紅茶冰室

Open Now

Now Closed

呢個品牌一直都有幫襯，特別係油麻地呢間之前已經嚟過多次午餐，呢間餐廳比我嘅體驗就係好多客人，夏天要喺門口排隊熱到非常，而呢度嘅侍應生，態度服務吸引一種非常差的體驗，雖然身為香港人都明白香港嘅茶餐廳文化。今天兩人過來食下午茶，落單後竟然姐姐同我講，餐廳要有每人最低消費，才可以落單，如果唔係就不可以喺度食嘢，呢啲就係香港餐飲業嘅奇怪現象，自取滅亡式的商業手法，難怪香港人不留港消費，是你們商家咎由自取。

午飯時間我點了一個梅菜肉餅，打算食下新鮮蔬菜所以選配薯菜，誰知上菜只有一個焗薯加梅菜肉餅，於是我馬上要求換一碟飯，女侍應一句回應：「落左檯，我唔會換」就走開，同行三人都十分愕然，我於是再次示意侍應並要求換飯，她拒絕要求，我懶得跟她費口水，要求見經理，女侍應黑面離開，過了大約5分鐘，女侍應突然從後丟下一碟飯後（發出頗大聲音）馬上離開，態度十分惡劣，咁嘅質素直接拉入黑名單啦😤

除左個菠蘿包，無乜值得排隊幾年前系荃灣紅茶食過，覺得真系中下茶餐廳貨色，而家間間仲要排隊，所以都幾年無食，今日行過油麻地，見到吾使排，咪又入去食下，點知道坐低都未叫野，外面已經開始排隊。吾值得排隊原因—裝修一般茶餐廳，—早餐餐單亦無特色，尤其是早餐無豬趴麵。—漏單，系伙計到處問客人有無人未來餐至知道—食物質數偏低，除了菠蘿包。沙爹牛肉麵餐($41)2分—沙爹味算幾好—牛肉分量亦算OK，系吾滑—麵底生的時候好硬，耐左就毫無彈力。—炒滑蛋比較多油，—咖啡正常—性價比中下沙爹牛肉米($41)2分—米粉吾滑，吾彈口，當然你可以話傳統米粉系咁，但個人比較喜歡新一代QQ的感覺。—其他同上—檸檬水正常菠蘿包($7)4分—切開都睇到個酥皮仲系一塊，吾會碎，同平時的菠蘿包吾同，各有特色。—$7分量夠曬大—————

之前睇真人實測邊間餐廳上餐快，紅茶冰室竟然快過澳牛！ 😯有時經過都會見到排長龍，不論堂食定買麵包。🍽️常餐（金寶豬扒湯通粉 配丹麥酥🥯、炒嫩蛋）丹麥酥無得輸，酥脆可口！炒嫩蛋正常發揮。通粉湯底特別濃稠好似加左cream/芝士落去咁。湯麵類上餐真係好快，其他就需要等一下。🧐🧐

油麻地好多茶餐廳食好野，今日入左去呢間 - 紅茶☕️餐廳環境：同一般茶餐廳冇乜分別，唔好有啲咩期望😂😂乾淨企理就已經好好👍🏻👍🏻👍🏻食物方面：我哋兩個人食，分別嗌咗一個芝士流心西多士、焗芝士腸仔肉醬意粉，同埋兩杯嘢飲。芝士流心西多士：平時食西多士食得多，多數都係牛油🧈但係今次呢個好特別喎🤩🤩🤩係紅茶既芝士流心西多士🤭🤭🤭勁香濃紅茶味，同西多士又幾夾👍🏻👍🏻👍🏻一切開就勁多醬流晒出嚟😎😎😎焗芝士腸仔肉醬意粉：呢個焗肉醬意粉就同普通茶餐廳嘅冇乜分別，不過勝在夠多芝士，食落好香口，而且份量都好多下，都算幾抵食👍🏻👍🏻👍🏻

9點去食晚餐豬扒餐，扒一半是肥膏，帶子凍，薯仔暖，餐包微暖，奶茶都好難飲@$81怪不難咁少人食，常餐沙嗲牛$56返而正正常常，懷疑廚房一早收工，只係微波爐返熱！

牛肉面很濃味，會較其他茶餐廳的味道更濃，面包不錯，有特色，很可口，未試過在其他茶餐廳吃到，炒蛋也是偏向濃味的，41元早餐價錢可接受，不設八達通付費，記得帶現金來埋單。

星期六下午茶時間,等佐5-10分鐘,三人入去,原先睇緊餐牌首先落住一個餐,女侍應態度十分十分不滿,立即再落一個餐,女侍應態度仍然不滿,要求我地點多一杯飲品,佢話係餐廳要求,每人要點一杯飲品.我睇見枱面,四周牆壁,餐牌都冇寫呢個字眼條文,如果有,我地未必入去,因為我地其實自己有自己水樽,有水,又食完即走,又唔係坐好耐,店主應該出番呢個條文規則,大家好,避免誤會. 食物味道只係一般,而家只不過係內地人幫手宣傳呢間店,全部其實對我來講都係一般

走入一間遊客區茶餐廳，食物質素果然係唔同啲，食到舔舔脷下午茶叫咗2個常餐，因為好好味，常餐$66都覺得值通粉湯底係金寶濃湯，唔係雞粉水，個湯基乎飲哂豬扒肉質又嫩軟，味道澀得剛好唔會死咸 多士係凡麥條唔係白麵包 奶茶香濃唔苦澀，成個餐不得了，好好味啊！實在太多國內或台灣嘅遊客去食，所以店員大多數會用普通話對應🥴 呢點我地要多多體諒體諒🥹 但服務唔差喎，全場爆滿都無催我地走。食過幾間，暫時我覺得油麻地呢間最出色。

一支公去搵位食午餐, 就算在旺角也不困難,原因是有時要與陌生人同桌共膳。油麻地紅茶冰室是我首次光顧,在沒有任何前設或特定期望下,享用午餐過程中又頗有意外驚喜。我選了黑椒洋葱豬扒配薯菜加熱㗎啡,豬扒約嫩滑,洋蔥黑椒与豬扒配搭可口, 薯菜是整個焗薯配沙律醬是驚喜

平日我冇寫食評，但今次幫襯嘅經驗極度惡劣忍唔住要上嚟寫!星期三晏晝十二點三左右諗住入去食個快嘅午餐，帶位嘅安排我搭枱，呢個冇問題反正繁忙時間預咗。點知一坐低有個女服務員一粒聲都唔出拎住個餐牌啪啪聲放喺我枱面乜都唔講，咁係咪個意思係叫我自己睇餐牌?!個餐牌爛容容都算，我其實係諗住睇下有冇午餐之類或同埋望下枱面上面塊玻璃攝住咗嗰個餐牌仲有啲乜嘢食，點知有個好惡嘅女侍應(應該係同一個人)即刻走埋嚟話未寫曬喺個餐牌度囉!我都嚇一嚇我心諗我係嚟食飯唔係嚟畀你個八婆話嘅!我望下枱面塊玻璃下面歺牌啲字都唔得咩?相反我見到佢招呼六七八個講國語嘅大陸旅客就非常之有耐性咁解釋個餐牌，仲推介佢食乜嘢!豈有此理!我知你哋係網紅店大把大陸人嚟打卡唔憂做，但係你咁對本地客，呢啲係乜嘢服務態度呀?仲有一樣，後來隔離幾張枱各自搭咗個單身男人，呢位阿姐都有同人講叫佢睇餐牌嗌嘢食，大家都係嗌嗰啲午餐常餐，都係幫襯咁上下咁多錢，點解個女侍應要走嚟咁惡對我?你咁唔鍾意做生意唔好做侍應啦!油麻地呢間分店永遠唔會再幫襯!你哋咁鍾意招呼大陸客，呼籲香港人就唔好去食呢間嘢!

見到小朋友唔想你入嚟， 又問你食幾多個餐先派個位俾你， 走嘅時候你個紙巾啱啱用完個袋放喺枱面叫你自己拎走簡直就係歧視帶小朋友嘅餐廳如果你連小朋友都有最低消費，請清楚列明或者唔招呼未成年孩子也可以。

紅茶冰室好似近排好hit開佐好多間分店有朋友來香港旅遊，專門話要來試試香港特色茶餐廳紅茶冰室真係好多人，好受歡迎我地梗係點佐最經典嘅餐啦，包括😄菠蘿油餐😄特餐（有奄列炒蛋多士）😄乾炒牛河😄黑松露炒蛋厚多士——呢個算係佢地特色啦，加佐黑松露上去。個味道層次就更加豐富啦。😄脆炸魚柳伴薯皇🥤嘢飲包括紅豆冰、咸檸碧、奶茶。點佐好多嘢，但係掛住食唔記得佐影相📸️三個人盛圍💰234蚊。朋友食得好開心，體驗幾好👍

下午要係附近考試，先食個lunch填下肚，一出地鐵站見到紅茶冰室，未食過試下。十二點左右幾乎坐滿。叫左個牛俐意粉。上餐都好快。個賣相真係。。。牛俐好騷，食左一塊就食唔落，意粉好多油。好彩考試冇肚痛。

坐低唔夠15分鐘行埋嚟，囉嗦嗦好似唔滿意你，冇一人叫一個餐，關你鬼事咩？啱啱先坐低慢慢叫都好正常，叫左個蛋撻同杯野飲，轉頭用勁差既態度問仲有冇野叫，似係想趕人走