紅豆烘焙 (華美大廈)

Open Now

Now Closed

超人氣布甸麵包🍮紅豆烘焙嘅布甸麵包一共有3款口味，分別是原味、焦糖及朱古力🍫超搶手，真係手快有手慢冇當日去到焦糖布丁麵包倒數最後四個店員好熱情咁報數😂😂最後都係簡食焦糖布丁麵包外脆內軟🤙🏽🤙🏽 面層會有一層焦糖脆面並沒有其他人講嘅爆餡可以因為有一層焦糖脆不過滑溜嘅布甸 加上 脆口麵包皮口感一流🥳——————紅豆烘焙 (旺角)旺角上海街520A-522號華美大廈地下A2-A3號舖——————💋記住 IG follow freeeeflow 一齊玩轉地球🌍

𓎩≈/ 一直想試很久的法式布甸麵包路經旺角時剛好遇上出爐時間心思思地買了兩個口味(๑╹︎ڡ╹︎๑)法式布甸麵包和焦糖法式布甸麵包圓轆轆的麵包 口感比法包的帶點煙韌感比較下還是喜歡原味的簡單蛋香 嫩滑的布甸 甜而不膩另一款的焦糖味也不錯 只是焦糖片較厚身感覺味道也較原味的甜有點期待試多幾間比較下 呵呵(*ฅ́˘ฅ̀*)♡︎⚑ 建議可以食之前再加熱 布甸部份會更加流心♡︎⚑ 一個布甸麵包剛好夠一份 做下午茶剛剛好😆😋𓇠𖤥 紅豆烘焙༶ 法式布甸麵包༶ 焦糖法式布甸麵包

為人熟知嘅嘉多利出左法式布甸麵包之後，就成功掀起布丁包熱潮，不過佢地最近因為疫情唔開😷想食布甸包嘅小編唯有另謀生路🙈見到呢間位於旺角嘅紅豆烘培都有呀！😆每日3點出爐，冇限買幾多😂-法式布甸麵包🍮 $15/個有3種味道，包括原味、焦糖同埋朱古力味。👉🏻一咬開d中間嘅布甸極流心同軟滑，仲要熱辣辣真係冇得輸🤩不過包皮就唔夠脆，拎返去再焗下會好d。👉🏻焦糖味面層有多層焦糖，偏甜左d。👉🏻朱古力味竟然出乎意料地好食，朱古力味都幾濃郁，而且食落冇咁膩！

呢排我諗討論熱度最高之一嘅，一定非法式布丁麵包莫屬啦🔥。聽人哋嘅分享話，$15嘅價錢就可以食到$50嘅質素🤭。講到咁我就當然唔可以錯過啦🤪。今次去咗旺角嘅紅豆烘焙度買咗兩款布丁麵包，即刻同大家講下個味道先🤩！喺食之前我睇過呢個布丁麵包係有兩種食法，分別係加熱食同埋雪凍食🤣。為咗可以畀我試晒兩款食法😋，我今次就揀咗將原味嘅加熱食🥵，而朱古力布丁麵包就雪凍食🥶。碌去下一頁可以睇下個分別😙。#法式布丁麵包（$15）我覺得加熱食個效果其實都幾正😳，麵包外層會因為加熱食而變得鬆軟咗。同埋布丁都會變咗流心😈，個賣相真係唔錯，似足去cafe嗌嘅茶點咁！不過如果唔鍾意食太甜嘅，我就唔建議大家試啦，因為我覺得佢都真係有啲甜😬。加熱食評分：🥵布丁：8/10🥵麵包：8/10#法式朱古力布丁麵包（$18）雪凍咗嚟食嘅布丁真係好好食🤤，夠晒滑浖浖。不過麵包外層就會變得好硬，咬得好辛苦😵，同埋我覺得朱古力布丁食落有少少淡味，如果再濃啲嘅話會好好多！雪凍食評分：🥶布丁：9/10🥶麵包：5/10（下次有機會嘅話我會食埋嘉多利架😚，到時再做個比較！）

布甸包都興左一排，初初開始熱賣果時，我都有係油麻地間麵包舖買過，果次等左成個鐘🥲唔係話唔好食，但等個鐘就唔太值得🤫今次經過紅豆烘焙，見到岩岩有新鮮出爐😆又無人排隊 咁就梗係買黎試下啦😬呢到有幾種味，原味，焦糖，朱古力🍫焦糖布甸麵包 🍮 $18其實呢個同原味分別，就係多左上面層焦糖😂覺得層焦糖真係多餘，好鬼甜又硬🥲就咁食完味好過，個法包好軟，布甸微暖，都幾好🤫推薦？🟡🟡🟡⚪️⚪️買原味就ok嫁啦😂

布甸包熱潮咁勁，搞到我都要試下紅豆烘焙一共有三款口味既布甸包，分別係原味、焦糖同埋朱古力味除左布甸包之外，原來仲有泡芺、大福、蛋糕等等既甜品真係令人花多眼亂，睇到款款都想試下最後我就買左一個焦糖味既布甸包、一個芒果大福同埋藍莓芝士蛋糕布甸包拎到返去屋企之後用微波爐叮十秒左右再拎返出黎食一咬落去上層有層脆卜卜既焦糖，下面係流心既布甸，而且甜度恰到好處個布甸好滑呀芒果大福個皮好薄好煙韌，入面滿滿香滑忌廉同埋有鮮芒果肉都唔錯藍莓芝士蛋糕一樣性價比高，係平民甜品店之選

出左名好耐既布丁麵包終於忍唔住去左買，果日收左工6點半去到仲有得賣同埋唔洗排隊😂，有原味同焦糖味，本身想試既朱古力味就賣曬布丁麵包$15用氣炸鍋整熱4分鐘後先食，覺得好正🤤外皮卜卜脆，個布丁甜甜地，完全唔會過甜🤪平平地當做個下午茶係唔錯見間麵包店都keep住多人買唔同既麵包，可能下次試埋朱古力味同其他包🤙🏻

一直都好想試吓布甸包法式布甸麵包🥯超級抵買第二日都食得一定要加熱！唔會太甜，同埋有埋焦糖更加好味啱啱出爐嗰陣即刻食應該最好呢間店舖仲有其他蛋糕佢哋有好多唔同款式嘅抵買蛋糕最鍾意呢個大大嚿嘅芒果泡芙！！芒果好甜同埋加上奶油好正價錢都好街坊又味道不錯👍🏻同埋佢哋嘅藍莓芝士切餅蛋糕充滿芝士味道，再加上滿滿嘅藍梅，每一啖都係芝士嘅香味道超級夾，下次都要繼續買❤️買埋蛋糕返去都可以做早餐再加上呢度都好方便，喺朗豪坊附近

記得剛剛出呢個產品嘅時候～好多人排長龍買～唔知係咪疫情今日仲有好多～每日下午三點準時出爐嘅法式布甸麵包～三隻口味～有：原味、焦糖、朱古力～個人覺得原味最吸引今次去開旺角～就買兩個試下啦～買嘅時候已經係凍～我估新鮮出爐熱辣辣應該最好食出面係法包～裏面似蛋撻液加咗custard法包因為凍咗所以偏硬～其中一個開始水份蒸發～所以裂咗～custard食落唔會太甜～大人細佬都鍾意食$15一個個人覺得偏貴～不過一次半次冇所謂啦

個日4:30唸住去嘉多娜餅店睇下買唔買到法式布丁👀最後都係買唔到嘅😟反正都去咗旺角就一於去呢間買法式布丁🙆🏻‍♀️呢間唔需要排隊同等出爐時間💦🔺朱古力法式布丁包🍫$18朱古力控必買❣️未焗就咁食已經好濃朱古力味😆焗完更加濃朱古力味🤤而且布丁好流心🤪布丁亦都唔會好甜🙌🏻🔺法式布丁包 $15三個布丁裏面最唔甜👅但味道就正常👐🏻不過不失😉焗完之後布丁同樣會流心😙🔺焦糖法式布丁包 $18呢個包超級甜😖布丁本身就甜加上燒過嘅焦糖真係甜上加甜😵‍💫螞蟻人都未必接受到😳而且食半個已經好膩🥶唔推介大家食呢個🥲🔺芒果泡芙🥭$18見到好似好吸引咁就買咗💁🏻‍♀️有三大嚿芒果🥭芒果係甜嘅唔係酸🙌🏻而cream好多同係棉嘅✨整體黎講係唔差嘅😙

旺角人氣法式布甸包 — 紅豆烘焙▫️呢一間位於旺角上海街嘅紅豆烘焙，都係有售賣人氣大熱嘅法式焦糖布甸包，不過呢一間麵包店同加多利相比就冇咁多人排隊，唔會排到癲😵‍💫上次就算係排隊都係幾分鐘內買到，唔會好長人龍！見到佢地嘅布甸包長期都係有好多供應😍出爐得好密！唔驚買唔到！▫️用氣炸鍋烘熱黎食，麵包唔會好乾。個布甸幾好味😋朱古力好濃郁！好似飲緊朱古力奶咁！原味奶香味亦好重 ！兩個質地都好外脆內軟滑😍好似食緊焦糖燉蛋嗰種feel！▫️所以之後如果想再買都會繼續買呢間😆加多利實在太多人排隊啦😂有啲難買🥲呢間推薦比大家✨

聽講呢間店又有賣麵包布丁，於是黎撞下彩，點知黎到已經售罄，一場黎到點都要買d嘢，見佢d泡芙幾吸引就買左個試下芒果超新鮮，偏甜微酸，cream好滑，自問都係一個cream嘅愛好者，不過佢d cream都真係幾足料，超邪惡食曬一定肥死，於我都唧走左一半cream🌚🌚餅皮好香好鬆軟，實屬佳品希望下次有幸可以試埋佢個布丁包同其他嘢啦

前排紅爆全IG既法式布丁麵包🥖🍮，除左佐敦、油麻地之外，旺角都有得買‼️麵包店每日限時3點開售，先比錢後拎貨，售完即止✴️價錢非常貼地親民，提供3️⃣款味道，包括🥚原味（$15）、🍯焦糖味（$18）、🍫朱古力味（$18）。因此，吸引唔少人排隊光顧，不過D姐姐手腳好快，唔需要等好耐就拎到我買左翻㴝就冇立即食，反而就係做左第二朝既早餐☀️朝早打開嗰盒，好明顯見到焦糖已經半融狀態😂。不過整熱之後，岀乎意料地好食喎😋，焦糖慢慢滲咗落到布丁同麵包度，香甜軟糯，多左唔同既層次～💕原味則保留左香濃既蛋香味🥚即使是隔夜麵包，質感仍然係香脆鬆軟，整體非常有有驚喜😆

最近超級多人食布甸麵包，旺角呢間紅豆烘焙法式布甸麵包有雜誌報道過，最近都好多人排隊買，今日經過見到冇乜人排隊又啱啱新鮮出爐，即刻買返三隻味試吓先🤤🍞法式布甸麵包 $15 (9/10)麵包外脆內軟，燉蛋嘅比例比較多🤩燉蛋超嫩滑，咬開係流心㗎！味道好香濃雲呢拿味，都有蛋香，$15一個真係好抵食，好高質！🍞法式焦糖布甸麵包 $18 (10/10)麵包外脆內軟，燉蛋嘅比例比較多🤩燉蛋超嫩滑，咬開係流心㗎！味道好香濃雲呢拿味，都有蛋香！比起原味多咗一層香濃嘅焦糖，令到成個麵包升華到另一個層次，更香甜更香濃😆個人覺得呢個最好食！🍞法式朱古力布甸麵包 $18 (7.5/10)朱古力布甸有超級香濃朱古力味，唔會太甜，鍾意朱古力嘅話就會好鍾意，但可能朱古力太濃蓋過咗蛋香，個人覺得另外兩種好食好多！推薦指數: 9/10真心好高質抵食好食嘅法式布甸麵包，平民價錢，高級質素🤤經過唔使排隊一定再買！

布甸麵包自己製不如買嚟食，呢間見到有幾款口味選擇👍🏻第一次買咗原味和朱古力味朱古力味都幾濃朱古力香味，但又唔會好甜，布甸口感唔錯，麵包又唔會好un 👍🏻原味好香蛋味，比朱古力會甜少少，但都好食😋