紅茶冰室

Open Now

Now Closed

夜晚想食平平地，所以去左冰室開餐，紅茶冰室一向都係性價比高既冰室。今次就叫左個扒餐黎据下。首先個套餐有餐湯，紅湯白湯中湯，我就選擇左白湯，唔錯的夠creamy，配合埋個餐包，其實食完呢兩樣都已經半飽😂。之後來到主菜，据扒。塊扒既都好大塊，其實唔怕唔夠食，同埋質素比一般凍肉舖好，唔會話整到好「鞋」，我就選擇左配合意粉，意粉就比較淡味，而且蕃茄醬都唔夠，所以呢度要扣下分，最後加多杯凍檸茶，成個餐就CP值Very Good。

我錯了，係我唔啱，下午三點經過見唔使排隊便入內用餐，打擾正在聊天嘅尊貴的接待師要接待我入座。我錯了，明明下午茶時段，我又去叫正價嘅豬扒旦餐，干擾咗廚師嘅運作，所以豬扒凍嘅、通粉湯係微微温的、旦係凍的。我錯了，見到麵包師高聲叫吞拿魚包出爐， 一個人食個餐咪好囉，衰貪心，舉手同接待師講唔該想加個吞拿魚包，佢用眼神望一望我然後去電腦枱按掣，我等了差不多十分鐘，再次舉手問接待師，我剛才叫了吞拿魚包未到，再等了幾分鐘才送上，原來他們關心我，擔心一出爐食麵包會熱氣，攞了一個全不熱的吞拿魚包俾，真多謝了。我錯了，你們辛苦為我送上食物，我冇雙手接，麻煩咗你地每次離遠近似將食物飛埋將枱上，真是我錯了。千錯萬錯都係我錯，下次我唔敢入嚟打擾你哋了。

見下午茶時間，於是去tea 一tea 先😀😀好想食炸髀同沙律。。於是就去食～如果食炸髀的話。。大概等20 mins..應該佢地即時炸～ .豬扒包配薯角 $43 另外凍飲+$3 😋好味度：⭐️⭐️⭐️個包都幾硬，加上有骨豬扒始終食果陣都好唔方便😂😂無咩醬。。所以好dry 成個包食落🙈🙈.炸髀配沙律 $43 另外凍飲+$3 👍好味度：⭐️⭐️⭐️⭐️皮好香脆，肉都好juicy 同嫩滑👍👍而且都好入味。。😀👍

見外面有人排隊 ， 本著試一試 心態 ， 點知出事 。..............................可以不用再去 ， 免受氣。..............................又嘥錢， 員工問非所答，答非所問。 ..............................按照這價錢，食物質素及分量 一般。 ..............................附近選擇很多， 中餐，西餐，日式， 泰式， 下次不會 選擇 再去。

價錢加左，份量縮水，質量開始下滑。以前廚房出既嘅份量都好平均，近幾個月就好求其，同一個餐既份量可以相差一倍，明顯係求其出餐，我個餐件牛扒同坐對面位客人對比明顯細，我嗰份係我食過出面餐廳最細份嘅扒，我同侍應反映個侍應都知道唔對路。

👭🏻孖妹一家人去食晚餐，事關琴日食完大餐，今日要陪👨🏻去食最熟式既味道 - 港式茶餐廳我地叫左兩款套餐，每個餐都包哂牛油餐包、餐湯（可以揀中湯/西湯）、主菜、飲品🥢是日餐湯🥣💭係蓮藕湯，有好多湯渣例如蓮藕、紅蘿蔔🥕、豬肉等等💭味道偏重，同埋有味精👭🏻評分：🌕🌕🌑🌑🌑🥢牛油餐包🍞💭麵包好鬆軟, 牛油🧈就由廚房搽左下去💭飲啖湯食個包😂👭🏻評分：🌕🌕🌕🌕🌗🥢燒汁牛仔骨 💰78💭有3️⃣大塊，茶仔黎講算幾瘦而且好香油脂味🥓💭醬汁係標準茶仔螢光汁💭主食可以揀飯、意粉、薯菜，👭🏻孖妹揀左薯菜, 係焗薯上面淋左芝麻汁好開胃☺️對瘦身人士係個好選擇㊙️👭🏻評分：🌕🌕🌕🌕🌗🥢韓式醬牛柳 💰118💭有4️⃣舊大小不一既牛柳，牛味重夠淋身💭醬汁收得啱啱好唔乾，帶少甜味💭👭🏻覺得鹹既程度低返d會更好💭另有生菜🥬蕃茄🍅做沙律，解一解油膩感😇👭🏻評分：🌕🌕🌕🌕🌑❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ✍🏻總評：👭🏻推薦指數：⭐️⭐️⭐️⭐️🌟👭🏻回頭指數：🌸🌸🌸🌸💰人均消費：$50 - $100

有個好朋友出咗bonus，所以就帶佢食餐豐富嘅，順便可以一齊聚會傾吓計❤️就揀咗呢一間銅鑼灣嘅餐廳食嘢，一入到去呢度嘅氣氛環境好正，好舒適可以坐低慢慢咁傾偈真係幾好！我嗌咗一份咖喱牛腩飯意外地有啲驚喜，質地相當鮮嫩，肉方面好juicy，入味好香，必食推介💯

態度差！！！！午餐原先同同事三個人食，但未知個同事確定來否之後就話兩個人入坐食野先，之後同事再確定來，我們諗住加個餐具位，我們是坐四人坐位，所以隔離其實係有位，但服務員拒絕，態度仲好差話不可加人。你地二人入座就二人食。。。服務員吾識變通，可能疫情關係有錢也不想賺！！！

焗豬扒飯，豬扒梅梅地，有陣味～⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯星洲炒米，炒到d粉清晰食到咖喱粉嘅粉粒，食咗一半冇食～⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯乾炒牛河，啲牛臭既，我哋同埋前面嗰張枱都換左其他野食～⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯換咗咖喱吉列豬扒飯，還好，但係啲飯好乾，劣食～⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯不過真心講句，唯獨是炸雞髀係真係唔錯既～

茶餐廳內常見長龍，諗住排一陣試一試，點知轉幾個頭就入到去，坐在入面，看見外面的人，都係企一陣就入到嚟，客人快食快走快入，勁 ! 餐廳內裝修沒有特別華麗，可能因為樓底高，感覺寬敞舒適。可能因為多人，人流動率高，店員講嘢大聲，但係唔代表惡，反而爽快！叫了一個早餐F餐，魚柳超大塊，揸得啱啱好，有肉汁，沒有腥味，不會太乾，加上非一般長的法國腸，軟琳琳的炒蛋，在家非一般多士酥 ，超正 ！好食過人哋嘅 All day breakfast ! 友人叫了沙嗲牛肉公仔麵，煎雙蛋，加埋多士酥，一般茶餐廳早餐，卻異常好味。中間因為見到蛋撻出爐，多手叫了一個，熱辣辣的蛋撻翡翠餡靚，不得了，推介！

紅茶冰室喺好多地方都有分店 淨係荃灣區都有兩間😎 想輕鬆食個下午茶亦都係一個唔錯嘅選擇嚟㗎 之前食過晏晝覺得食物質素唔錯㗎😺店舖門口有出爐麵包可以選擇 又有蛋撻之類嘅食物 真係有好多港式經典啊🤭冰火脆皮菠蘿油我覺得最好食係呢碟😋 雖然只係簡單嘅菠蘿包再配一片牛油🧈 但係菠蘿包非常軟熟啱啱出爐熱辣辣 再用到切開菠蘿包 放入呢片厚厚嘅牛油 真係滿口幸福嘅感覺🥰 雖然係好邪惡啊 但係非常推介 呢個冰火菠蘿油仲配紅豆冰㗎🥤脆炸雞髀伴薯皇價錢雖然唔算特別平 但係呢度嘅食物真係有一定嘅保證 雞髀炸到外脆內軟 再配埋喺外面少有嘅薯皇真係好開心🍗脆炸雞翼伴薯皇呢碟同雞髀有啲相似 只係雞髀轉咗兩隻雞全翼 鍾意吮骨嘅朋友應該會鍾意呢啲多啲🙈 我就覺得兩碟嘅食物質素都唔錯啦蛋撻呢碟係額外追加 一樣係新鮮出爐 係酥皮蛋撻嚟嘅 食完呢碟更加覺得呢度嘅麵包類食物都非常出色😌 如果大家唔係太肚餓又想簡單食個下午茶☕️ 真係好推介嚟呢度食個出爐麵包或者蛋撻啊

三點三下午茶，你今日食咗未？🥳⋯⋯上星期同妹妹行完街，行到累，搵地方食嘢醫肚。🤩我諗住去紅茶食，貪佢快靚正👍點知去到就好多人排隊，興趣大減，我就行咗一個圈，睇吓有咩好食！本來想食車仔麵，點知見到紅茶冇晒人龍，就走去排隊啦！入到去坐底點完餐後，10分鐘左右就上餐啦😋😋😋🟡酥皮蛋撻+熱菜蜜-酥皮：雖然不是層次分明，但焗得好金黃。撻邊有點厚不過撻底都好薄，質感鬆化輕巧，不油膩👍-蛋心：蛋漿份量超足，好嫩滑，有啲似布丁質地，不過蛋香未夠突出。❤️豬扒包+炸薯皇+熱阿華田個包好軟熟，豬扒醃🉐️好夠味，不過就有啲薄，我之前喺旺角食，好厚又大塊！😎炸薯皇，外脆內軟，口感好正，仲食到有種香味，原來加左香葉落去一齊炸，唔怪之得咁好食啦👍👍👍👍🔥華田，甜度適中，都几滑，可能太耐冇飲，覺得好好飲😄

上上個星期日突然想食紅茶個丹麥酥所以打電話叫早餐外賣先生提我要問下有無丹麥酥先好落單，因為上次佢叫左但俾左普通多士，職員無同佢講無貨就咁轉左一接通，我問左有，職員仲話有丹麥酥好耐啦Ok, 開始落單…我：早餐沙嗲牛轉米粉，轉煎蛋，飲熱檸水職員：ok, 一個b餐，轉米粉煎蛋，熱檸水，就咁？我：仲要多個b餐，都係米粉，但要炒蛋，飲熱奶茶 （之前睇左餐牌，知道b餐=沙嗲牛麵+炒蛋+丹麥酥+飲品）職員：（覆單）2個b餐… blah blah blah (所有內容一樣），外賣49號-去到，已經拎得，但出錯單，變左一個A餐一個B餐，但其他轉既野，飲野一模一樣收銀員：我覆左單係一個A一個B餐我：但你地覆我2個B餐架喎…跟住佢示意下一位俾錢當時仲有一個職員企旁邊，無理過我我對下單時間，其他落單內容一樣除左個A同B餐，我只想食B餐咋…我走番埋去再同佢講，先話轉既話要等，心諗：擺明你落錯單又唔認，唔通次次買外賣錄音咩…最後想講，食物質素下降左，尤其係個丹麥酥態度方面…

今天為大家介紹一間快餐，平常在午膳時間，這間餐廳必定大排長龍。這是我跟朋友一起排隊時試試，誰不知只需5至10分鐘的等候時間，便能進入餐廳。午餐有三個，我選了其中一個西冷牛扒配提子汁，小編選了配薯菜，當這個餐來到的時候才驚覺是焗薯而不是薯條，真的驚喜。相信這間餐廳不少人都吃過，不過小編一直懶得排隊所以從未吃過，今天感覺還好，在吃牛扒前，已有餐湯，不過不失吧，紅湯菜料較多。牛扒不過落過多鬆肉粉，提子汁其是普通燒汁加提子乾，想不到效果挺好。除此以外，焗薯有少許忌廉，整體焗薯仔夠腍及軟，容易入口。

今日開始疫情嚴重 食食下早餐 突然沒有詢問下被職員安排一個陌生人座在我對面 中間完全沒有膠板隔離 想找職員反映 但職員完全扮聽不到 只好被逼即時埋單 埋單時問及職員說他們4人枱就是這樣 我說至少都要詢問一下食客意願 4人桌是一入去我就被吩咐座下 完全沒有提及過要跟人同桌 職員表現好像是理所當然 不知道是否想趕客離開 這是第一間荃灣紅茶分店令另我最不有好感 有感他們衛生防疫意識很差 我只座食了15分鐘都迫著離開 今日評語是希望店長意識到問題 請尊重每一位食客 令食客食得安心放心