RBTea (Under Renovation)

每次來太子行街，都會經過這間店，店是開放式的，裏面的環境舒適，很適合與朋友來吃晚餐，甜品。來這間店主要給他的waffle 吸引，除了甜品外，也有正餐，意粉，全日早餐，沙律，以及近來非常出名的黑糖珍珠飲品🤩首先來的是蜆肉忌廉意粉，蜆肉的份量也不少，意粉軟硬度適中，配上白汁幾好食。Parma ham pizza 賣相非常吸引，這個Pizza是薄皮的再加上番茄醬，咬下去很趣脆，也不會覺得太heavy😚最後終於來到我最期待的窩夫早餐，除了窩夫外，也配上煙三文魚沙律，黑松露炒蛋，這個我覺得最好吃😋😋來到這裏當然少不了要叫一杯特色梳打，梳打下層的糖漿是藍色的，再配上上面不同種類的生果，用來打卡一流🤗

🎉放假四圍遊，遊到好耐無黎既始創中心，RBTea門口放既menu好似幾正，就食佢啦～💃原本坐左係吊椅位，都幾得意架🌺！不過朋友唔想搖住食野，就同店員要求轉枱，店員效率高，好快就幫我地轉左位！（因為晚餐時間較多客人，感謝幫忙🙏）✔️先到門口位置Counter Order食物，之後就會有店員送上美食😊～煙三文魚凱撒沙律脆香鬆餅🥞：羅馬沙律菜清甜爽脆🥗，顏色盡顯新鮮，菜面灑上芝士粉🧀，配上煙三文魚既煙燻香氣，入口的確感覺健康清新🥒！另外更有炒蛋及楓蜜糖鬆餅，夠香脆，難怪熱賣💖。（幸好早落單，因為點完餐番座位聽到格離枱話巳經售罄）香濃忌廉蜆意粉：忌廉香濃細膩，同樣灑上少量香草🌿同芝士粉，令香味更加突出，美中不足只係意粉入面有少量蜆殼碎同蜆肉有沙👀～帕爾馬芝士火腿薄脆🍕：薄脆的確焗得夠脆口，分成4件上枱，賣相幾養眼架🤩每件都有大片大片既帕爾馬火腿🍖，一d都唔吝嗇，火腿既甜而咸香、獨一無二既味道，的確令人齒頰留香！水果梳打：藍色梳打，水果款式多，有足足5款水果調配，配有薄荷葉，飲落梳打微微酸少量薄荷清香，唔會好甜！黑糖仙草奶茶：最近大熱既黑糖，清楚見到黑糖紋，仙草夠滑，底部有大量黑糖，唔鍾意太甜既就

閒日晚市時間唔使等位入到去想落ORDER先知原來要先係門口比錢收銀遮遮似乎唔多熟手, 叫SET DINNER又話呢個SET無跟住又話有, 最後落個小食拼盤仲幫我起孖, 碌完卡後對單先發現到餐湯幾好飲, 只係份量太少, 同埋隻杯耳拎得唔係好方便小食拼盤$85雞翼*2 +雞粒*3+薯條+類似蝦片每樣都普普通通, 唔值呢個價芝士焗鴨胸飯賣相幾靚見隔黎台叫都想叫返個頂層芝士+鴨胸中層少少玻璃芡底層白飯白飯底令成個感覺差晒, 成兜野都冇乜味肉丸意粉既肉丸較乾同單調, 意粉偏酸跟餐+$16, 普通凍朱古力+OREO碎, 不了班戟$70, 雪糕正路野, 班戟有D份量, 濕潤, 軟同有口感唯一係塊餅又乾又淋唔好食

我今日去食下午茶價錢都略為貴下午茶，一杯嘢飲加一個食物大約70蚊叫左個抹茶鬆餅抹香黑糖珍珠奶茶。同行朋友叫左個沙律同凍檸茶個沙律正正常常冇乜特別，加個檸茶七十幾蚊唔係幾值，因為真係好一般，檸茶得個甜字。抹香黑糖珍珠奶茶，望落正常但飲落完全好似水加珍珠咁，乜味都無。好差不過店員都願意換過杯比我叫佢換杯正常珍珠奶茶比我係相對上好飲小小，起碼都有小小奶茶味(我平時飲檸茶飲係走甜) 佢真係無乜味🤦🏼‍♀️ d珍珠又痴埋一齊真係唔係唔好飲咁簡單。最後個抹茶鬆餅，都算對得返個食物😂🤦🏼‍♀️ 口感都ok，d味都夾既不過呢間野就唔推薦🤷🏻‍♀️

跟友人逛太子，然後在這裏搵食。這間餐廳最吸引的是他的廣告招牌很吸引，而且標榜的價錢很便宜，餐廳的裝潢也10分吸引。當我們走進去發現原來價錢是略貴的，因為他標榜只要點一杯飲品就能夠以半價的價錢享用下午茶食物。然而飲品的價錢都在$60以上。我點了一杯士多啤梨沙冰加雪糕，還好因為味道不錯。食物就一般薄餅真的很薄，但上面的材料可口，如果跟友人詳談聊天不失是一個好地方。

今日，同我阿哥同埋個姪，好難得咁得閒，所以我哋決定特擊出去金魚街，做返似金魚佬，由於我哋一人買咗一缸新魚，所以得閒都要落去框框。但行到攰攰地，總要搵個地方歇一歇腳，所以我哋去咗金魚街旁邊始創對上嘅呢間RBTea，地點就算係幾好啦，可惜當日太多人，等左成20分鐘先有位。通常餓著個肚嘅人，對食物嘅要求唔會太高，今次對呢間餐廳嘅評價，會受肚餓所影響。飲品都算好大杯，由好夠凍，所以我哋帶咗三杯飲品來講，都俾佢評價幾好！食物方面呢，個人認為收呢個價錢，性價比就唔算好高。

每次嚟到旺角，食完後就要急急腳離開餐廳，但這間就好適合同朋友一路食一路傾計，就算食完坐耐少少都唔會俾人趕走☺️——————————🔹白汁海鮮意粉 $89這個海鮮意粉煮得很creamy，每條意粉都掛滿白汁，海鮮的份量也很多，未食已經好滿足🤤果然味道不錯，海鮮也很新鮮，但唯一不足的是意粉煮得有點稔，配上白汁一齊食會有點膩🥴🔸炸魚柳他他汁鬆餅三文治伴薯角 $74這個炸魚柳鬆餅，賣相和份量非常吸引😍魚柳新鮮炸起，脆卜卜，配上外脆內軟和帶點甜味的鬆餅，非常地夾，好吃😋🔹帕爾馬芝士薄餅 $70這個薄餅很薄很脆口，配上鹹鹹的Parma ham，味道剛剛好！店家亦會事先切成四片，分別食客進食👍🏼

已經嚟過幾次，係朋友介紹的，可以坐得耐d都五會被人用眼神同行動起趕走，特別是晚餐的時間段。呢度係先自己去櫃位比錢買單，再有侍應幫你送嘢食來你張檯。食物質素同價錢都很平民。香腸西蘭花芝士薄脆餅底夠脆夠薄，芝士好好味，熱辣辣食有拉絲的效果。窩夫三文治配薯條

今日收工朋友嚟搵我食飯 近近哋嚟咗呢間餐廳 大半年前嚟過 感覺都唔錯 但今次就覺得退步咗好多我叫咗一個set dinner 係矮瓜魚柳焗飯 實質名就唔多記得 因為真係冇心機 本身個飯賣相唔靚不在話下 但舊魚真係冇乜魚味 然後重災區係個飯 佢本身飯嘅質地煮得太冧 好似落得太多水咁 然後又焗得太燶 有一部分嘅飯又變咗飯焦 成件事錯曬 失望至於餐湯都還好蘑菇湯嚟嘅 都幾有香味 質地都creamy 野飲方面叫咗檸檬紅茶 正正常常不過不失 都有茶嘅香味 ok嘅

話說今天與朋友聚餐,他是來自新加坡的所以他也想嘗試香港的甜品,由於已經9點30分所以選擇不多,所以變到附近的差別添尋找甜品｡我們九時半入座,職員提醒出要盡快下單，因為last order, 我們看不夠2分鐘職員便走過來說已經截單了， 我反問她截單為什麼要給我們入座, 然後她就離開了，態度非常差｡甜品其實不多,我們只選擇了waffle那一款, 這個Waffle, 很明顯是放了很久，翻熱然後給我們吃， 味道不好, 沒有外脆內軟,硬有不好吃｡

已經好耐無去太子搵食，今日剛考路過太子，突然好想食下宵夜，但又唔想去茶記喎. . . . .  靈機一觸，想起始創有間台式餐廳幾叮緻，一於同朋友試下先！ 從餐廳外面看，內裡裝修陳設比人好溫暖休閒感覺, 時已晚上9點幾，客人唔多，我地坐係窗口位置梳化卡位，最特別係有一個卡位雙人梳化係用威也吊住的，感覺更加休閒。 宵夜時段唔係太餓，主要想飲下野傾下計啦，我地點左 三文魚凱撒門沙律脆香鬆餅套餐 配 凍0 茶 ($99) ，同 水果茶 ($39)。 三文魚凱撒門沙律脆香鬆餅， 鬆餅好食，其實係普通格仔餅黎，軟硬啱啱好；三文魚沙律就一般啦，以$99  連飲品價錢來說，CP 值唔算好；至於水果茶 $39，係合理水準，味道唔錯。  食品質素一般, 雖然感覺休閒，但用上布料梳化，好難清理，不難見到梳化面上有好多污積，感覺好唔舒服!!!   

今日夜晚約左朋友食飯聊天，特登搵一啲唔限時既餐廳我選擇左all day breakfast,炸魚柳窩夫套餐，份量比較細，如果男士就會唔夠了但窩夫食落幾脆，加上糖漿食落更香。朋友嗌左忌廉鴨胸焗飯，不過不失。建議甜品應該更好食！

與友人們一行四人來到此餐廳吃午餐。不設入座時間能讓我們坐下來聊一整個下午。點了一份海鮮芝士薄脆、海鮮忌廉意粉、草莓雪糕鬆餅（大），各人都點了一杯飲品：Oreo朱古力冰雪樂、黑糖珍珠鮮牛奶、新鮮水果茶、蘋果甘菊茶（熱）。水果茶跟店員要求微糖，微糖後的茶飲甜度適中，酸酸甜甜，十分開胃；黑糖珍珠水準跟一般茶飲店的無差，屬正常水平；友人的熱茶就沒什麼特別的；不過Oreo朱古力冰雪樂則有點失望，因為味道太甜了，而且飲料中的朱古力質素是很普通的那種，不建議喝，還是來喝台式茶飲比較好。海鮮芝士薄脆一碟有4塊，是很香口的小食，不錯；海鮮忌廉意粉的調味剛好，醬汁能掛在麵條上，海鮮給的份量也不少；多重小食拼盤有炸餃子、炸雞翼雞鎚、炸薯角及炸蝦，多人來點這個能分享幾種小食，不錯。最後還點了一份草莓鬆餅（大），跟一球雲呢拿雪糕，這裡的鬆餅是蛋糕般的質地，帶濕潤的口感，配上草莓醬汁及雪糕一同吃味道剛好，四人分剛好，吃完也不會覺得太膩。整體來說，食物及環境質素不錯，是聊天的一個好選擇。

已經多次行經始創都冇食過呢間，今次有朋友主動話要食，只因為位置方便大家。冇得訂位，我哋3個人，2位到達便可入坐。在 menu 選擇嘢食，再 mark 在點餐紙上，要親自出 cashier 點餐及俾錢，餐具亦可以自助拎。 唯獨是服務員會送餐到餐枱。食物份量不大，我哋3個人可以食4人餐 食物質素不錯，似日式西餐。各種意粉，雞翅，薯角，沙拉小食都有供應。環境簡簡單單，坐得舒服。不過，9點就 last order 已食完既餐碟，服務員好快收起。好似服務不錯；但是，感覺想我哋快啲走

旺角通常都係一班人黎食下放題個D，今次就同一個朋友去餐廳到食!!!聽聞呢間台灣野性價比好高，之後就叫埋朋友黎食先其實黎到都比較夜，8點幾9點，但人流都一樣多!!!白汁海鮮意粉不過不失，白汁未算好濃，勝在海鮮份量多同新鮮意粉硬度都適中，加上少少香草就香D炸魚柳他他汁鬆餅三文治伴薯角 呢個用窩夫黎做三文治都幾特別，同麵包一樣都係鬆軟不過係多左份蛋香夾住好脆既炸魚柳，個口感好有層次，首先係咬落去既鬆軟再係魚柳既脆加上沙津醬，係一個好夾既conbination!!!另外仲有薯條跟，就咁食呢個都幾飽肚Parma Ham芝士薄脆係一個小型既pizza，上面有parma ham同芝士個底係好脆，加上parma ham既鹹味，成個好香口黑糖珍奶其實我好少飲黑糖珍奶，冇咩可以比較不過黑糖味好香好濃，而牛奶好滑既應該係有脂肪個D~好飲既代價就係肥D架啦~~~