紅茶冰室

Open Now

Now Closed

好耐之前食過一次, 覺得都幾好食, 今晚經過咁啱有位唔使排隊, 就入佐去, 安排佐卡位俾我地坐, 但超熱, 好似開佐暖氣咁. 欣賞佢地有是日晚餐揀, 幾好唔使諗食咩.餐包入面有少少牛油, 一個紅湯, 一個中湯, 紅湯好飲啲, 中湯好鹹.雞扒鰻魚薯菜, 雞扒大大舊, 但味道麻麻, 鰻魚都幾好味, 薯仔麻麻地.紅豆冰唔錯, 係太甜.

很有水準的冰室，其實是很地道的港式茶餐廳，食品種類繁多，中西港兼備，價錢公道，個人覺得是近年難得有高水準的茶餐廳。服務有效率有求必應，唯一不足之處是冷氣不夠涼快。

送完阿女返學，搵早餐食，試下紅茶叫左個沙嗲牛肉麵，配左丹麥酥同滑蛋首先個沙嗲牛肉麵，麵唔會太淋，食落爽口，牛肉都算滑另外個蛋好滑，丹麥酥外脆內軟，食到多層口感👍🏻好唔錯既早餐😋

Lunch叫左個咖喱牛腩，本身牛腩數量已經唔多得3-4嚿細其他都係薯仔，仲要嚿嚿都係柴過乾柴，完全咬唔到吞唔到，聽到隔離枱都食到吊哂鬼。你d牛腩唔得就咪賣啦，定係拍板呢條友收左著x？有批靚牛肉賣？真係差到極點，做起左開始賺黑心錢？

睇戲前見冇人排隊就入去食，以前食過一次，預左要搭枱，同好迫好嘈。不過雞蛋三文治附送咁大塊蛋殼就真係過份D囉！！！不過佢菠蘿油同杯凍咖啡係唔差既唔知真係以為落左澳牛，想我極速落單。。。俾多少少時間諗下都得掛

黎到荃灣想食個快飯，所以去食紅茶，星期日晚上6點幾黎到唔洗等位直入。叫左個精選晚餐$78包左個餐包，正正常常，不過太少牛油🥲湯有三款可以揀，紅湯、白湯同中式湯紅湯都正正常常，幾好！個餐勁快黎到，但係個蝦球估唔到係咁（比想像中細舊），同埋塊雞扒同意粉都唔熱，汁都比較少，覺得個餐麻麻地。建議大家都係食反其他野好過🤣🤣另外叫左個楊州炒飯$63，個飯即刻炒，熱辣辣，同埋有好多粒蝦，好食😋飲品叫左凍奶茶，大大杯又夠凍，奶味比較多（本人鐘意飲奶重），所以覺得幾好！最後建議大家唔好叫精選晚餐，覺得佢一早整定哂，所以唔會熱辣辣。叫反d炒野同焗飯會好好多（之前都成日食佢地既焗飯都覺唔錯）。服務方面員工做野手腳幾快同埋都有禮貌🙂🙂

本人今日到紅茶（太子分店）午餐，点了一個肉絲炒麵和一杯熱鴛鴦。我對紅茶食品品貭一向有信心，麵炒得非常鬆脆好食，杯鴛鴦亦好有水準，咖啡同奶茶比例恰到好處，好好饮。但講到待應招呼，要用非常超級極差來形容。話說當碟麵送埋我檯時，我禮貌問送麵的待應有無醋同辣醬，當時一位短髮圓面肤色偏黑的女待應大聲並勞氣回答：醋？無醋架喎，隨後佢從我背後靈空拋丟两包辣醬在我檯面。我真想問，這是呢間紅茶冰室連鎖店培訓店員招呼客人都態度？客多得制，要趕客？本人時有到大圍，尖沙咀光顧紅茶冰室，招呼雖然不至好好，但應有基本的態度都是滿意的。但呢間（紅茶太子店）態度實極差，在進食時又聽到另一位待應由左呼叫到右，呼喝客人說：唔係呢張檯呀，果張檯呀，20號果張檯呀！我真係唔明白点解個待應唔引領個客埋去20號檯，而是喝個客過去！莫非這樣的趕客招呼就是呢間紅茶冰室的特式色？本是一間廚師掂，食品有質素，環境亦唔错的茶餐廳。但招呼差。簡值浪費了廚師辛苦和老板的投資。

晚上930前入座，男侍應話1000 close (OR 登係1100 close)，所以930最後落單。我地話ok。點知連餐牌都未睇，已經有個女侍應行埋嚟，係咁篤枝筆，同我地講快啲落單，即刻落單。老人家話食晚餐，女侍應話淨得燒汁，老人家聽吾清楚再問多句，呢位侍應即黑面兼不耐煩再答。跟住再篤筆再講: 快啲，要截單，係咁架喇其實已想拍枱走，不過因有老人家有細路費事同佢嘈。結果讓步餐牌都吾睇，全部叫晚餐。轉頭嚟左餐包，又有個收銀埋黎摧理單，好冇禮貌咁抛張單喺枱，話要埋單，轉頭就走左去。過左一陣返黎用好冇禮貌既語氣話要埋單喎，即刻埋，個個都係咁架啦。反到收銀櫃仲要手指指我哋張枱，老人家突然起身出去鬧佢，即時嚇親，未見過老人家咁勞氣。男侍應調停話對吾住，呢餐吾收錢。咁既情況，吾收錢都吾食啦。都怪我吾睇清楚其他食客留言，原來呢間野服務態度差出哂名。真係失覺哂! 茶餐廳選擇咁多，奉勸大家吾想受氣就咪試。

岩岩去紅茶拎外賣自取一入去已經見到收銀的兩件月巴坐喺收銀度傾偈 同你地講攞外賣，講咗兩次先至聽到我講嘢 ，你啲員工真心西！👎🏻👎🏻👎🏻👎🏻👎🏻👎🏻👎🏻

屋企附近有d口痕，想食下午茶🫖，諗緊紅茶☕️同三多二㨂一，最後揀咗紅茶☕️。下午茶🫖時間唔多人，其他時段要排隊難得坐到卡位，試過繁忙時間真係塞6個單身男人入6人枱，好逼未入嚟前已揀好招牌芝士流心西多士（$38）配熱鴛鴦招牌芝士流心西多士，好多牛油🧈同糖漿，兩塊麵包🥯中間夾咗流心芝士🧀好邪惡😈食咗呢份餐真係唔想食晚飯🥣，我仲叫咗「大火」，上次有個阿姐唔知🤔咩係大火，要我解釋熱鴛鴦有d苦，要落包糖性價比高，推

第一次寫食評。放工心思思想食芝士焗飯，第一次幫襯紅茶冰室。平日晚餐時段幾乎滿座，好彩唔使等位，一入門口就有人招呼及入座。繁忙時間六人枱都只係坐兩組客人，所以唔會坐得太迫，侍應仲貼心地提我可以將隨身物品放喺對面張凳。叫咗芝士魚柳焗飯，即叫即整，落單嗰陣侍應已經講咗要等15分鐘，食物上枱嗰陣係熱辣辣嘅，食到最後一啖都仲出緊煙整體來講食物質素OK，侍應服務態度都好正常，同埋做嘢好快手，坐門口收銀嘅員工都係有禮貌嘅，價錢合理，貫徹茶記嘅特色：快、靚、正，值得再encore。P.S. 缺點係廁所衛生一般。

餐廳當中紅茶一定是我不二之選，差不多各區的紅茶也有品嚐過，而荃灣呢間則是第一次。今晚因為要去睇毒舌，趕時間的我，就挑選當晚的精選晚餐-板燒牛肉骨，相信必定最快最正。怎料一進入餐廳，同事服務的態度已經很差，大聲呼喝就坐位置，下單時黑面且沒有尾音。本人點的板燒牛肉，牛肉骨是血淋淋的，但又燒燶了，而意粉份量好大碟，但整份餐是冷的沒有溫度。而先生則點了炒豬扒公仔麵🍜，它的豬扒又是烤燶了且又薄又乾，炒公仔麵則正常，但溫度偏凍，總言之知，這間紅茶質素較差。

無論午餐、常餐都越做越差 面唔夠熟 湯又少 午餐選擇又少 份量少 今次叫左常餐 先講炒蛋 凍嘅！同伙計反映態度又差 客多都要保證食物品質 餐包比較硬 公仔麵唔夠熟 唯一正常就係飲品 、 出晒名態度差 只收現金 新年期間收加二無問題但係要先同客人講明或貼出提示 叫完野出單先知加二 食物等成20分鐘都唔出 所以凍左唔出奇 但係反映後等得仲耐 、下次都係諗下先再去 Hope the restaurant can improve their food quality esp 3 out of 4 food delivered are not warm and waiting time was too long

久不久中午時間幫襯，搭枱都好正常，但個餐飲一路未上咪再等下，咁忙丫嘛。但後尾來搭枱既都上埋咪追下侍應囉，應該忙到漏左啦，舉手見到侍應望過嚟，隔兩三張枱遠，完全無意慾行埋嚟，咁我咪拎起張單示意跟下，佢完全無回應無行入廚房直接擰轉頭做其他野，咁應該係好忙啦，點知轉頭重要聽到果位侍應話，啲人啞架，xxxyyzzz….哇！咩事呀你隔咁遠又人多要我咆哮大聲講你地漏野去跟下啦，咁樣咩？嬲到丫，本身附近打工仔食餐飯姐，真係以後唔會再幫襯。分享完畢

貴店侍應服務態度極差極度不負責任！在臨近last order 晚上時段到貴店用餐，用餐後結帳漏了條頸巾在貴店坐位上，離開貴店不足五分鐘，本想回來取回頸巾，但回到店後發現坐位上已經沒有了頸巾，當時即時向貴店職員查詢會不會有發現或者收起咗保管，只見貴店職員用愛理不理的態度及眼神閃縮的神態直接回答「冇見過！」，繼續自己的店舖收尾流程，貴店侍應服務態度極差極度不負責任，當時本人回來後其實發現客人已經全部離開，不會是有其他客人取走，所以肯定在貴店內，請問當時會不會可以幫手向店同事問一句有冇發現過，或者會不會已經在貴店職員執枱時一齊清理走，相信貴店可以有更好的處理方式，而不是不問不理直接回應冇「冇見過！」，結帳後不是就不用理會客人，這樣叫客人如何再有信心回來貴店用餐。