紅火鮮料火鍋專門店

Open Now

Now Closed

第一次去一間餐廳可以韓燒之餘，又可以食雞煲打邊爐，又有刺身食。食物選擇非常多，魚生刺身非常新鮮，雞煲好惹味😋，一大班人慶祝敘舊好地方，價錢又唔貴，朋友好介紹👍🏻

今天生日去吃晚餐，兩人點265一位，因为有无限和牛吃，结果中途加餐，不送来了，其他的刺身又送了，每次点两碟都只给一碟，最后干脆不送来，然后再点多次才送一份，看到网红推荐才去吃，没第二次了，食物太一般了，很多食物很腥，难怪生意差

訂左6位 🤣但只能坐4人枱 😩坐低就唔係咁舒服食物方面唔錯 雖然有甩甩漏漏 但係都可以接受有待改善🤫由於坐低真係好逼 所以只係食飽 就走下次會唔會再去就再睇情況 因為韓燒加火鍋 都幾多地方有

今日慶祝朋友生日，我哋一行六人一早book好6:30過嚟食任飲任食打邊爐，燒烤刺身放題。喺樓下約好晒齊人跟住就一齊上去食，開頭我哋就帶咗個花膠雞煲，每人一隻花膠，食落去個花膠都唔錯都幾厚身冇腥味。佢嗰度呢就係用手機點餐嘅掃QR code，咁我哋一開始就帶咗啲刺身先啦，見到佢有咩刺身就嗌咩刺身食，諗住如果啲刺身之後食落去覺得有啲乜嘢好食之後先再encore。咁佢個刺身就同出邊嗰啲放題刺身食落去都唔大分別，不過不失。跟手我哋就開始嗌打邊爐嘅配料，有新鮮肥鵝腸，雞子，打邊爐必要嘅肥牛，我哋六個人選擇左最貴果款套餐，牛肉嘅質素都可以因為出邊都成日可以食到任食嘅打邊爐，我對燒烤呢一方便就比較期待。我哋有叫咗牛仔骨，羊假，不過味道一般最後我哋叫咗啲打邊爐牛肉去燒，個味道反而唔錯好滑。最後食晒所有嘢， the BeatsX嘅甜品，我哋出去睇咗有幾款雪糕嘅口味，我就揀咗呢兩款，你都唔錯。因為我哋係打電話過嚟book位嘅，所以有九折，六個人最後二千零蚊賣單

今日下午去了旺角食放題，這間店舖午市只有2個價錢，我們點$188另加一，(火鍋韓燒兩食)火鍋叫了一個花膠雞，花膠都幾大件。跟著QR CODE 點了蝦，羊架，牛柳粒，墨魚膠和魷魚。另外還可自取配料，有拍青瓜，木耳，白灼魚皮，豬肉，羊肉和牛肉片，雞翼，鵝腸，三文魚頭，蔬菜，瓜類和生果。食物種類都多，味道唔錯，食足2小時，到最後吃雪糕。

平時喺出面食一碗花膠雞煲，就咁一個湯底都要298到$300先買到單，仲未計買埋其他材料嘅價錢。但係喺呢度食放題，仲有花膠雞煲湯底一百幾蚊就可以買到單，真係認真抵食。一上到枱點完單，就將原隻雞煲放上枱，首先會叫我哋等5分鐘將隻雞煮熟咗先，之後仲用心幫我哋將隻雞一件一件咁剪好，個湯真係要飲返起碼三四碗先再煮其他嘢，因為真係好有雞味而且非常鮮甜而且呢度係好先進嘅全部都係用QR code落單，又羊肉、白鱔、牛舌、腐竹，佢嘅好處係除咗打邊爐之外，你仲可以自己用韓式燒嘢食，食完真係覺得好滿足

今日揾食揾到去紅火火鍋專門店，店舖增加了日式刺身，韓燒，真係有d意外收鑊，用$228可以同時食到中，日，韓美食，本人特別推介花膠雞煲，花膠好大塊，雞有雞味，非一般的行貨，最後甜品就是日本雪糕，有海鹽，綠茶，咖啡味，值得再回頭光顧。

見上網有介紹，剛剛長假，便上去試下，假期下午茶時間不多人，所以座得舒服，如座滿都有些擠迫，當日食海鮮餐，先食刺身，再食蒸海鮮，有每人半隻澳龍，鮑魚好大隻，聖子，帶子，全部海鮮很新鮮，湯底有花膠雞湯，好足料，湯很鮮甜，飲完湯再打邊爐又有韓燒，打邊爐的配料選擇也很多，牛肉不錯，自助區也很多選擇，飽到雞煲也吃不下，下次一定要試埋雞煲真係大滿足，飲料也很多選擇又有俾酒，人均不用400蚊位，真係好底，值得一試。服務也很好

我同男朋友係紅火fans, 2月未禁堂食前, 差唔多1個月1次來食。個陣好欣賞佢1個價錢可以食好多野, 燒肉, 火鍋雞煲, 日式放題等...琴日就終於有時間去番幫襯, 因為紅火都關左好多無開, 覺得夜晚實好多人堂食, 所以選擇左晏就。上到到紅火, 中午12:00竟然一個人都無, 仲以為自己勁lucky包場。如是者, 坐低左諗都唔洗諗就叫番可以食晒3樣個set啦 (個價錢又唔係爭好多)不過, 我地其實都無問清楚 (的確我地都有唔岩既)掃個張QR code諗住即刻叫番佢既壽司同天婦羅啦... 點知...點野食個page竟然得幾款燒肉料( 最平平既韓國燒烤質素... 肉仲要浸晒血水...然後日式放題得番刺身可以點... (嗯...唔知我味覺差定點...款款都好腥...個雞煲既味就無變既... (無份量得番3分1隻雞咁多...但我覺得幾好既就係, 火鍋配料變左自助bar (但有好多火鍋料都無左, 變左好似好平酒家個D料...但知道疫情下, 可能紅火都好辛苦無開都要交租, 所以減少左好多食材...不過紅火之前做得太好, 所以我地一時接受唔到重點! 重點! 重點! 鐘意食紅火壽司類同天婦羅類既人,

龍躉白鱔海蝦大閘蟹都有既海鮮火鍋放題 - 紅火鮮料火鍋專門店去開旺角食開自助餐既朋友都一定認識兆萬呢個地方，呢度有好多美食放題選擇。呢次CK就去左一家同時間可以食火鍋同韓燒既餐廳。店舖位於17樓，環境幾大幾舒適既，每一枱都有火鍋同燒烤用具。我同朋友係假日晚市去食既，價錢大約係二百多一位，可以任食3小時，一個價錢食到幾款食物感覺幾化算吧。湯底有十幾款選擇，而我地想食得健康一D，點左濃湯花膠雞煲。裡面有半隻雞同花膠等等材料，建議先飲湯再食雞，咁之後食隻雞就無咁乾身。湯底味道鮮甜，雞肉肉質嫰滑，花膠大大片口感煙韌，建議食哂之後再加湯再食火鍋。簡單講下呢度有D咩係重點推介啦 !肉類：美國雪花肥牛、西班牙黑豚肉、羊肉片、安格斯牛柳粒、新鮮田雞海鮮：生猛海蝦、紐西蘭青口、蒜蓉元貝刺身：三文魚、珍寶帶子、北寄貝、八爪魚、象拔蚌，赤貝、鮑片及厚燒玉子總結: 食物選擇非常多，有刺身、壽司、肉肉、海鮮、天婦羅、丸類、蔬菜、飲品和甜品等選擇而且食材新鮮。大部分食材也可以同時間做火鍋和燒烤配料，所以其實客人係有兩種口味揀架。紅火鮮料火鍋專門店地址: 旺角西洋菜街1號兆萬中心17樓電話: 2688 6822營業

準時入座，6人派了圓枱坐得舒服，中日韓三款任食。先上花膠海鮮鍋，湯甜多花膠。刺身款式多，而且上得快，燒肉料就普普通通，沒有太大驚喜，相反燒火鍋鱔片肉片仲好食😋。店員服務態度好有招呼有講有笑。

香港人一定鐘意打邊爐架啦 唔係因為嫌要洗要切 一定係屋企打舒舒服服 出面好食既邊爐又要單點 兩條友都成千蚊 諗住貼地啲食任食火煱啦 其實都無expect 同單點果啲相比 但起碼想對得住估價錢先呀 點知… ☹️又係中伏經驗 我淨係諗住打邊爐 但佢又跟埋韓燒呀 魚生呀 好似一個價錢食到好多野 好似好抵咁 但重點係… 無一樣出色 同樣每一款選擇都相對少左，無咩得揀同埋又火煱 又韓燒爐 兩舊野放係張枱都無晒位啦 枱又細 魚生又要勁大個盤咁上 我其他食物放邊？成餐飯都好狼狽咁 講返個湯底 好似好正的花膠雞湯 係.. 好大舊花膠 但同時好重味精🤢出街食飯一定有味精 但唔洗咁重手嘛 浪漫左隻雞同花膠囉食緊同食完飯都係咁飲野 飲都飲飽啦 食乜鬼一肚氣

本來睇 you tube 介紹，係任食既，但去到當日就改左每人只限8隻，唔，照食喇，兩個人加埋16隻，加上係午餐，就算喇！當時我地係第二檯客人，只有一個侍應，上蟹，帶位，傳菜，收貨，乜都係佢但其實到差不多3點，都只係得5檯客，所以都勉強可以喇。。。我覺得佢午市都 ok 既，唔嘈（因為冇乜客），唔趕（因為可以食3個鐘），食物質數都唔差，龍躉片，油炸鬼魚滑都好食，可以再黎（只限午市）！唯一不足就係，午市冇炸物供應，想食熟食既就要留意返！

近期有幾位 YouTuber 都介紹這間餐廳的大閘蟹放題，而且它同時亦是一間 D類的餐廳，即是可以營業到凌晨 2點，晚上 10點後更能任食三小時剛巧最近我兩位朋友在同一間餐廳工作，很難同時請假，所以我們便決定今天晚上大家放工後，一起來到這裡吃大閘蟹宵夜放題，沒想到最後的用餐體驗卻和我們想像中有些出入...首先大閘蟹的供應數量是有限制的，每人總共最多只能吃八隻，並且他們凌晨 1：30便會趕人走，換言之客人要晚上 10：30之前入座，才能吃足三小時可惜這些我們之前都不知道，我們一早預訂了晚上 11：30，並且更提早15分鐘入座，但是下單的時候便告知炸物和刺身已暫停供應，之後晚上12點的時候更告知要 Last Order了，不過大閘蟹仍然會供應和你們可以繼續進餐另外，這間餐廳的大閘蟹是需要自己蒸的，所以蒸蟹的時候我們便先嚐試一下花膠雞湯底，由於雞肉和花膠的精華都滲透進湯水中，所以每一口湯水都充滿著濃濃的雞肉和花膠氣息，同時雞肉的肉質都算柔軟嫩滑，鮮美多汁，我們都喝得津津有味，不亦樂乎不過今餐的主角是大閘蟹，可惜它的質素卻比較參差了，首先我很不幸吃到兩隻都是沒有什麼膏，如果兩個人來的話便真的是

今日星期六放工去食個邊爐 第一次黎揀咗中日韓咩都有嘅餐 試試佢 中午3點幾去到唔算多人，價錢$208未加一刺身嚟到個樣就幾靚 但好可惜佢同我見嘅數量差咁遠 係指我叫2件佢俾4-5件我 俾咁多 我地開波想試下味得唔得先再叫 點知一黎到 d蛋啊 北極貝 甜蝦啊 蟹柳啊黎到咁多 （仲要哩d刺身係我男友自己食先自己叫咁小 我唔食嘅🤭） 咁講吓味道了 三文魚係最正 帶子正常 螺正常 其他普通 但我男友食左甜蝦好猩 打邊爐d牛肉睇落係牛板鍵肌嚟 厚度比出面牛涮x 一鍋x d肉厚d 但就無咩牛味 ； 牛舌煎同打邊都正常邊爐最出色係肥鵝腸同雞腸 正啊 去就試一試啦豬腸唔猩唔苦 唔錯 ；蝦滑都正常 ；鱔普通 唔算爽口；脆骨腩 叫左6件俾3件 但佢俾就無左最好味嘅腩位，得返上半 （你睇圖就明）脆骨腩 係一鍋χ度食就真係goodgood了牛丸叫一粒嚟2粒 但可以講你唔 唔好食 ；鴨血 易夾爛 唔同我之前食過嘅 燒肉牛仔骨 同 羊架都唔錯 幾好味 個個蠔就細細粒 我唔多中意只味三文魚頭燒佢都係唔好搞了 加左油都好黐底 炸物只食到2款 因好飽天蝦 黎到好熱 但炸皮好厚 而且無天婦羅汁芝士年糕 嚟貨味 熱 好食