Read full review
2016-04-15
666 views
再見了紅洋蔥!榮休前專登黎見你最後一面,我都知道近來都大排長龍架喇。撞啱今晚約左兩位朋友仔食飯,又唔知食咩好喎,突然諗起紅洋蔥就黎執,就試多一次啦 ﹗五六年前有試過晚飯套餐,但唔係太啱口味,之後就一直無黎過囉。小籠包,保持水準,都係無湯無汁既豬肉球,味道一般,似蒸餃子又似蒸燒賣。回鍋肉,油浸回鍋肉,一餐半餐無緊要既。味道唔錯,有鑊氣又炒得香口。五花腩未算太肥,醃得入味有咬口,椰菜爽甜。奶油津白,味道硬係怪怪地既,香味不足,津白依然霆身爽口。更奇怪既係落火腿粒,而唔係金華火腿粒,莫非佢地既火腿津白都係咁搞笑?﹗雖知紅洋蔥既菜色別具風架,好鬼原創啫。炒鱔糊,放得好靚喎,加分 ﹗中間放左大量蒜蓉,撈少少試吓先,非常嗆喉又霸道既蒜蓉味道,似乎同鱔糊唔多夾噃。鱔柳炒到又乾又鞋,唔彈唔滑,好唔掂呢 ﹗味道都接受既,不過太油膩,食幾啖已好滯。酸辣湯,嘩 ﹗甜到不得了 ﹗微酸而且一點辣都無,味道好重茄膏味,配料單調致極,豆腐、青豆、筍絲。唔掛得隔離枱要攞醋同辣椒油咯。已經試左四樣野加一個湯,堅係食到滴汗,依類既料理實在太唔尋常喇 ﹗螞蟻上樹,食到最後一道菜,我都唔知講咩好喇 ﹗一劈腍知知既粉絲,味道係
小籠包,保持水準,都係無湯無汁既豬肉球,味道一般,似蒸餃子又似蒸燒賣。回鍋肉,油浸回鍋肉,一餐半餐無緊要既。味道唔錯,有鑊氣又炒得香口。五花腩未算太肥,醃得入味有咬口,椰菜爽甜。
奶油津白,味道硬係怪怪地既,香味不足,津白依然霆身爽口。更奇怪既係落火腿粒,而唔係金華火腿粒,莫非佢地既火腿津白都係咁搞笑?﹗雖知紅洋蔥既菜色別具風架,好鬼原創啫。
炒鱔糊,放得好靚喎,加分 ﹗中間放左大量蒜蓉,撈少少試吓先,非常嗆喉又霸道既蒜蓉味道,似乎同鱔糊唔多夾噃。鱔柳炒到又乾又鞋,唔彈唔滑,好唔掂呢 ﹗味道都接受既,不過太油膩,食幾啖已好滯。
酸辣湯,嘩 ﹗甜到不得了 ﹗微酸而且一點辣都無,味道好重茄膏味,配料單調致極,豆腐、青豆、筍絲。唔掛得隔離枱要攞醋同辣椒油咯。已經試左四樣野加一個湯,堅係食到滴汗,依類既料理實在太唔尋常喇 ﹗
螞蟻上樹,食到最後一道菜,我都唔知講咩好喇 ﹗一劈腍知知既粉絲,味道係無問題既,紅燒汁既味道帶點點肉香,一試無妨既。
多年都無變,小炒依舊油淋淋!小籠包依舊無汁似燒賣!酸辣湯依舊甜到漏!哈哈。不過堅係抵食益街房,5 送 1 湯只收二百六十幾蚊 ﹗非常有良心既食肆,無奈地被無良業主加租迫遷實在遺憾。
13 views
0 likes
0 comments
12 views
0 likes
0 comments
19 views
0 likes
0 comments
18 views
0 likes
0 comments
28 views
0 likes
0 comments
27 views
0 likes
0 comments
Post