蕃茄仔

Open Now

Now Closed

九龍灣Eastmark,一向較靜，但經過蕃茄仔，決定一試。湯 4/5蕃茄湯有落蕃茄肉增加口感及厚實度，簡單方法但味道好。牛脷4.5/5牛脷軟嫩，厚切，有驚喜。份量得3片，1xx黎講可以更多，午餐應該抵d秘制豬扒 3/5太普通既豬柳，有大豬味，不是靚肉，可進步（好在唔鞋）麵 正常 wt do u expect*上海麵掛湯度好，推薦；刀削麵同濃湯唔太夾，可能叫撈或辣味配d由於叫套餐，有小食，忌廉蟹肉餅正常好食，但溫泉蛋凍既，少怪同唔夾個餐，建議改一改小食既選擇。是日甜品，係切一舊方塊仔俾你，請真句小器左。飲品不加錢只有汽水，但有冰底，加少少分。晚餐同份量唔正比，太過進取，結論午餐平d可以一試，尚算滿足。

今日嚟到呢間餐廳試下佢哋嘅招牌燒雞扒上海麵，真係要同大家講講佢哋個雞扒，外皮微微焦香，脆口得嚟肉質又嫩滑，簡直係完美結合🍗！至於上海麵呢，夠爽滑，加埋佢哋個特製湯底，鮮味十足，一啖入口，湯汁、麵條、雞扒味道層層疊出，越嚼越有味！至於個湯底，佢個清甜嚟自真材實料，你話會唔會好飲？你估啦！蕃茄湯麵方面，呢個就真係驚喜！湯底嘅濃郁蕃茄味，真係同你平時飲開啲嗰啲唔同，淋咗喺麵條上，每一啖都夾！估唔到烤風味雞排嘅炭香，竟然同蕃茄湯咁夾手！食完呢碗麵，個人真係滿足到嘆唔到氣！食物嘅質素掂過太平洋啲波浪！下次一定要帶埋友人再嚟試其他口味，肚仔嘅滿足度，真係話唔出嚟啊😋！

今日我化身蕃茄女🍅湯底：蕃茄湯底依舊係杰撻撻🤭唔會好深色 唔會好酸或好甜反而清清地更似由真蕃茄淆成😝一野唔覺意會飲左半碗湯⍥ 炭香脆嫩雞扒配上海麵 ❙ $70雞扒真心香 又嫩又滑帶皮 無咩脂肪 要讚😂上海麵掛汁力唔弱 質感無刀削麵咁厚實咁粉 😋的確比較好食！⍥ 美國安格斯牛肩胛片配刀削麵 ❙ $82牛肩胛四五片好出色 🤩富有濃濃既牛肉香香口又惹味 齒頰留香無誤🥺最可惜係我選擇錯左佢既伴侶長長既刀削麵 食落比較實淨厚粉下次再食一定一定要揀上海麵！！

幾日聖誕假期匆匆就過，已經有一段日子冇上線嘅 #小秘書 我返嚟喇😙 凍咗好幾日，太陽伯伯終於蒲頭☀️ 我哋決定行遠少少，過去 #EASTMARK 樓上嘅 蕃茄仔 Red Object整碗「蕃茄濃湯麵」，吸收吓維他命C😙可能係假期剛完結嘅關係，等位嘅食客唔算太多，服務員好快就安排到座位比我哋。專一嘅我，再次點咗 #炭香雞扒上海麵 做 #午餐 😙 上餐嘅時間比預期中快，碗麵睇起嚟都唔錯😎 蕃茄湯底味道好濃，可惜唔夠熱😅 而且件雞扒好似冇醃過咁，只係輕輕燒焦（炭香）塊雞皮就上枱，味道認真麻麻🤪 不過見同事嗰個撈麵似乎味道都唔錯，下次一於轉軚，試吓新口味先😏📍 蕃茄仔 (九龍灣)常悅道21號EASTMARK1樓7號舖

No.1推介 - 炭燒風味雞扒 配刀削麵 (68$)自家鮮茄濃湯飲得出係新鮮蕃茄打成嘅蕃茄湯，濃郁清新，飲完唔會覺得口渴，感覺健康。炭燒雞扒嫩滑有炭香，重配左蒜酥同蔥花，食落完全唔覺得寡。唯一缺點就係少貴，出餐亦都比較慢，可能因為即整的關係，而且只收cash，都比較麻煩。

喺九龍灣德福大廈隔離有一棟新嘅Eastmark，入面一樓有幾間餐廳，平日lunch hour嘅時候，幾間餐廳都會大排長龍，而平日夜晚同週末去食就會冇咁多人，我哋揀咗呢一間以蕃茄濃湯作為特色嘅蕃茄仔做lunch。我哋嗌咗美國安格斯牛肩胛片配上海麵同秘製脆炸吉列豬扒配刀削麵，配料可以選擇乾蔥同青蔥。安格斯牛肩胛片有四片，煎到好香，肉味好重，咬落去有口感，食得出係有質素嘅牛肉。塊吉列豬扒都炸到好鬆脆，炸粉唔厚，係即叫即炸所以上菜嘅時候仲係熱辣辣，豬扒嘅肉質唔靭，肥瘦適中，配埋一個酸酸甜甜嘅汁好夾。餐廳重點嘅蕃茄濃湯係濃蕃茄味，不過質地偏杰身，個湯底稍為凍咗就會同啲上海麵同刀削麵痴住咗一齊，搞到食落會變咗有啲粉，所以建議唔好外賣，堂食會比較好！📍九龍灣常悅道21號EASTMARK1樓7號舖位置就腳：🍊🍊🍊餐廳環境：🍊🍊🍊食物味道：🍊🍊🍊🍊整體CP值：🍊🍊🍊🍊

九龍灣EastMark 1樓係附近打工仔嘅午飯飯堂。今次試左人氣王蕃茄仔！平日1點左右，唔需要等位。用QR code自助落單～🔸熱溶芝士厚切牛舌刀削麵 $82厚切牛舌好食，夠淋，配上熱溶芝士令口感更加美味！蕃茄湯亦十分濃郁！小貼士：問店員拎辣粉，加少少落湯底到，會更好味！

朋友知我係個蕃茄控，帶我嚟呢間傳說中嘅人龍蕃茄麵店食晚餐。可能因為係假日嘅九龍灣工商業區，店面坐唔滿，唔洗等就可以直接入去坐低。餐廳環境都算乾淨，每張枱上面都有QRCode落單。空間就都幾狹窄，每個餐都有托盤裝住，張兩位枱放完兩個托盤之後就再無其他空間。鮮茄濃湯牛魔王(牛肩胛+和牛𦟌)刀削麵 ($94)碗麵嘅鮮茄濃湯雖然好有蔬菜蓉嘅感覺，但無乜蕃茄味，感覺似係個雜菜湯。雖然味道還可以，但相比期待嘅茄湯有啲距離。牛肩胛同牛𦟌各有兩片，肩胛肉味濃亦唔韌，牛𦟌肉味都濃而且筋位炆到半啫喱狀，口感唔錯。餐飲嘅茶需另外加錢，隨麵有附送極唔好食嘅甜品，免費嘅唔對佢做太多評論，總之各咬咗一啖就放棄咗。

我好鍾意蕃茄湯，所以朋友帶我食呢間蕃茄仔 。呢間舖全部麵都係蕃茄湯底，我同朋友一人嗌左一碗。蕃茄湯底聞落好香，湯底比較杰身，好濃郁，入口有酸酸甜甜蕃茄味，鍾意食蕃茄既朋友仔唔可以錯過。特級安格斯牛肩胛配上海麵（加雞胸）$82+18我朋友好鐘意食牛，佢話個牛好濃牛肉味，牛味十足，牛肉好淋同嫩滑，份量亦偏多，朋友想補充蛋白質，所以加雞胸。炭烤風味雞扒刀削麵$68呢碗麵底叫咗刀削麵，麵身較硬，雞皮煎香鎖住肉汁，雞扒啲肉好嫩滑。可樂 $10📍蕃茄仔地址：九龍灣常悅道21號EASTMARK1樓7號舖

作為一個道地香港人，湯麵自然走唔甩係個人最愛嘅食物之一🫢🫢🫢而越濃郁嘅湯頭配麵一定越正，個人算係半個草食系生物哈哈😎😎所以特別鍾意蕃茄湯🍅🍅🍅蕃茄師兄同蕃茄仔都係我幾鍾意會翻轉頭嘅餐廳🍴後者比較上湯頭清爽啲，唔算太滯夏天食都啱口味叫了素食主義麵，湯底飲落似有肉煲，所以素食者可能要問清楚喇，餸菜有秋癸、雞脾菇、西蘭花、瓜、豆腐同少量香草🌿刀削麵掛湯之餘又彈牙👍🏻👍🏻👍🏻

之前聽過朋友讚呢間餐廳，聞名不如見面，今日經開呢頭就去會一會佢。餐廳坐落九龍灣，地鐵站沿路過去都係有蓋地方，好似「極端情況」一日後嘅陰天，都唔怕過去會變落湯雞。言歸正傳，今日7點半後嘅晚市時間到達餐廳，好彩唔洗排隊。餐廳係用QR Code落單，想試嘅朋友要準備掃到QR Code嘅電話。餐廳叫得蕃茄仔，當然係食蕃茄湯啦。今次第一次食，一於叫得豪啲，叫個套餐試一試。套餐包括一個主食，一份小食，一杯餐飲，仲有甜品。睇睇餐牌，主食不但有豬有牛，連比較少見嘅鴨都有得選擇。小食都有好幾款可以揀，又有雞翼又有忌廉蟹肉餅。餐飲就除咗一般嘅汽水，都有啲其他特式茶飲，唔飲汽水嘅朋友都唔怕無嘢飲。甜品就比較神秘，餐牌無寫名係咩甜品。今次揀咗慢煮澳洲和牛𦟌上海麵、雞翼、可樂。本身以為可樂就係罐裝可樂，無咩特別。誰不知可樂一上到枱，原來配埋一個放咗一半冰嘅玻璃杯，唔洗加錢就升級咗冰底可樂就係飲落夠凍先爽。之後麵、小食同甜品係一次過一個日式餐盤咁上，想食邊一樣先，任君選擇。首先講一講小食，雞翼外皮脆，帶微微辣味，咬落有肉汁，溫度剛剛好，配埋可樂非常滿足。個麵上枱見到濃濃嘅蕃茄湯已經十分期待，飲落亦都無令人失望。蕃

成日都聽到人地話呢間蕃茄仔好食 咁岩去開附近試一試 第一啖當然係試左個湯先啦~ 但同我想像有D出入 可能因為本人我喜歡fresh少少既湯 但佢湯底係偏向似西湯, 亦都有加到乾既香草落去牛肉無咩特別 反而個炸豬扒好出色~ 可以一試但未必會回頭

《蕃茄控必試🍅 超香濃大碗蕃茄濃湯🤭》1. 特級牛魔王 ($128)首先牛魔王嘅賣相已經好吸引，我哋另外加咗芝士，成碗嘅味道多一層次。特級牛魔王包括了牛肩胛、牛𦟌、牛丸，同好吸精嘅牛骨髓！所以牛嘅肉質口感軟淋，亦好入味，特別牛骨髓提供了豐富嘅油分同骨膠原，整體十分滋味！另外叫左忌廉蟹肉薯餅，外脆內軟，好好食！朱古力蛋糕較為普通，不過作為飯後甜品可以過吓口癮！🌟 評分: 8/102. 特級安格斯牛肩胛呢碗麵底叫咗刀削麵，麵身較硬，同埋相對上冇咁夾茄湯底。牛肩胛好軟淋，牛味十足，份量亦偏多。🌟 評分: 8/10🎖️整體評分🎖️❤️ 味道: 8/10🧡 環境: 7/10💛 服務: 7/10💙 性價比: 7/10✨蕃茄仔 📍九龍灣常悅道21號EASTMARK1樓7號舖#hkoverfood_九龍灣

蕃茄仔在九龍灣的分店, 一到午市人流就絡繹不絕, 儘管價錢並非相當便宜, 但憑着其十年如一日的鮮茄湯底, 就能流得住附近白領的胃, 的確其銅鑼灣和這裏的店, 湯底水準平均, 沒有失手, 知道它已在新蒲崗開第三間店, 希望有機會品嚐, 看看有沒有差. 味道鮮甜, 果酸度平衡之餘, 也能做到突出肉香的效果. 濃湯質感不會過嚟於水狀, 也不會變得如蕃茄醬般過厚, 質感平衡.一路都在尋找這湯底最適合配什麼肉, 試過豬肉和牛肉, 今次配煎鴨胸反而感覺最好, 煎香鴨胸油香濃烈, 和湯底的平衡酸甜和質感, 結合起來效果最好. 鴨肉酥香, 肉質軟實相間, 微微的粉紅色和湯底的鮮紅營造了一種層次, 連視覺配搭也夠好. 用上芋絲不太吸汁和掛汁, 但其健康也是補償了煎鴨胸的邪惡感.The soup base of Red Object is really stable and not different in different stores. The texture and taste are so balanced and it makes the pan fried duck breast bette

同事帶我去咗一間主打番茄湯食晏，門口好多人等位，我地攞咗飛到要等十分鐘，地方不數大，裝修簡潔。佢地主打既番茄濃湯，用上大量新鮮番茄、洋葱、豬骨、西芹熬製而成。麵底有多種選擇，有上海麵、刀削麵、葛絲+6、稻庭烏冬+8、米製通粉拌樱花蝦+10炭燒風味雞扒雞扒有炭燒味，外皮香脆，肉質嫰滑，番茄湯濃郁，加上有炸蒜同葱花令湯底更香，刀削麵非常掛湯！煙燻芝士雞柳煙燻雞柳切成粒粒，用融化芝士包著，有小小拉絲，番茄湯甜酸適中，刀削麵有咬口。