 記得唔好用飲管飲先試下直接飲！真係超似有舊tiramisu喺上面，插入飲管飲後下層係珍珠奶茶底，仲要一啲都唔會甜！！超正der~~😚 另外兩款亦正中甜點控嘅口味！！💓 我地只係order左飲品就可以半價追加呢個超級鬆厚綿軟又充滿蛋香嘅tiramisu oreo雪糕pancake 🥞，實在太滿足了😋值得一提係佢地嘅tiramisu粉全部係自家廠房製做，絕對係品質保證架😎最後仲要俾佢地menu嘅珍珠奶茶pancake 燒著了！！🔥🔥下次必試呀~~

想飲珍珠奶茶，所以上左來試下之前係太子見過，覺得裝修不錯，幾chill，所以一直都想試下入到來，類似快餐店型式，先自己搵位，再去買飛我揀左個美極煎魚柳，貪佢加大蚊有得加杯珍珠奶茶另外朋友叫左個焗飯，冇包野飲，total $150等左五至八分鐘就有得食，甘我地習慣用紙巾抹左兵器先食，隻隻匙都勁dirty,有啲汁漬，抹唔甩，係突起果隻漬，仲差過茶餐廳，呢度先扣五十分。好喇，到我碟飯，賣相好一般，又係衰過茶餐廳，食落啲魚柳梅到爆，好彩有美極陣味蓋住，好失望份量都ok ge，但味道真係有待改善。而我最期待既珍珠奶茶，可能唔係我杯茶，奶味太濃，毫無茶味😒失望本身諗住試埋佢個珍珠pancake ,但都卻步了食物賣相太差無影相

星期日的下午茶時段，因為今晚回家吃九大簋，所以家人話想搵D輕食先頂下肚。 找了老半天，終於決定上來金百利商場3 樓的 rbtea. 旁邊是ocasa, 2 選一加上店內人比較多，所以最終選了 rbtea. 呢度沒人帶位， 下單要自己到收銀台下單， 下單的時候會看到後面的廚房， 付款後，我已經後悔選了這裡乾淨店內人手不足，很多人都沒嘢吃，廚房內只有一個人負責甜品，飲品，店面也只有一個waiter serve 咁多台的客人 等了又等終於有嘢飲， 茉香珍奶... 水水的，看樣子就不吸引.. 喝一口發現裡面的奶粉都沒溶，味道淡如水... 再等了一下烤芝士薄脆到了， 這個薄脆反而很好吃，應該是現烤的，芝士味很濃！ overall 感覺這餐廳很一般，應該不會再來。 不過如果要kill time ，這裡環境還算可以， 可以坐一下午..