紅茶冰室

Open Now

Now Closed

依家安心出行一係qr code 一係填紙。 去到見佢地放左紙係門口面包櫃上面， 入去問收銀可唔可以填左先， 諗住一路慢慢寫一路等咁有位可以快d入去。 因為得我一個等緊。 點知坐門口既收銀同你講我唔知，叫你出去等。我再問一次， 佢都係話唔知，叫你出去出面等人黎安排。 一係得一係唔得，咩叫唔知？ 坐門口可以唔知？ 已經嬲嬲地。 呢個時候有個侍應行黎又係話冇位係咁叫我出番去。 我再問一次係咪可以填住等， 佢都係叫我出去門口等，好似我想冇位都衝入去坐咁。 完全冇答過我，更加唔使指意佢會話你聽點解我排第一唔可以拎紙寫。 如果你要寫exactly 入去果一分鐘既時間咁你可以講，而唔係不停趕我出去囉。 真係火都黎。 既然不停比人趕走咁冇理由仲要食佢， 旺角咁多野食冇必要去受佢氣。最後走左，完全唔想幫襯。

同朋友喺旺角行吓街又掛住紅茶嘅西多士呀，今次決定寫個食評推介俾大家👍🏻👍🏻👍🏻世界級凍鴛鴦🥤😋超值下午茶 1.邪惡芝士流心西多士🍞🧈🧀 $35呢個西多士真係超超超超好味😋外脆內軟，麵包仲要好鬆軟，唔會太厚，亦唔會太硬😘大大塊牛油喺面，預先已經有糖漿，所有嘢融化一齊嘅時候超好味😋仲要佢真係真材實料㗎！麵包中間有一塊大大厚芝士，唔係普通薄芝士，$1超大超厚嘅同西多士差唔多size嘅芝士😋CheeseToast🧀🥳咬落去真係好味到暈啦😍😍😍2.凍鴛鴦🥤我個人認為紅茶茶餐廳凍鴛鴦係香港最好飲嘅鴛鴦？咖啡同埋奶茶嘅比例10分好，唔會太苦亦唔會太甜，好濃厚嘅奶味👍🏻🥤大家真係要試吓杯凍鴛鴦😢🥳絕對會因為佢杯凍鴛鴦成日嚟食下午茶！Hong Kong local restaurant 📸️✌🏻

今朝同朋友一早行完天光墟睇魚買魚之後，就諗住一齊再去魚街食埋早餐先攞啲魚返屋企安頓，經過紅茶見到啲人啲早餐好豐富就入左去叫早餐， 小弟本身對沙嗲牛肉好有興趣，所以諗都唔諗就叫左個早餐B，沙嗲牛肉麵，仲有加左牛奶黎炒嘅炒蛋同牛油厚多士！勁好味！🤤🤤

紅茶都是我和朋友喜歡來食下午茶的好地方，雖然要排下隊，但都會等下的。朋友最愛點菠蘿油奶茶，而我就會試下不同的餐點。有試過瑞士雞翼、豬扒包、菠蘿油、芝士蛋菠蘿包，當然我至愛就是冬陰功肥牛米線有配包及炒蛋。這個餐夠曬飽之餘，我很喜歡冬陰功湯配合肥牛的感覺！很惹味！又不會太辣，米線和湯底亦很夾。我很喜歡它加很多菇類在米線上！增加了不同的口感。不好意思、我又掛住食忘了影相先！而奶茶亦是我不二之選！如果喜歡紅豆冰的朋友可以點菠蘿油餐，是不用加錢的！

晚上6時禁堂食，上次趕得切5點入去食下午茶。 人數 雙數就會易搵位啲，因為上次好多人排隊。 而因堂食禁令，下午5點半已經截單，唔再比人walk in 堂食了。 呢樣做得幾好，唔洗等啲食客食到趕頭趕命。可能因為人多既問題，不斷有人走入黎問仲有無堂食，服務員既態度就愈黎愈差疫情下大家互相體諒啦我叫左下午茶既肉醬意粉🍝，價錢合理包埋野飲。涷飲+$2肉醬意粉有驚喜，肉醬同意粉既比例岩岩好，唔會出現食到尾無哂肉醬。 肉醬惹味。份量仲好足，食完飽哂下午茶 值得推薦

我每次去吃早餐都覺得味道不錯，但見到呢間有個女伙計態度好有問題，尤其是說話尖酸，親眼見證有幾個客人現場大聲罵她，我本身不是攪到我，我當旁觀者，點知我最近去吃早餐，排隊入去時己测體溫，然後她眼不見就要求我去測温機測，我説已經刚才测了，她不信，要求我起身再測，我強調有，可以去問收銀姐姐或看天眼，講真你間餐廳都不是合防疫規格，至少每張枱沒有1.5米，但她態度及說話單單打打，我即塲不想同她理論，浪費我的時間，所以奉勸各位，入得去預左受佢氣

呢間紅茶冰室食過好幾次，一向多人。排隊等位之餘，仲要人齊先入得。兩點鐘嚟到未到下午茶時段，本身唔太餓，所以只點了個輕食芝士魚柳漢堡配薯皇。本身諗住三十幾蚊份量一定好細。點知原來漢堡size咁大，同咁足料，有芝士、生菜、蕃茄，炒蛋加魚柳。炒蛋好食好滑溜，不過魚柳肉質好淋，咬落一劈劈，呢到要扣好多分。薯皇都頗油膩，唔乾身。不過勝在夠熱，而且厚切，食落有口感。整體味道都可接受，不過下次再黎都係据返扒算😆。

習慣吃早餐煎蛋或炒蛋會添茄汁，未試茶餐廳問攞茄汁要加錢，夥計説是老闆規定，今時今日沒有自由行，當香港食客是水魚的經營方法真是無語！很看不過眼他們的經營方法，我永不會再光顧了！

今日唔係第一次去食依間紅茶，對依間野本身感覺都唔係好好，今次之後唔會再幫親。食個早餐食到乞衣一樣，首先我係一個人去食，本身都諗過搭枱問題，因為之前嚟過依間紅茶知道有單座卡位，多數都可以一個人坐。好喇落到下層無晒單座卡位，啲好無禮貌既阿姐侍應叫有位就坐，坐好左叫落單就「火都嚟」，兩個阿姐行嚟行去好忙咁當我透明叫多幾次就大大聲話係，我話要c餐，佢就問我要咩餐，我再表明要c餐佢先話賣晒，我唔知佢係耳聾定無心聽人講野！之後無禮貌既阿姐又叫一個女食客過嚟我張枱「搭枱」，我同個位女食客表明唔想搭枱，我就走開左之後，無禮貌既侍應阿姐又叫我自己搵單人卡位，根本就無枱，我話無枱就幫我取消張單，因為我寧願唔食。佢地有無良心去諗下依家疫情又開始爆第四波，只為$開眼既餐廳，祝佢好運，等開番關大陸人嚟幫親佢！

因為要去金魚街，10點半想等位食個早餐，張張卡座都坐兩位，點解我要搭枱，唔搭就要等，但有枱竟然先比我後面的三位客人，我要繼續排，咩道理？？問佢根本唔想理我，唔著火就奇怪！因為想食吞拿魚飽，所以都有等，坐底咗彼此有梗有幾句來往，佢話叫我咪嚟食，唔知仲以為佢係老闆，當然唔係，佢竟然叫我做咗老闆至嚟炒佢！💩💩💩打開門做生意，雖然係一佰幾十既幫襯，但唔係咁，食過咁多間紅茶，都冇試過咁既對待😡 又唔係方圓百里得你一間通菜街😒

假日真係唔好去，態度更差買個早餐都俾人串仲好惡人既醜惡真係有樣睇個阿姐仲好似冇帶口罩我話個炒蛋分開上之後佢話加兩蚊我話冇問題咁佢話不如多士袋開唔洗加錢我話好其實我想個炒蛋分開佢好串咁炒蛋搵個紙袋袋住佢我話唔洗睇落係小事但佢個語氣真係好惡同串我冇串你，你串我真係有點那過

近來行街行到倦都係入呢間坐，因為近信和睇完買完玩具好自然就搵個地方落腳食下午茶☕️拆野玩，上次泥叫左個炸比薯條都正常好味啦，今次試其他野食先，但真係唔捨得唔叫炸比...但最後都叫左個「芝士炒蛋魚柳包配薯皇」。一聽到個名都邪惡，其實呢件真係羅你命3千，張所有好味既野集於一身問你死未！（但其實佢就係似食緊魚柳炒蛋）不過雖然佢係好味😋但我下次都係會食番炸比。美味雞係最好食既😀最後送上港式凍奶茶一杯，休息下再戰！

因為疫情已經有一段時間冇出去食嘢，今日同幾位同事一齊出去食個靚lunch，見到都原來唔少人，今日午餐有西冷牛扒🥰塊扒都幾大塊，成個手板咁大，肉味夠重👍食完之後唔夠喉，再買多咗個蛋撻返公司食🤤蛋撻一如既往嘅有水準，為下午工作充電❤️

那天相約朋友在公司附近的連鎖冰室紅茶一起吃早餐食客不算太多，很快就可以入座了~😎😎😎冰室裝修以紅白色為主調牆上由多組不同的英文詞語作裝飾如: Tea makes everything better頗有特色~~😚😚😚餐枱大部分以卡位為主，頗寬敞舒適~~💕唯由於疫情關係枱與枱之間都有板子阻隔著~~😶😶😶早餐有6款可選~~~~🤗鮮味仿鮑魚絲火腿通 + 煎蛋 + 餐包 ($35)🎈鮮味仿鮑魚絲火腿通仿鮑魚絲有嚼勁~~通粉湯底不會太清淡，配料份量足~~👍🎈煎蛋 + 餐包餐包是店家自製的，熱哄哄，且非常鬆軟~~🥖兩顆煎蛋是太陽蛋，生蛋黃用來沾餐包吃一流~🤗招牌沙嗲牛肉通 + 牛乳炒蛋 + 厚多士($35)🎈招牌沙嗲牛肉通🐮麵餐本來是配以公仔麵，但可以轉麵底另沙嗲牛肉的份量不少，肉質頗嫩沙嗲汁香濃，配以通心粉，連湯汁吃，很好吃~🤤🎈牛乳炒蛋 + 厚多士牛油厚多士半片，微溫，淡淡牛油香~~🍞炒蛋是由北海道牛乳弄的，香滑軟綿~~🍳熱奶茶 (跟餐)茶味香濃，不錯不錯，好喝~~☕早上喝一杯熱奶茶才上班，正~~~💕💕💕最特別一點是餐廳會有中央廣播通知食客那一款麵包新鮮出爐~~~🍞🥖🥐以便食客加點，或是購買外帶

要求掉位因為坐在落單機隔離，半個身位都冇，d 亞姐成曰企埋嚟，d 抹枱毛巾水滴到我的食物，對唔住都冇聲，又冇膠片分隔，明明有空枱，又話要問大佬和帶位，問其他阿姐轉枱，根本冇人理，冇人跟進，十問久唔應，之後都忍不住，自行轉枱, 食完都快走，以後唔會幫襯，話之食物有幾好食，一肚氣。服務亞姐以為自己大曬，劣劣劣劣，宜家咁嘅時勢仲懶高姿態，睇吓可以做得幾耐，服務差係其中治命傷，香港人可以有好多選擇，祝佢地好運。