紅廚 (Moved) New Location

之前爸爸朋友介紹話好食，就黎食左一次覺得幾OK，味味送都好啱食。今次冬至專登約埋屋企人黎食，果然保持到水準👍🏻今次叫左D餐第一道菜係冰鎮聖子，d 聖子好爽，老人家都食到，沙律好開胃，又唔會好冰，👍🏻👍🏻第二道菜 京蔥燒魚，我唔食魚架，但條魚完全冇腥味，個皮好脆，好好味。平時食好少野既呀公食曬成條，見佢食得禁開心，成家人都好開心。第三道菜係松茸豬𦟌湯，飲落有少少甘味。食埋d豬𦟌，d肉好林，加埋d湯，有少少肉骨茶既feel🤗第四道菜 網油蠔豉卷，酥脆好食。第五道菜 胡椒豬肚湯 呢個真係冇得頂，全日最正，豬肚超林，胡椒味重，飲完全身暖曬，食唔停口。第六道菜 糯米大鴨 甜品 紅棗糕 熱熱地 甜甜地 食落好舒服 暖粒粒水果 好甜 仲切得好靚添

一早book定星期五食飯，係whats app度已確定，本來諗住開開心心既父親節飯，去到先話漏咗單無預備我地既飯菜，搞到一家大細連同3歲細路周圍撲搵第二度食，我爸媽好嬲話未試過咁，永遠唔會去呢度食！

寻晚谂起嚟元朗行下，喺Openrice见到红厨，介绍得都几好，又见佢中午有得book位，噉就谂住嚟啦。点知12点钟嚟到都冇开门，打电话畀佢，先至话佢哋净係做夜晚，仲话book位嘅时间，要预早点埋野食添。虽然唔係话一定要喺佢度食，不过特登揸车嚟搞到噉样就有啲扫兴囉。今次都唔知係佢哋搞错定係Openrice搞错喇。

我妹妹由外國回來，希望可以食啲特色嘢，而我本身都偏好支持小店，今次走訪嘅食店位於元朗嘅一條村入面主打客家私房菜，由朗屏西鐵站行去大約15-20分鐘路程。我經openrice網站訂位，店家以極速回覆，雖然係私房菜，但店家都有菜單選擇提供的，最終我都以店家推介的一款落單。是晚菜單連甜品&水果合共十道菜請參看相片。以四個女子來說，每款菜餚上枱的份量都足夠有餘(雖然以人頭計份量但簡直大件夾抵食)。等我以相片加說明分享下。總結: 地點不算方便，但勝在用心製作，今晚是星期二以平日來說，店內竟是滿座，咁大家可以想像到它在鬧市中有臥虎藏龍的潛在實力。下次若然專程入元朗搵食，唔好只識去名廚介紹什麼「大×華酒家」，大家不妨親自體驗下呢啲有水準嘅小店啦。

食物份量不少，每道菜都足秤，我們八個大人幾經努力才解決了7道菜，但最入味的糯米鴨還是力有不棣，實在捨不得其美味，要帶走！所有菜式味道賣相俱佳！價錢合理，以每位$250可以吃到這個水準，超值！有機會一定再來試試其他菜式。

未食之前都有上OpenRice 𥄫下D評價，當見到有人話服務態度好差，真係有小小驚，但今次係朋友book, 都即管一試。食第一道菜冰鎮花膠，堅有驚喜，而驚喜又會繼續咁樣來，杏汁豬肺湯又好飲，而全晚我認為最好食又最邪惡嘅✨紅燒元蹄✨，我真係係咁講好好食好邪惡問心論服務態度，個長髮姨姨勁好服務，好好笑容，又幫我地影相，我哋成班人都食得好開心，而最後我哋都一樣食唔哂，都有問姨姨攞膠袋，佢亦好有笑容、禮貌地話我地知交代要收五毫子,冇問題啊我覺得好正常，可以Encore多謝姨姨唔嫌棄我哋咁麻煩，同熱情招待

我從來不寫食評， 但都忍不住上來打字， 食完一肚氣， 實在太飽， 第二日唔洗食野，確實受夠氣。先講野食， 大碟有份糧， 味道ok, 菜式多工夫，值不值$350/位， 見仁見智， 睇你食咩， 始終唔係咩貴價食材，完。招呼九流， 就是那位長髮中年女士。冷氣吹正頭， 叫她調高一點， 她把冷氣調到最高。電視聲浪當時太大， 我們傾唔到計， 叫她調低一點， 她理都不理你， 索性把電視關了。她給我們感覺是， 最好將所有電器關了， 這樣， 你們就不會再煩我。最離譜的是， 那餐廳沒有賣啤酒， 所以我們在外面買， 問她借開瓶器， 她黑面走過來，「呯」的一聲， dum 在檯上， 這是什麼態度， 如她不喜歡招呼客人， 大可索性把餐廳關了， 就不會有我們這種「煩」人闖進。最後食完諗住埋單， 盡快閃人， 免再受氣。但因餸菜食唔晒， 問她拿幾個外賣盒， 她仍然西面贈你一句， 「你地攞幾個外賣盒， 要俾番d錢！」她真的很有問題， 有說過叫你免費給我嗎？? 在餐廳拿外賣盒要俾錢， 是常識吧。這間餐廳， 服務比內地餐廳還不如吧， 如大家覺得我是打手， 夠膽就入去食吧。寫食評真人真事， 無需屈佢， 只想舒發一下。佢咁既招

Faboulously tasty, great value, one of the best dinners I have had in HK!We had the hkd350 pp snake set dinner. everything was tasty and generous portions. For example the snake soup 蛇羹 was better than the more famoud places like Tims Kitchen. The signature duck with stuffed rice was made just right. The host was generous too, giving us a free dish of stir fried prawns and a fresh pineapple for dessert. This private kitchen is a hidden treasure.

今晚友人邀约试试红厨的蛇宴。蛇宴內容豐富，每道菜都好有心思，尤其招牌菜糯米鴨幾好味。店家特製辣椒醬和甜點紅棗糕也很有特色，店家服務熱心，是間很不錯的私房菜館。下次有機會會再光臨。

招牌菜幾乎都試過了，有好有壞。除了招牌前，有些菜式做得都好出色。最好味要算炸蟹鉗，豬肚包雞湯，桂花醉雞。炸蟹鉗：裡面酿了滿滿的蟹肉，配合蛋去整，是最好的選擇。啖啖蟹肉香味，好正豬肚包然湯：豬肚乾淨爽口，湯味濃郁，可是雞肉太軟，少許失色。桂花醉雞：淡淡清香桂花味，雞不醉人自醉其他食物，例如花鱔，炒牛肉，紅棗糕，糯米鴨，一試也無防，不過回購力不大。至於壕，不試也無損失。地方比較不便，自己駕車比較好。

【紅廚凍蝦】 因為是冷盤的關係，蝦肉爽脆鮮甜，配上蒜泥十分開胃 底層舖的全是有機蔬菜，新鮮爽口【酥炸生蠔】 我們把薑蔥生蠔改為酥炸生蠔 外皮炸得非常酥脆，內裡的生蠔超鮮甜嫩滑，簡直是外脆內嫩【釀蟹蓋】 內裡全是蟹肉，不加任何炸粉或生粉混合，啖啖肉超好味【金豉蒸大鱔】 曼麗超愛食鱔，這裡處理得非常好，完全沒有土味 肉嫩彈牙，豉汁調配恰到好處，不會過鹹【紅燒元蹄】 超大一隻元蹄，厚厚的皮超腍，入口即化 膠質超豐富，吃完嘴也黏黏的【紅廚上素】 每次的素菜款式都不一樣，要看主廚當天的食材而決定 今次是紅燒豆腐，豆腐嫩滑無比，外皮煎得香口【糯米大鴨】 鴨肉超腍，內裡的糯米被煮得超入味 保持濕潤不乾身，多吃也不覺得頂胃【杏汁豬肺湯】 豬肺全無臭腥味，淡淡的杏仁香氣，感覺非常養顏【豬肚包雞湯】 豬肚爽口不柴，包著整隻雞，湯完全不油，清澈鮮味 （這個套餐是不包括的，是朋友外加的）【紅棗糕】 是紅廚的推薦甜品，紅棗味濃郁，不加任何糖，用料十足以私房菜來說這家並不昂貴，我們一行6人 最後埋單都只是每位HK$330，十分抵食 我相信我一定會再來試試其他的套餐 那個糯米大鴨真的是不得不吃，一邊打食文一邊超懷念