輕鬆一下 (Closed)

跟朋友黎食個tea1) 小辣魚旦: 個樣唔得囉, 味道係拾魚旦加獻, 差呀!2) 魚肉翅: ok既, 多料, 但魚肉少左d 囉3) 腸粉: 3條$6, 味道普通, 唔算滑, 同埋幼身左d4) 炸餃子: 超油, 咬落去, 成啖油, 好恐怖。5) 豆漿: 無豆味總括: 又貴又唔好食!

今日(19-3-2011 Sat)同男友去葵芳搵女友人R屋企,離開後男友話有啲餓,想食o野,我就唔餓只有啲口渴,因為R畀o左呟牛(月展)我食,男友就要戒口嘛.我o地入到葵涌廣場地下,遇o岩放工食飯時間,間間都full晒,邊行邊搵吧,行到呢,間o岩o岩有枱,我o地就坐埋去啦.我就先叫一罐$6.00o既忌廉解渴,男友要諗諗,個亞姐就唔理我,只顧同枱另一個食客o既order,冇落我o既同攞畀我,我就叫另一個,呢個就好啲,拎o士o黎先.男友就叫個$33.00o既豬扒飯同$6.00o既可樂,男友o既飯好耐至o黎到,飯係菜飯,豬扒係炸豬扒,都幾大塊,男友叫我試,啊.原來件豬扒只係簡簡單單o沾啲粉就炸o個隻,佢口感唔實,味道一般,而汁就只係豉油,o係咁o既環境,咁樣o既一碟飯,都要$33.00,物價真係高漲得厲害.然後我都叫唔辣魚蛋同滷水雞腎,每樣$6.00.o黎到喇,魚蛋上面有淺啡色o既麻醬o既?食吓先,魚蛋唔係咁彈牙,汁唔係麻醬,食唔出係咩o黎,杰杰地,睇吓.有麵豉o既黃豆,奇.而滷水雞腎呢,都算爽口,味道都算夠,不過唔我食到尾二o個件食到苦味.

路經見到間野好似有幾多野揀，有車仔麵，上海麵，小食都有，仲有最緊要係有位，午餐時間，搵位真係唔易。要個豬扒肉醬麵，唔洗二分鐘就有得食，快手。肉醬唔係平時食果d，係冬茹粒加瘦肉粒，冬茹幾入味，瘦肉腍身唔韌已經收貨，不過個汁酸酸地，攪喎左兜野。麵較為腍身，不過份量多，夠哂飽肚。豬扒，大大塊，不過凍冰冰，救命，無咩師傅出馬，算係咁。呢到d野勝在份量夠，驚你食唔飽。$34蚊，食左個唔太滿意既豬扒肉醬麵。

這店的麻辣肉醬麵很不錯, 夠辣夠香也有口感, 麵質亦算彈牙, 配水餃味道頗夾。生菜魚肉也可以, 腸粉燒賣則是一般水準。吃過幾次, 服務也不覺很有問題, 營業時間長, 算是該區一個不錯的消夜地方。

為食想食下小食，於是去左買碗仔翅勁後悔，因為佢個碗有好勁既洗潔精味已經好臭食頭果幾淡本來都過得去再食多幾淡，原來好似一舊已經乾乾地既漿糊咁我食緊果陣同朋友講「哇~ 漿糊翅啊！」比個阿姐聽到，其實我唔係投訴既說話去講，只係笑笑口咁同我朋友開玩笑不過阿姐聽都到唔係好喜歡竟然好大聲咁同我地講：10蚊碗仔翅，要唔要真係比天九翅你食啊！o 晒咀，食完快閃冇回頭

你說葵涌廣場多美食嗎?當然不算,不過食肆選擇多,就是真的,論味道談不上特別好.旨在令在附近上班族,或者在廣場內消遣的人填肚而已.當中在地下的"輕鬆一下",可以說是包羅萬有,賣的食物都幾"雜崩冷",你可叫碟飯,又可叫水餃雲吞,或者是車仔麵等等.無論你想吃什麼地道小吃,來到果然可"輕鬆一下".要個豬腸粉,貨源同合益泰一樣,質素沒有差別,除非在做法上有差異,如蒸上十九幾個鐘之類.既然大家也是同出一脈,分野就在醬汁上面,輕鬆一下的麻醬,明顯沒有合益泰的惹味.再來個車仔"送",魚蛋蘿蔔豬紅,小弟問可否連腸粉一起上,來個車仔腸,她不明白,說:{我地有車仔麵,咩野叫車仔腸?}.說回個車仔"送",不知何解,個汁杰如鼻涕,但蘿蔔也清甜.豬紅同魚蛋,同外面的水準差不多.來多個鳳城水餃,份量十足,包著的荀絲,蝦肉爽甜,可惜湯底淡如水,好像用湯粉一比九十九開出.無錯是周身刀,但不夠利.都說專門去做一樣東西,才能夠得道.這間輕鬆一下,同其廣場的風格一樣,雜亂無章

又食魚蛋喇不過今次我覺得ddd辣汁唔夠辣所以味道麻麻怪怪地

嚟葵涌廣場'掃街', 通常都會去3/F, 不過間中都會嚟呢間, 因為可以坐低食, 唔駛咁一路行一路食咁狼狽嚟親都叫魚肉湯, 因為啲魚肉彈牙又冇骨, 最怕食到啲魚肉有一大陣果皮味, 呢度嗰啲冇ga, 但係又唔腥喎, 讚另外三寶都唔少得, 大大件, 好抵食; 炸薯餅都不錯, 好脆, 但唔會食到成口油行得耐坐低食嘢, 十幾蚊就飽, 又可以再去血拼

於新都會看<2012>,完場已經差不多10點半新都會那一邊的食肆都已經閂九不離十近近地就選了葵涌廣場相鄰兩間車仔面店面男友以"大間好似穩陣D"的理據選了輕鬆一下.車仔面$18--1餸;$22---2餸而且配料選擇不多,普通連雞翼,丸類,冬菰這些都沒有.直接地說,就是都只有些便價配料.最後我)釀豆卜+蘿蔔+粗面with沙嗲汁蘿蔔 ------大約有5件,不過沒有香甜味,也沒有吸收到湯汁的味道~釀豆卜---反而好好味,豆卜吸了原先的清湯甜味.粗面 ------很喜歡這一家的粗面,因為不會太厚身,而且煮得熟透.(不少食店都會煮得面邊軟稔但中間還是未熟透)沙嗲汁----是淡口味的咖哩汁(男友)腐竹+雪菜+麻辣肉醬+米粉腐竹跟雪菜,普通到不普通麻辣肉醬----似碎少到跟湯化在一起再要了兩杯豆漿.不是太甜,但豆味欠奉.我只喝了半杯,然後由男友包底.

好多選擇,唔知食咩,都諗住叫碗仔翅穩陣d,貪心少少加埋魚肉,但叫錯左囉.......一黎到....睇到碗野杰過漿糊......真係唔多想食....再叫個辣魚蛋,又係失望.....一d都唔辣!0黎多個煎釀三寶!ok啦~但算係最正常既一樣囉~同埋呢到d阿姐既態度真係唔多好,面口又唔好!呢個商場咁多食店,食其他都好過食呢間!!!!

昨晚同我姐姐做完facial..諗住太晚唔好食得太飽..於是就去左姐姐提議既小食店醫肚..姐姐話呢間嘢..都幾多人食...應該唔太差..咁我地就選擇左呢間喇我叫左一個豬皮..羅白..同魚旦..仲有一碗(碗仔翅).. 同豆漿我家姐叫左碗水餃牛根面同豆漿過左 一陣 豬皮..魚旦就擺左係我面前..我當時真係嚇左一跳點解呢一牒嘢咁似係d垃圾筒攞返上黎既食物既 ....我當堂呆左...因為賣相好嚇人...不過算啦..好食就得啦..點知賣相唔得..連味道都一樣唔掂...魚旦冇魚味..(好似食緊面粉一樣) 豬皮亦都怪怪地 羅白..一夾就碎裂而d汁...都係冇咩味..(得個辣) 個汁可能係佢地既特色醬而碗仔翅就太結.....呢一餐..足足要69蚊 ..... 呢一間嘢..我唔會再幫襯喇sorry..因為太差..所以冇拍照.... 如果想去睇下d嘢有幾難食..歡迎親身嘗試

我其實每次係葵芳踼完波都會去輕鬆一下到食 " 炸菜肉絲米線同忌廉 ", 但今次去完之後我決定以後都唔會再去, 我覺得一間食肆除左食物好食, 服務態度都超級緊要, 話說我大約夜晚十點半左右去到, 跟住就同阿姐講我要一碗炸菜肉絲米線同忌廉, 阿姐仲問左我三次 " 係咪要炸菜肉絲米線 ", 我仲應佢話 " 係!! " 跟住過左一陣, 佢拎左碗炸菜肉絲麵擺係枱到, 就想轉頭走, 我望左一望, 我就同阿姐講 " 唔該, 我要米線喎!! " 我姐就同我講 " 你話要麵丫嘛!! " 我再同佢講 " 我係要米線喎!! " 之後佢就一手羅左碗麵去換, 佢一路整一路同隔離個阿姐講野, 一路斜望我, 我心諗我得罪你咩!! 咁係你整錯, 咁係咪要換先......跟住我食完走去埋單, 我食左26蚊, 咁我見收銀個阿姐, 岩岩開左一包新既5蚊銀, 我先放低左張50蚊, 佢好快咁找番24蚊出黎, 跟住我同阿姐講 " 我有1蚊!! " 阿姐就好串咁同我講 " 咁你想點丫!! " 哇個種不可一世既態度丫, 好似全世界得佢一間食肆咁, 我就同阿姐講 " 我都係想你找5蚊俾我姐!! " 跟住佢好唔願意咁掉左個5蚊係枱到,

其實我對煎釀三寶呢d畢嬲都不大興趣, 但間中食下都無妨...今次去輕鬆一下食lunch, 由於同男友仔都唔太肚餓同埋想留肚夜晚食buffet, 所以只叫左四款小食...腸粉三條 - 熱辣辣, 加埋甜醬麻醬好好味!煎釀三寶(茄子, 魚旦) - 個豉油夠味, 三寶煎得幾香炸蕃薯 - 太油, 炸得好勁炸魷魚鬚 - 炸粉太多, 魷魚好細條, 但炸到好大條, 唔熱, 唔夠脆呢d野都係少食為妙!!

記得細過在葵芳邨2座口位對出右邊有間舖賣生菜魚肉湯,2蚊一碗,即叫即做,要企係道食,放學經過一定被那股麻油香吸引去幫襯,那樽麻油超香,非常美味也非常懷念!!人大個了也幫襯過很多間賣生菜魚肉湯的舖頭或小販,始終吃不回那種味道!!葵芳這間當然也做不到,但有時叫碗懷緬過去一番,滋味在心頭!!13蚊一碗,絕不便宜,但份量也不小,魚肉釀了蔥,怕蒽的人可以走了;魚肉食落起碼不會太粉,魚的比重較多,但魚味欠奉,味精湯底的甜,麻油當然遠遠不及從前的香,只能嘆一句--往事只能回味!!

一直都覺得佢最好食既並唔係碗仔翅，而係魚蛋。雖然d 碗仔翅都好出色講返d 魚蛋，之前阿so 在深水埗介紹果間既魚蛋，其實得d 汁好味，d 魚蛋真係得啖笑。而呢間d 魚蛋真係似用魚肉做，唔係麵粉魚蛋。三寶最好味係豆腐同埋魚蛋！豆腐好味在佢夠香口，似臭豆腐既皮，但冇臭豆腐既味。不過如果街邊小食來講，佢都算好貴..... 三寶2蚊件魚蛋6蚊得5粒