紅茶冰室

Open Now

Now Closed

今日經過見到餐廳入面有唔少人 就膽粗粗入去試之前都見有唔少分店 應該信心都有保證環境方面 8/10 主要係一般卡位 位置唔係咁足夠但都可以接受地點方面 8/10 位於佐敦入面 唔算難去 午市 叫左個 雞扒飯食 包一個中/西湯 中湯味道唔錯 份量都好足 真係幾好味 雞扒飯係入餐廳見人個個好似幾靚所以叫一個長方型碟 擺盤睇落唔錯 但....唔知點解到我個碟個飯同雞扒走埋一邊 擺盤係有影響我既食慾 好彩味道搭夠雞皮係有少少脆口 入面都夠 juicy所以食落都唔錯 總結一下 除左擺盤之外 食物味道唔錯 值得再去一次

街坊今次試食下午茶餐，之前見過有人推介佢哋嘅招牌芝士流心西多，講到好吸引，芝士好多而且超級溶好正咁。不過點完上枱嘅時候發現，切開冇流心，只不過係普通超級市場嗰啲片裝膠味芝士唯一好嘅地方係佢嘅牛油好大方，成半嚿西多咁大西多士本身嘅口感都係正常發揮冇咩特別好彩都嗌咗個芝士炒蛋魚柳包不過其實佢哋已經停咗薯皇好久，改咗做薯條，波浪薯條正常發揮，不過量有啲少得幾條(用嗰啲點醬嘅小兜兜裝住）佢哋嘅魚柳係厚身好食嘅不過食嗰陣時會有少少不知所措，食到周圍都係最後好彩個紅豆冰唔算伏

今次想介紹嘅，係我作為「#香港燴汁關注組」榮譽會員嘅推介😆！歡迎大家留言推介比較😂！🙈焗咖喱雞扒飯咖喱焗飯其實唔係度度有得食😙！佢飯係即叫即焗嘅，所以都要等15-20分鐘😋！上枱時熱到飛起😆(建議趕時間嘅唔好挑戰)！佢飯面果啲鋪天蓋地嘅咖喱汁，真係有少少敬而生畏😂！飯係好食嘅，一大塊雞扒、軟焾薯仔下有香噴噴嘅炒飯底😋！不過小編自問燴汁Fans都挑戰唔成功😂！「漏」到次次食都食唔曬😭！歡迎大家挑戰🤪！📬：紅茶冰室📮：油麻地偉晴街65-75號#SofoodSogoodsochill #佐敦美食 #油麻地美食 #咖喱焗飯 #食野好重要 #香港美食#享受美食的過程 #食物正能量 #好食 #美食 #美食攝影 #Hongkongfood #hkfoodie #hongkong #foodblogger #hkfoodblogger #hk #foodtherapy #hkfood #foodiesinternationalchat

垃圾餐廳，服務質素超差，叫外賣被cut綫。我order薯王，結果變左薯條。打電話落去問點解變左薯條，個中年女店員串我話，"咁依家話番俾你聼得薯條lor"。我order外賣的時候又吾話俾我聼。外賣來到先知！d薯條又超軟，好不新鮮，貨不對板。後尾我落餐廳同店員對質，結果俾個西面我，當我無到，望住個mon 算。價錢又吾便宜。我絕對不會在光顧這件紅茶冰室。Rubbish restaurant with horrible service. It is not acceptable at all. I got teased just because I told the waitress that the food I got did not match with what I ordered. I would not go to this restaurant any more. The experience was real bad + the food was not that good anyway. How could the waitress be so impolite?! 

而家周街周巷都開茶餐廳or冰室～一般集團式連鎖式茶餐廳或者冰室一直都有弊病，就係食物質素參差及水準會越嚟越差～所以依間紅茶冰室都可以講算係可以keep住個味道質素啦😏～當然有時都會失手嘅～但整體來講都算可以保持住一貫嘅水準～🔴不過今日飲個杯奶茶就失準啦～太多奶😵淨係飲咗兩浸奶味🥴而我一直而黎最唔滿意嘅地方就係特餐/常餐/King餐冇得轉麵底～😟真係唔係次次都想食沙嗲牛肉「麵」㗎嘛😞😒有時都想食沙嗲牛肉「通」㗎嘛

“招牌沙嗲牛肉麵 配 火腿奄列+鮮油厚多士”($48)之前其中一間比沙牛group熱捧嘅紅茶冰室😆趁有日得閒去咗食個lunch😛叫嘅當然係特餐沙牛麵🐮配火腿奄列+鮮油厚多士🍞牛肉都算大塊而且腍滑😋不過沙嗲就唔夠香濃😂要加啲辣椒油辣辣地先香口啲🌶係一個水準十分普通嘅沙牛麵🤣火腿奄列就整得不錯☺蛋仲幾嫩有啲蛋汁🥰跟餐有茶/咖啡送埋☕凍飲就加$3檸茶大大杯,都係正常水平😆見其他人叫咖喱飯好似幾正咁,下次試試先🤣

做body check 要空肚，一驗完即去食返份早餐醫飽個肚先。$38 早餐有炒蛋，腸仔，炸魚柳，牛油toast 魚柳熱辣辣好香脆，比埋mayo真係無得輸 。toast 抹上牛油，另一邊烤得香脆。而炒雞蛋亦都剛剛好唔會老身過熟，加杯飲品hotcoffe 食完人即係精神返曬另一份是蒜香牛都只係$41 ，水準唔錯超抵食，可以話係洗式茶餐廳all day breakfast11:30am 前都食到，當食brunch 一份，假期唔洗返工架小確幸

去年12月因疫情開始，便無去佐敦紅茶冰室了！呢兩星期係附近上完瑜伽堂。。再去返。。。ok 啊。。仍保持水準👏👏👏👍🤗。。！今日食個至愛常餐先。。首先杯奶茶掂呀。。茶味香，茶濃度和奶比例剛好，又夠滑。。小機會飲到較有質數的奶茶😊！炒蛋嫩滑有蛋香，厚多士勝在牛油搽得均勻。。咬落未至外脆内軟。。至少還是暖的！到豬扒通粉，通粉係至愛滑嘟嘟厚身細粒通粉，每粒滑滑。。飽滿😋。。大愛💖！港式茶記湯通當然不會要求Al dente吧😙😏（現在不是有很多茶餐廳用的）！豬扒咬落有口感，不是被鬆肉粉醃到肉質怪怪那種啊！以茶記來講，佐敦這間紅茶冰室值得推薦啊！服務都可以😊🤗！早餐同午餐時間有機會要排隊輪候，晚餐時間不清楚了🙏😊

相信鍾意食沙嗲牛肉麵嘅人，對紅茶應該唔陌生。經過開佐敦，附近有間紅茶，又唔算太多人，就一於去食。成日都想試紅茶，今日終於試到。叫左個沙嗲牛肉麵，配奄列多士。份量屬一般茶餐廳份量，沙嗲汁嘅濃度偏淡，唔會好野味，麵質都係一般一丁麵。奄列太乾，無咩蛋汁，但又未至於太差，只屬一般貨識。可能d人講到太好味，期望過高，攪到有d失望，食完都未必記得個味道，所以唔會特登去排隊食，如果行開附近又無咩人，都可以再食。

剛剛行完圓方，出番去佐敦搵野食，渡船街出名多好野食，見到紅茶冰室啲下午茶好似斷下，好幸運又有卡位坐，就入去休息。我們點了炸雞髀伴薯皇$38，芝士炒蛋魚柳包伴薯皇$38。凍奶茶加$3。芝士炒蛋魚柳包伴薯皇，很豐富口感，除芝士，炒蛋，魚柳，還有生菜，蕃茄，每啖都好滿足。雞肶不過不失，普通炸雪藏雞肶，沒有驚喜，薯皇就不錯，好吃。吃到一半時，好傷心有人(不是服務員) 倒瀉了杯凍檸茶，服務員有幫忙清潔(沒有再送一杯)。咁就少了杯野飲了。本來都想比OK 的，但另外杯凍奶茶小冰，飲完都仲有半杯冰，感覺不好。

一個外出購物的下午，來到這間新派港式懷舊冰室，已是二時半有多，本應不是吃午餐的時候，但原來這兒的午餐供應時間竟然是到下午三時，反正午餐價錢與下午茶相差無幾，那便吃個午餐好了。這天的餐湯竟是港式經典的「金必多素魚翅湯」，還記得中學時代與同學們外出吃午餐，那時候光顧的港式茶餐廳，經常都可以喝到這湯，年月漫漫，昔日光顧的茶餐廳已幾近全部結業，這充滿奶味，甜絲絲，湯裡除了幼細的紅蘿蔔絲，還有素魚翅的港式西湯早已不知多久未嚐，這天一喝，多多少少牽起一點對昔日年輕美好日子的緬懷和眷戀。主菜是「香煎龍利配帶子飯」。這飯的主角煎龍利挺不錯，夠大件，夠熱，也夠香。魚肉雖經煎過，不算嫩滑，可還及格，味道雖稍鹹了點，問題並不太大，魚皮更是甚為香脆。至於那煎帶子，只得一小粒，無非聊備一格而已，作用不大。不知多久沒喝過經典的港式飲品「好立克」了，餐飲叫來一杯熱的，甜人甜了些，可是溫暖無比，讓我不禁想起兒時冬日喝這飲品時感受到的無比溫暖、甜蜜。這頓午餐，很港式啊！

平時Lunch都係外賣自取，真係少左堂食，不過太耐無堂食都係會心郁郁想坐低食不過想快D食完，所以先嗌左一碟<美極生炒牛肉飯>成碟飯分量十足，牛肉嘅量都多，飯粒分明，唯獨油嘅分量落多左少少姐，唔係都唔錯

服務態度 及食物質素時好時壞，但價錢絕對合理。有時去食既時候的確吾錯，有時又好差。呢個正正就是香港茶餐廳特色！早餐主打來來去個幾味，早餐我推介：沙牛面，肉多味香，汁入面，啖啖沙牛味，令人一試再試。在防疫安排方面亦犯下大錯，居然安排吾識既人面對面坐，老實講，每一啖都好冇安全感，由其相方同時進食，試想像畫面，由如口水交流戰。有待改善！現在疫情雖然緩和，但不可掉以輕心。此茶餐廳，必定是大眾所愛的其中一，經常客滿常座，正因如此防疫要好好把關。如果有人中招，關閉十四日就吾好啦。一旦發生，市民既選擇又少了一個。無疑係市民既損失。

芝士炒蛋魚柳包伴薯皇+凍檸茶紅茶冰室的凍檸茶果然名不虛傳,每次去親都必定會點黎飲,我仲會叫走甜,因為甘先試到佢原味道😋 今日再試味道依舊,沒有退步 認真抵讚正另一推薦就係佢的芝士炒蛋魚柳包, 炒蛋除左滑之外真係好香蛋味,仲食到芝士溶落去蛋到兩隻味好香好夾又唔太肥膩 👍另外當然唔少得另一主角薯角啦,薯角的外層好脆,薯肉又多再沾上茄汁真係唔錯! 成個餐的份量絕對可以當Lunch份量,價錢又合理食完好滿足😋

佐敦食午餐唔係太多選擇，紅茶係我地比較常幫襯既一間，等位時間短，食物種類多，價錢合理係佢最大既吸引力。今日叫左個常餐豬扒通粉配多士同炒蛋，塊豬扒好大塊，就咁食完塊豬扒其實都已經飽左一半，通粉個湯係好濃郁既豬骨湯，好夠味。不過個人覺得塊豬扒另上可能會更加好，因為煎完都幾油下，浸左係碗粉到搞到Ｄ湯底都油埋。炒蛋有好香既蛋黃味，而且有少少流心，火喉控制得唔錯。朋友叫左午市套餐蒜蓉雜扒配薯菜，雜扒係牛＋豬扒，薯菜係焗薯，Ｄ扒好大塊，成碟野勁大碟，賣相同味道都唔錯，都幾驚喜！焗薯都好好食，不過女仔食的話應該會食唔晒。跟餐有餐湯同野飲，咁豐富既午餐連埋野飲先＄５０，仲要唔洗加１。野飲方面叫左係出面比較少見既熱杏霜，跟餐唔洗加錢，佢沖得都幾杰，睇得出落左好多杏仁粉，飲落同出面Ｄ中式糖水鋪賣開既二三十蚊杏仁茶差唔多味，非常推介。