紅茶冰室

Open Now

Now Closed

呢間舖頭個晚餐真係好抵食,就算分店嘅都係一樣,不過近呢幾個月某啲嘢質素好似差咗,就係杯凍奶茶(茶淡咗好多)同埋個湯(好咸),奶茶如果飲熱飲都仲好啲,如果凍飲完全唔好飲,唔知係咪換咗茶葉,不過為咗食佢晚餐其他嘢,我都照樣幫襯佢,但以前嘅佢,真係樣樣都好好食,就算係個餐包都好食嘅,唔知係咪換咗師傳,希望遲啲會改善啦🙏🏻其實我嚟呢間餐廳最主要係因為佢晚餐嗰個汁,我到而家都仲覺得好好食,個扒都好好食👍🏻不過我今次去食,佢個賣相就麻麻地,以前真係好靚好似人哋酒店咁樣,希望佢個湯同埋杯奶茶可以改善一下,咁我就食得咁開心啦🙏🏻

紅茶食品質素普遍還是可以接受，係我近年購喜歡光顧的餐廳連鎖 ，但碗碟的清潔處理，正在動搖我的選擇， 剛剛經過佐敦偉晴街吃個早餐，味道是可以的，但看到和摸到碟邊黏黏的感覺，有點不想繼續吃下去的狀況。希望管理層看到貼文盡快研究處理這問題。

次次經過都見到勁多人排隊，今次午餐嘅時間比較充裕，決定排一排隊試一試，雖然前邊有10幾個人，但係， 10分鐘左右就可以入餐廳食嘢，今次試食普通午餐，雞扒飯，正正常常，不過雞扒就非常大件，雞皮煎得10分脆香口，不過略嫌多油咗少少 🤏

一入門口 個阿姐 就 呼喝 要你坐 那個位 我坐了前一排位 個阿姐仲要過来比說話我听 話叫我坐个到又不坐 等等 最初我以為我自己有問题。之后有個男人入來 她又呼喝他坐那里 那男人去了另一邊 的阿姐 一起話那邊未開 叫他坐返過來。過一會 有個阿姐大聲話個男人 你霸曬張台 不是得你一個人坐架！ 我心想個時餐厅大把位點解要話人 。個男人即刻走 頭也不回。 講真一早大家都系想開開心心吃個早餐 開始新一天 點解要比錢受的阿姐氣。 個男人已經好好 一粒聲都不出 走 的阿姐仲不斷粗口鬧返人 。附近那么多餐室 態度好她们 食物都好過 我以後都不會再去！

服務差勁差勁😡😡😡比以前澳牛更差待應會鬧人架🤣🤣早餐牛面,D面預先淥好的,好淋。炒蛋多士 OK的奶茶温暖不熱叫野一分鐘不到已上齊🤣🤣🤣不會有下次😡😡😡

人人都話佢啲嘢好食 , 讚到天上有地下無 。 但係食過你就知食物方面就真係好一般 . 普普通通茶餐廳貨色 . 唔覺得有咩出神入化之處。 但係杯奶茶真係水準以下， 一般奶茶 先唔講佢好唔好飲， 應該做到又香又滑。 有時啲茶餐廳 奶太多令到杯茶冇曬茶味。 一杯奶茶唔好飲， 都可以入到口。 但紅茶的奶茶係完全入唔到口。 完全冇奶香味， 只有又苦又澀嘅茶味。 飲完條脷仲要係鞋口( 勁唔舒服) 。 唔知係佢哋茶膽有問題， 定還是啲茶煲完又煲 ，煲到啲苦澀味出曬嚟。

食午餐平靚正，緊係要食茶餐廳或者冰室啦，今次就推介紅茶冰室。呢間冰室既SET LUNCH價錢唔貴，都係$60-70，加埋凍飲料都係$3。而今次食既焗飯就係SET LUNCH黎，呢個芝士咖哩焗一口豬飯，咖哩味好重好香好味，而且芝士份量都好多，仲有拉芝添，一口豬既肉量都好足夠配送哂全部飯。仲有，叫左個星洲炒米，但係個炒米就比較辣，除左辣DD之外，其餘都好好，配料都份量都好足夠，而且成碟都好大碟，夠哂飽肚，最後，配返杯冰凍既凍奶茶，呢一個冰室午餐真係抵食。

/沙嗲牛/基本操作，跟餐送嘅奄列丹多好香好好食，蛋啱啱好，丹多好香，雖然係比較油。/醬燒牛柳/牛柳好好食！！！好好食呀好好食呀好好食呀！！！大推呀！要食要食！雖然118少貴但好味的！

入到去呼喝你一定要坐某座位、但其實入面好少人啫！呼呼喝喝你。仲叻過你老板！食嘢仲要比人呼喝！不了！近排好多新開茶餐廳、好多都唔錯！你估得你一間咩、睇你幾時執笠！

今朝早 同老婆 食早餐，諗住叫一個餐先，點知嗰個戴眼鏡嘅女人 超大聲講 捱埋先 如果正坐 有最低消費，當問佢有啲乜嘢餐可以揀～ 佢就話喺啲啦， 如果唔係 你一個餐 就一個人調位啦， 我話不如我哋諗下先啦 佢話唔好啦而家要叫埋 😰另到老婆唔高興咁走咗！ 嗰個女人 疑似 事頭婆 都對其他 服務員呼呼喝喝，我都明白 茶餐廳生意非常緊張 但同時今日極差嘅服務態度 真係令人 喘不過氣來 其實食個早餐 唔使咁興呀嘛 ～奉獻如果唔係 大食量 及 超快餐的話 請三思而後行🥴

前幾天去左紅茶食午餐，一如以往都係好多人，等左一陣位，因為時間關係，等唔到卡位就坐左中間既餐枱。最後同朋友都叫左午餐-煎雞把配意粉&薯菜，雞把夠大件香口，蒜蓉汁好濃厚，配焗薯同配菜椰菜食落無咁膩，配左杯奶茶，茶底香濃奶味剛好，整體味道不錯。

今天同個仔去食早餐，看到有小朋友，仲要安排左右有人的中島枱，明明有二人沙發位，就係唔俾。嘢食唔見得特別好食，就係順路而已。拒絕接受這樣的服務，唔食，走！呼籲各位捍衛自身權益，抵制不合理服務供應商！！

一個人日頭去，逼你要搭枱，覺得你一個人會浪費張枱，極度低端思維，第一你又知道我嘅消費一定會平過兩個人？第二，一個人用餐嘅時間點都會短過兩個人好多，第三，你側邊有好多吉枱，第四。你又知另一個人唔介意搭枱？第五，疫情期間，你有得盡量分開啲下就應該要分開啲客㗎喇，仲要完全唔爆場嘅情況下強迫搭枱，夜晚九點去，又係強迫你搭枱，個理由係其他吉枱已經清潔完，總之佢態度就係話緊畀你聽佢唔係好想做你生意囉，唔會再幫襯，平時lunch都會同啲同事幫襯旺角嗰間，以後全線封殺，你貪平請啲阿姐唔緊要呀，基本服務態度都要訓練下㗎。

The third day of Chinese New Year and we were hungry and tired. We decided to just sit down for some food and found Red Tea was open. We decided to give it a try as there was a number of people waiting to go in.Menu is English and Chinese. There is no 10% service charge but as it was Chinese New Year, they were charging 20%! They also did not have afternoon tea sets. Only a la carte and daily sets.Boyfriend decided to get the lunch set which included  either a Chinese or Western soup. This is th

紅茶價錢已經升級左，不過都明白人手同來貨都貴晒，而且比起其他名牌茶餐廳都仲算係抵食金寶豬扒湯通配嫩滑炒蛋，鮮油厚多士 $50湯底睇落靚仔香濃，豬扒大塊，醃得好，唔過鬆又唔乾柴，多士烘得金黃，飄來一陣牛油酥香炒蛋真係好滑好香，冇出水奶茶唔錯，茶味道未及一般茶記出品，但都已經足夠過下口癮芝士炒蛋吉列魚柳包伴薯重 $42佢擺碟已經好有打卡feel，另外又毫不掩飾啲餡料，證明佢嘅自信，餡料一眼已經睇到足料！豐富！對齊切半就可以再睇，真係好足料包亦有輕烘，微脆，魚柳就失色，因為魚柳係零。。。。薯皇亦做得好，希望下次再食會有更好質素