紅廚

Open Now

Now Closed

今次就預約咗呢一間私房菜食飯，長輩們都認識呢度嘅員工，都幾親切幾Nice嘅，對呢間嘅錯印象都比較好，同埋送咗一支紅酒🍷-今次就食咗10碟餸人均消費約$300左右相裏面係最推介嗰4款-1.紅棗糕同菠蘿🍍想讚返呢間舖頭好有心思，食完正餐之後都有甜品食，紅棗糕就幾好食，啱啱新出嚟好香，食落去都幾鬆軟，唔錯嘅選擇。2.糯米鴨全場最推介嘅食物❤️首先佢隻鴨食落去唔會好靭同埋都幾嫰滑，糯米飯亦都好軟糯，吸哂鴨的香味同油脂，令到個飯食得多都唔會好漏，建議可以就咁食都okeee。3.紅燒元蹄店家將呢個菜式過去蒸左四個鐘，面頭有一個好濃嘅汁，同個豬腳好夾，唔會食落去好寡，同埋啲汁同埋舊肉都充滿着豬腳嘅骨膠原，食落去好滋潤。4.金豉蒸大鱔首先鱔嘅肉質好厚實同埋肥美，食落去啖啖肉，而且個豉油汁亦可以配飯食，充滿魚香。-

第一次去私房菜，地點去過就會識，第一次去揾路都唔易。地方歸一，朋友們可以暢快傾計。食物好好食，預先同負責人傾一傾，睇下想食咩，咁樣，廚師可以好好預備，實在太開心了。食物款式多，味道好夠又好味私房菜夠特別，甜品紅棗糕好好食

話說過年時，受朋友所托去一間元朗隱世私房菜買紅棗糕，一切就由哩底紅棗糕開始。朋友係九龍人，六、七年前係長沙灣食過，話一直念念不忘。朋友出到聲，唯有親身走一轉，發現地點一啲都唔難搵，離朗屏西鐵站行五分鐘左右就到，開車的話，經宏達路去鳳池村方向，見到鴻運車房直入就係，交通非常便捷。既然要當跑腿，梗係自己都買底試下啦，又確實同坊間食到嘅紅棗糕唔一樣，鬆軟得如同蛋糕一樣，驚喜耶這麼一來，一班朋友興之所至要試埋佢其他菜式，睇下係咪真係好似朋友講得咁教人難忘，於是就約齊人（一行十一人）去會一會佢。講明係私房菜，當然要預訂（菜單如下），朋友話糯米大鴨同荷包鱔一定要試，不過用餐當晚，楊師傅（主理人）話無鱔，於是改左黃花魚。1) 冰鎮花膠2) 酥炸生蠔3) 豉油皇蝦4) 荷包膳5) 糯米大鴨6) 枝竹蝴蝶腩7) 菜扒蝦子豆腐8) 杏汁豬腩湯9) 甜品:紅棗糕雖然無食到荷包鱔，但整體都確實出色，應該會再約其他朋友去食。冰鎮花膠夠脆口爽滑，配埋青瓜片，一絕。酥炸生蠔又肥又鮮甜，一人一隻實在唔係好夠喉😅糯米大鴨，聞名不如見面，楊師傅係廚房拎出嚟已經香氣撲鼻，睇住佢不費半點力氣就切開隻鴨，睇到都知夠淋，鴨入面仲

哥哥嫂子設家宴選址於元朗，讓我這等路癡一番好找好在門口即是停車場方便泊車，特色的紅房子，迎賓的是一群五顏六色可愛小精靈鸚哥，房內格局不大，有四圍檯，坐的倒也舒服，由於這家餐廳所有食客都需要提早book檯不接受walk in 特此食材都是當日準備故此比較新鮮，豬肺湯不過不失，凍蝦夠甜夠新鮮，蘇炸生蠔好juice，圓蹄悶的夠爛，肥而不膩金豉蒸鱔呢味餸小女子覺得應該加少少陳皮可避土腥味，蟹蓋都麻麻，有渣失咗原有的鮮甜，最好味糯米鴨糯米粒粒分明，鴨肉入口即化，童年回憶紅棗糕並不是成日周圍有得食冰鎮🍍也不錯~菜式有得選，只收cash,酒水可自帶，如果對茶葉有要求都建議自帶吧人頭$300算係咁~

元朗紅厨用料十足，新鮮。食過返尋味，價錢合理。大厨好用心烹飪。想食的朋友們要提早一日落訂，咁樣大廚就有時間為大家去準備新鮮嘅食材。招牌糯米大鴨工序繁複從起骨拆鴨、醃肉反肚、製餡灌鴨、泡油蒸煮...功夫多多、心機耐性...淋漓盡顯，紅廚的皇牌菜式之一。 蝦子豆腐:柔韌的外皮.滑溜的玉心,連肉眼難分的蝦子,都被托出味來。除左招牌菜糯米大鴨，仲有薑蔥蠔都係大大粒，鮮味十足。紅燒元蹄、荷包鱔、枝竹燜鱔 ！嘩，全部都是好有心思的菜。