泰紅泰國美食 (Closed)

住咗兩年第一次食，難食，勁難食，咖哩無咖啡味，薯仔都可以整到好難食，手工餅算新鮮，好簿，同坊間好大分別，總結成個餐都好難食，呀叔態度差，問多兩句都吾耐煩，不知所謂！

今日又黎新蒲崗做野，午餐時間都好趕，要黎一個快閃午餐，見到呢間泰國菜，突然好想食個菠蘿炒飯。我揀左個lunch set，菠蘿雞粒炒飯，炒飯炒得唔錯，啲飯粒粒分明，配料都豐富，份量大碟，食完個飯已經好飽，個set仲有一個小食，甜品，飲品，小食揀左榴蓮炸彈，好香榴蓮味，食埋甜品椰汁糕，大滿足，下次可以再去食

星期六去新蒲崗食呢泰國菜 最前網上話服務態度非常差 已經有哂心理準備 落單那位四眼妹妹問佢乜只答是定唔係 我都唔期望笑容好禮貌 店長應該加強初級前線員工對客人的服務指導 上菜速度都算快 豬手飯味道可以濃點及豬手再炆淋些更好味 另外一碟海鮮濕炒河 外觀色彩繽紛足料 太多汁稀令到河粉唔夠味 反而跟餐嘅小食很好 素春卷好脆口但油多左少少 泰式蝦餅夠爽彈 附上泰式酸甜汁醬多啲更好 set lunch $70 送奶茶檸檬茶算很好 試一次冇諗Encore 囉.

喺新蒲崗搵野食，一直都有留意Red Thai，店面幾靚，望落去好似幾貴，終於趁Lunch Time去試下。佢啲lunch set平均$70一個，有一個主食、飲品、同一個小甜品。甜品係一舊仔椰汁前糕，無咩特別。我食嘅係海鮮喇沙湯麵，個湯底幾香幾惹味，麵質都正正常常，材料唔算特別多，都叫不過不失。我朋友就嗌咗個海鮮濕炒河，佢表示唔算特別好食，太濕太稀，味道唔夠濃（佢都重口味的）。佢嘅泰式拉茶都普普通通咁，無咩特別。雖然好多野都冇咩特別，係環境都真係唔錯，好啱傾偈，可能因為我坐卡位。所以整體嚟講，不過不失啦！都會再食嘅，如果想有個好啲嘅環境傾偈的話。

好耐無去新蒲崗Mikiki，可能因為附近啟德開始多人住，多左好多餐廳， 多左選擇， 有競爭，先有進步，係好事。今日下午同朋友一齊去食泰紅泰國菜，見門口有手工印度薄餅，應該唔錯。.🍚牛肉湯河牛肉係肥牛，份量都算多，湯底夠味，食完之後下午無超級口渴，佢應該冇落好多味精。.🍚泰式青咖喱配魚柳及油鬆餅朋友好食得辣，店員介紹青咖喱係最辣嘅，油鬆餅果然夠鬆脆，香口，一啲都唔油，並唔係急凍貨。.🍚 泰式紅咖喱配魚柳及白飯紅咖喱相對比較甜，魚柳都有好多舊，本身外皮比較厚同硬，但係加埋咖喱一齊食，軟硬就變得適中。.總括然而，套餐中包飲品，同埋送一個啫喱甜品，都值得來一試。

今日午餐去新蒲崗Mikiki食Red Thai，顧名思義即是食泰國菜，睇吓menu發現都有少少印度馬拉越南元素，多國菜。-泰式咖哩(紅)配魚柳，白飯👍🏻，因為我唔食得辣，紅咖哩唔辣，甜甜地，好香，配白飯或者油鬆餅一流。魚柳炸得夠脆，夠香口，怕熱氣可以浸下咖哩先食，除左魚柳，入面仲有好多蔬菜配菜。午餐set仲有跟飲品同一個小甜品，今日係荔枝味小啫喱，連加一$70唔使，無咩好投訴。******************************👍🏻好食 | 👌🏻可以 | 😔 難食評分 : 7/10簡評 : 平靚正泰菜午餐

星期日一家人去Mikiki行街加食晚飯。屋企人揀咗食泰國菜餐廳環境幾好，由於入面近落地玻璃嘅座位都坐滿，我哋被安排坐近門口嘅沙發位，座位算寬落。食物方面叫咗酸辣鳳爪、豬頸肉、串燒雞、馬拉盞通菜、貴妃苗、咖喱軟殼蟹、蒜蓉包、明爐烏頭。食物熱辣辣、有鑊氣。推薦酸辣鳳爪夠酸夠辣份量足。蒜蓉包配咖喱又係一流飲品方面自己叫咗龍眼冰，唔會死甜幾好試咗啖屋企人嘅椰青好清甜最後仲叫咗個芒果糯米飯做總結。可惜芒果有啲酸見到Menu有印度薄餅，好似幾吸引但侍應話師傅今日唔係到，唯有下次再試！

💥💥新蒲崗區伏伏伏之選 - 來自Mikiki Red Thai💥💥如果有任何勇者想一心試伏，或者想減肥（因為食到一肚氣，冇胃口食飯，其實都唔好食）的話，Red Thai絕對係好推介 ☺️☺️☺️☺️何伏之有？💥💥💥1. 「蜜糖雞翼係冇蜜糖架！」侍應呀姐話嘅 🌚我只係想食有蜜糖嘅雞翼（+$12），咬左半隻都係冇蜜糖味，叫佢比蜜糖我，竟然用鬧我嘅語氣話「蜜糖雞翼係冇蜜糖架！你唔想食咪唔好食啦，同你取消佢！」大佬，我想食雞翼啫，我都冇話要取消，做咩要逼我取消（後來唔知邊度變左啲柚子蜜比我）***注意：餐廳收加一服務費，但服務極差***2. 海鮮濕炒河濕到又多水又軟林林，仲林過湯河😑😑😑😑😑完全冇香味 （$70）3. 香葉肉碎飯，與其話肥膏多過肉碎，不如話肥膏充當大部分肉碎 （$62）總結：推介所有喜歡貼錢買難受，試完伏都開心到溜嘅朋友去挑戰吓 ☺️☺️☺️☺️☺️☺️☺️☺️☺️

今日我嚟到泰紅餐廳食午餐遇到一件令人很不愉快事情😡😡作為一間集團/餐廳嘅基本原則食物/價錢 吾會系最主要因素😁禮貌吾好及趕客我覺得真系不能接受😊我入到嚟開檯時間系12:53:05 我就當你地有限人地1個鐘進食或者系要交還檯比下一批客人😄但你地餐廳有一名高高戴眼鏡頭髮短既大嬸居然同我地講就話 要埋單啦 出面有好多客☺️但系我還檯時間系13:53:05秒仲同我講12:05分入座？點計出嚟？我覺得這間餐廳都好識請 計數禁叻嘅樓面一d禮貌都無 果位大嬸同大排檔樓面有得比趕客走 仲要無禮貌😅永遠黑名單😊😊

今日午餐打算食下泰國野，男朋友媽媽就到先，我就同男朋友隨後跟上，坐低啲待應都幾好禮貌，岩岩食完一陣就突然有個待應沖過黎叫我地埋單，話出面好多人等位，咁我就比錢再睇下手錶1個鐘都未有，佢就同我地講話得一個鐘食，話我地05分就入坐，睇下張單寫住12:53分，再講之下佢就話由入座起計，點解一開始唔講明入座起計，跟住已經嬲嬲地都唔打算再食，一出到門口，一個人都無，就趕我地埋單走，叫飛同叫我地埋單都係個短髮4眼女人，以後唔會再幫襯！！！！

返工返左幾個月，日日見門口好多人等位，今日和同事第一次去食，兩人格塊板搭枱坐圓形梳化位好鬆動，叫左個海南雞飯，配油飯，有冬瓜湯 ，有兩種醬，雞好滑 仲有我愛的雞胸雞腿雞翼都有，最好食係碗油飯，望落去吾油，咬入口好乾身粒粒分明，連同事都大讚碗飯好好食，她叫左燒雞肶飯餐。她說雞肶偏細 望落去乾，但入口好好食配左個網絲春卷，味道一般係素菜料。還叫餐送涷熱飲，最驚喜係餐牌冇寫送左每人一個甜品 大菜糕 又係我喜歡。午餐好滿足。下次可再試其他。以價格來講，商場價差吾多啦，一個餐已經好飽肚。環境好靜好舒服，燈光柔和。

今日想食泰國菜，我們被門口的set lunch吸引，便走進這間。首先给我們2碟粟米，我們點了2個set lunch，包括泰式海南雞飯和咖哩牛腩飯，還點了2個12元小食，是泰式炸魚餅和蜜糖燒雞翼，加上2杯飲料，是凍檸茶和熱檸水。等了不久，先來了2杯飲料和咖哩牛腩飯，我朋友吃了一半，其他食物仍未到，只好叫侍應跟進。等多10分鐘，朋友差不多吃完，我叫的泰式海南雞飯才到，味道不錯，雞很滑。牛腩飯辣度適中，也很美味。我們還有20分鐘便要上課，正打算埋單，泰式炸魚餅才到，我們才想起原來還有燒雞翼未到，只好取消雞翼埋單。本來食物味道不錯，但因為等了很久，差不多半小時食物才到，影響對這店的印象。

第一次在泰紅食海南雞，份量對於一個女生來說，很適合。雞肉一點也不肥，而且很鮮美。雖然沒有很多醬汁點雞肉，但姜蓉配海南雞已經很足夠。套餐配了湯 ，湯很美味，沒有味精味道。油飯有點乾。餐飲點了凍奶茶少甜，味道剛剛好，不會太甜，又有泰國的味道。餐廳的人流不多，適合三五知己靜靜地食晚餐。

昨天（22/6/2021），朋友建議這餐廳，因好耐無去泰國，很掛念泰國的PAD THAI。見食評麻麻地，二點入座都無下午茶，後知，根本不設下午茶，既然已到，就試一次。被安排坐窗口位置，景觀開揚，好舒服。點了2個午餐泰式金邊粉，金邊粉是包裝，不是新鮮，味道麻麻，雞肉嚡口，失望。咖喱牛腩配飯，味道一般甜品，都是味道一般，食咗都唔知是什麼糕這餐廳不設下午茶，原來讓職員下場休息，所以未食完，已催促埋單，三點左右已關上大部份既燈，離座時，見多位職員在座位上休息。

3人諗住食午餐，哩間未試過咪去試試囉。12點05分坐低。叫野食了，哩樣又話無，個樣又話無，個侍應話有個廚師無反工，所以部分泰式野無。算了，我點左泰式炸雞肶飯，飯係油飯。佢menu張圖d飯係放碟上，但上黎個飯係碗上，我諗住倒出黎，一拎，個碗好熱，睇埋d飯，顏色似隔夜整定，個一刻，我感覺係用微波爐翻熱。一食，果然，飯干，面頭飯熱，中間暖。唉，隻雞肶又係雪藏雞整。諗住隨便食左去算，我岩岩食完個飯，飲岩杯野。我朋友未開始飲。個侍應沖埋要我地埋單，同時收走曬所有野，我朋友杯野飲未開始飲都收左。仲要我地即時比錢。比左錢，佢未找錢，我已經企起身方便佢地執台，我企旁邊等找錢時，佢個垃圾侍應又走埋黎，要我出門口等找錢。哩間野永遠黑名單，永遠唔會去，出左門口睇下隻錶，12點38分左右。坐低33分鐘，仲衰過去茶餐廳。垃圾