Red Mango (Closed)

友人說想試試這一間,一早訂了檯,去到發覺其實walk in 都可以,星期五,我們入去時只有2,3檯(後來好似多返1,2檯,不過都係好少人)食自助餐,不嬲我都係一樣試少少既策略第一轉已經係拎得最多.個麵ok,燒賣好食,其他一般般。睇其他食評話好多菜都係凍的,除了因為大部分都係冷盤外,仲有因為熱爐唔夠如果你同我一樣食飯想熱野落肚先,可以食下面果行先沙律/冷盤區有個日本冷麵可以一試有壽司左面個齋肉串得一隻味,右面越南春卷可以一試,個皮薄,入面材料都夾而家叫我諗返,真係冇乜邊樣幾特別覺得好好食,值得試的都係上面寫晒出黎,所以第三第四轉出去已經冇乜夾到野小間有個小驚喜,就係侍應送上新鮮焗起既兩樣野呢兩樣都Ok既,食唔食到就睇運氣了最後講下野飲,都冇乜太多選擇,飲左個豆漿,有D稀,好多人推介既乳酪冇試比起其他最近大熱的素食自助餐鋪頭,呢間價錢相對貴了一點,野食種類都少,競爭力較低,因為呢度最大賣點係乳酪,但都不是大部分人的菜,不過我都明白生意難做,希望快D諗D新意啦!

我同女去red mango食晚餐自助餐。190+130+10%。食物味道一般。款式不多。部份食物我見廚房拿去整熱。放涼了再整熱。所以菜也變得黃。魚生和炸蝦食曬也沒有加。要叫佢地先加。食完的碟。等到4隻以上才有人來收。職員都在閒談。餐具。杯碟都有污漬。下次都唔再來。

今日放假同女朋友去九龍城行逛下順便買台灣芋圓。行到甘上下唸住去揾地方開餐。難得嚟到九龍城吾洗唸梗係去食泰國菜。點知女朋友話天氣熱想食得清淡啲。甘我提議食素。上openrice見到red mango就係我地附近。仲要係素食自助餐。覺得幾特別。所以我同女朋友去試食吓。去到時候第一眼望見四週環境覺得好舒服有種好warm既感覺。而其中一邊有獨立售賣素乳酪既位。可以純買乳酪食。呢個設計幾細心。而放食物既設計做得好集中。感覺到好多美食係眼前。好有療癒感。開始揀食物既時候賣相全部都幾好。吸引左我全部拎左少少小逐樣試下。誠意推介海鮮炒烏冬。食落去夠鍋氣。又有海鮮味，味道掌握得剛好。個海鮮無論係味，道同賣相都幾可亂真 。呢個烏冬我食左幾round.另外沙律汁有好多選擇。都比到人一種好清新既感覺。甜品有中式西式多樣化呢間素食自助餐有新意。食物質素都幾好。 最估吾到既係食素食自助餐都可以飽到捧住個肚腩好滿足甘離開。下次嚟九龍城多一個選擇

好多品，又可以無後顧之憂咁任食😍環境一流👍🏼乾淨企理！價錢又好！食物非常好味有選擇☺️🎉係我食咁多次素食自助餐最最最滿足嘅一次！！唯獨覺得人不多，發現原來香港人並唔係咁多人食素而感到😢！☺️但好食真係要推介，希望大家多多支持有心嘅素食店！！☺️

I used to love Red Mango - I used to go to the Central branch all the time before they closed. When I went here I was really disappointed as it got more expensive but my favorite topping the apple jam had that 'old freezer' burn taste. Not great. 

Was very excited to try this place, but ended up very disappointed! The food is cold. Their famous yogurt machine didn't work! Food is either too salty or cold. It was a typhoon day and we came under the rain with lots of expectation. Maybe they thought no one will come given the typhoon so didn't prepare well. But that just shows they are unprofessional. Overpriced!! Nearly 200 per person. Will never come again, recommend against it!!

成個星期都出街食，菜都無1條！星期日游個早水，就行到九龍城廣場食素食buffet...印象中既素菜都係菇，菜，齋x燒，齋乜齋麥，今次試完red mango,先知食齋都可以好有創意前菜系列，最上面既紅菜頭果凍，味道好清新好特別，底部仲有粒椰果食物款式唔係好多，pizza味道好真實，完全唔覺係齋，食左2件好飽另外好欣賞既係湯，中湯西湯各1款，全素既中湯好清甜，飲完知道唔會係味精湯最後要提既一定係甜品，甜品唔洗多，好味既話1款都足夠 （當然唔止一款），登登登登......就係yogurt,味道2款，有香芋同荔枝，荔枝好出，同朋友share食左3round係呢度食yogurt...飲湯...pizza就已經好滿足

有朋友近年轉素食,所以好多時我們食生日飯都轉了素食店舖當然佢就對素食有了更多認識,所以佢推薦黎RED MANGO食自助素食一定去試,晚餐每人$168以上既菜式都幾特別,食落都幾有肉既質感,間中食下素食對身體都幾好多種食品,不一一介紹,只以重點介紹以下食物青檸素蝦--質感良好,隻味都幾似蝦..炸落唔過火唔油膩.一口义燒同一口素雞--同樣做得好似肉質,味道都幾唔錯全晚精選,必食就係左面個杯甜品,檸檬奇亞杍啫哩.....好香既檸檬味,口感又正阿姐推介杞子桂花佢話自己親手整,本來諗住明天先俾客人食,見到夠凍可以俾我地試佢想對食客分享素食甜品令到大家都開心,佢見到我們話好食佢自己都好開心,做食客除左食野味道之外店員有冇用心整野食,客人都會感受得到

叫了一個迷你荔枝乳酪筒，服務員拿著威化筒去唧乳酪，唧咗第一次，佢覺得唔靚，就將威化筒裏面嘅乳酪係乳酪機頂倒翻入機裏面！第二次佢都唔滿意，又再次倒翻入機入面！出出入入望到我目瞪口呆！之後我忍唔住話佢地唔衛生，佢地就話「俾個新威化筒你啦」。問題唔係呢度囉！最後我揸住個乳酪筒都唔知食好唔食好⋯唸咗一輪好小心舔咗一口，嘩難食到呢，隻荔枝味假到震，一口糖粉味！最後倒咗$24入垃圾桶！已後！都唔會！再黎幫襯！

Went here as my vegetarian friends suggested it.We had the buffet so we could try everything.There was a good variety in the appetizers, soups and even dessrrts section.I loved the steamed buns which were soft and sweet.The drink selection is good and healthy too,

為咗慶祝母親節同屋企人去咗試食呢間素食嘅自助餐。我哋早到左自助餐未開始，服務員都好好俾我哋早入去同攞野飲先。有兩款果汁選擇同咖啡機，其餘都係自己沖嘅一包包沖劑，連檸檬茶都係沖劑，我覺得好無誠意。之前知道呢間餐廳出名食乳酪，不過佢啲乳酪令我好失望因為未攪勻有一粒粒粉狀嘅嘢。素食方面食物都多選擇，令你唔覺得自己似食緊齋。不過冷氣好大，令到啲嘢食好快就凍哂。服務員好快就催你俾錢，覺得你好似會走數唔俾咁。我哋有12個人，佢每人送左一張會員卡話下次逢星期一至四去食會有八八折，但係張會員卡寫住到16年年尾，宜家都17年5月過左期。咁我冇追究啦因為我以後都唔會去食。

第一次來試素食 Buffet，晚餐價錢不便宜，大慨二百幾一個人。當晚去到也只有幾枱客人 店員仲多過客人。食物選擇不太多，想試的素燒賣當晚也沒有..... 不過也有飯有麵，所以會食得飽的哈哈也有素Pizza之類的，不過食物的味道真的是一般般，有些放涼了。全晚最好吃就是那個 Yogurt，有兩個口味（芋頭同荔枝），但是因為多人吃荔枝味（好味d）所以個機整唔切，後尾食係軟淋淋，不夠挺身。結論：食lunch 應該抵d，不過我不會再encore了，可能只會叫個 yogurt食。

晚上和爸媽到九龍城Red Mango Yogurt & Restaurant吃自助晚餐。慶祝我的農曆生日。 原來可以由樂富港鐵站走到九龍城。大約走二十分鐘。看著Google地圖走，竟然沒有迷路或走了錯的路。我覺得自己變得厲害了！ 九龍城的Red Mango地方頗大。 比荃灣店大很多。 除了有室內座位，也有「露天座位」。 （在商場內的「露天座位」。） 餐廳的另一邊有乳酪的銷售櫃位。 可以只吃乳酪，不一定享用自助餐。 平日的客人不多，這邊沒有開放給客人使用。 連室內的座位也沒有全被佔用。 所以，雖然用餐時間限定為一小時三十分鐘，但即使時間到了也不會提示客人要離開。 享用自助餐需要先付款。 星期一至四的晚餐價錢，成人是$168，另有加一服務費。 小童則是$108。 星期五、六、日及公眾假期，成人收費$180，小童收費$126。 自助午餐價錢會比這低。 也有下午茶套餐和外帶餐盒供應。 半開放式廚房前的櫃台放有熱的食物。 一直以慢火或電磁爐熱著。 大約有十四個款式。 再上一層的玻璃架則放有室温食物。 大約有十個款式。 「LOVE」字款下是涼菜小食。 大約有六款食物。 旁邊有兩款湯和三款

我第一次光顧Red Mango係去荃灣悦來坊既分店，未試過素食既自助餐，覺得好有新鮮感。果度既食物款式轉得好快好新鮮，乳酪亦好好味道，所以心都諗住下次要黎再食過。今次我就同屋企人去左九龍城廣場既分店，黎到門口人影都無隻，職員仲多過客人，但見一場黎到，都係想試下。擺低隨身物品就出去拎食物，出到去款式唔多，最過分既係我拎返黎既印度烤餅、炒四季豆、烤羊肉串等等，全部都係又乾又硬又凍，唔知擺左幾耐！屋企人已經再無意欲出去拎第二轉食物，不過俾左錢，就儘管試食僅有既食物。但係入唔到口。最期待既已經得返沙律同乳酪，我欣賞餐廳做出自家製既醬汁，但奈何唔岩口味。到食乳酪既時候，我仲未用心品嚐既時候已經食到裏面有一粒粒凝固既奶，要自己咬開，質感完全唔細滑，連最期待既，都變為失望....只可以話，我真係唔會再食多一次，我3個人食，600蚊，我出去其他素食餐廳已經可以食到好飽好滿足，呢度既質素劣到差啲想叫你地回水。唔知道係咩原因，荃灣同九龍城既質素係可以差咁遠，建議想試既，都係去荃灣分店。

作為素食者，發現有素食自助餐，確實興奮，而且價錢頗平，但係原來将貨就價，都唔緊要，起碼要有創意和款色，完全感受唔到有食慾，小食好似隔幾夜餸，熱盤似廚餘，甜品还可以，服務同茶記一樣，總之，冇下次的