泰紅泰國美食 (Closed)

去食lunch，揀咗泰菜中最穩陣最大路嘅冬蔭功米，諗住佢係俾泰式rice noodles，佢竟然係襯雲南米線！味道完全唔夾，湯料仲有一兩舊蟹柳，令我唔知自己食緊車仔麵定譚仔，但車仔麵同譚仔又冇佢咁貴啦！仲有杯熱檸水得一片檸檬咁大把，人哋加落tap water嘅檸檬都多過佢。成間嘢又賣下叻沙，又賣下星廈，立立雜雜，唔係泰菜餐廳囉！最後我都冇食晒，D米線配冬蔭功底真係好奇怪，而且個湯底都唔好味。就算落咗一堆雪藏海鮮，都因為係雪藏的增添唔到香味，而且香料亦唔足，食完好口渴，我懷疑嗰D味來自味精。最後講下服務，服務都差，入到去冇人帶位要自己搵位。我明明得一個人坐，上菜個侍應都唔擺碗嘢喺我面前，而係pat喺長枱嘅一端，要我伸手R佢埋來。咁嘅服務唔值咁嘅價位仲要加埋一。總之呢間嘢我就唔會再去，想食泰菜寧願行多兩步去九龍城搵。

星期五happy Friday 出去食lunch，12:00lunch time ，去到新蒲崗mikiki揾野食，一行八個人，入左間red Thai 泰國野食，坐吾夠三分鐘已經俾人吹落單，睇都未睇完拉，服務已經麻麻地，座位又迫，熱飲好細杯，仲要系漏單添！到了結賬見到收左我地加一，明明餐牌寫lunch set系免加一，個服務生話個餐牌系其他分店攞錯了，仲糸態度非常差，系你地做錯野，一句sorry 都冇，一定冇下次光臨，知道系繁忙時段，但完全冇服務，仲要非常差！

無黎一排red thai,門口menu多左兩個肥佬，標榜泰國人主理，而且仲多左d 新菜式。menu 比以前貼心，有 mark 唔辣同辣既程度，啱晒唔食得辣既我。今次就試下新出既蠔仔滑蛋飯，食泰國野真係未試過食呢味。黎到個滑蛋消失左。。說好的滑蛋呢？？呢個擺明係炒蛋， 蠔仔幾多，不過其實就無咩味，基本上係蔥花炒蛋。由於個飯其實一d 汁都唔會有，所以食落真係好寡，所以唔好比蠔仔呢兩個字欺騙，咁就大拿拿$77蚊。佢個海鮮濕炒河係最好味，下次都係食番佢喇。最後會送番件荔枝味既jelly~~~叫做有番一點既安慰。

每次黎呢間餐廳食晏H先生都指定必食「辣椒肉碎飯」😎食到P小姐都估到曬一定叫😂首先個汁係極惹味 就咁食可能會濃味左😌但係撈埋飯一齊食 係一種享受😎🤓肉碎連埋青豆粒(澄清唔係三色豆嗰隻🤮)絕對係perfect match💑一樣比較入味 另一樣就清新啲可以平衡返💁🏻‍♂️💁🏻‍♀️仲有煎蛋呢個精萃🍳H先生原本order太陽蛋 想飯都有埋蛋漿雖然煎唔到但好彩蛋黃仍然係液態😍食曬成碟個感覺真係好滿足🤟🏼不過補充一句有時係幾辣 小心啦🥵

確罐蝦，我地係食野唔抹嘴嘅拉拉屎戰隊。呢幾日潮濕到好似春天咁，大家無咩胃口，所以就去咗附近食酸酸辣辣嘅泰菜……辣椒肉碎飯屎DUM(黑)戰士：味道正常，唔係特別好食，唔係難食，食品嘅選擇全部都係好安全，好難話唔好食，係咁多。有7/10。呀! 順帶一提，熱飲份量太少，一啖就飲完。屎女人(黃)戰士：個肉碎炒得夠「獲氣」，附送一隻煎蛋，賣相幾好睇。但略嫌太多豬油粒，食落有D膩。整體夠食，夠熱，帶有少少辣，都幾惹味。但杯熱飲份量真係太少，100ml 左右，完全唔夠。最後，餐廳送咗個啫喱，普通野。但我想講D 服務員態度認真麻麻地，無笑容，未食完已經想趕人走咁，感覺唔太好。整體有6/10分。泰式豬手飯屎橋青戰士：碟豬手夠多肉，又唔算好多皮，份量岩哂食肉獸，而且賣相OK。唯一失色嘅地方係汁太多，多到好似食湯飯。但就味道而言，唔差，食落有D 似鹵水汁。之於拉茶係好味，除咗比普通奶茶多層泡泡係面，個茶味更濃更滑。不過要加$10，值唔值就見人見智。整體都有7/10。馬拉盞炒米屎狗(白)戰士：炒米夠大碟，夠乾身，而且有4-5粒頗大粒嘅蝦。加$10 的拉茶係好味的，但太細杯。附送嘅甜品正常，無特別。整體有7.5

香港既餐廳真係好易見到有海南雞飯岩曬我呢d想食啖啖肉既人今次試左呢間泰國餐廳既午市海南雞飯佢地既海南雞飯冇得加錢轉脾 所以想食雞脾既朋友真係要睇運氣今次好好彩可以隨機食到雞上脾既雞件 雞件好滑 雞皮都唔算太厚 但有其中兩件雞既雞皮既去毛技術唔夠 仲見到d雞毛...而飯就係配上黃薑飯 可能因為係泰式餐廳多數係呢隻飯 但都食得出係加左雞油去煲醬汁分別有蒜蓉醬同辣椒醬 蒜蓉醬係切得好幼細同埋濃味 好鐘意呢個醬汁 好可以提升到雞既味 但欠缺左豉油另人失望

老媽子鐘意食佢個泰式炒金邊粉所以又黎幫襯😂第三次食呢間野，純粹因爲方便就腳，加上環境乾淨過九龍城，如果想食泰國菜，老媽太后就鐘意黎食啦～我屋企都好鐘意食生菜包肉碎，不過泰紅就唔夠香又唔夠辣，妹妹叫完無咩人食，要佢包底後面果碟香辣無骨鳳爪就唔錯啦，好快就食清左。（好似細碟左d)炸蝦餅，一舊都幾大舊，可以砌開幾舊咁share食。中規中矩～咖哩牛腩好正，好多舊牛腩，食極都有。牛腩好「腍」好入味！薯仔都夠「腍」，d汁撈飯好好味，大家食到好飽都繼續用佢撈飯食！金邊粉，大大碟，炒得乾爽。由於我本身唔鐘意食泰式炒金邊粉，都唔特別比到意見，反正媽子就必食既🙈🙈🙈整體黎講，係食得開心滋味既～

琴晚農曆初一，決定食素唔食肉😚一心諗住走晒d海鮮同肉，點知落order既時候，個職員好細心，見到我地叫d素菜，主動問我地將d蝦或肉轉做雜菜👍🏽👍🏽👍🏽我地叫左四樣菜呢個係泰式素春卷，好脆，點左d汁好惹味，用生菜包住黎食，有兩層脆的感覺，好味！呢個炒金邊粉，面唔會林，煮得剛剛好，走左蝦，變左雜菜，🙌🏽 好味🤤呢個係雜菜黃咖哩，唔會太🌶🌶，唔食得🌶既人，可以選擇黃咖哩，叫得黃咖哩，當然要叫埋鬆餅同飯喇！每次黎食都會叫既油鬆餅，好香好味👍🏽👍🏽👍🏽埋單$292幾細心既服務，會繼續幫襯～～

今日同黃兔去一田超市血拼前，隨意搵到這間泰式餐廳食lunch補充體力, 貪佢有午市套餐，價錢又適中，所以－於試下！午餐包餐飲，加14蚊有小食，加8蚊有特飲，另加一服務費。我地一坐低就有一人一小碟粟米粒，泰國餐廳來說都幾特別。我地叫左:三味豬扒配油酥餅味道似蕃茄汁，甜甜地帶少少酸，材料都好豐富，有菠蘿，青紅黃椒，洋蔥！豬扒切成—條條，易入口油酥餅點汁分外惹味，值得讚係將餅cut成—格格，令食客容易撕開海南雞飯雞不會太肥，肉質算嫰，可惜無雞味，而且油飯撈得不均勻，有些部份還是白飯來的加左小食-柚子沙律雖然細細碟，但柚子清甜多汁，好味加左特飲-龍眼冰雖然龍眼份量十足，有5,6粒龍眼肉，但太甜了飲到－半不得不放棄了！

香港人真係好貪心一間餐廳最好有哂星馬泰餐一家人食晚飯唔去迫到死嘅九龍城最好入商場舒舒服服是日做完野再接小朋友心力交猝 決定在外晚飯經過Mikiki 時間尚早其實好坐的選擇不多看過Directory選了Red thai晚市應該剛開始 餐廳還未有人門面有點中菜廳的感覺但至少乾淨的小朋友同行 自然不可點太辣菜式點了生蝦刺身給自己蝦算新鮮 但醬汁還是正宗泰式較好味飛天通菜 好辣! 對於不能吃辣但喜歡辣的我還是太辣 急忙將小朋友碗中的菜夾起Pad Thai 很難出錯吧但這菜式少了花生及配料有點失色反而等了許久的咖哩炒軟殼蟹期待那甜甜的咖哩 但味道完全不一樣看到蛋及青椒 但沒有泰式咖哩的甜味失去了胃口飲品尚算正常最後點這個雪山做甜點小朋友吃得滋味但下次應不會再幫襯

由於小妹愛好食辣所以有辣既菜式我都會鐘意食但公司同事就唔食得辣所以要搵一間有辣有唔辣既店舖我個人最like 中市套餐冬蔭公海鮮烏冬，雖然唔太辣但可以過下辣癮湯底酸酸微辣好開胃仲要有好豐富既海鮮所以都好抵食.套餐除左有主菜仲有似品加一個細甜品，座位比其他店舖更多，唔使等太耐～LIKE

泰式鹵水豬手飯($66)好膠質 但係其實唔能夠補充人體骨膠原😂整體都燜到腍身 但有少少肉會黐牙仲有酸菜芥蘭墊底 平衝返泰式蝦球濕炒河($68)雪藏蝦 幾腥下😪 同埋好似太濕 成碟都係汁 偷食咗友人幾條粉 都ok嘅 不過唔值呢個價位馬來脆雪山($60)目測高過兩隻手掌內層均勻塗咗煉奶 椰絲 花生碎好似食緊龍鬚糖咁 可以一試職員仲畀咗濕紙巾抺手午飯時間多人等位 會畀張單叫你埋 坐唔到耐——————————————————————————————$66+ $68+ $60 另收加一服務費泰紅泰國美食 Red Thai新蒲崗太子道東638號Mikiki116號鋪

今日因為有要事做攪到兩點幾都未食晏,終於2:40pm行過Red Thai嘅門口。問吓有無下午茶時段,女侍應回答"無,但仍然可以盡快2:45pm前order set lunch"。結果一行人抱住試吓嘅心情入咗去,搵咗靠近門口一張大圓型嘅梳化位坐。趕緊叫咗幾個set lunch加一客炸蝦餅俾小朋友食。海南雞飯上檯賣相唔錯,食落香滑有雞味。咖喱牛腩味道適中,唔會太多椰奶及一味死辣。驚喜係泰式鹵水豬手飯,上檯嘅賣相出奇地整齊排放,入口香清細膩輪到至愛嘅"馬拉沙咖喱羊膝配油酥餅"。本來羊膝嘅味道唔錯,分量十足。但係可能因為時近3:00,印度師傅做到過晒鐘,出菜斷晒纜。等咗差不多十分鐘後酥餅先到,胃口大打折扣最後大家覺得味道唔錯,決定試埋推介嘅甜品"馬來花生脆雪山"。由於望到印度師傅舉起三隻手指好似表示三點鐘重未收得工,我哋恐防咁遲加單會唔會失水準呢好彩依落都算交到貨,但都嫌價錢貴咗啲

到了午餐時間，同事話食泰國野，就去附近嘅商場啦！門面及裏面既裝修幾好，睇個餐牌要加一收費😥，係商場預左，叫左一個六十蚊既馬來喇沙雞絲湯麵，湯底味道幾好，吾辣，不太濃不太淡，丶但湯底冇花生醬，奇怪的，出面食開有花生醬！麵系似拉麵，但糸又有粉絲兩溝的，超搞笑，lunch set 有甜品送，幾好味既啫哩仔。

Red thai 係同事們每月都會黎一次既飯堂～食得辣既同事，基本上每次黎都係無限repeat 果個"冬蔭海鮮湯烏冬"👍🏻果種辣佢地話係會食上癮😳不過我唔好辣......係感受唔到果份滋味😭 個lunch menu 基本上食咁耐都無變：之前食過海南雞飯，豬手飯，雞絲河。不過我覺得最好食既係佢d 炒粉，最鍾意係泰式蝦球濕炒河😍d 餸真係勁多，仲多過河粉。有蝦球，粟米，芥蘭，草菇，紅蘿白。勁多蔬菜，感覺好豐富同幾健康。個河粉勁多汁仲好入味，入邊有d麵豉醬咁，鍾意濃味既應該啱你胃口。另外叫左馬拉盞炒米，都係唔錯既選擇。米粉係勁幼果種，炒得幾乾身唔油膩。配料有蝦，芽菜，蛋，洋蔥，紅黃椒，味道較清。不過個人更鍾情濃味既濕炒河😋。佢d 炒粉份量真係好大碟，細食既兩個女仔share 都得。食飽仲有個小甜品，係荔枝味既jelly💕唔太甜可以清新下味蕾