泰紅泰國美食 (Closed)

今日下午，我和女兒要到新蒲崗上課。我們在open rice找野食，見Mikiki有泰式餐廳，好似很不錯，我便和女兒一起去試食。我們叫了兩個午餐，都是6O元，加2個小食，再加12元。第一個午餐是青咖哩豬排飯加雞翼，有微辣，很香，味道很好，把咖哩汁淋在飯上吃，覺得很好吃，再配上雞翼，非常滿足，雞翼皮脆，肉鲜，好味。另一個午餐是豬頸肉炒麵，加配炸蝦餅，只是一般，沒特別，並不吸引，下次不會再叫。炒麵太碎，味道太淡，豬頸肉不多，沒味道，只吃了一半便不想吃，下次要選其他食品。由於一款好吃，一款不好吃，我們每星期會到這裡上課，決定下星期會試其他午餐。

平晚入場不用等位。裝潢似酒吧。阿姐級服務員態度一般，只有一個成熟男職員比較熱心勤奮。海鮮套餐 398明爐蒸烏頭 /小食拼盤 /蒜片牛柳粒/ 馬拉盞通菜 /泰式金邊粉 烏頭魚個醬汁如果可以再酸多少少，調味更好 。特色小食拼盤有雞翼 春卷 蝦餅 等大路小食， 一般而言 脆口不太油膩 。馬拉盞通菜少少辣脆綠嫩口。牛柳粒分量多，有香味多肉汁， 一口一粒。 金邊粉 酸酸甜甜幾開胃 不過比較稠身。鐵板蠔仔炒蛋（$90）主力食到芽菜炒蛋， 鐵板唔夠熱 ，還好蠔仔數量合格。醬燒魷魚筒 （$86）魷魚有點梅，唔爽口， 沒鮮味。菠蘿海鮮炒飯 （$98）太濕， 炒得唔夠乾爽， 冇咩泰式風味 ，腰果豬肉鬆分開上， 唔會令腰果變林。星夏啤酒 （$34）一口芒果椰汁糯米飯（$48）最推介就係甜品呀， 外型似壽司， 一啖一口好方便， 唔使分仲好衛生。

係新浦崗做完嘢🕺🏻，就來咗區內主要商場 Mikiki 揾嘢🤤食，見到呢間 Red Thai 突然勾起我想食🇹🇭泰國菜嘅意欲，所以就入咗去喇🤗！食泰國🇹🇭嘢嘅話我最鍾意飲🍹珍多冰，不過實在太太太多🧊冰啦，搞到個味淡晒🙈。其實我幾鍾意食🤤炒金邊粉，呢個幾爽口，少少🤏酸味幾開胃！炸軟殼蟹🦀亦係我幾😍鍾意食嘅，😋又脆又香口又唔洗剝殼又食到🤩蟹嘅鮮味👍。所以我哋就叫咗呢個咖喱🍛軟殼蟹🦀，咖喱幾香甜🥰幾厚身，亦有蛋🥚花，味道🤤唔錯而且唔係幾辣，一貫泰式咖喱🍛風格，不過有少少偏甜！至於啲炸軟殼蟹🦀呢，脆漿都算幾薄🤏而且夠酥脆👍，啖啖蟹肉鮮味😊！有炸軟殼蟹🦀咖喱🍛，當然要叫返一份油鬆餅點咖喱汁食🤤喇！佢哋嘅油鬆餅都幾好😋，有油香亦有🤏少少鬆脆。

今日嚟到新蒲崗Mikiki Mall, 唸住試吓其他嘢食；巡完一輪見到Red Thai印象中，好耐世紀前跟家人食過。慳家嘅我，特登拖到下午2:30先叫，唸住下午茶時間平啲，唓！外賣仲有85折，就幫襯你啦。點餐時，叔叔話無下午茶餐，算；我問係咪有85折....都無。散叫先有85折，嘩。卒之乜優惠都無，冬蔭湯海鮮米線$70好彩都好食，海鮮唔會有好多，蝦有2細隻、墨魚仔，魷魚圈，蟹柳....最喜歡分開湯，好大兜...湯內材料都足😋

難得一日同朋友出去新蒲崗，朋友話有人推介呢間好食，咁就試下～～～主打泰國菜，但係小朋友想食海南雞飯就叫左海南雞飯～～其實午餐牌都幾吸引，大約$60-$70，都叫合理價錢既～～ 如果唔係叫海南雞竹，我想試豬手飯😂😂另外，仲有好多唔同特飲揀～～～上菜速度都快～～好快就有飯食～～但係見少有碟黑醬油，諗住應該好有味，所以唔駛要醬油，點知中伏了😓😓雞冇味，反而碗飯仲有味過碟雞⋯⋯最後小朋友情願淨食油飯，成碟雞都唔肯食⋯⋯餐飲熱檸水，正正常常咁囉～～

這次來Mikiki商場尋找美食，經過餐廳門口，午餐餐牌的套餐蠻吸引，而且價格也很合理，就決定入去試試。因太肚餓，今次忘記了影相，唯有只用文字來形容，這次選了以下套餐：1. 泰式海鮮濕炒河 $70 - 芡汁太多，蒜頭落太多，導致蒜味過濃，河粉都吸晒蒜頭味道，假若不喜歡蒜味的朋友，不建議選擇。2. 馬來海鮮喇沙 $70 - 味道過淡，不夠味道。而海鮮還可以接受。3. 小食蝦餅 $12 - 油分太多，蝦不夠彈牙。4. 升級特飲加 $8，珍多椰汁冰 - 當店員奉上時，令我有點意外，竟然是全走冰的珍多椰汁冰，很岩我的心意。5. 升級特飲加 $8，熱洛神柚子茶 - 洛神味道不夠濃，而柚子味就很足夠，所以味道會有點甜。

放假來到新蒲岡Mikiki 逛下街食個飯，與妹妹選擇了食泰國菜，價錢由約$60至$70，另加小食加多$12，午餐的選擇都很多，例如有牛肉湯河、辣椒肉碎飯、泰式咖喱、泰式海南雞飯、肉骨湯米線等......有辣或不辣的菜式，所以都好大眾化的選擇，適合一家大小。而小食方面每個套餐都可以加一個，例如有酸辣鳳爪、越式素春卷、榴槤炸彈等.......我兩人的口味都選擇了泰式咖喱豬扒($60)，不過我點了青咖喱，而妹妹就選擇了紅咖喱，配菜都是油鬆餅。我們各點升級特飲加$8，我杯馬來手拉茶都好夠熱，上枱時呈現大量泡沫，可是味道有點過甜，而另一杯是黑糖薑母茶，有兩片薑片浮面，薑味帶出微辣，味道都好香甜，可以驅寒。先介紹下我們的兩款小食，分別有酸辣鳳爪及越式素春卷，前者的酸辣鳳爪未夠酸及辣，口感都爽口，水準一般，而後者的越式素春卷就炸至香脆，沒有油膩感，再蘸上酸甜醬更添美味。泰式咖喱豬扒大大塊都煮至金黃色澤，紅咖喱味道比較甜而帶辣，而青咖喱的味道辣中帶有九層塔的香氣，兩款咖喱中有車厘茄、泰式蕃茄、南瓜肉等，食材都相當豐富又夠多汁，再用印度廚師即場製作的油鬆餅佐食，真是非常完美的配搭。服務員都好主動協助客人

晏就去mikki搵野食，去到一樓食泰國菜，門口要排隊好彩排左一陣就入得！ 位置坐得舒服，有set lunch ,叫左個加喱雞扒飯，加喱味好香濃又唔太辣，非常香口可以送飯！另外，可以加小食，泰式鳳爪野味夠辣！ 一個set $70/80,可以再加

这一家泰国餐厅在一家商场的二楼 中午去吃比较划算 有60元和70元套餐 每个价位都有好几种选择 我点了60元套餐里的马拉盏炒米 我本来不知道马拉盏是什么 上网查了发现是马来西亚的一种虾酱 味道不错 分量也可以 有好几个虾 饮料包括在内 冻热都可以 不需要额外加钱 我朋友点的70元套餐里的海南鸡饭 看起来也不错 也可以单点菜单里的各种菜品 价格大约90左右 最近都打七折 不过午餐套餐不参加打折 结账的话不能用手机支付 我们给了现金 有10%的服务费

今日係我實習嘅last day，同同事去咗新蒲崗Mikiki食泰國菜。就咁望門面唔算好特別，間餐廳採光位非常多，我哋坐咗喺窗邊。我地點咗沙律同其他小菜，無叫到飯，食埋甜品，非常飽。個鳳爪沙律大大份，中辣程度，配料新鮮，鳳爪爽口入味，唔會好酸又開胃。通菜份量較少，無乜特別，咖喱牛腩個牛腩偏瘦，咖喱有少少甜，半隻海南雞非常嫩滑，比較多皮，醬料調味正常（薑蓉可以無視）但份量唔多。食晒啲正餐突然之間送甜品，係椰汁紅豆糕，味道清甜，唔錯。呢個甜品我第一次試，裏面嘅嘢我全部都唔鍾意（脆，甜，椰絲），但係加埋一齊就非常之好食。一送到過嚟我比佢個size嚇親，用手續啲拆嚟食，裏面有煉奶同埋椰絲，花甜粒，夾到一流。呢個榴槤炸彈本身係我最期待嘅甜品，但係過到嚟之後發現佢外層非常厚（無味），同埋充滿油⋯裏面個榴槤餡雖然濃香，但係真係個皮非常影響口感同埋味道。服務方面，上菜速度好快。第二杯飲品半價。張單畀大家參考

今日社會風聲鶴唳，加上放工時間人頭湧湧，霎時間就竄進就近的mikiki，經天橋進入商場在1樓沒走多久就決定入內。和隔幾間的日牛一樣，有數張枱是落地玻璃兼俯瞰太子道東一帶，店內非一般泰國餐館的粗糙，走精緻路線，播放音樂是jazz版王若琳或jazz版電影《星光伴我心》的配樂，稍稍cover外面的緊張氣氛。沒點套餐，因不特別便宜，亦不想給框死吃甚麼，陸續點了以下：泰式肉碎生菜🥬包（豬），說是小辣，該是小小辣，反而有點偏鹹，尤其是吃到中層至碟底，不過整體味道尚可，加了不少檸檬🍋汁，而且份量不少，鞏起一小山丘；泰式紅咖喱🍛（牛），咖哩味不算濃，反而似將加了不少蕃茄蓉進去，味道微酸偏甜，配料有菠蘿粒、泰式小茄、牛肉片、豆角、薯仔粒，不能吃辣吃起來全無負擔；再來是泰式金柚沙律🥗，蝦🦐就餐牌圖的幾隻，反而柚子肉很甘甜，沒平時柚子的苦澀，而且吃到途中的碎柚子肉，突然嚐到類似威士忌🥃的酒香，頓感意外；泰式素春卷，逢見到類似這些米網的脆皮就食指動，吃了口亦很對味，又脆又鬆軟又不油膩，吃了一件又一件；沙嗲串燒半打（雞牛豬），這個雖然燒得比同類舖不算太燶，唯肉太乾太粗糙，肉汁都不知掉到哪裡去，尤其是牛串，咬了幾

最近社會氣氛比較緊張，好多地方都唔敢去，唯有係屋企附近搵食。夜晚7點，新蒲崗mikiki呢間泰國餐廳已經有咋人係度排隊等緊，我都唔執書趁虛試試。餐廳裝修都算講究，好有泰國氣息，坐得幾舒服，我坐個位又有電視睇，落地玻璃望出街外真別有一番風味，一解最近緊張既心情。不過餐廳大部分枱都係大枱，比較適合一大班人一齊食飯，兩人枱就比較少。食物選擇都幾多，泰底小菜，飯麵，小食都一應俱全。一入餐廳陣陣泰國菜既香味撲鼻而來，見好多枱人都係一大班人叫唔同野食齊齊share。我同朋友最後叫左一個泰式濕炒河同一個炒金邊粉。濕粉河好足料，好多菜，紅羅白，菇，蝦，魷魚等等，河粉炒得有穫氣，汁既濃稠度剛剛好。真係多菜少肉之選，不過炒河略為油膩就在所難免。炒金邊粉就酸酸甜甜好開胃，炒得剛剛好，唔算油膩。埋單兩人大約二百蚊，店舖有加一。

今年生日飯，本身話食日本放題，但假期冇book位要等好耐，最後話不如去食泰國嘢，就揀咗係Mikiki入邊呢一間，睇過啲食評話幾好味嘅泰國餐廳。服務員帶咗我哋去窗邊座位，望出去嘅景色好開陽好靚，一坐低服務員就即刻拿幾個Menu俾我哋，我哋點左冬陰公辣花螺、蒜蓉炒豆苗、素食春卷、串燒（牛肉、豬肉、雞肉），先講講花螺好新鮮而且配上冬陰公辣湯好惹味，豆苗好鮮嫩，健康推介之選，春卷就正常味道，串燒就真係好好味，配上沙嗲汁非常yummy。另外仲有叫左1條清蒸烏頭，魚肉新鮮彈牙，鍾意食魚嘅人值得一試。仲有叫左生菜包同紫菜豆腐湯。成餐飯都非常之滿足，最令我嘴角留香的一定係串燒同花螺。呢間泰國餐廳菜式多 味道好 而且服務都唔錯。新蒲崗泰國餐廳唔多而且有返咁上下質素真係少之又少

呢度環境都比較好，坐得亦都比較舒服。附近嘅餐廳只有呢一間係泰國嘢，味道都唔算非常出眾，但係都ok, 午市有優惠。個人推介人佢嘅串燒同埋菠蘿炒飯，炒飯好足料同埋幾抵食，可以試試

我很喜歡吃甜酸魚，但這條就不ok，好像一早炸定備用，條魚不脆的，林哂糊口，很失望，其他一般，泰式咖哩沒有咖哩味，馬拉炒通菜👍，兩款烤餅都ok，還叫了4杯龍眼冰