輕鬆一下 (Closed)

簡簡單單，經濟實惠，3餸一麵都係36蚊咋，葵芳廣場行完街就黎呢間試下，都幾大間，好多位，叫碗豬腸，龍蝦丸，嚮鈴幼麵加腩汁，加汁唔使加錢，豬腸蚊到夠淋入晒滷水味，都好乾淨，最緊要冇易味，略嫌腩汁冇咩味，勝在有免費辣菜脯任加，正，店內仲好多其他小食配搭，可以下次再試其他

唔想煮又唔想約人出街食, 唯有獨自找食, 今次來到葵涌廣場地下的輕鬆一下, 原本打算吃個生菜魚肉, 怎知見對面位麻甩佬碟梅肉扣肉飯, 色相非常吸引, 立即轉軚。梅肉扣肉飯 ($46 配奶茶另加$8)一碟碟頭飯加杯野飲要 $54, 睇怕為食女司機要努力踩多幾轉了。扣肉用肥瘦相間的靚5花腩鹵成, 5花腩鹵得好入味及鬆軟, 入口微辣, 香甜美味, 卻不覺肥膩, ,淋在飯上的鹵水汁鹹香得黎甜甜地, 辣辣地, 撈埋梅肉粒, 送飯一絕, 都話膽固醇萬歲啦, 以後唔好喇, 一次咁多啦, 健康要緊呀, 罪過罪過。

最近都有好多唔同謠言關於葵涌廣場的發展, 作為一個寧人, 葵涌廣場真係我既恩物, 決定特來懷念點了兩餸車仔麵, 麻辣豬肚和豬腸, 配搭油麵不過唔知係咪太夜食, 豬腸得好少, 而豬肚亦好幼細, 不過味道都夠既!

放左工同朋友去行街Shopping就當然要食左野先喇，諗住是但食D野唔好浪費時間去買野。五香牛肉炸醬上海麵：第一次食，以為炸醬麵會係撈，點知係湯麵，佢既牛肉其實即係牛展，好淋同埋好重牛肉味，豆腐乾我本身麻麻地鍾意食，食落去偏硬~花生勁淋，一啲都唔脆~麵質又幾好喎~有咬口，唔太淋唔太硬~感覺有啲似油麵。我問我fd佢同油麵有咩分別，佢講完一餐我都唔明~湯底偏鹹，食完勁想飲水 碗仔翅，朋友話好足料

話說上次來葵芳，係因為想影紅花風鈴，結果末開花，失望而回。事隔兩星期再來，花開了，相影夠。咁應該去嘆個美味早餐啦！就近走入去新都會廣場，見到最大間果間就入去睇怕冇死啦！點知............望下個餐牌都幾多野食，又有中式粉麵，就叫個牛肚米啦！先來杯熱奶茶，OK 嘅！唔太差。再來碗牛肚米，得果五條牛肚，碗野又細碗，唔係呀麻！雖然我知道呢個係早餐，早餐份量係細D我都知，但係佢得碗米粉再加杯茶咋！去生龍食早餐叫豬肝米，雖然碗野都同呢碗差唔多份量，但係人地有跟餐肉+蛋+牛油方包架！大家都係收三十幾，呢度係咪小得過份呢？唉~中伏不過呢度有得任加辣菜甫但一打開...........嘩！成陣嗅襪味！即刻蓋番佢，當冇見過。牛肚米食完，奶茶飲完。味道不過不失，食完冇乜印象果隻。但係.....唔飽！

今日ORDER左腸粉燒賣...價錢真係我嚇一跳!腸粉燒賣($16) 凍啡($17)我真係O咀架...不過話唔要又樣衰...腸粉係散既! 因算落埋醬料COVER都唔好味! 份量又少! 而燒賣既味道好難整到唔好味既!但佢就冇咩味道 冇肉既香味!.. 其實哩啲係普通小食! 但味道真係要改進一下!我亦真係冇下次!最最最貴杯凍啡...$17..唔係掛!少甜冇少甜, 少冰冇少冰!

葵芳的葵涌廣場有得多不同的食市，輕鬆一下是在其中一間食香港小食的餐廳。他們有兩個鋪位，打對面及在商場的出入口位，人流不斷。地方比較大和光明。價錢不是太平宜，有一些食品比較貴。他們以粉麵，菜飯及一些地道小食為主。我和朋友去食晚飯，在那裡叫左兩個車仔麵，腸粉燒賣和炸雞肶菜飯。車仔麵餸的份量ok, 但麵的份量比較少，廣東生麵比較重皂水味。麵有幾款醬汁選擇，今次朋友選了沙嗲汁，又香又辣，辣味適中。我喜歡他們的雞翼尖，好入味又夠滑和炆得夠淋。辣魚蛋和紅腸就一般，魚蛋較淋身。腸粉和燒賣的樣子比較有特色的感覺，有一張牛油紙在底，好有懷舊感覺，腸粉不太糊和散，但芝麻比較少，也沒有提供醬料供客人自己添加。燒賣裡面的麵粉是半透明那種，很有咬口又煙韌。炸雞比飯的菜飯份量最多，一碟滿滿的菜加一隻炸的雞肶，我喜歡他們把菜飯和雞肶分開上，令菜飯不會因炸雞肶而太油。他們還提供膠手套一隻給客人食雞肶，可以用手食雞肶又唔怕整污糟隻手，更加滋味。

身為香港人，一定有試過「掃街」，香港的地道小食林林總總，AW就偏好燒賣和碗仔翅。麵粉造的「魚肉燒賣」，蘸點辣油和豉油，非常惹味；而魚肉碗仔翅當然是粉絲當魚翅，用料包括肉絲和冬菇，加入胡椒粉和醋，配合一絲絲粉絲的滋味口感，成為地道必吃小食！至於混醬(芝麻醬、豉油、甜醬)的腸粉，幼滑軟熟，熱騰騰的，完全不能抗拒。最近路經葵芳，小食店已經開得很有規模，連menu也有，跟好友立即坐下品嚐，不過價格也相對提升了不少。食店環境一般，不算很清潔衛生，食物的份量也有點兒過不去。腸粉的味道沒有太大驚喜，全靠醬汁調味；燒賣是AW一向愛吃的「魚肉」燒賣，不是死實實的麵粉燒賣。至於碗仔翅的味精很濃，用了很多腐竹，沒有太多材料，咬感欠奉。燒賣要加幾滴辣油才滋味，$16-HKD的份量似乎也少了一點不能對食店有過高期望，環境和衛生也欠奉物價飛升，小吃也不便宜

多年前, 當''通達食店''撤出葵芳,好不容易等到''輕鬆一下''的開業,我們這一家簡直覺得救星終於出現,令愛吃生菜魚肉的青蛙與家人可以止癮~隨著時間的流逝, ''輕鬆一下''的擴充、食物質素的下降, 青蛙與媽媽已甚少再光顧它。 是日由於時間關係, 要趕快的在葵涌廣場醫肚,見眼前就是''輕鬆一下'', 又不用等位, 便入內光顧~也許真的事隔太久再光顧, 嚇現一碗生菜魚肉已索價$20....再者, 整碗生菜魚肉的份量, 菜佔據了三分之二~而且魚肉質感非常腍、湯底則亳不留手地下了極多的鹽 = =''幸好有辣辣菜圃, 否則青蛙絕對不能K.O.一整碗 >.<$12三件的炸雲吞, 完全是凍的....而且外皮又厚又硬, 差!!

12月22日, 今日嚟到葵涌廣場, 呢度出名多小食店, 各種小食都可以喺呢度搵到, 我地嚟咗呢間都好似好大間嘅小食店, 人流仲好多~::: 碗仔翅 ::: $16翅好味, 個獻汁做得唔錯用料都豐富, 好怕有d碗仔翅淡茂茂冇味道, 份量正常係一個飯碗咁~::: 腸粉 ::: $6腸粉稍為太淋同有d一pat pat, 過度漿口, 卷埋一舊, 唔算係好食嘅腸粉...::: 煎釀三寶 ::: $8煎釀三寶$8有件都算平, 加上魚份量唔會只係得一舊仔已經好好~ 同埋唔係肉同茄子分離亦都值得一讚! 青椒、豆腐同茄子味道都唔錯, 起碼唔霉同熱嘅~呢間小食店味道唔錯, 加上都有好多唔同野可以叫, 係衰在座位比較迫, 呀姐嘅服務態度有待改善, 不過呢d就係地道風味, 如果太高要求, 第時可能要食碗碗仔翅都要一百蚊架喇~ 

每人心中總有一個兒時小食，食極都唔厭，重食極都番尋味，這就是家長視為街邊野既"碗仔翅"，呢檔野幫襯不下數百次，每次悶悶地都會黎個翅，由佢$12食到而家$18講緊係剩翅窩，都只嘆物價飛脹。講番個翅，而家有好多組合，加魚肉加生菜，材料十足，啖啖都係料，十分過癮，重有免費既菜圃(辣同唔辣)俾你選擇，都咪話食唔飽。

之前成日行過見到好多人，以為應該唔錯，所以今日見無咩人就去左食。叫生菜魚肉水餃（＄40）加檸茶（＄9），3隻水餃，魚肉大概有20條左右，魚肉正常，無話有好多粉，都算唔錯。湯底都係正常的生菜魚肉湯底。但係水餃唔得，個皮好硬，好似係雪櫃攞出來煮未熟咁，有別于一般北京水餃果種皮，基本上超市買果d 急凍水餃都好食過佢。另外叫2餸車仔麵（＄32）加檸茶（＄9），叫上海麺來左油麵，豬肚同豬耳味道正常，都算入味，但係都係得幾條。＄32 2餸對比同商場其他鋪唔係平，但係以咁ge 價錢，個份量同埋質素對比同商場其他鋪實在有待改善

今晚去了葵涌廣場吃晚餐，常常經過這間店，但都未正式食過，加上見到晚上都有豬腸粉食，不妨一試。見到餐牌，除了港式小食外，還有水餃麵和車仔麵等，想了很久，點了兩樣野食。腸粉($11/4條)，其實價錢偏貴，但又想食仲可以夜晚食到熱的，算係咁。不過甜醬太稀，加上4條份量麵都好似好少咁，不太滿足。等了十分鐘，提醒埋伙計，唔好意思都冇聲，終於來碗仔翅($20)。其實都係貴價港式小食，但足料，值得一讚是冬菇十分新鮮，亦不是太濃稠勁多生粉水之作。總結：碗仔翅好食，但腸粉一般:3分整體略貴，尚算衛生。

葵涌廣場出名多野食，於是跳完舞見仲係十點幾就去食個宵夜啦。今次搵到廣場地下一間大舖位既面店食野。menu有好多唔同配搭，但最後梗係要嗌個普通d先可以試到佢既廚藝啦！所以嗌左個水餃擔擔上海面同埋雲吞上海面。眼見水餃同雲吞個樣差唔多，於是就試晒兩款，餡料一樣，雲吞皮都唔會話特別薄，所以對水餃同雲吞有點失望，竟然係一樣既。個人唔中意擔擔面既麻醬，但朋友話佢個麻醬比其他好食，唔會太傑，味道唔太重岩岩好。面質都一般般，唔算彈牙，但都入得口既。環境方面佢都好闊落，舖位係開放式既，可能加上宵夜時段少人，就顯得更加舒服。

今晚收工到附近葵涌廣場地下輕鬆一下，買幾個粉果回家食，五蚊個其實唔平囉，個阿姐望住我，多謝都冇句都算，仲叉住條腰，嫌我買得少啩，返到屋企都係十幾分鐘車程，個粉果硬過石頭仲凍嘅，肯定俾我嘅時候都唔熱，咁嘅態度加價錢，一定冇下次囉！